極上帝王水產

兆萬廣場是美食天堂，各層都有不同主題放題，今次約朋友去了廣場9樓的極上帝王水產，一入到去人頭湧湧，我們被安排到一個四座位的枱。就坐一刻戰鬥格即時提升，急不及待用手機掃描qr code睇下有乜嘢食，基本上以往有得食嘅亦都會一直有提供，大胃王挑戰一觸即發！先來龍頭刺身船，盛載各樣刺身，乾冰營造出來的煙霧是排場效果，刺身之中赤蝦尺寸長度好比手指！似乎係幾重本，食落口感唔錯，幾新鮮。除咗可以叫一些煮熟的食物外，更可以用燒烤或叫火鍋，原來放題形式越來越多樣化。所以我叫了一些牛肉，除了已經煮熟嘅一口牛，仲可以叫生牛肉來燒，然後又可以將生牛肉放在鍋裏煮熟，一牛多食，可以享受不同食法的口感層次。特別一講，喺佢哋嘅社交平台點讚就可以獲得häagen-dazs或者係Movenpick雪糕一杯。簡單講，放題就係要放鬆心情，食得盡情，尤其是一大班人最好用「放題」唔使就住就住，開懷暢食一番最開心！…Read More

最近我去咗一間非常受歡迎嘅任飲任食火鍋店，有好多唔同嘅款式，適合和朋友一齊聚餐，享受美食。刺身三文魚、希靈魚、帶子、生蠔同赤蝦。每一款都新鮮美味，魚肉滑嫩，搭配醬油，真係食得令人過癮，特別係生蠔，味道鮮甜！牛舌牛舌切得厚厚的，肉質鮮嫩，香味四溢一口牛嫩滑多汁，唔會嚡口！烤榴槤好驚喜，外皮香脆，內裡榴槤肉香甜可口，口感獨特，非常適合作為甜品，令人意猶未盡。炸芋頭丸同炸芝士餅外脆內軟，口感豐富；而炸芝士餅則是香濃芝士流出，令人食得開心。仲有好多唔同款嘅飲品同埋雪糕👍🏻…Read More

📍Mong kok有齊燒烤、火鍋、日泰小食放題～燒菠蘿好食！先食刺身拼盤、小食有oyster、海膽、魚貝類刺身仲有泰式小食例如通菜、冬陰功湯、串燒淨係食呢啲放題，其實都夠飽.之後就可以揀火鍋湯底今次就叫左壽喜燒湯底唔會過甜~叫咗一啲蔬菜同埋牛肉整體都幾多嘢食仲有甜品、雪糕、嘢飲..焦糖燒菠蘿，表面嘅焦糖好脆！菠蘿都好甜～食左好多舊🤣🤣🤣#Pineapple刺身種類都多，整體都唔錯、幾新鮮～～…Read More

今日同同事Farewell 因為四個都係男仔，所以揀咗放題食，出到嚟旺角喺兆萬中心樓下有人熱情招待我哋叫我哋上去試吓佢哋嘅放題，佢哋款式有好多有時令大閘蟹，俾埋蟹醋同埋專業既拆蟹工具，我哋刺身方便亦有海膽，生蠔依啲比較特別小小嘅刺身，一般放題好少食到，而食物質素我覺得係偏中上，無論係熟食定係刺身都好，個人覺得最好食嘅一定要去試吓佢哋嘅燒榴槤，因為個人比較喜歡食榴槤，而燒嘅榴槤有一番風味，所以食榴槤嘅必定要試…Read More

兆萬係旺角美食集中地，有好多樓上日式放題，之前都食過一啲唔錯嘅，今次去左聽個名都覺得勁嘅✨極上帝王水產🦀✨，食到好滿足😌餐廳入面掛滿和風旗幟作裝潢，氣氛輕鬆舒適。我哋升級左極上套餐，一坐低店員就幫我地安排先送上一份刺身拼盤，同一盤大大隻嘅生蠔！另外重有鍋物選擇（海鮮鍋或壽喜燒鍋）我地就揀左海鮮鍋，入面有蝦，蜆，青口等…湯底鮮甜，而家嘅天氣飲啖熱湯真係勁正，最正嘅係放題食材入面重有好多其他火鍋配料可以叫黎繼續放落火鍋🤭火鍋未食完我至愛嘅大閘蟹已經送上！新鮮熱辣，未拆開隻蟹已經見到啲蟹膏蟹黃爆緊出嚟！好開心呀🥳呢度食物款式多元化，食物質素唔錯，有好多唔同炸物燒物同主食，但由於我哋鐘意主力食壽司，所以唔係試左好多熱食，不過已經好滿足！❤️❤️甜品主要係雪糕，竟然重比我見到有豆腐花！重要係由細食到大嗰個品牌，所以我二話不說就攞左🤣男朋友話飽到食唔到甜品，睇嚟都係我戰鬥力强啲🤣🤣…Read More

