極上帝王水產

今日中午同幾個朋友去咗旺角兆萬中心嘅帝王水產享受午市放題🍣🍤，真係一個唔可以錯過嘅美食體驗！餐廳環境超級富有日本特色，有好多鯉魚旗🎏，坐低就已經開始期待今次嘅美食旅程。首先，嚟講下新鮮生蠔🦪，佢哋嘅生蠔真係鮮甜無比，咬落去口感爽口，海水味濃郁，搭配埋檸檬汁🍋，簡直係開胃之選！再加上刺身拼盤🍣，每款刺身色澤都好靚，特別係三文魚，鮮紅色澤閃閃發亮，口感滑溜，完全冇腥味，搭埋一啲醬油，真係好正！各式壽司🍣，包含三文魚、帶子、北寄貝、赤蝦、馬刀貝、鮑魚片同甜蝦，每一款都新鮮至極，特別係鮑魚片，口感滑溜，味道鮮甜，搭埋米飯，真係好滿足。尤其是海膽軍艦壽司，口感豐富，海膽嘅香味入面一啖啖咁嚟，搭配海苔同米飯，簡直系人間美味。至於紅酒藍莓鵝肝🦆，呢個係我意想不到嘅驚喜，鵝肝滑膩得嚟，藍莓嘅酸甜正好中和咗鵝肝嘅油膩感，令人一口接一口，真係好想再食多幾塊！炸物方面，炸榴槤球真係一絕，外脆內軟，榴槤味濃郁，對於榴槤迷嚟講，簡直係天上掉落嚟嘅美味！松葉蟹棒天婦羅炸得金黃酥脆🦀，蟹肉鮮甜，巨海老天婦羅更加係大隻，蝦肉彈牙，完全冇失水份。避風塘雞軟骨粒🍖，外面炸得香脆，入面卻係軟嫩，搭配上香辣醬，越食越過癮！最後，香蒜牛柳粒同和風胡麻牛肉🥩都係唔可以唔提嘅美食，牛柳粒炒得剛好，香蒜味濃，牛肉軟嫩，和風胡麻牛肉則帶有一絲甜味，配上米飯，簡直係好搭。鮮蝦海鮮煲🍲亦都係一個亮點，海鮮煮得剛好，鮮蝦肉質結實，湯底濃郁，暖胃又滋補。總括嚟講，帝王水產嘅午市放題真係值得一試👏，無論係新鮮度、味道定係擺盤，都令人驚喜。重點係可以任飲任食幾個鐘，還送雪糕🍦，真係可以大飽口福！…查看更多

早幾日又同老婆去咗旺角食放題，今次食嘅係極上帝王水產～刺身拼盤：真係超豪華，有三文魚、北寄貝、泰式生蝦、帶子、希靈魚同八爪魚，全部都好新鮮，特別係泰式生蝦，酸酸辣辣好開胃。三文魚同帶子就一向都係我最愛！👀鹽燒牛舌：燒得啱啱好，入口即化，鹽味剛剛好，食落真係一流。鐵板鮮蝦滑：蝦滑好彈牙，鐵板煎得香口，配埋上面既泰式醬汁，味道好豐富！👍🏻燒菠蘿：甜甜酸酸，外面有焦糖，食落好juicy，refresh 返個味蕾～ 😃牛肉壽喜燒：真係唔可以錯過，牛肉片好嫩滑，湯底甜甜地，好入味，配埋啲蔬菜配料，真係好滿足！😋巨海老天婦羅 & 松葉蟹棒天婦羅都係必試，炸得好脆，唔會太油膩，海老同蟹棒都好鮮甜～吉列炸廣島蠔：真係好正，外面炸得金黃香脆，入面嘅蠔好juicy，真係一啖接一啖，食到停唔到口！😍👏🏻日本炸牛奶 & 日本可樂餅：都係好好味，炸牛奶外脆內滑，甜甜地；可樂餅就係外脆內軟，薯仔味好濃。日本香芋丸 & 日本榴槤炸彈：都係好特別嘅小食，香芋丸香甜可口，榴槤炸彈就係榴槤味好濃，真係好適合榴槤迷！🥰👍🏻日本芝士年糕 & 熔岩芝士蝦球：兩款都係芝士控嘅最愛，芝士年糕外脆內軟，芝士味濃；熔岩芝士蝦球入面嘅芝士溶溶地，配埋蝦球，真係好滿足～ 🙊👏🏻甜品都有好多選擇，正！👀呢度放題食物款式多，質素高，價錢合理，真係值得一試！…查看更多

