極尚大瀛喜日本料理

营业中

休息中

今日黎到元朗yoho mall行街 睇戲🥜 見到 #極尚大瀛喜日本料理(元朗）見又未到時間睇戲就決定入去食野先😋地點係超方便 位置好近地鐵站 食物係好多款式花款～自助吧既野食都可以慢慢揀😋 刺身🍣多種刺身任你選擇 有熟悉既三文魚 油甘魚🐠 仲有吞拿魚你食回本回本😛 仲有得叫磯燒鮑魚 鮑魚好易入口又彈牙😎極尚大瀛喜日本料理(元朗）📍 元朗朗日路9號形點I L2樓2001a號舖#日式料理 #放題 #任食 #自助餐 #西日料理 #性價比高 #餐廳推薦 #旺角美食 #美食推介 #尖沙咀餐廳 #高質餐廳 #yummy #foodie #mkfood #mk #芝士 #熔岩飯 #尖沙咀美食 #美食推薦 #美味

超耐冇食過放題！突然癮起，就捉咗個朋友陪我去食😎佢就我食乜，我唯有就番佢地點，所以專登入咗元朗食😂回本又好食嘅推介，首選一定係海鮮🤭 (排名不分先後)👅蒲燒鰻魚多肉無骨，細細件唔會膩🙌🏻👅西京味噌燒比目魚調味適中唔會太鹹，燒得好香，肉質嫩滑😋👅蒜蓉開邊蝦好大隻，勁多沙律醬，肉質實淨👍👅芥末蝦球好大粒勁爽口，芥末味濃郁😋👅醬燒左口魚邊壽司個人嚟講幾鍾意食火炙壽司，因為燒完特別香😍左口魚爽口新鮮👏🏻👅鐵板牛柳粒肉質腍滑，黑椒好香，絕對可以媲美高質大排檔水準😲👅龍蝦沙律多士多士香脆，龍蝦肉爽彈，細細件唔驚太飽😁🍰🍪🍫甜品類必試近期限定嘅烤榴槤😍 香口軟滑！大瀛喜果然係放題信心嘅保證！🫶🏻 #元朗美食 #元朗放題 #極尚大瀛喜 #元朗形點 #日式放題 #日式放題推介 #極尚大瀛喜日本料理 #金湯酸菜魚 #紐西蘭羊架 廿#帆立貝壽司 #燒菠蘿 #北海道帆立貝 #鐵板牛柳粒 #金銀蒜蒸扇貝 #榴槤炸彈 #天婦羅 #燒鰻魚 #芝麻雞翼 #西京燒比目魚 #烤榴槤 #香港探店 #香港美食

冬至嗰日就同屋企人預約咗呢一間大瀛喜食放題。我哋預約咗五點果場，估唔到已經大概有八至九成入座率，都幾受歡迎。入到去第一件事，梗係即刻叫啲刺身同壽司食先啦。估唔到上菜速度都算快，落單唔夠10分鐘，就一大盤刺身送上。擺盤非常精緻，打卡一流。三文魚都好肥美絕對唔差。而最為出色莫過於係，甜蝦同赤蝦，肉身保持新鮮絕對唔會好霉，亦都帶有鮮甜味，高質。而第二我覺得好食嘅就係磯煮鮑魚，醬油味唔會過鹹啱啱好，而鮑魚亦都質地相當軟腍唔會話好韌咬唔到。而壽司方面最記得就係左口魚壽司，油脂豐富， 十分香口。至於燒物，最值得食，就係一口牛柳粒，炒得好惹味。而牛舌亦都相當唔錯而雜物方便炸鮮奶，尤其出色細細粒咁，令人一口接一口。而雪糕亦都有Häagen-Dazs揀好抵食。整體嚟講，所有食物都做得相當有水準唔會話有一樣嘢特別差，如果用早鳥優惠嘅話就好抵食啦。

