榮式燒雞扒 (希雲街)

作為銅鑼灣最容易搵食嘅一條街,希雲街,有一間經常有人等位嘅餐廳就係榮式燒雞扒,當然去得榮式就一定要食雞扒 💨 價錢合理，性價比高，對於銅鑼灣呢啲熱鬧地段真係難得。唯一小小建議係高峰時間可能要早啲到，避開人多嘅排隊時間。如果你貪心嘅話一定要叫鴛鴦雞扒,分別係燒雞扒同埋炸雞扒. 當然好多人都係會揀嗌飯,不過我係一定要加喇沙. 成件事簡直就係好食. 餐廳都唔算細,只要你肯等一陣,10分鐘一定有位. 總之，榮式燒雞扒係街知巷聞嘅美食之選，下次同朋友一齊嚟食個lunch,保證唔失望！😄👍…查看更多

入去坐低叫野食 同一位有啲年紀既短髮女待應落單落完單佢飲我飲咩 我聽唔清楚答左其他野 佢反哂白眼好晦氣咁話：我問你飲咩啊唔知佢講多一次有咩咁辛苦唔係話顧客就係大哂既問題 而係正常人與人交流都唔會係咁 唔講以為自己做左乞衣無比錢求佢比個飯我食咁既服務態度真係祝你好運食物正常同以前比差左小小 但都叫不過不失 叫左個燒雞扒飯 佢塊雞扒係相對薄身但一向係咁 配以蔥同炸菜撈飯幾好餸飯燒雞扒比較凍 飯都唔熱 野食總括泥講正正常常 但服務態度就真係不敢恭維 絕無下次…查看更多

今日試咗雞扒撈丁，雞扒雖然唔算厚身，但勝在外皮又煎得幾脆😋，簡單但夠滿足。雖然鋪頭細細，枱與枱之間逼咗少少，但食個快lunch 絕對ok，鋪頭睇落都乾淨企理。最驚喜係可以自由配搭，適合貪新鮮嘅人，下次想試下喇沙湯底配烏冬，感覺會好夾！ 飲品方面，熱奶茶茶味都夠濃，不錯不錯。…查看更多

榮式雞扒好食，但就薄左d . 今次叫左鹽酥雞扒，d 粉都唔厚👍 佢d 野食唔會太咸，但粉量少d, 連米粉都少d. 奶茶調得好飲👍餐廳其實都算大，但同時擺放左好多位，所以有d 迫。…查看更多

榮式係香港已經好多年，今日專登黎再試下佢，睇下d 手勢如何。講真店真係太逼，基本上有人排隊比錢既話已經行唔到，希望餐廳賺到錢既話諗下點樣提高番食客體驗。鴛鴦雞扒飯-1燒1炸賣相普通，似大碗飯，夾比你就算。味道黎講真係無得挑剔，炸雞扒表面香脆而內里酥軟，有好香既肉汁味，唔錯。燒雞扒係招牌，更加好食，隻燒汁甜甜地而帶有少少黑椒味，肉質又做到好嫩滑。佢亦有少量香蔥汁配飯食，撈埋一齊就最岩，幾正。依個飯賣63蚊我覺得好抵，可以再黎食！但值得一提係堂食體驗較差，d 位太窄啦！…查看更多

第一次食無下次。其中有位年長一點的女仕，問下有什麼飯介紹竟然話我哋賣雞。一行7人分兩枱坐，一枱叫了四個飯，另一枱叫了先叫了一個飯，一碟雞翼，然後再加一個外賣飯，個呀婆竟然話你哋這枱只叫左一個飯喎......好，叫多一碗粉..成間餐廳8pm得2枱客，未食完就過來收嘢, 我話我哋走嗱， 可否俾條路出去先，個呀婆行去另一邊照收嘢，然後她話9pm收店（當時8：30pm)...忍唔到回一句“你咁樣態度好快不用開”…查看更多

一入舖頭就聞到成浸噏味，裝修殘舊好似幾十年都冇裝修過，感覺污糟，搞到坐得唔舒服，張枱隔離牆邊嗰度放咗啲辟蟲辟曱甴嘢，感覺好差，一坐低幾個人隻腳即刻痕，食完發現隻手俾蚊咬，食物份量勁少如圖，以前都唔係咁過份，應該為咗慳成本，d麵少到嚇親，飯都少左，味道係可以，但係環境太差好污糟仲見到個侍應跌咗條抹枱毛巾就咁執返拎去抹枱成間舖個感覺好似唔想做咁，食老本，無其他舖既扭扭粉，建議佢最起碼裝一裝修搞一搞個清潔😓😓…查看更多

搵位度：🌟🌟好食度：🌟🌟🌟🌟抵食度：🌟🌟🌟🌟榮式雞扒飯好出名呀，晏晝佢係超級多人，但係等一等都有位坐嘅。自己覺得啦咁多年來個味道其實都仲keep到，都叫做好難得。今次都係晏晝去食，叫咗個鴛鴦扒飯，以前真係好少食佢個炸雞扒，咁樣配搭我又覺得幾好，不過係有少少乾咗啲，有嘢飲都係咁話，下次可以試吓叫有汁嗰啲系列。佢個靈魂酸菜送飯真係一流，亦都好掛住呢隻味。當然啦，店雖然唔叫細，但都幾迫食完我都急急腳走嚕。…查看更多