打風，想同朋友搵d野攪，搵到呢間有唔限時，打去問佢話照常營業，去到再問收幾點佢話收12，咁我就叫你無限時plan，9點幾佢話last call，我問唔係到12咩，佢話係last call但可以坐到12，點知1030未到同我地講要收工，最後被1040離開。老實如果你一早講打風早收，我都唔會買無限時plan唔想阻你收工，但我由開始致電，到我到達時再問，你都無講，就係欺騙顧客。野食方便無野好講，我唔會再黎，係咁。…查看更多

刺身拼盤：三文魚、帶子、八爪魚、鮑魚片、北寄貝、生蝦、甜蝦等樣樣齊全，三文魚厚切得嚟仲有魚油香，其他刺身都好新鮮，食落口感一流。巨海老天婦羅同松葉蟹棒天婦羅：兩樣都係必試之選，炸得金黃香脆，外皮唔會太厚，內裡嘅海鮮鮮甜多汁，停唔到口。日本可樂餅同吉列炸廣島蠔：必叫炸物！外皮脆卜卜，內裡嘅餡料香濃，特別係廣島蠔，炸得啱啱好，唔會過熟，保持住蠔嘅鮮味。日本榴槤炸彈：外皮炸得香脆，內裡嘅榴槤餡料香濃滑溜。日本香芋丸、日本炸牛奶：兩樣都超正！香芋丸外脆內軟，香芋味濃郁；炸牛奶沪推薦！！入口即溶，奶香四溢日本芝士年糕、熔岩芝士蝦球：芝士年糕煙韌有嚼勁，芝士味濃；熔岩芝士蝦球內裡嘅芝士溶得啱啱好，配上彈牙嘅蝦肉，絕配！鹽燒牛舌、燒菠蘿：牛舌厚切得嚟又唔會太硬，鹽燒得啱啱好，食落有嚼勁；燒菠蘿外層有薄薄嘅焦糖，甜甜酸酸，好開胃。牛肉壽喜燒：壽喜燒湯底清甜，牛肉嘅牛味幾濃郁，豬肉肉質有咬口，蔬菜索晒湯汁好正！飲品同雪糕雪條任拎，好過份咁食咗兩條雪條同三粒雪米糍😆😆…查看更多

「極上帝王水產」樓上舖日式無限時放題餐廳，全場開放式餐枱、木系裝潢、配上和風設計，加上服務員態度親切有禮，感覺一流！ 揸車嘅就泊廣華街、豉油街、山東街附近啲咪錶！🔥刺身、壽司任食『種類繁多：推介三文魚、希靈魚、原粒帶子、甜蝦，仲有必食兒童餐：皇帝蟹腳、玉子、花之戀壽司』🔥熱食『選擇多到食吾完：推介串燒雞柳、燒牛舌、三文魚骨腩、炸鮮奶、可樂餅、炸蠔、榴槤炸彈、豬頸肉、醃生蝦』🔥飲品『放題嚟講多到不能盡錄：推介椰子水、解茶(綠茶+蕎麥味)』🔥甜品『推介芝士蛋糕、榴槤雪條』揸車出入：👍帶小朋友：👍👍👍食物質素：👍👍環境舒適：👍👍CP值...😋：👍👍👍彩蛋：任食黎講質素算係咁，食物又出得快，仲要無限時任食，每台仲可以揀一款窩物，以香港嚟講算系性價比高，堅抵！極上帝王水產 | @deluxe.king.9f📍旺角西洋菜南街1N號兆萬中心9樓🔥🔥🔥🔥🔥🔥🔥🔥🔥🔥🔥🔥🔥…查看更多

