椰林閣餐廳

之前在椰林閣食過下午茶都不錯炒的食物，今次就來見到有不少晚餐但只是小菜，所以最後就在主餐牌看到有個羅漢齋炒麵五十六元，就叫了一份來吃，因飲品要另計就叫了水飲，食物好快來到了，沒想到份量都幾多幾靚，面都有不少的白菜同素食，嗅得都幾香，但可能醬汁過多闗係，反而覺得只有很少的炒麵乾炸脆的口感，味道不太濃，清清地，最後再加上辣椒醬就好味得多，而這裡的辣椒醬都幾辣惹味，炒麵口感都可以而且份量都不少，最後一人都吃不完，沒想到這裡的炒食物都不錯，可以下次過來再試晚餐小菜。在晚餐中選了土魷蒸肉餅飲茶走七十二元仲有個白飯，叫了等了十多分鐘就來到都幾大碟。而且都幾香，白飯一碗都應該夠食。肉餅入面都幾多魷魚，味道都幾濃而又不太咸，有了少少蔥所以增加不少香味，但一食肉的口感太淋，應該是比較多肥膏或豬肉不太靚，但都叫可接受的，豉油不太咸，送飯不錯，肉餅即整的感覺都幾新鮮，白飯都煮得剛好。飲品熱奶茶夠熱但茶味不夠，感覺有點淡而且不夠滑。…查看更多

冇人煮飯，唯有兩個人落樓下求其食個飯就算。叫左個豉汁蒸黃花魚，即叫即蒸，所以都要等一陣。不過我地吾趕時間，所以冇咩所謂。條魚望落都幾大條，食落幾滑，唔會蒸過頭。魚下面鋪左幾舊豆腐，豆腐吸滿汁都吾錯。個鐵板餐都幾抵食，兩塊肉都算大塊，而且豬排食落好諗，雞排都好滑。條香腸同蔬菜就正正常常啦，冇咩特別，但d薯條食落軟諗諗同好碎，下次都係叫飯or意粉好d。尼個鐵板餐包左杯紅豆冰，d紅豆就比較少，冰比較多，飲落就一般。…查看更多

今朝忙左成日,忙到唔記得食飯。唯有睇下附近有咩好食。突然醒起呢間椰林閣，即刻揸車過嚟食下午茶。下午茶時間黎講唔算多人，想當年讀中學嗰陣過黎食咖哩牛腩飯餐都係$29. 今日我都係叫咖哩牛腩飯，不過已經要$45同埋牛腩已經係以碟頭形式上，唔再係用個碗分開上 不過唔緊要，個味道都仲係keep到，個咖哩既椰汁味好重我最鍾意。牛腩又夠哂林，啱哂我呢d懶人食加多杯凍飲都係total$48,物超所值。開左成20年係度都仲屹立不倒係有原因的…查看更多

葵涌真係冇乜好嘢食，住喺呢頭都幾麻煩，我一般都會搵下午茶食，抵食啲，椰林閣嘅下午茶我覺得質素幾好，包左嘢飲嘅，我同朋友都係飲熱檸茶雞翼加迷你西多士再加蜜糖腸$34雞翼都幾大隻，同埋醃得好入味，食落幾嫩滑，西多士好正，裏面係有花生醬㗎，仲有糖漿任添，不過我覺得唔使落糖漿都好好食好夠味，好想食大份嘅。蜜糖腸係正宗嘅台灣腸，偏肥，但美味而朋友叫咗個豬扒包，味道都唔錯，蔬菜同埋豬扒加埋一齊唔會令到個包好乾，而個包其實都幾鬆軟，當然外層有啲脆脆地，幾好啦！不過收$37就有啲貴啦…查看更多

去左石籬商場椰林閣食下午茶餐，叫左個咖哩牛腩飯加凍奶茶。但其實下午茶餐同午餐個價錢唔算差得太多，只係去食時已經過左午餐。但唔知是否下午茶餐份量會否比較少，牛腩晚份量得幾塊。但味道好好食，好香椰香味，咖哩汁又滑又香，味道真係好好食。但男人來講，份量就少左啲啲。 如果多翻啲，我諗會再次去光顧。…查看更多

