楓 瘋味Cafe

营业中

休息中

佐敦楓Cafe實測｜$98巨魚挑戰手掌極限！慢煮雞扒嫩到犯規 海鮮份量震撼，慢煮雞扒驚艷，白汁軍團橫掃味蕾！ 🍝 慢煮雞扒意粉（$68）｜溫柔刀法 - 雞皮煎出金絲網紋。刀叉輕切肉汁「吱」出 - 肉質嬰兒肌級嫩滑。疑用舒肥法處理，連雞胸位都濕潤 - 邪惡點睛：蒜蓉牛油醬浸透每條意粉，掛汁力MAX 性價比極高：雞扒大過手掌，但$68意粉在佐敦屬中高價位 🐟 香煎盲曹魚（$98）｜視覺暴擊 震撼上桌① 魚身長度直逼25cm（實測比iPhone 14 Pro Max長兩指） ② 魚皮煎脆如薯片，魚肉雪白層層爆開 調味 ✅ 檸檬牛油汁滲入魚骨，嗦骨都香 ⚠️ 小刺略多，食客要化身挑刺特工 🦪 追加海鮮軍團｜$10.1蠔的誘惑 焗蠔（$10.1/隻）- 尺寸直逼乒乓球！面鋪爆炸級芝士 - 驚喜彩蛋：底層藏洋蔥蓉，解膩神器 焗扇貝（$12/隻）- 蒜蓉牛油轟炸機，粉絲吸汁力爆表 - 貝肉彈牙，不過幾細粒白汁焗西蘭花（$12）✅ 西蘭花脆度逆天，白汁輕薄不搶戲 ✅ $12有半個西蘭花量，素食者狂喜 性價比高｜海鮮新鮮度：★★★★★ ｜創意調味：★★★★☆

小店是值得支持的，但員工也要有基本的服務態度吧！點了牛扒餐，等了20分鐘，眼見遲過我到的人亦已上菜，於是問了一句個餐得未，員工答有㗎啦，然後問你張單呢，原來我張單跌了落地上，2分鐘後牛扒午餐到，我點的是五成熟，但牛扒像是八九成熟的模樣，我問這是五成熟嗎？她揭了一眼就說係呀，想生啲我同你換，我話唔使啦，我等咗20分鐘趕時間，跟住佢話我哋張單有寫明㗎，我哋得一個人煮嘢。（遲過我到的客人有四位，也有點牛扒。）員工返入廚房大聲跟廚師說，個客話等得太耐塊扒唔夠生。哈哈，那麼大聲不知是什麼目的呢？說回味道，牛扒雖比我預期中熟，但是味道及口感是好的。如果那位員工態度可以改善，我相信這是一間很值得支持的小店。

細細間的悠閒cafe, 咖啡種類多，主打不同產地精品咖啡。除咖啡外，還有意粉，牛角包等，價錢平民化，是日常偷閒小聚好去處。店內有活潑貓店長，喜歡親近客人，喜歡貓貓的大推。

📍原本想去餐廳竟然OFF摸門釘 行到轉彎位 見到呢一間街坊價咖啡店! 餐牌食物選擇唔少 晚市扒餐價錢都只係$100左右 價錢咁抵食 難怪全場滿座～ 🌀 蜜烤燒焗龍脷柳扒 & 安格斯T骨牛扒(配飯/意粉/焗薯)$88套餐配有餐湯及飲品 餐湯幾有誠意 羅宋湯有滿滿的椰菜及紅蘿蔔 仲有埋酥脆蒜蓉包! 龍脷柳扒沒有雪味 塗上蜜糖燒汁烤烘過 表層微脆好似有焦糖層咁 不過魚扒太薄身 口感有扣分! $98 安格斯牛扒數量有限 售完即止～價錢真係好平😹 朋友表示份量真係好多 不過肉質太韌 火候控制略嫌不足🤔🌀 特脆薯條 & 芝士白汁焗菠菜 & 蒜蓉焗金菇🛎️最吸引係可以無限加配小食! 仲要係超優惠價: $8/$9/$10/$11/$12 都有😻 而家做緊特價 芝士牛油焗扇貝同生蠔都係$10! 推薦白汁焗菠菜 表層芝士脆身 仲做到拉絲效果 菠菜軟淋有菜味 營養均衡d攝取多d纖維📢 餐廳屬家庭式經營 老闆娘好nice 仲有機會見到貓店長小妹巡舖😹 店長好痴人 跳高跳低好得意

