榕記陳皮燒鵝 (首都廣場)

榕記陳皮燒鵝真係唔錯！我同朋友三個人去尖沙咀食，叫咗叉燒油雞飯同埋乳豬例牌。首先，叉燒油雞飯啖啖都係肉，叉燒肥瘦適中，醬汁好入味，咬落去口感滑溜，真係食得停唔到口。油雞更係鮮嫩多汁，飯粒吸咗汁，好好味！再講講乳豬，皮脆肉嫩，咬落去嘩，皮香脆得嚟又不會太油膩，啖啖都係肉味，真係令人一試成主顧！整體來講，佢哋嘅燒味做得相當出色，無論係味道定係食材新鮮度都好有水準。環境方面，雖然唔算好大，但坐得舒服，服務員都幾友善。總之，榕記陳皮燒鵝係個唔錯嘅選擇，下次再去肯定會再試其他嘢！…查看更多

尖東好多好嘢食，唔知去邊間，本來唔想搵茶餐廳。但係行到好攰，所以費事搵就入咗呢間茶餐廳。入去都係一般茶餐廳格局，蒸魚雲非常好食! 亦非常大碟，蒸得啱啱好。燒肉飯走汁亦都非常之大份，非常好。青菜就好難食好老，同收銀講佢叫我第時叫炒菜喎，但係要70蚊一碟。五宝飯亦都麻麻地，燒鵝同雞嘅部份都好差吓。嘢飲要加五蚊八蚊，好抵喎，外面净飲可能20幾蚊，即使跟套餐亦都冇可能咁平，呢度算好抵食。希望可以再作改善，第時嚟開尖東，都可以再去翻呢間鋪…查看更多

男朋友介紹一定要嚟呢度食燒味飯，喺尖沙咀返工當然要試下🤩門面有好大隻燒鵝，好易認。🔹雙拼燒味飯 可選兩款(叉燒、燒肉、油雞、切雞、燻蹄) $62 [凍飲+$5]雙拼揀咗叉燒同油雞，叉燒好有蜜汁味，但有一兩舊係柴啲，但整體上叉燒嘅味道都唔錯😋油雞反而出色過叉燒，雖然佢俾我嘅部位冇乜肉，但雞好滑，肉亦都好嫩。🔹肥叉飯 $58 [凍飲+$5]今次嘅肥叉飯叉燒好腍，佢唔算話好肥(雖然我想食啲再肥少少嘅🤤)，飯煮得太耐冇乜口感，但好在有叉燒搭救，唔錯🤩…查看更多

門面見到個招牌攞晒獎咁，又有大大隻燒鵝，應該都唔差啦。一上菜係大大碟，點知叉燒係乾到成張紙咁，燒鵝都勁乾，亦都冇乜肉，真係好失望。勉強食到係因為燒鵝有塊皮同埋醬汁，飯有豉油。$70食呢啲質素真係成肚氣。😫最後同個收銀表達真係好難食，佢淨係輕輕話會同師傅講。真係冇下次。😤 …查看更多

大伏 尖沙咀最差最燒鵝，叫叉鵝飯 一見到皮同肉就似燒鴨，職員強調係鵝，仲要係隔夜雪櫃貨，乾到入唔到口。燒鵝肉乾到柴 冇味，湯渣質地原材料垃圾，唔係黑棕鵝。錢又識收，出品垃圾以為係燒鴨 叉燒都係乾同死甜，燒得唔鬆軟好少寫食評，但真係差到要分享下。…查看更多