日式放題最緊要係款式既選擇，我最愛既次序係： 刺身＋壽司及手卷＋熟食＋飲品/甜品刺身併盤(自選，電話落單)松葉蟹腳、極尚璣煮凍鮑魚、原隻粒貝、帶子池魚王、油甘魚、吞拿魚、挪威三文魚、、希靈魚赤貝、北寄貝、酒煮榮螺片、俄羅斯甜蝦、珍寶赤海蝦嘩，依個自選刺身併盤好架勢，大盤奉上，乾冰形成仙氣～鋪得超級靚，打卡都打左一輪後先食～全部都係我至愛，放題最好就係每樣都食，可以食晒所有款式！款款刺身都咁新鮮，估唔到有松葉蟹腳、極尚璣煮凍鮑魚既款式。蟹腳新鮮、鮮甜；原隻凍鮑魚有咬口，璣煮甜甜地好味～池魚王同油甘魚依兩款魚都係我最愛，入口即溶～各款迷你壽司及手卷必食海膽手卷，細細舊唔怕飽，而海膽好甜～ 燒鹽醬和牛肩胛壽司都好好食，和牛好重牛味及肉質軟身～蟹黃海鮮粥(二人份量)蟹黃份量好足，每啖都撈到蟹黃。粥底唔 鹹，我飲左成碗都唔口渴。吉品鮑汁扣花膠花膠軟身，入口即溶既質感～這款鮑汁是比較黏身，好香濃。川燒珍寶鮮蠔燒&蒜蓉焗帆立貝依兩款熟食好邪惡，蒜蓉汁為海鮮提鮮； 兩款海鮮都肉質嫩滑，一啖一隻海鮮！同朋友聚會咩款式都想食，選擇又可以多元化D？一於去「極尚大瀛喜日本料理」擦餐勁～

2023-09-09見到fb 既榴槤group既group友大推大瀛喜既燒榴槤，呢日終於同朋友兩個人嚟咗食！ 一開始第一round叫左芝士焗虎蝦，羊鞍，刺身，今日既主要目的：燒榴槤同埋拎左啲甜品。因為對上7月果陣都有食過，記得芝士虎蝦好食，今次就叫多左，今次水準依舊，芝士好多但又唔會太膩，加埋蝦既鮮甜味真係好夾！ 而本人唔依羊，朋友食完就話都有7-8分，羊騷味唔太重同埋夠入味。而今次晚餐既重點之燒榴槤就比想像中遜色，比較大核同埋榴槤味唔太香，甜味偏多。可能係燒過既關係。。。之後其他食物都中規中矩，最好食既係蘋果加鵝肝，味道超match! 又好香，係驚喜的好食，我哋最後再叫多左兩次😆

公司有個同事退休，請佢食番餐飯當係多謝佢多年嚟嘅教導，約咗去食放題。放工後一齊去形點嘅極尚大瀛喜日本料理擦番餐。餐牌有好多嘢食，有刺身、壽司、手卷、串燒、炸物、天婦羅同煮物，呢個時期仲有迷你羊腩煲，同其他嘅餐廳放題好唔同。我哋咁為食，梗係乜都叫啲番嚟試吓，啱食嘅就再叫。魚生好新鮮，壽司款式又多，鵝肝壽司同煎鵝肝都各叫幾碟，因為入口鬆化，好香。燒鰻魚、羊架同軟殼蟹質素都非常得，值得推薦。甜品多到試唔哂咁多種。

今日我去左元朗yoho，呢間極尚大瀛喜日本料理滿足我無窮嘅食慾！話真係，呢度嘅菜色選擇多得令人嘆為觀止，而且個鋪面寬敞舒適，真係讓我有種尊享至尊嘅感覺！食得咁心滿意足真係太爽啦！❤️首先，我要大讚佢哋嘅刺身！新鮮嘅三文魚同帶子令我驚艷不已，鮮美嘅味道令我回味無窮！不過最令我興奮嘅係佢哋嘅燒乳鴿！每一口咬下去，熱辣辣嘅乳鴿外皮脆口，肉質鮮嫩多汁🥰🥰🥰而且，佢哋嘅無限任食更加令我心花怒放！無論係燉湯、美味甜品、雪糕、雪條定係開胃小食，全部樣樣齊全😍😍