同朋友聚會，最鐘意就係揀日式放題餐廳，貪大家可以任食任飲，比較盡興😍今日同朋友👫黎到呢間位於旺角兆萬中心9樓的極上帝王水產 🦐， 餐廳主打食日式料理，好似刺身同壽同咁，而家仲有期間限定既榴槤食！😍可以一餐食唔同野！我地預先book咗位，職員安排我哋坐卡位，佢哋張卡位都幾大張，兩個人可以坐得幾舒服😌餐廳係用QR code落單，方便可以check返單，嗌過啲咩都一目了然😍我鍾意呢度除咗刺身同壽司，仲有唔少炸物，尤其是個炸榴槤，好好味😍極上帝王水產 (旺角)旺角西洋菜南街1N號兆萬中心9樓…查看更多

小心中伏！買優惠卷原來隱藏條款有$119 附加費，和正價差不多。食物選擇少且刺身唔新鮮，食物質素不高，環境唔得，連生𧐢、雪糕都要加錢、絕對不值這個價錢！性價比十分低！小心中伏！買優惠卷原來隱藏條款有$119 附加費，和正價差不多。食物選擇少且刺身唔新鮮，食物質素不高，環境唔得，連生𧐢、雪糕都要加錢、絕對不值這個價錢！性價比十分低！小心中伏！買優惠卷原來隱藏條款有$119 附加費，和正價差不多。食物選擇少且刺身唔新鮮，食物質素不高，環境唔得，連生𧐢、雪糕都要加錢、絕對不值這個價錢！性價比十分低！中伏！…查看更多

放題緊係唔少得刺身 呢度嘅刺身種類好多尤其貝類就有哂大赤貝、北寄貝等等厚切三文魚、北海道帶子、赤蝦等必食刺身都大件肥美既 鐘意泰式生蝦既呢到都有壽司方面都有好多選擇迷你細件唔駛怕眼闊肚窄其中松露同火炙類值得試下呢度第二個重頭戲就係壽喜燒正宗壽喜燒喺出面都實在唔平呢度就有簡單食材同簡單教學比你跟住整放題順便滿足你壽喜燒既願望提提大家 呢到壽喜燒醬油都真係濃味 如果燒完想打邊爐建議再問店員拎清湯體驗會更佳其他熱食都五花八門黑松露炒蛋好大陣煤炭屎味 仲有泰式飛天通菜同意式忌廉蟹肉海鮮湯冷盤/胡麻醬控可以叫胡麻冷豆腐同日式胡麻溫泉蛋不過後者如果有得揀胡麻份量會更好仲有好多野太飽冇食到 留比大家幫我試埋！…查看更多

8號風球，提早打電話問打風係咪正常開，確認冇問題就訂台，朋友到左職員問要邊個plan，1款2個鐘，1款無限時玩到尾，朋友有問玩到幾點，職員話12點左右。我地到步時間未到8點，點知食到9點9咁上下有人入黎話last order ，跟住我地話我地係無限plan，佢話可以一早落哂單慢慢坐，點知坐坐下十點幾又有人話打風，職員怕冇車搭，想早啲關門。其實食野質素可以接受，不過如果一早諗住早收就唔好推介貴plan任食任飲，我地9點幾未到10點都食飽俾你地清埋台淨飲傾偈玩，點知坐得2個鐘多就話準備落閘，就好似道德勒索咁，打風想早啲收舖，咁一開始就唔好講開到12點，感覺好差。…查看更多

