椰仔冰室 (三聖商場)

本身對香港茶餐廳都冇期望，點知野食勁有誠意，叫咗三個餐，全部都好好食，連例湯都有驚喜！真係值得推薦一下！紅豆冰都冇得輸，小朋友都食得好開心！！👍🏻👍🏻👍🏻👍🏻👍🏻👍🏻…查看更多

唔好有期望的下午茶☕️屯門三聖選擇唔多，除左有幾間一般連鎖餐廳之外，就得返呢間茶餐廳揀。今日叫左個咖喱牛腩飯，送一杯飲品，凍飲加三蚊，叫左個凍檸茶，下午茶時段由2點至6點，價錢比較優惠，但可惜質素好一般🥲🥲 咖喱牛腩飯白飯份量好足，有成3平碗白飯，咖喱汁個咖喱味好淡，得小小咸味，牛腩質地比較硬同鞋身，唔入味，呑唔到落肚，除左牛腩之外就無其他配料啦😅😅最後杯凍檸茶小甜小冰，正常茶餐廳質素，無乜特別。一分錢一分貨！…查看更多

係外送平台叫外賣，只係叫兩個普通飯，一個招牌蔥油豬扒太陽蛋飯，一個炸雞髀煎蛋飯。但車手比原定時間遲了20分鐘才可以取餐。送到後一打開個飯盒，見到個雞髀炸到乾淨淨，好似冇咗忽肉咁，唔知係炸到啲肉縮水定咩事。仲要一食落去勁有油益味。真係同我標題所講，自己都炸得好過佢。依間餐廳真係要blacklist唔可以再比機會佢。凍奶茶普通。唯一可以讚就係送餐冇漏汁等，但其實依樣只係讚緊車手。依間餐廳真係唔知點解可以仲生存到。…查看更多

我明白到啦！點解咁多人去啦！睇唔睇到個圖沒做假個豬扒有誠意都ok，個公仔麵唔熱都唔緊要啦！$48蚊包熱飲品唔細加錢又可以慢慢坐重想點你唔去試下我都會覺得奇怪真係好多餐選擇…查看更多

放假四圍都迫滿人，餐廳也不例外，都近乎滿座，中午來到門口只需等店員清潔好枱面，不用等太耐，就可以入去坐，午餐精選只有一個項目是想食的，於是就點了🍽️☝🏻焗飯即叫即焗，大概等了10分鐘，整個飯熱騰騰擺在我面前，看見還在出氣泡的咖喱汁，即時引起食慾，飯及牛肉份量都相當豐富，好像食極都食不完，但美中不足飯不是炒底☝🏻餐飲就一定是港式熱奶茶，琥珀色的茶是代表茶與奶的比例是剛剛好，飲品很好喝，是茶餐廳不可缺少的招牌飲品👍🏼…查看更多

午餐最緊要食得飽，同埋奶茶要夠濃，呢一間茶餐廳完全滿足到我要求，不知道椰仔冰室是否同椰林閣有直屬集團的關係，不過食物水準都十分好，而屋邨茶餐廳有濃厚的人情味，店員又好nice，令今次午餐食得開心又滿足…查看更多

今日行到三聖商場食咗呢間下午茶餐廳，六點前要落單到嘅時候已經5:57，服務超好可以俾我點到下午茶餐，嗌咗個卡邦尼意粉同咖喱牛腩意粉，上菜速度非常之快，都幾好味幾好食…不過建議朋友們嗌焗意粉會抵啲🤪…查看更多

尼間係我以前成日嚟嘅食堂，比起嘢食嘅質素更贏得人心嘅係人情味。雖然而家啲飯餸已經越嚟越冇以前咁好食，特別係個霸王雞係無味嘅😪每次都諗住都”唉，唔會有下次㗎啦”但係見到啲”姐姐”嘅熱情招待同埋有禮嘅態度同埋嗰個我最鍾意嘅例湯(雖然九成都落咗味精)都會令我打消尼個念頭…不過有一說一，佢哋個梅菜蒸鯇魚又真係幾好食，家母每次嚟都淨係叫蒸魚🙈Em..算啦都係繼續食啦…😋😂😂希望過一排啲食物都會進步返啦~…查看更多