好多特色嘢揀嘅日式放題🥰🥰～yeah💕平時多數出開mk食，主要都係食刺身、刺食呢啲，eg芝麻雞翼、芝士年糕呢啲係基本，但呢間嘅放題竟然有酒樓食開果啲乳鴿😨（雖然有得點椒鹽食就更加好🤣）；仲有好多創意嘅配搭；以及好多同榴槤有關嘢食😨；自助雪糕機仲可以配熊仔軟糖🐻‼️‼️Btw比目魚、牛油粟米真係好好食😋😍人均$300左右.📍：極尚大瀛喜日本料理 (元朗) 元朗朗日路9號形點 I L2樓2001a號舖.快啲tag一個鐘意食創意料理嘅fd啦(˶‾᷄ ⁻̫ ‾᷅˵).#foodie#japanesefood#sushi#chickenwings#desserts#榴槤#刺身#放題#日式放題#元朗#yuenlong

👀講到日式放題我諗大家都會諗起大瀛喜🤣食咗咁多間分店Yoho 分店一定係最方便同最乾淨見到好多一家大細落黎食飯🤣💰$268/人👀估唔到而家放題仲升級到有燒蠔任食添🦪而且刺身嘅質素比以前更加好食落去都好新鮮部位都好靚😍🤫相信喺食材方面都落咗唔少心機📝串燒依個係我去放題最期待任食既食物之一🥰可以任食燒牛舌、燒雞軟骨等等既野食✨燒牛舌平時喺居酒屋都會好貴但係放題就可以任食而且燒到啱啱好口感真係唔錯📝壽司細細件 但係有好精緻味道亦都唔錯最欣賞嘅就係炙燒壽司🍣左口魚同埋三文魚腩都好正🤓📝燒物✨芝麻雞翼都係必要嘅嘢食👍🏼味道都係咁香同埋好juicy 都係平時喺居酒屋叫會好貴但係放題可以任食嘅選擇🤣✨壽喜燒鍋有肥牛、有菜、有金菇，都真係幾正📝甜品我哋就冇叫好多淨係食咗雪條🍦選擇都多花生味雪條勁好食！encore !九點後有宵夜時段仲抵食！😍

發現好耐無同牛朋友一齊去食飯難得今日咁岩同朋友一齊就去食放題，原來都發現好耐無去食極尚大瀛喜日本料理，見到有羊腩煲😂就去食喇，即刻叫煲羊腩煲先喇，必點就一定係刺身，刺身新鮮左好多，呢家極尚大瀛喜日本料理食物都高質，無咁以前咁參次，而且好似款式多左選擇，燒榴連大大啖肉好爽，朋友食左兩轉自隊，冬菇花膠一碗有3條大花膠，留心係大花膠，女士必點美顏補充骨膠原，自助區既食物都靚左，仲有花膠雞湯，同椰汁🥥雪燕糖水，甜品飲品都好款，但係自助雪糕配料轉晒啲唔吸引既配料呢到就要減返分。

有段時間冇食放題，今晚心思思又想食即刻捉朋友去試，冇睇一排，原來大瀛喜已經做埋燒榴槤任食！每次去放題必然一開波，叫一大碟刺身，食吓先，刺身方面都有好多選擇，叫咗挪威三文魚、日本油甘魚，吞拿魚、希靈魚、帶子。刺身新鮮款式多✨貝類方面有原隻粒貝刺身、酒煮榮螺片、極尚磯煮凍鮑魚燒物方面有少見嘅法式紅酒藍莓鵝肝，味道都唔錯，鵝肝唔會好膩。另外蒲燒鰻魚我最愛，黃金醬燒開邊蝦都好吸引燒鹽醬和牛肩胛、鹽燒三文魚腩、醬燒蟹棒壽司芒果龍蝦沙律塔、龍蝦沙律多士配櫻花蝦、雙色刺身花朵（墨魚拼白蝦）蜜糖芥末沙拉蝦球，呢個炸蝦球我好鍾意呀極品金枕頭榴槤燒嚟到今晚主角對於榴槤紅嘅我完全抗拒唔到，燒過嘅榴槤特別香甜暖笠笠📍極尚大瀛喜日本料理元朗朗日路9號形點I L2樓2001a號舖

