森禾泡飯

前排見元朗谷友力推森禾泡飯個蠔仔飯，bookmark左都未黎試，是晚正苦惱緊食咩好，諗起呢間泡飯，就黎試試吧😋小店只有四張枱，繁忙時段一位難求。餐牌除左泡飯，仲有唔少客飯、快餐等，價錢相當親民。學生餐仲三十蚊起，簡直係平到笑，點解我當年做學生個陣無呢啲抵食小店嘅？😂⭐蠔仔肉碎泡飯點了大熱嘅蠔仔肉碎泡飯加紫菜，賣相真係唔錯，蠔仔粒粒肥美飽滿，份量仲下得唔少，湯底係大地魚湯，加埋蠔仔認真鮮味，成碗食晒湯都無淨㗎，正😍⭐胡椒味菜豬肚雞湯飯另外仲叫左胡椒豬肚雞湯飯，湯飯個白飯係分開上嘅，份量仲大碗呀😳胡椒味菜豬肚雞滿滿一大碗，雞件鹹鮮，豬肚煮得淋身入味，個湯勁濃胡椒味，香香辣辣飲完出一身汗好舒服😝咁好味梗係一滴都飲晒啦！⭐瑞士雞翼仲加左份小食瑞士雞翼，一份有四隻，炆得軟腍入味，一咬就骨肉分離🤪連啲骨都入哂味。⭐凍鴛鴦 & ⭐凍檸賓跟飯熱餐飲加$2，凍飲$4，呢個價位合理吖。飲品大大杯夠冰凍，食完熱辣辣湯飯飲杯凍野確係爽😆哈哈，店員啲字好工整，一睇就知點左咩食😝…查看更多

今日入嚟元朗貨食，嚟到呢間位於雞地新開既森禾泡飯食個午餐。午餐時段到店，店舖細細已經坐滿8成食客，我就好幸運地揾到個空位坐低，不過要同人搭枱，坐低睇下個餐牌，最吸引我就係呢個蠔仔肉碎泡飯，我就一於點呢個同埋要麻辣湯底，廚房即煮，等咗一陣就有得食，份量適中，比相象中大份，湯底係麻辣既就正常，蠔仔份量幾多，係口入面爆汁好過癮，泡飯都算好食。整體滿意。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

朋友介紹話森禾佢哋嘅泡飯好出色，早前咁啱去元朗所以就食蠔仔肉碎泡飯 $50呢碗係由蠔仔、肉碎、飯同大地魚湯熬煮而成，風味鮮甜、香， 暖胃 又暖身重點係啲蠔仔清洗得好乾淨，數量又夠多，又大隻，配以芫荽，食落好香呢個泡飯好啱減肥人士食用，同時又可以補充豐富嘅蛋白質呢個價錢喺元朗食到咁高質嘅泡飯真係好抵食胡椒味菜豬肚雞湯飯 $80基本上秋天冬天就一定要食呢個，呢間第一次試味道都幾驚喜！佢嘅胡椒味唔算好重唔會太辣。湯亦都有非常多薑絲！所以亦非常驅寒！而佢湯頭雞湯嘅甜味非常突出！而且仲食到微微嘅酸菜味，味道層次相當豐富。雞件份量不少，而且肉質嫩滑好食！撈飯食非常飽肚滿足。…查看更多

🇭🇰元朗《森禾泡飯》🍲性價比超高的街坊美食😋🙌🏻🙌🏻本地人帶路搵到元朗隱世好嘢食！呢間喺鳳攸南街嘅「森禾泡飯」，完全係街坊先知嘅寶藏小店👍🏻開張幾個月，生意好旺門口長期排隊，問老細先知，原來係上水開咗二十幾年，味道真係🈶驚喜，排隊有道理❤️‍🔥呢啲街坊價、足料又好味嘅良心小店，當然要分享喇🤗🤗🌟胡椒味菜豬肚雞湯飯$80天气轉凍食呢碗湯飯真係暖到入心❤️湯飯個白飯和湯係分開上嘅，份量仲好大碗呀😍好香胡椒味，雞件鹹鮮，豬肚煮得淋身入味，個湯勁濃胡椒味，香香辣辣飲完真係會出汗，好舒服～🌟薑汁鮮牛肉豬膶湯米線$50呢碗勁足料，豬潤好新鮮大件，牛肉亦厚身十分有咬口，湯底薑味突出，飲落鮮美好回味，米線吸飽湯汁，爽口彈牙好過癮～🌟豬扒雙太陽蛋飯$50雙太陽蛋流心賣相好靚呀，蔥油豬排勁惹味，油香四溢，撈埋流心蛋好yummy喔，配上一口米飯超滿足～🌟瑞士雞翼$35瑞士雞翼係必叫！咬落啲雞肉嫩滑多汁，甜甜鹹鹹嘅醬汁好入味，香到停唔落口，食完一隻仲想再食！超人氣真係有原因～🌟蔥油太陽蛋撈麵$25撈面配上流心蛋勁Creamy咯，麵底煙靭🈶咬口，簡單個太陽蛋撈面都咁高質，唔怪得每日都人氣咁旺，夜晚9點就售罄，想食就明日請早喇～#元朗美食 #食森禾泡飯 #港式小食 #蠔仔泡飯 #紫菜湯 #豬潤泡飯 #蕃茄湯 #瑞士雞翼 #生菜魚肉 #韭菜豬紅 #香港美食 #元朗食肆 #平民美食 #性價比高 #港式滋味 #泡飯推介 #湯底靚 #新鮮食材 #暖胃美食 #街頭小食 #元朗好去處 #食評 #美食分享 #香港食記 #傳統味道 #小菜推介 #朋友聚餐 #元朗餐廳 #好味推介 #地道美食…查看更多