聖誕跟朋友到尖東影燈飾，我們經過首都廣場地下時，看到「榕記陳皮燒鵝」門口有一隻大大的燒鵝招牌，近看還看到師傅在𥚃面切燒鵝。於是決定試下！餐廳人挺多，有普通座位，還有大的圓枱，而每一枱當必定點一碟燒鵝，我跟朋友當然也不落後，叫了一份燒鵝下庄。因為太餓了，我們還點了一份籠仔開邊蝦蒸飯跟臘味炒芥蘭！🍽️榕記燒鵝（下庄）皮是脆的！皮是脆的！皮是脆的！重要的事情要說三次！他們的燒鵝鵝肉嫩滑，皮烤得薄脆，皮還帶點甜甜的味道，配上燒鵝汁跟醬，超好吃！！！🍽️籠仔開邊蝦蒸飯開邊蝦滿滿的鋪在飯面，蝦面鋪面蒜茸跟蔥，得鮮味。再吃上一口飯，蝦的鮮味都滲到飯𥚃面了。平時晚上不太吃米飯的朋友也認不住多吃🍽️臘味炒芥蘭芥蘭新鮮爽脆，連同臘肉臘腸炒，臘味的香味都滲到芥蘭。吃上一片臘肉，再吃上一口菜，好滿足！總的來說，餐廳位置非常顯眼，而且菜式價格實惠。用餐的人挺多的，有圓形大枱，就算一行10人也沒問題。我很久沒吃到這麼棒的燒鵝了，忍不住多吃了幾件聖誕跨年假期在尖東拍完聖誕燈飾後一定要來吃上一隻燒鵝脾來補充體力…查看更多

咁啱去開尖沙咀買嘢，撞正晚飯時間，一個人食又唔知食乜好。咁啱經過呢間餐廳，俾佢門口嗰隻巨型燒鵝模型吸引左。睇見佢門口都放咁大隻燒鵝做招徠，相信燒鵝一定係佢嘅招牌，咁就試咗一個燒鵝五寶瀨粉，燒味餐除咗配飯之外，仲可以揀配瀨粉或者米粉👍。五寶就包括燒鵝、燒肉、叉燒、油雞、鹹蛋。呢個五寶配料都算唔話得，至少冇比紅腸又當係一寶😂。燒鵝確實幾好味，個皮非常之脆，充滿油香。燒肉亦都唔會太鹹，個皮亦都係非常鬆脆。油雞就冇乜特別，正常嘢，唔會話太鹹。叉燒係半肥瘦，亦都係味道啱啱好！…查看更多

【油尖旺區】【榕記陳皮燒鵝】同朋友食飯，為咗做好 1am紅館 呢個系列，我又去返公司附近食。上一次講尖沙咀餐廳係講榕哥燒鵝，今次就講不遠處嘅榕記燒鵝，兩間個名非常相似，但係一間走小菜路線，一間就走茶餐廳路線。我記得好似係榕記開先嘅，但係我就放佢喺後面先食。唔緊要嘅，都係咁樣照食。朋友本身想食燒味瀨粉，但係點知佢哋晚市唔煮麵，淨係可以食飯。朋友就叫 $58 嘅「叉燒飯」，佢有畀啲叉燒我食，我覺得佢哋啲叉燒嘅肥瘦控制得幾好，彌補到本身醬汁唔算特別嘅缺點。佢加 $3 飲「凍檸茶」，正常水準。我就食 $80 嘅「乳豬雙拼飯」，雙拼加 $10 拼「燒鵝」，再加 $12 要隻「鹹蛋」，佢哋個乳豬麻麻哋，燒鵝切到骨多過肉之下，味道都未見突出。加 $3 飲杯「凍檸茶」走甜，味道正常，埋單總共 $166，尖沙咀嚟講算對得住佢相對平庸嘅質素，係咁上下。。。（地址：尖沙咀漆咸道南61-65號首都廣場地下5-8&22號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #紅磡 #尖東 #尖沙咀 #1am紅館 #榕記陳皮燒鵝 #叉燒飯 #凍檸茶 #乳豬燒鵝飯 #鹹蛋 #凍檸茶走甜 #1am1559 #1ambackup…查看更多