有啲家居嘢專誠拎俾住晌葵涌嘅表哥，本來送完嘢就算，佢誠意拳拳話一齊食埋飯先走啦，仲話買咗啲團購券，一於一齊落去食，恭敬不如從命，結果，就同佢一家落咗石籬商場嘅「椰林閣」食餐晚飯。我哋嚟得早，所以，客唔多。地方稱得上乾淨企理啦，至少，唔似啲街坊茶記咁逼逼夾夾，人少少就揀卡位，人多啲嘅，圓枱就最理想。啲餐牌就攝晌枱邊暗格，枱上亦已經有晒刀叉之類，不過，由於同表哥一家都喜歡各自嗌碟頭飯，加上費事阻住佢哋食，所以，今次就只寫自己嘢。而最簡單就喺正正放晌枱上嘅「廚師精選小菜」套餐，每款小菜都配白飯一碗及是日例湯或熱飲。淮山咖喱牛腩煲 $72一向咖喱牛腩都喺配薯仔，而配淮山都喺第一次，感覺得意就試吓佢。估唔到堅喺一整煲喎，所以，份量唔嘢少，而且，咪以為搵好多淮山墊底，着實有唔少牛腩同牛筋。同樣，白飯都灌頂滿滿，多到喺家常嘅兩碗飯啦。啲淮山入口爽爽哋，又脆脆哋，靠咖喱汁上味，而且，勝在健康有營養；至於牛腩呢，炆得又腍又鬆化，個咖喱汁調得都唔錯，喺較港式嘅做法，無馬拉、印度嗰啲咁富香料層次，但撈飯一樣咁正。熱奶茶我就當「椰林閣」喺高檔少少嘅茶記，所以，餐飲就梗喺熱奶茶啦。雖然，杯奶茶稱唔上絲滑，但茶底唔錯，頗有茶香。雖然普遍「椰林閣」啲食評都幾負面，但喺，單喺小弟呢次嘅經驗都幾唔錯，我哋幾個嘅食物都不俗，唔知喺時間早，人客少，所以，服務都算幾到位，尤其埋單時，可能張團購券印出嚟稍稍懞咗啲，佢哋個電話又掃唔到組QR Code，搞咗好耐，個店員無不耐煩，亦盡力試完再試（因為我哋嘅手機就掃到），臨危不亂，結果用打Bar Code組數字解決咗，佢個態度喺值得一讚。…查看更多

很少機會可以同男友一起吃早餐, 這天早起, 剛好就有點時間.7點半拉著男友到商場椰林閣, 店內都已經有不少人啦.馬上看看餐牌, 男友叫了雪菜肉絲烏冬, 跟餐包炒蛋, 餐包也不是熱的,只是有點溫度而已, 而且這炒蛋吃著也不像炒蛋啊.我叫了一個港式早餐, 有火腿, 腸仔, 餐肉, 太陽蛋還有奶油豬.各樣都挺好的, 就是奶油豬太硬了, 還是冷的.值得稱讚的是上餐速度很快,不過早餐時間速度快是必須的, 店員也有禮貌. 但有兩位店員有點爭吵起來了,可能是早餐時間店裡忙的關係, 只是被客人聽到就不好了.…查看更多

食物名我就唔記得喇，約略講下呢個牛柳茄汁意粉，意粉煮過龍，牛柳亦都係，鞋口豬扒炒公仔麵，普通既餐點，鬆肉粉多左少少，當然，無鑊氣啦，有鑊氣正好多。脆脆華田，上面既脆脆好癡牙，可以一試…查看更多

所謂屋村內的餐廳，完全沒有要求就是對的！晚上到椰林閣食個便飯，選擇多，睇落有啲雜，這應就是茶餐廳的特色，但當中驚見有芝士撈面心諗試定唔試好，絕對係一個破格嘗試芝士雞扒撈麵，初初碗麵到咗嘅時候見到面上面都算有幾多芝士，但係隻顏色好似太過黃，心諗緊佢係取材於邊一隻芝士呢？食落面種唔係出前一叮，屬於幼身面，最後食左半碗，味道都有7.5/10，有濃濃既芝士味，除此之外，食左一半左右就開始滯，伴上一碗湯，感覺很味精不過不失的新嘗試，餐廳勇於新推出為鼓勵…查看更多