性價比超高無限時大閘蟹放題!!!!位於旺角兆萬，原來有間放題店係無限時，而且食物選擇非常多，單是刺身已非常多選擇，必食挪威三文魚原隻北海道帆立貝！😍😍生蠔控回本放題！生蠔非常新鮮肥美且肉質飽滿，鮮味十足！原隻活海蝦刺身也非常高質，肉質超甜爽口，美食簡直令人目不暇給！多款嘅串燒、炸物，仲有鵝肝、壽喜燒、海膽軍艦，升級當要必食超爆膏大閘蟹，完全係回本放題！最後記住食埋韓國雪條同Movenpick 雪糕啊!!!極上帝王水產📍旺角西洋菜南街1N號兆萬中心9樓…Read More

之前我睇左arho TV Sunny Creamy出番黎拍片去左食呢間無限時既放題，睇佢地食完覺得幾抵食，體驗好好，都想黎食番餐，終於就到時間放假得閒黎食啦😄佢地分別有4個級別既餐，最基本既就係$289，最高級既極上大閘蟹放題就係$679，我地今次就食C餐$579既大閘蟹放題😛我地一坐低就已經送一個鍋物，鱈場松葉海鮮鍋或日式和牛壽喜燒鍋，我地就揀左和牛鍋，都幾大份，有好多唔同蔬菜，響鈴，和牛好肥美，呢度仲有各種唔同火鍋配料可以繼續叫黎打邊爐，又幾過癮🫕之後就梗係放題既重頭戲，刺身拼盤，賣相好靚，刺身偏厚切，對我黎講覺得好口更好，刺身質素唔錯，感覺幾新鮮，放題食到呢個質素既刺身絕對滿意👍🏻壽司方面我叫左幾款自己鐘意食既，有海膽軍艦，花之戀同左口魚裙邊，海膽入口唔腥，花之戀既三文魚同刺身既差唔多，所以都好食，而左口魚裙邊Sunny條片話有煤氣味同埋壽司飯偏酸，相信已經進步左，我食落唔太覺，個魚好有油份，岩曬我心意，佢地又唔會比好多壽司飯塞飽個客，個壽司既刺身大過舊飯，呢樣抵讚🍣另外有個藍莓鵝肝幾特別，燒物既芝士榴槤幾有驚喜，燒菠蘿係焦糖燒菠蘿，又係比較特別既一款，炸物既天婦羅，粉漿唔會好厚，避風塘雞軟骨都幾好食🍤重頭戲就係大閘蟹，任食大閘蟹佢地幫客人蒸好，隻隻爆膏爆黃，size又唔算細，無限時任食回本無難道🦀其次仲有好多唔同熱食小食，多到試唔曬，甜品有兩個雪櫃，多款雪條雪糕都係任食，其中我最鐘意珍珠奶茶雪條，仲要真係有珍珠，好正🍦🍨🍧呢間放題我覺得性價比好高，平有平食，貴有貴食，唔同級別既餐都各有回本之選既靚食物，最基本既A餐其實都好夠食，因為佢款式真係多，又有邊爐又有日式菜，仲有泰國菜等等👏🏻…Read More

之前一直睇Facebook 介紹，感覺好似幾好點知一試便知龍與鳳先講食物質素，刺身算正常合格發揮，不過種類唔多，其他熟質素一般，味道偏咸，炸物唔夠熱，飲品及甜品種類太少，以放題店黎講，唔合格，至於餐廳環境方便 地方迫 枱太細 坐得唔耐如果朋友聚會唔建議，唯一係員工態度良好，上菜同收拾都快，服務幾好，不過身為消費者，食既係餐廳食品質素而唔係服務，希望老闆可以改善一下，謝謝食物質素2星餐廳環境3星員工態度4星…Read More