迷你燒鵝飯，我每次坐低食呢間都幾好，所以已經再嚟好多次！但千祈就唔好去金馬倫道有間叫味軒燒鵝嗰間真係貨不對辦真係唔好去全部斬晒啲骨俾你食，仲要大大聲話有肉啊咁囉！呢間正常好多同埋好食…查看更多

玻璃窗見到掛住嘅燒鵝幾靚，吸引入咗去，但係一入到去舖頭嘅阿姐態度非常之差黑口黑面，問佢攞個碗個表情好似我欠咗佢錢咁。呢間舖頭第一次試亦都會係最後一次。因為食完只會成肚氣，好後悔冇睇吓食評就走咗入嚟。…查看更多

服務態度差，你未點完餐，店員掛住同同事講嘢，點到一半一陣先再過來同你繼續點；最過分係出左價錢單俾我，但個阿姐懶得行過來放係我張枱，連埋黑色夾板掉俾佢男同事，因為男同事係我枱隔離，但掉中我個頭，但無人同我say sorry，我向後望個阿姐，佢已經即刻轉身走開左，似係經常咁做。另外，地下勁油淋淋，完全無抹乾淨，有2次我差d跣親。而佢d燒鵝勁肥，食得落口得一半，擺盤又求其，望落去好似唔太乾淨咁。用餐體驗極度差，食到成肚氣。…查看更多

服务员姐姐态度特别差，催点餐，没有耐心，说话语气粗声粗气，从马来西亚到来香港旅游 发觉怎么这些服务员的态度如此恶劣，身为消费者 只是想尝试一下陈皮烧鹅和放松的心情来旅游 而且我们不是吃霸王餐 还有消费付款的那些烧鹅的肉超级干 没有烧鹅味 干柴那样，乳猪片太硬了，像石头，肉质过干，酱汁偏咸用完餐 我和女儿都吐了四次……这是我在香港第一次吃到不好吃，态度不好的一家！不光不好吃 体验感很差！没有下次 不会再光顾这家店 踩雷…查看更多

燒鵝斬得求其四件連身，肉質粗咬唔喐，爛飯－團團😪咁既質素難怪個個北上消費，可以講香港飲食做越越難做既原因就係呢啲餐廳影衰晒香港。一個潮流一旦形成，唔會短期內逆轉。香港飲食業要生存就要做好質素同服務，如果再係咁香港幾十年美食之都也將－去不返。…查看更多

見門口一隻大大的燒鵝公仔，谂住燒鵝應該係舖頭嘅招牌吧，於是乎就叫咗碟燒鵝飯，點知沒乜肉，只得皮，同埋皮好硬，都咬不太動。如果真係要揾一個這間舖頭可以讚賞的地方，就是隨飯附上很少量的蘿蔔乾味道還可以，但整餐飯就只有蘿蔔乾還可以，其他食物就真係不推薦囉！另外，雖然香港一般茶餐廳或者燒味店的服務質素都麻麻，但係這間嘅服務真係低於水準之下好多，沒想到隨機揾間餐廳食飯，搞到咁失望，不會再光顧了！以後都係先睇下食評先啦！…查看更多

用餐日期：2023/12/27用餐時段：午餐用餐費用(每人）：$57餐廳環境：環境整潔乾淨 冷氣足 室內不少座位 檯與檯之間較近 人多時可能要搭檯 服務：服務員服務正常 點菜出菜都快味道：點了燒鵝飯 送了熱檸水燒鵝飯: 這家燒鵝飯份量足 飯不硬 如下圖 鵝肉有約13塊份量足 有鵝香味 鵝肉不肥肉質較結實但不鞋口味道不錯 推薦飲品：選了熱檸水 味道正常總結：這條街上有2間開得近的陳皮燒鵝店 價錢也相近 這天來尖沙咀便2家都外賣了鵝肉飯來試試 這家榕記的鵝肉味道不錯 相對的鵝肉份量也較多 性價比較高 2家之間較推薦這家…查看更多