平時係屋企都會自己整湯飯，因為係岀面食過一次湯飯唔好食，所以都冇再試，今日經過元朗呢間新開湯飯，不如又試下！好，坐低睇吓有咩好食先。八刀湯飯，呢個湯飯夠特別，用上豬既八個精選部位去煮湯，個湯全部係豬既精華，非常好飲。成碗湯滿滿既食材，用料上乘。拌飯吸收晒湯既精華。胡椒味菜豬肚雞湯飯，胡椒味好暖胃，酸菜酸中帶甜，醃得好好食，豬肚新鮮乾淨。雞件啖啖肉。蠔仔煎蛋，蛋香夠薄唔會糊口，蠔仔肥嘟嘟飽滿有肉。瑞士雞翼，瑞士汁醃得好入味。飲品就叫左凍鴛鴦，凍朱古力。…查看更多

📍元朗｜森禾泡飯家庭式小店，店子雖小但五臟俱全，坐低就感受到一份溫暖人情味。🥣 藥膳雞湯飯 $80一上枱就聞到陣陣藥膳香，雞湯清甜不膩，雞肉嫩滑，仲有雞腎加持，口感更豐富。太陽蛋煎到邊脆心流，雞湯好補身，完美！🥩 牛肉肉碎泡飯 $50牛肉大塊、嫩滑，仲有好多菜，健康！泡飯吸晒湯汁，每啖都好入味，簡單但好有家的味道。🍋 凍檸茶 ×2茶膽落得足，茶味香濃，檸檬夠新鮮，飲落透心涼，配泡飯一流！💬 森禾唔係咩大牌子，但每碗飯都食得出用心。下次想食返碗暖笠笠嘅泡飯，不妨試吓呢間元朗小店！…查看更多

今日入元朗搵朋友見到呢間野有黃酒煮雞，涼涼地諗住叫番個黎食下個frd叫左蠔仔肉碎本身諗住茶餐廳應該都係求期點知出奇地好食勁重料，啲雞勁滑，蠔仔勁肥強烈推介呢間野，又平又好食…查看更多

元朗森禾泡飯係一間小店，然而不停有人喺門外等位，相信有一定吸引嘅地方，所以都排隊等一等，大約十分鐘可以入座點了蠔仔肉碎泡飯，大大碗，經濟實惠，蠔仔鮮味十足又大隻，入口飽滿，湯底都幾鮮甜，加埋紫菜嘅香味，仲要熱辣辣，飯粒軟硬適中，每啖都好有咬口豬潤肉碎泡飯而豬膶處理得好，好新鮮冇腥味，口感嫩滑，同肉碎一齊食層次豐富，選蕃茄湯底真係冇錯，酸甜開胃又夠濃，同豬膶好夾，好爽蠔仔煎蛋亦有驚喜，煎得香脆，蛋香四溢，蠔仔鮮味滲入蛋中，效果好好生菜魚肉則係清甜之選，魚肉滑嫩，生菜爽脆，配搭簡單而有水準，既食得健康又美味可選套餐配飲品，平靚正佳，排隊等位有道理！…查看更多