第一次寫食評。因為見到小龍喺IG嘅宣傳，所以打算嚟試一試。*****************Around 12:23pm 入座，揀咗set B, 星期日要再額外加錢。*****************周圍環境唔乾淨，一坐低見到張枱有個似係打邊爐嘅鍋（？！），鍋蓋凹位裡面滿佈 前一晚客人嘅食物殘渣🤢，因為係剛開舖，估計唔會咁早有上一枱客。（就算有冇上一枱客，都唔應該咁污糟），黑色碗仔裡面亦滿佈一達達白色嘢🤢，簡直衝擊視覺。*****************而令我最不滿嘅係出菜速度太慢，客人已經唔多，想像唔到多客嘅時候會係咩情況。*****************有部分12:27pm、13:15pm落嘅嘢食，等到14:03pm都未到，例如：鮑魚、榴櫣流心筒、所有壽司etc…落嘅數量已經唔算多。已經請店員幫忙跟一跟，但到最後，鮑魚都食唔到一粒，其後考慮到食物質素和味道都不似預期，免得追到都冇食慾而浪費，所以我哋就放棄，唔再追了。*****************補充（個人口味&意見）：▶️普遍點嘅嘢食都味道一般，▶️蒜蓉金菇、牛油粟米、燒三文魚腩骨etc…就非常災難級難食；▶️壽喜燒牛肉有點「鞋」；▶️壽司嘅白飯大大舊。*****************👍🏿唯一讚嘅係店員嘅服務質素：有禮待客。*****************💰食(等)到14:28pm走，2人食咗HK$922，埋單時話Set B有9折，最後埋單總數HK$838.*****************總結：可一不可再🤗食完會唔開心。當時客人人數確實不多…Read More

難得食一次日本放題，豪一豪佢，就食佢嘅「極上大閘蟹放題」！😍😍第一輪另外有張紙俾你點菜，保證快上先上，又幾好！店員又提醒人多，叫我哋之後落單可以早少少落定，驚我哋要等好耐，夠細心，讚👍🏻另外可選一個鍋：牛肉壽喜燒/日式海鮮鍋，我就選了海鮮鍋～🌟呢個餐當然要食大閘蟹，質素不錯喎，有膏有「鑊」槳槳哋，食大閘蟹緊係要食呢種😎極上套餐那些當然不可以錯過啦😆非常高質❤️🌟生蠔新鮮滑捋捋👍🏻🌟海膽軍艦嘅海膽好甜呀😍🌟藍莓鵝肝超香🩷🌟燒鰻魚串好肥美🥰🌟又大又鮮甜嘅蝦😁🌟鮑魚正呀🤩🌟燒榴槤啖啖肉冇得彈😎其他日式放題嘅菜式都好多，我自己特別鍾意❤️🌟刺身全部都鮮甜肥美🌟燒菠蘿勁甜勁juicy🌟燒牛舌好厚身🌟一口牛柳好有鑊氣…Read More

喺社交平台經常見到極上帝皇水產，要搵一日過嚟食，過下任飲任食嘅癮！。入到餐廳，餐廳門口、入面裝修都充滿日系感覺，店員亦都好友善，完全唔係啲好趕急嘅服務態度。不過重點都係食質素。我哋首先叫咗刺身，包括三文魚、希靈魚、帶子同赤蝦。三文魚嘅鮮嫩度真係無得輸，肉質滑溜，入口即化。希靈魚、帶子亦都夠晒爽口，咬落去有一種海洋嘅鮮味，夠晒新鮮！有人會覺得去放題唔應該叫壽司，但極上帝皇有好多款特別壽司，推介火灸左口魚邊壽司、黑松露油甘魚壽司同火灸岩燒三文魚腩壽司。火灸左口魚邊壽司嘅口感十分特別，煙燻味道帶出左口魚嘅鮮甜。黑松露油甘魚壽司則係一個驚喜，黑松露嘅香氣配合油甘魚，真係提升咗整體風味。至於火灸岩燒三文魚腩壽司，三文魚腩嘅脂肪分布均勻，火燒後更加香脆，味道一流。炸物方面，有炸廣島蠔、可樂餅同芝士年糕。炸廣島蠔外脆內嫩，搭配上少少檸檬汁，即刻提升咗整個味道。可樂餅嘅外形金黃酥脆，內裡薯仔餡料綿密，食落去非常滿足。芝士年糕更係一個必試選擇，外脆內軟，芝士充滿拉絲感，唔怕飽肚嘅真係好想再來多一份。仲有熱食鍋物，叫咗個日式和牛壽喜燒鍋，配料加了金菇同娃娃菜，整返個牛肉火銅。想不到牛肉相當柔嫩，搭配上濃郁嘅壽喜燒湯底，金菇同娃娃菜吸收咗壽喜燒同牛肉嘅精華，非常好食。另外仲有啲小食，我就推介鹽燒鯖魚、黑松露炒蛋同泰式辣椒膏炒青口。鹽燒鯖魚外皮香脆，魚味好出，真係好正！黑松露炒蛋係一個驚喜，黑松露嘅香氣同蛋嘅滑嫩融合得恰到好處。至於泰式辣椒膏炒青口，青口嘅鮮味同辣椒膏嘅香辣互相配合，愈食愈上癮。最後，餐廳嘅自助飲品櫃有紙包飲品、汽水同啤酒等等。啤酒仲要係嘉士伯，值得一讚。…Read More

