今次去咗荃灣嘅「極大瀛喜」✅ 試佢哋嘅任食放題B餐，第一個感覺就係——成個體驗升級晒😆 先要講，好值得開心嘅消息❣️ 餐廳**啱啱正式拎到酒牌**，終於可以一邊歎住刺身、一邊配返杯清酒或者白酒，成個氣氛即刻加晒分👍 B餐係包埋A餐所有菜式，所以開餐未夠五分鐘已經覺得選擇太多，完全唔知由邊樣開始🤭 藍鰭吞拿魚刺身新鮮得嚟帶甜味，油脂平均、入口即化❤️ 甘鯛立鱗燒配黑松露忌廉汁就好特別，魚皮燒到香口脆薄，忌廉汁濃郁得嚟唔膩，食完會忍唔住再encore😋 蒜蓉粉絲蒸蟶子皇一樣冇失手，蟶子肉厚又鮮甜，蒜香撲鼻🤩 甜品方面嗰個法式麵包開心果誘惑意外咁好食，奶香加堅果香，好有層次👍 至於B餐入面嘅升級部分，真係一試難忘🥰 上湯芝士焗龍蝦配伊麵底，啖啖龍蝦肉彈牙多汁，芝士焗到面層微焦，伊麵吸滿湯汁精華，好夠味😚 臻選鮮凍紅花蟹啖啖肉，凍得啱啱好，紅花香淡淡滲出嚟，唔搶蟹味反而令味道更立體✅ A5黑毛和牛薄燒一出口就知係高質油花，輕輕燒香後入口即化，香氣久久唔散😎 金槍魚腩刺身油脂分布靚到不得了，放上舌頭即時化開，真係幸福感爆棚🤗 講到甜品區，今次最驚喜嘅係有**Nutella醬機**🌟 朱古力控一定會瘋狂，自己拉出嚟嘅Nutella醬滑到笑，隨你淋落雪糕、麵包、甚至水果都得，一陣陣榛子香，甜度啱啱好，簡直係每個人都會駐足嘅打卡位📍 …查看更多
。成日話香港飲食業生意唔好，但嚟到真喺好大反差。先講個環境，地方好大，樓底又高，最欣賞喺間開唔同區域，分為A、B、C、D……朋友嚟到都易搵啲。雖然以金色為主調，有種金碧輝煌之感，但一啲都唔俗氣，通道、座位都好闊落，令用餐體驗更好
。我哋揀食中午，平啲吖嘛，12:00pm開始陸續入座，一區一區坐滿，最後，近乎全院滿座
。星期六、日、假期午市做到5:30pm，我哋食完離開時一樣見有人入座。而且，可以食足3小時，夠晒時間慢慢嘆。餐環境講咗咁多，順便介紹埋自助食物區，就晌入門口左邊，地方都好大，通道同樣闊落，唔怕人撞人。掃視一番，絕對令人花多眼亂，非常多元化，睇相你都見，照顧到唔同年紀層嘅人，包括有30多款冷盤小食、沙律，以及自助餐常見嘅凍海鮮，仲有燒味、炸物、熱湯、點心、生果、甜品、雪糕雪條、軟雪糕搭多種配料、自助茶啡、果汁、自家製健康飲品，同埋一大櫃多到數唔晒嘅飲品。淨喺呢個自助區都可以食飽人啦！除咗出面自助食物區之外，呢一款「放題A」可以點嘅食物分類有刺身、創作刺身、串燒、燒物、卷物、軍艦、壽司、創作壽司、火炙壽司、炸物、天婦羅、一品料理、煮物、蒸焗鐵板燒系列……等等，相信計計埋埋晒有超過百款食物。價錢就分日子、分時段，自行研究研究。如果貪心少少想食多啲貴價菜式，可以選「放題B」，等同「放題A」加多$80，就有近10款特別嘅菜式任點任食
，例如：拖羅、北海道帶子吞拿魚蓉魚籽杯、上湯芝士焗龍蝦伊麵底、油鹽焗奄仔蟹……等等
，等陣再分享！掃二維碼落單成為趨勢，一來減省人手，亦減少人為出錯，二來點咗乜可以睇番，一清二楚少咗啲爭拗，好老實，今日成餐飯都無漏單，至多有一、兩款食物上得較遲。更值得一讚嘅喺，有咩要注意晌單度都溫馨提示埋，所以，頭2.5小時主要食二維碼落單嘢，剩番30分鐘，就主攻自助區嘅甜品！
飲品
。今餐真喺食得稱心滿意，不單地方大，環境好，食物選擇多，供應充滿，而且，上菜快，又無漏單，招呼好好，啲店員好有禮。由頭領放到尾，除咗我哋嘅食力有番咗上下，點菜策略亦得宜，自知無可能試晒所有嘢，重點出擊啲心水菜式，先可以食得咁盡興
！