而家坊間晚帝放題加埋一冇$300都走唔到 極上帝王如果OpenRice訂加埋服務費都仲可以$300有找 真係算係咁 不過一個分錢一分貨 要求高就未必滿足到你 想抵食嘅師奶仔就可以望望😆😆🍣刺身呢度刺身種類都算多 包括 三文魚 北寄貝 帶子有頭赤蝦 大赤貝 手切八爪魚 虎蝦 珍寶赤蝦 去頭甜蝦 鮑魚片 希靈魚🙆🏻‍♀️🙆🏻‍♀️第一盤會砌靚靚有乾冰效果影相 全部都幾新鮮唔霉 尤其貝類幾彈牙 好多平放題都唔會有嘅赤蝦同帶子都有 收貨🙆🏻‍♀️🍣壽司一般壽司 火灸壽司同卷物都有齊曬 我幾鍾意啲黑松露壽司 火灸都有水準 沙律醬調味夠曬惹味 比較少見嘅火灸左口魚都有 🤤🥘壽喜燒放題會包埋壽喜燒diy 有埋說明書教你點食 一般火鍋配料都可以食到 壽喜燒汁比較重口 鍾意清淡就可能覺得少少鹹要加水🤭🤭熟食熟食都幾有趣 西式泰式日式都有 西式有黑松露炒蛋同忌廉湯 黑松露味都幾出 好似食緊早餐咁 泰式有飛天通菜 重口之選 日式就食番啲牛舌同和牛漢堡 😬…查看更多

旺角係放題一級戰埸，今日黎左一間無限時日式放題餐廳，性價比極高🤔刺身，夀司，串燒，炸物，熟食，泰式，火鍋，甜品，飲品，雪糕全部食😍大胃王一定要嚟挑戰下🤗日式和牛壽喜燒每台可以選擇一款窩物，海鮮窩和牛壽喜燒二選一今次揀左壽喜燒鍋，已配有一碟和牛同蔬菜一盤。食落和牛牛未幾出，油份十足👌湯底微甜，唔會太濃味，仲可以order配料繼續烚！各款刺身挪威厚切三文魚的味道鮮美，帶有油脂香氣✨希靈魚口感爽脆，酸酸地勁開胃。北海道帶子肉質彈牙, 呢度嘅北海道帶子係原粒㗎😍味道鮮甜松葉蟹棒肉質嫩滑，味道鮮甜, 口感軟滑👍仲有頭大甜蝦好大隻，肉質細綿、味道鮮甜😊馬刀貝、赤貝非常爽脆, 鍾意食刺身嘅朋友可以食餐飽✨壽司老少咸宜, 熟食生食嘅壽司都有👉皇帝蟹腳壽司，玉子壽司，花之戀壽司，小朋友必定好開心💖三文魚，吞拿魚，左口魚邊，油甘魚，帶子各款壽司，仲加埋黑松露😍😍泰式美食泰式醃生蝦，手打蝦餅，泰式豬頸肉，生菜包，芝士蝦春捲，泰式香辣炒大蝦, 辣椒膏炒青口, 大蝦冬陰功，真係好少日式自助餐會有泰式食物👍👍熱食天婦羅，燒物，炸物，燒牛舌，鹽燒活海蝦, 香蒜片和牛粒, 七味三文魚骨腩，黃金蝦多士，日式炸年糕，日式炸牛奶，日本可樂餅，吉列炸廣島蠔，榴槤炸彈，日本香芋丸。。。選擇多到冇可能食得曬😆飲品全部可以去雪櫃自取，各款罐裝瓶裝茶飲，檸檬茶，蜜桃紅茶，啤酒，最正係連椰子水都有🥰甜品&雪糕甜品當中最好食就係芝士蛋糕，芝士味極香又濃，細細個用錫紙兜裝住，我一個人都忍唔住食咗四五個😳另外有大量雪條任揀，當中最鍾意嘅就係榴槤雪條🤩仲有雪糕大福添啊😉日式放題嚟講, 呢間價錢真係超級親民，而且選擇實在多到食唔切，店員仲勁nice, 成日都走過嚟問下啲嘢啱唔啱食, 喺香港呢啲服務態度先至係正確✅✅✅…查看更多