呢間泡飯店沙薑多到嚇親🤯終於搵到元朗隱世好嘢！匿喺鳳攸南街嘅「森禾泡飯」，完全係街坊先知嘅寶藏舖！最驚喜係個沙薑雞飯，真係要吹爆！唔係求其用粉充數，每一啖都咬到粒粒沙薑，師傅自家調配嘅味道，香到個鼻都要跌岀！瑞士雞翼煮得夠淋，醬汁鹹甜得啱，舐埋手指先算完～蠔仔肉碎泡飯夠晒足料，熱辣辣一碗落肚，暖到入心！凍檸茶同檸檬利賓納都夠冰夠爽，解膩一流，飲完仲想追加！呢啲街坊價、足料又好味嘅店，真係見一間愛一間！元朗食飯又多個新選擇啦…查看更多

蠔仔肉碎泡飯紫菜湯呢碗泡飯真係無敵！紫菜湯清甜得黎好鮮，熱辣辣一啖落肚，暖晒心同胃！蠔仔係重頭戲，粒粒超大粒，肥美到爆，咬落滿口鮮甜汁液，超滿足！先$50一碗，蠔仔咁大粒咁新鮮，份量又咁足，性價比真係爆棚，絕對抵食！豬潤肉碎泡飯蕃茄湯呢個蕃茄湯底泡飯真是一個驚喜！湯底酸酸甜甜，蕃茄味濃但唔膩，飲落好開胃，仲有陣陣薑絲香，暖胃又提神。豬潤好新鮮，煮得啱啱好，嫩滑得黎仲有咬感，絕對唔會過熟變硬，入口真是一個爽字！瑞士雞翼瑞士雞翼係必叫！咬落啲雞肉嫩滑多汁，甜甜鹹鹹嘅醬汁好入味，香到停唔落口，食完一隻仲想再食！超人氣真係有原因！生菜魚肉魚肉滑溜溜又彈牙，生菜爽脆，清新嘅口感同魚肉好夾，食落好清爽。韭菜豬紅韭菜豬紅真是一個驚喜！豬紅嫩到入口即化，無半點腥味！咖喱白魚蛋咖喱白魚蛋真是一個大亮點！咖喱汁好香口，濃郁得黎唔會太辣，帶點椰奶香，入口暖笠笠好過癮！白魚蛋好彈牙，每一粒都好有嚼勁，吸滿咗咖喱汁嘅精華，食落真係好滿足。瑞士雞翼同泡飯係必試，強烈推介俾鍾意港式滋味嘅朋友，下次一定再返去試多啲菜！…查看更多

今日同屋企人去咗元朗鳳攸南街3號好順景大廈地下38號舖嘅「森禾泡飯」開餐！一家人叫咗兩款泡飯同小食，試完真心要同大家分享下～蠔仔肉碎泡飯（$50）加咗$2轉紫菜湯底，蠔仔份量足又鮮甜，肉碎惹味，紫菜湯底香濃得嚟唔會過鹹，配凍好立克（+$4）解膩一流！另一碗雞柳肉碎泡飯（$50）加$2轉蕃茄湯底，雞柳嫩滑，蕃茄湯酸甜開胃，配凍柯華田（+$4）童年回憶返晒嚟～小食瑞士雞亦（4隻$35）滷得入味，肉質軟腍，蜜甜香濃，忍唔住連骨都啜埋！#森禾泡飯 #元朗美食 #泡飯控 #蠔仔泡飯 #瑞士雞翼 #家庭樂 #食在香港 #抵食之選…查看更多

今日趁住週末，一家人專程去元朗鳳攸南街嘅森禾泡飯試食，舖頭位置好易搵，就喺好順景大廈地下38號舖。 最驚喜嘅係蠔仔肉碎泡飯（$50），蠔仔夠晒新鮮，咬落有彈性，肉碎分量足，泡飯嘅米飯吸盡湯汁精華，熱辣辣食落好暖胃。加$4配嘅凍菜蜜好解膩，甜度啱啱好，夏天飲好爽。 口水雞飯（$55）都好有水準，雞肉嫩滑唔柴，辣油香而不嗆，拌飯食好過癮。配嘅凍杏仁霜好濃郁，杏仁味好足，中和咗辣味。 黃酒雞飯（$80）酒味夠香，雞肉炆得好腍，每啖都有淡淡酒香，飯底吸收咗黃酒汁，食落好惹味，適合鐘意酒香嘅朋友。 小食點咗炸司華力腸（$20），外皮脆卜卜，腸仔肉質結實，咬落有肉汁，熱食最正。 整體而言，呢間舖性價比幾高，食物分量足，味道亦有驚喜，一家人食得好滿足，下次會再試其他款式！ #元朗美食 #森禾泡飯 #港式茶餐廳 #家庭聚餐 #泡飯推薦…查看更多