依家好多人都同我一樣，午餐唔食住等到下午茶平啲先食。今日就到公司就近椰xx，食下午茶，下午茶分量買相ok，但一定食得飽人囉^_^，大路快餐店太精緻-_-#，吃到只得半飽！如果仲餓可以加幾蚊要多半件朱仔包，九成九飽…查看更多

早餐對於一天來說是十分重要。早餐是每天的第一餐，經過一夜休息，晚飯吃下的東西早已被消化，甚至已經將多餘沒營養的部份排離體外。一份美味的早餐，絕對是一天美好的開始。可惜……奶油豬配煎雞扒、腸仔、牛油粟米，幾樣食物放在同一隻碟上，雞扒的油與醬汁，與及牛油粟米的水份沾了在奶油豬上，把麵包弄濕了。或許我是有點要求，但$35一份早餐，將奶油豬放在另一隻碟上，也不是過份要求吧！腸仔是一般的雞肉腸，牛油粟米用冷藏粟米淡而無味，煎雞扒，太油，而且煎得太熟太乾身，「鞋」口非常。明白百物騰貴，但一杯熱阿華田，至少都要有阿華田味，可惜是奶太多，水吧只為沖出一杯熱華田而加入需要的用料，完全沒想過味道這回事。…查看更多

六時前到達，侍應說仍來得及點下午茶，正合我意，可以便宜地解決是夜晚餐。我吃了$35的肉醬意粉，份量足夠作為晚餐，算比較抵食。即焗夠熱，肉醬有肉味，很開胃，可惜太油膩。她吃了蕃茄豬扒意，蕃茄汁唔濃，豬排小小地，乾乾地都ＯＫ。手痕點多左個餐，奶油豬搭３隻瑞士雞翼，瑞士雞翼唔熱，暖暖地，叮下都好丫。奶油豬都ＯＫ脆，不過好飽打包畀阿媽食。整體而言，椰林閣餐廳沒甚麼值得期待，卻又不會有甚麼失望喇！…查看更多

今次要去石籬商場郵局便順路去試試椰林閣午餐，1點左右時間都算爆人流(有d意外)，因為椰記素質只屬茶餐廳貨色但價錢比此區茶餐廳貴。今次點了牛柳餐包餐湯和餐飲及餐包，埋單大約要51蚊，因為我叫熱飲所以便2蚊。味道得個辣字同埋太水，羅宋湯多菜及有紅蘿白。黑椒汁味道唔錯不過太少汁唔夠撈飯，牛柳有3,4塊不過大部份都好多根位。大約7成熟左右，無根位既地方算幾"林"，味道普通。…查看更多

中午lunch time的確無咩選擇，自上一次去左美心快餐中左伏，今次決窕去旁邊果間椰林閣試試，因為好耐之前係旺角分店食過，都算唔錯，其實我都只係想安安全全醫飽個肚者～環境清潔都算係咁了，重有學生價，可惜我無得享用了～叫左個海南雞飯，賣相算係正正常常，配油飯，點知一食落去又知道中伏了，雞無雞味，紅卜卜好似未熟咁！隻雞真係死得唔值，食左２咬真係頂唔順諗住食菜配飯，大大條菜有渣既，成陣草腥味，真係頂唔順，好彩有配一碟醬，醬汁撈飯食左就算～正正常常既凍檸茶～…查看更多

臨近過年好多打工仔都要OT到晚，而我亦不例外，每日都超時工作12小時晚飯完後還要衝刺，人工又追不上通脹 ，講番正題先，今次係我第Ｎ次食椰林閣，不過晚餐都係頭一次，入到去人影都唔多隻夠晒靜我鐘意。而家起香港食野間間都要迫，又比大陸人入侵度度都好多普通話人 ，去到椰林閣咁靜可以舒舒服服咁食下野似番少少未有自由行前既香港食市。今晚只得一款羅宋湯沒有忌廉湯，湯唔夠濃只得辣同少少雜菜，無味道可言失敗首先講個油飯先，黎到變左白飯唔係油飯，海南雞雞唔夠滑多骨都唔緊要，仲要唔熟好多都係偏紅同有少少血失敗埋單雞飯$64蚊雖然唔貴，但好難食絕對唔值。…查看更多