有一段時間冇食香港嘅放題，happy Friday 去試一下網上唔少人介紹唧旺角兆萬放題餐廳-極上帝皇水產去到餐廳,店員好熱情介紹，每台可以二選一蟹鍋或壽喜燒鍋。我哋簡咗壽喜燒，仲可以自己DIY 煮，而且食完仲可以叫配料繼續打邊爐🍲～又食又玩正呀啱晒打卡嘅「刺身船」都唔錯。船上擺放各式各樣的海鮮刺新,肥美新鮮，入口即化。而且用冰鎭住，keep 住溫度～除了海鮮,餐廳還供應各式各樣的炸物,炸牛奶、日本芝士年糕同天婦羅都好正。熱辣酥脆，好滿足。仲有多款特式料理,冬陰功湯、拉麵，意粉,應有盡有。一次就可以🈵️足曬。甜品🍮記得要食返個Movenpick 雪糕呀😎…查看更多

極上帝王水產 - 旺角今日去到旺角兆萬食放題，今次去左一間位於兆萬9樓既一間充滿日本風格的放題店食左一個午市放題。一出電梯就見到大大個招牌，天花掛了滿滿的日式的旗仔同紅白燈籠仔。店員的態度非常親切，細心的介紹點餐方法及流程。一開始店員還細心問到火煱會希望用甚麼湯底。我地今次就選擇了壽喜燒底。食物款式都有很多選擇。例如有天婦羅及唐楊炸物、高級爐端燒、特色外國菜、火鍋及配料、刺身等等先講講個刺身方面，見佢招牌叫得極上帝王水帝，相信餐廳對店既水產或海鮮非常有信心，所以我地決定每款海鮮刺身都點點黎試試。有三文魚、元貝、蟹柳、北寄貝、希靈魚、赤蝦、甜蝦、泰式生蝦等等，送到黎係用一盤龍船送上，非常有氣勢。每款海鮮刺身的確都有質素，新鮮鮮甜，特別推薦元貝，三文魚及赤蝦。食完刺身我地就決食食返啲熟食，所以就開爐食一開始就點左既壽喜燒，店舖很體貼會提供一張煮食小教學。先煎煎牛肉，食完後就加入壽喜燒汁及配料（菜、菇、蘿蔔等等）及餘下的牛肉放入鍋中一拼煮熟，味道方面整體上不錯，我地仲額外加配左一份牛肉。另外，仲叫左一啲炸物同天婦羅食。日本炸牛奶同芝士年糕都幾唔錯，值得一試。熔岩芝士球要小心，一咬落去會爆炸式噴出芝士漿，不過都幾得意。巨海老天婦羅的蝦都彈牙有口感，不錯。飲品方面，有不同既紙包飲品及罐裝汽水，仲有啤酒。旁邊仲有好多箱支裝茶及蒸餾水比唔想飲凍飲或者有汽飲品選擇，非常細心。甜品方面，在大門口位置有兩個大雪糕櫃。入面仲有十幾款雪條雪糕選擇…查看更多