路經佐敦肚餓· 偶見楓cafe，揀咗$98嘅t骨歺，手做羅宋湯加上蒜蓉包。湯不是罐頭湯，還有牛肉渣，T骨手掌咁大，沒有梳打粉味，熱咖啡香濃，還有鮮奶咖啡糖跟，$98真係抵食兼大件！值得收藏

佐敦西貢街小店Cafe楓.瘋Cafe入內即感舒服自在音樂是台灣歌因店內原木傢俬和樓底高更有店長帶來的小花貓晚巿時小花貓活躍巡視逐枱逐枱跟人客打招呼咖啡好香 啡杯更是精緻花朵圖案藍紫色圓杯拼相同花朵圖案碟子食物餐盤很有質感，厚厚大白圓碟盛起一客牛角包Crazy Crossant認真製作的暖暖脆脆牛角包薄切火腿及煙三文都恰到好處沙律菜新鮮爽口餐湯杯子是有耳藍色湯杯好匹配吃得飽足，是區內悠閒嘆咖啡之首選價錢也很親民70-100元左右的晚餐下次要試試薯條意粉等附圖片餐單已很吸引是適合三五知己悠閒聚腳之地方值得支持㗎

中午佐敦搵嘢食，第一次幫襯，因為有人想食煎／炸魚，路過見餐牌兩人都搵到啱食嘅嘢就入去試試。食物新鮮即做價錢合理，環境清潔，用心製作食品要好好支持。小店只有廚師同店員兩人忙碌中要理解耐心等候，不過食物上桌也不用等太久。

一人歎下午茶是最為適合，餐廳擺設簡簡單單而休閒，雖然店舖不大座位好舒適我叫左下午茶餐醫肚，黑鬆露醬多士好味道，另外叫杯齋啡都唔錯。下次一定要再去消費！誠意推介這間小店！用心製作！

是日咁啱黎左佐敦，求其食個lunch～叫左lunch set，墨西哥辣汁安格斯牛肋骨，配焗薯～牛肋骨超稔，超入味，份量唔少，焗薯同配菜都熟透，配菜一啲都唔馬虎，椰菜，粟米🌽，洋蔥🧅，上枱係熱的，有好好煮過，唔係白烚嘅味道。👍🏻醬汁微辣，惹味，整體來講幾有驚喜😋餐飲本來想要蜂蜜熱情果，可惜只有凍飲，未病好唔敢飲🙈結果揀左熱咖啡，咖啡好香，唔苦，易入口，加唔加奶都好飲，加奶再滑啲～埋單$78，高質又抵食👍🏻

炸豬和薯條真的特脆，在店內食，兩樣食物好吃得會令人會想有下次，我還點了個凍奶茶，我今次沒叫到小冰小甜，所以冰會覺得有點多和因我平常都是小甜人今天會覺得有點甜。以下午茶50元來說，真的可說是平。以這裏食午餐的價格也很平，60多一個餐，加10元有是日餐湯，外買吾洗加錢有甜品，通常都是布丁再有時布丁中有果肉。加上這裏有其他小食還可選醬汁，以一家做cafe加了港式元素的餐廳，他們的出品和對食物的用心可說是有心機的食店。

因為有嘢做難得入佐敦呢頭搵嘢食，發現左呢間唔起眼但幾高質嘅小店。嗌左個煎雞扒意粉，個雞扒好出色，個皮勁脆而肉就好juicy🤪🤪個意粉係有蕃茄味幾好食但就可以再硬身啲。連埋嘢飲先56蚊，好抵食👍👍