好耐無食放題，趁住年尾清假，決定去睇戲前食餐好，來到了大受歡迎嘅「極尚大瀛喜」。平日午市放題只係$258，可以食足三個鐘，有齊刺身、壽司、燒物、炸物及甜品等等，都算抵食。係等食物送上前，可以先出自助區拎d小食醫下肚，除咗傳統日式小食外，仲有少量海鮮及炸物，不過最正都係椰汁燉雪燕，非常足料，真係要飲返兩碗滋潤下。食放題首選梗係食刺身，呢度嘅刺身有好多種選擇，包括我最喜愛嘅油甘魚及希靈魚，每樣刺身都係厚切及好新鮮，入口味道鮮甜，真係叫多幾次都唔嫌多呀。刺身以外，當然要食埋其他熟食同炸物，個人特別推介珍寶燒蠔，大大隻依然保持鮮嫩；而炒牛柳粒味道甜甜辣辣，食得好開胃。另外，喜歡榴槤嘅可以試佢地嘅榴槤燒。飲品亦有好多種，連梅酒及清酒都有，亦有較為少見嘅橙汁及椰青水，仲有熱維他奶等等，天氣凍嘅時候飲就最適合不過啦。最後當然要有甜品時間，呢度嘅甜品有麻糬、布丁奶凍杯、豆腐花、雪糕等等，仲有個自助糖果區，真係食甜品都食飽。個人最喜歡芒果麻糬，細細粒一口一粒啱啱好，味道唔太甜，煙煙韌韌好好味。

自2017年開業以來我和媽咪第一次來光顧，日式放題，食品多元化，海鮮刺身，鮑魚仔、凡立貝，燒蠔，京燒比目魚，甜蝦，串燒牛舌（勒咗啲），羊架好味，醬油燒牛柳粒好正，燒榴連（金枕頭）多汁濃旭，青口，秋葵沙律，章魚燒、燒菠蘿，蟹粥，花膠燴花菇。海膽手卷失望，有臭壓味，好難食。糖水有椰汁燕窩紅棗，偏甜。甜品軟硬雪糕，朱古力軟雪糕好好味😋。雪糕批、甜筒、雪條、乳酪、豆腐花、泡芙布甸及奶凍，冷暖飲品，日本梅酒啤酒朝日，somerby萍果酒，款式多不勝數！總括來說食物質素一般。唯一驚喜，四位以上，生日當明者有半價優惠。

元朗區食放題，極尚大瀛喜一定係首選✌️兩個鐘任飲任食，二百零蚊一位，的確吸引過好多同價位嘅食肆！通常一大班人約食飯諗唔到食咩好，放題好多時候就係最後嘅答案😆🐠食得放題，主力當然係食刺身😝三文魚、甜蝦、虎蝦、吞拿魚、希靈魚、帶子、北寄貝、榮螺，真係好多唔同嘅選擇👏我自己主力食三文魚、虎蝦，可以盡情咁食🤪🍱創作料理、特色壽司方面，今次比起上一次再新增咗好多唔同嘅選擇👏🍖每次去食放題，最唔可以唔記得就係芝麻雞翼😍🥳炸得好香脆，熱辣辣+外脆內軟，實在係好難抵擋😆天婦羅系列都係強推，蝦、南瓜、甜薯🤤🤤蒜蓉烤蠔，無限量任食😬唔駛就住就住嗌！🤣🍻極尚大瀛喜嘅飲品選擇好豐富👻Somersby Apple Cider、Asahi可以任飲，市面上嘅其他放題店舖都唔係好多間做得到！近年唔少放題店都引入呢部咖啡機，啱晒我未食刺身之前就整返杯醒一醒神！每次食到最尾，都唔少得要玩下呢部自助雪糕機！最近秋天時分，正好係盛行食大閘蟹嘅時節，每隻加$10就有😯😱眼見現場唔少朋友仔都有加到，一嚟就半打咁樣上🤣🤣

又去咗元朗YOHO大灜喜呢間真係性價比之王長期係我number one成日同朋友嚟食，任食真係好正，想食咩就叫咩，呢度好多選擇，地方又夠大，好舒服。QR Code落單同現場有好多食物同飲品期期啲食物都會有少少唔同，所以每次嚟都會好期待有咩食😋😋最鍾意佢部自動咖啡機，好容易用，沖出嚟啲野飲又正最鍾意佢個白咖啡。有時都要排陣隊🤣呢日嚟到仲有燒榴槤添呀點解可以抵到咁😆😆燒蠔同帶子都好好味😋上面啲蒜蓉好香天婦羅亦同樣出色好多特色壽司有唔同刺身出面有小丸子次次都會夾兩粒食😆羊架高質炸野出色