如果你平時食自助餐 最鐘意食刺身、壽司旺角西洋菜南街、家樂坊附近，兆萬中心9樓 既極上皇帝水產 好岩你～～刺身淨係睇 挪威厚切三文魚🍣都見到橙、白色嘅條紋清楚～入口有好香嘅三文魚香味，加上油脂分布平均，口感特別嫩口我哋一行四個人都不停 食 其他刺身亦推薦 迷你北寄貝刺身、即席手切八爪魚刺身、北海道帶子每款刺身都鮮味十足，而且份量均真，你點幾多佢切幾多，件件足料絕無欺場😍另外，入座嘅時候仲送你一個二選一鍋物，分別有雪場松葉海鮮鍋同埋日式和牛壽喜燒鍋兩個選擇。依次我地點左壽喜燒鍋，店員仲貼心咁提供圖文並茂教學教你點樣自助烹調。配料有和牛、豚肉、蘿蔔、娃娃菜、紅蘿蔔，另外仲可以喺放題時段柯打不同邊爐配料一路煮一路食。壽喜燒湯底亦調味適中，有醬油香味得黎亦唔怕過咸蓋過晒配料原味。唐揚炸物類：日本蟹肉味噌湯： 配料充足，味噌濃郁，啱晒鍾意麵豉湯嘅你溫室南瓜天婦羅🍤：外脆內軟得黎表面又冇油淋淋，食落唔怕有罪惡感🤣日本番薯仔：清甜甘香，用黎做席間小食一流日本芝麻雞翼：脆口肉嫩熟食系列：迷你軟殼蟹手卷：軟殼蟹炸得脆卜卜，食落口感一流日本水蟹粥：豐有本地特食嘅小食，點知食落真係有好香蟹味，驚喜之作黑松露炒蛋：超濃郁黑松露味，炒蛋炒得好creamy雪花牛肉手打拉麵🍜：小辣已經好夠辣，配上豬骨湯底愈食愈開胃豚王手打烏冬：有落麻油嘅湯底，烏冬煮得夠煙韌甜品：Movenpick雪糕：有朱古力和咖啡味選擇，朱古力有很多朱古力碎碎，香甜可口仲有好多唔同口味雪榚雪條迷你布甸慕斯，梗有一款啱晒你口味！…查看更多

呢排同朋友去食左呢間日式放題，好抵食，又多選擇，幾有驚喜😍 裡面有刺身、燒物、炸物、火鍋、泰式料理等等，勁多野食揀😍性價比好高👍🏻💯//火鍋//一入座就有得揀火鍋，本身我無諗過有埋火鍋食😍 我地揀左鱈場松葉海鮮鍋，入面好足料，有唔同海鮮，有青口、蜆、蝦等等，仲可以額外點火鍋料，例如肥牛個啲👍🏻我地點完一輪之後，隔左陣啲侍應就逐枱逐枱咁同我地講叫我地一次過點多啲，如果唔係之後多左人入黎，啲野食就會上得慢左～的確去到8點到見到全場full晒咁制，好彩有早啲叫多啲野食🥹我地叫左好多野食，精選一部分出黎先：//刺身類//🥢 刺身拼盤有好多刺身揀，我記得嘅有三文魚、三文魚腩、帶子、赤貝、赤蝦、虎蝦、希靈魚、螺肉等等多種選擇，全部都夠新鮮，享受到到刺身嘅鮮味同肥美🤤 特別鐘意三文魚腩👍🏻//壽司類//🍣 火灸沙律燒三文魚腩壽司三文魚腩香滑，火灸後帶有微微嘅焦香👍🏻🍣 火灸左口魚邊壽司左口魚邊脂香濃郁😋🦀 極上帝王花之戀出面食花之戀好貴，呢到可以任嗌😋蟹籽豐富，配埋三文魚係絕配🤤//爐端燒//🍤 鹽燒活海蝦海蝦好鮮甜，鹽燒令到成隻蝦由內到外都入味🤤🍢 汁燒雞肉串鐘意食串燒嘅我好鐘意😍雞肉嫩滑，燒汁唔會過重，食落好滿足🤤//炸物類//🍤 巨海老天婦羅外脆內嫩，蝦肉鮮甜，配上酥脆同香口嘅天婦羅皮💯可惜怕熱氣唔敢食太多🙈🍗 避風塘雞軟骨粒香口惹味，雞軟骨夠脆同夠多👍🏻//料理類//🍳 黑松露炒蛋無諗過咁好食😳松露味道濃郁，炒蛋滑嫩👍🏻 呢個可以遲d先點，但最好熱食，咁先更加好味🤤🦑 鐵板鮮蝦滑呢個有驚喜🤩鮮蝦滑嫩，鐵板煮法令蝦味更加突出，加埋啲醬汁，口感層次豐富💯//甜品//個到有好多雪糕雪條同雪米糍揀🤤🤤🤤仲有韓國雪條😍最後我食左一條芒果味雪條，同埋三粒雪米糍，好滿足！完美收尾🍧//飲品//野飲好多選擇！我揀左一罐梳打水溝水蜜桃🤪爽！…查看更多