👍🏼抵食指數：⭐️⭐️⭐️⭐️😋好食程度：⭐️⭐️⭐️⭐️  希雲街以前係銅記食街，而家餐廳廖廖可數，比較光猛嘅只餘下街頭嘅榮式燒雞扒。星期六夜晚，餐廳只得幾枱食客，我點了一客咖喱雞扒，上菜又快，熱辣辣嘅雞扒配上香港茶餐廳熟悉嘅咖喱汁味道，果然係一間代表香港雞扒茶餐廳！唔怪之得仍然屹立於希雲街啦～…查看更多

雞扒親子飯 - -$58（連熱飲）招牌雞扒大大件，目測約180g，味美又唔油膩。佢親子係配滑蛋，高蛋白質配搭，好岩健身人士嘅選擇!另外，佢係標榜雞扒多食法嘅餐廳，所以有唔同煮法嘅雞扒比大家選擇，下次試完再同大家分享係驚喜定係伏物😝…查看更多

今日一早 Honey ❤️ 帶我食好野，Honey 話佢食過幾次，就帶我去試入到去係普通食肆既設計，去到未夠12點，所以無乜人我叫左個雞藕天成，Honey就叫左個雞扒撈丁唔夠5分鐘就上檯，最啱好肚餓既我燒雞扒質素叫做中上既，藕餅都唔錯，喺銅鑼灣灣仔區黎講係抵食既要快食又抵食既，呢到係很好既選擇…查看更多

都應該有20年無食哩間啦，之前系灣仔試過都OK，今日行過見到眯食個下午茶。未夠230，夥計叫我坐低慢慢等，順便睇下餐牌，下午茶40蚊樓下OK啦！餐廳環境簡單，位同位之間系比較窄，餐具都系包好一set過有齊筷子，匙，紙巾，牙籤，乾乾淨淨。叫左個幾趴出前一丁，半分鐘就到，有小小懷疑。。。- 雞趴睇到系炕燒睇落好薄，以為好似其他茶餐廳咁會又乾又實，但哩度系有肉汁同滑，唯一吾好系吾夠熱- 一丁就煮得”琳”小小，所以食到中間感覺吾好食。-檸檬水有三塊檸檬，味道正常…查看更多

榮式燒雞扒係我飯堂之一，我通常必叫雞扒親子飯，炭燒雞扒配上滑蛋是另一道令人垂涎的選擇。炭燒的過程賦予了雞扒獨特的炭燒香氣，外皮烤得香脆，內部則保持著多汁嫩滑的口感。滑蛋柔軟的口感和濃郁蛋香的味道，與炭燒雞扒完美地融合在一起。質感和口味都相當出色，絕對值得一試。值得一提呢度嘅蔥油菜譜撈飯食都超級好吃，還可以問員店添加～總括來說，榮式燒雞扒以其經典炭燒雞扒搭配，為食客帶來了美味的享受。如果你喜歡美食，不妨一試榮式燒雞扒，相信你一定會愛上它。…查看更多

嚟榮式燒雞扒居然唔係食招牌，以前成日食雞藕天成😆，因為我先前已經食咗件tiramisu，所以食少少嘢就算，嚟叫左份下午茶餐～係太脆雞翼配奶油脆豬！連凍飲$41我初時以為有3隻雞翼 原來只得2隻🥹雞翼賣相個炸粉就唔係幾吸引，不過佢唔係我唔鍾意食果種kfc炸雞，食落唔油膩都冇好厚粉，而且仲醃得好入味！不過我個重點係想試件奶油脆豬！本來想食春嬌不過除左個super落單較好之外，每次奶醬豬轉奶油豬都有說話聽，而且牛油🧈從來都唔溶嘅情況下，我決定去呢度食！估唔到佢烘脆豬包同燒雞扒一樣！見到坑紋就覺得烘得好平均！好靚仔！又熱又脆！而且牛油係溶化左再落煉奶😍超級好食！下午茶2:30開始，等我下次再食燒雞扒啦😆…查看更多

榮記燒雞扒營業多年，現時擁有8間分店。記得第一次食佢嘅燒雞扒果陣，已經有眼前一亮嘅感覺。今日突然心血來潮想食炸雞，於是決定試吓佢嘅質素有冇下跌🤭平日的下午茶餐的確抵食，有包類、雞扒/雞髀配薯條等選擇。價錢都係$3x-4x，難怪非繁忙時段，餐廳依然有唔少人堂食。生炸雞髀 配熱飲 $36 +$2外賣盒炸雞髀出色，外賣完擺咗15分鐘，拎上手依然熱辣辣👍🏻而且皮脆肉嫩，仍然保留到肉汁，唔錯。呢個價錢係銅鑼灣區黎講非常親民，如果想平平哋食餐雞，都可以揀佢:)…查看更多