今日約埋朋友專程來搵「小龍哥」！有睇開JFFT 的都知道小龍哥的大名，知道「極上帝皇水產」是他的餐廳，一於過來試一下。入到極上帝皇水產，餐廳裝潢有濃厚的日系風格，裝修已經夠晒Firm。放題來說，這裡的食物選擇算是豐富多樣，無論是新鮮的刺身還是熱騰騰的鍋物，總有一款適合。◪ 日式和牛壽喜燒鍋一入座，店員就給了一張限定供應的鍋物紙。我們選了日式和牛壽喜燒鍋，餐廳使用的和牛肉質細膩，油花分布均勻，入口即化。鍋底的高湯由醬油、味醂等多種調料熬製而成，味道鮮美，另外再可點上蔬菜、其他肉類，讓整體口感更加豐富。◪ 日式刺身在刺身方面，極上帝皇水產提供了一系列新鮮的選擇，特別推介挪威厚切三文魚、手切八爪魚刺身、泰式生蝦刺身、北海道帶子刺身和珍寶赤蝦刺身。每一款刺身的切工都非常厚切，三文魚肉質鮮嫩，脂肪分布均勻，入口滑順，手切八爪魚刺身則彈牙有勁，非常適合喜愛嚼感的食客，北海道帶子刺身肉質厚實，味道鮮美。刺身亦encore 幾盤了。◪ 避風塘雞軟骨粒雞軟骨粒經過香料調味後炸至金黃，外皮酥脆，內裡卻保持著鮮嫩的口感，讓人一口接一口，搭配啤酒更是絕配。◪ 鹽燒系列鹽燒牛舌肉質鮮嫩，鹽香四溢，而鹽燒活海蝦則保留了蝦肉的鮮美，肉質彈牙，搭配上少許檸檬汁，更能提升整體的口感。鹽燒鯖魚外脆內嫩，鹽燒系列都非常惹味。◪ 日本芝麻雞翼、巨海老天婦羅烤物之中，推介日本芝麻雞翼和海老天婦羅。芝麻的香味與雞翼的鮮嫩完美融合，每人至少食兩隻起。而巨海老天婦羅則外裹酥脆的，口感酥脆，內裡的海老蝦肉質鮮嫩，相當不錯。◪ 自助飲品櫃、甜品櫃在自助飲品櫃中，亦有各式各樣的飲品，啤酒汽水清茶，應有盡有。而自助甜品櫃則提供了不同款式的雪糕雪條，記得最後要留肚。小龍哥的極上帝皇水產果然夠晒firm呀。…Read More

❌Openrice有45折訂座優惠，每位$199 （原價$443)。❌去到餐廳卻被通知要多收每位$119 （實收每位$318）。❌細看優惠細則，原來$119是服務費；是甚麼層次的服務，可以收取「加六服務費」？❌以45折訂座優惠作招徠，是餐廳利用Openrice平台騙錢？還是餐廳與Openrice合謀騙錢？…Read More

今日同朋友嚟呢間餐廳食日式放題地點非常方便 位於旺角西洋菜街兆萬中心，行完街嚟呢度試下 首先去到餐廳，感覺好得意，好似入咗架小火車🚞，一卡卡座位好寬敞。 職員服務很好又貼心。食物種類繁多，例如有刺身、炸物、串燒、鍋物等等 ，加錢仲可以升級豪華版，會有生蠔🦪、鵝肝、海膽、這類貴價食材。 即開生蠔仲來自日本🇯🇵！ 先講下刺身，我哋試咗三文魚、希靈魚、赤貝、帶子、北寄貝等，樣樣都好新鮮，尤其赤蝦刺身。至於熱食，串燒牛脷，味道一流。蟹粥用料十足，鮮甜好味。泰式炒通菜，辣辣地好惹味。這裏有一道壽喜燒，很特別的！ 要自己煮！ 但不用擔心，餐廳會提供說明，裡面有牛肉豬肉蔬菜同壽喜燒湯底，有得玩有得食，帶埋小朋友 一齊親子活動。餐廳裏仲有大量飲品提供俾大家任飲，甜品方面，就有雪糕雪條任食。…Read More

啲嘢食種類選擇仲停留緊喺唔知幾多年前，人哋大瀛喜大喜屋同你一樣價錢，已經有晒鵝肝，海膽，生蠔，榴槤，小龍蝦，點解啲咁cheap嘅大大嚿壽司飯仲可以拎出嚟俾人食？好明顯係想快速執飽客人個肚。啲甜品雪糕又係仲係啲好cheap嗰啲，人哋已經做緊Häagen-Dazs！五六年前嚟食已經係咁樣，點知五六年後都仲係咁樣冇進步，如果同樣都係比二百幾蚊嘅價錢，其他好多地區嘅放題都一定優勝過旺角呢一間，呢間又迫又細！唔似人哋啲放題出邊啲自助區可以任夾海鮮。…Read More