味道唔錯，價錢合理。整體喜歡服務ok, 坐位算舒服。有卡位坐。食物來的速度很快。值得一讚。這村的選擇 好像不多。所以這冰室顯得重要吧不過位置要找一找，才看到。如果可以方便點，不用行樓梯 更好。…查看更多

我喺附近返工，每日嘅lunch都會去到新墟，椰仔冰室算係呢一區比較高質素嘅茶餐廳。椰仔冰室地方光猛唔再講，而且座位都坐得幾舒服，環境感覺衛生同乾淨。食過幾次，我覺得蔥油豬扒飯，炸髀都係唔錯嘅選擇。今日食是日嘅午餐，係焗豬扒飯，仲有中餐或者西餐、仲有一杯嘢飲價錢$55 ，都算幾抵食。焗豬扒飯等就等得耐啲，不過塊豬扒都幾厚肉，煮得幾淋，不過個炒飯底就冇乜料，比較失色。如果下次揀我都係揀返蔥油豬扒飯，因為蔥油配太陽蛋加豬扒真係好出色。…查看更多

星期日晚飯一個人叫外賣買左佢嘅晚飯套餐叫完大約等咗10分鐘左右就拎到唔算等好耐就咁睇佢環境，算企理乾淨，唔似隔離個間生X龍雲吞，啲麵煮到又淋、雲吞放係麵上面….好似唔識煮一樣。椰仔冰室個晚餐就正常好多！奶茶有茶香味，唔會澀同苦飯就粒粒分明，餸就鹹咗啲啲，但都可以接受。如果想食正常水準茶餐廳，喺新墟一定搵佢。想食雲吞麵就唔好去附近個間XX龍雲吞。…查看更多

第一 已叫午餐牌 蒸排骨 足足等左半個鐘都未黎！好好態度再追問，員工仲要話追追追 追咩姐公司職員唔夠人手唔係食客問題 將不滿心情發洩係食客身上。第二 坐低果時已經叫比餐湯，遲遲都未到，職員話自己好忙無時間比你地（態度差劣）。第三 叫個勝瓜雲耳肉片湯飯 廚師為左趕快出餐 d勝瓜唔熟既 都未試過食餐飯會搞到一肚氣…查看更多

由東南亞轉手椰仔，一直都有幫襯！但服務越來越差！由其是那個肥女人，之前寫錯單又唔忍，今天仲離譜，叫佢清理檯面，佢居然將兩杯水飛過，有杯仲倒瀉部份在檯及椅上！經常無人理會，要自己攞檯布抹枱及攞水。放棄了！…查看更多

一時又超咸。一時又淡而無味。個師傅到底係咪睇心情煮餸？午餐，食椒鹽豬扒飯。咸到好似食咗一舊鹽落個口到咁。好難食，仲要凍冰冰。我不如去買三餸飯拉，仲要俾多一倍既價錢， 叫三杯嘢飲。又落得兩杯。講幾次都錯。錯左又推卸責任。其實你落返杯野飲俾我就得。唔使講咁多。…查看更多

聖誕假期的最後一天懷着興奮愉快放假嘅心情計劃食什麼午餐打開food panda 外送速遞發現一間貌似不錯全新的餐廳經過再三思量為保守起見與同伴決定選擇招牌套餐希望不會中伏可惜實在太天真😆最後選揀招牌蔥油珍寶雞排飯+椰仔咖啡🤣🤣 $57.8未計運費等待約半小時後外賣準時到達👍🏻一打開個外賣盒實在忍不住與同伴笑左出聲🤣🤣這就是說好的招牌珍寶雞排？這就是說好的招牌珍寶雞排？這就是說好的招牌珍寶雞排？最多只能勉強稱得上是一塊普通雞排🙂配菜欠缺、激少量蔥油、雞排味道勉強合格、一杯平平淡淡的咖啡第一次在open rice寫食評實在不想太過過分破壞聖誕節假期心情就此收手🙏🏻想食就隨便嗌反正我就唔太識欣賞😅…查看更多