森禾泡飯

前排见元朗谷友力推森禾泡饭个蚝仔饭，bookmark左都未黎试，是晚正苦恼紧食咩好，谂起呢间泡饭，就黎试试吧😋小店只有四张枱，繁忙时段一位难求。餐牌除左泡饭，仲有唔少客饭、快餐等，价钱相当亲民。学生餐仲三十蚊起，简直系平到笑，点解我当年做学生个阵无呢啲抵食小店嘅？😂⭐蚝仔肉碎泡饭点了大热嘅蚝仔肉碎泡饭加紫菜，卖相真系唔错，蚝仔粒粒肥美饱满，份量仲下得唔少，汤底系大地鱼汤，加埋蚝仔认真鲜味，成碗食晒汤都无净㗎，正😍⭐胡椒味菜猪肚鸡汤饭另外仲叫左胡椒猪肚鸡汤饭，汤饭个白饭系分开上嘅，份量仲大碗呀😳胡椒味菜猪肚鸡满满一大碗，鸡件咸鲜，猪肚煮得淋身入味，个汤劲浓胡椒味，香香辣辣饮完出一身汗好舒服😝咁好味梗系一滴都饮晒啦！⭐瑞士鸡翼仲加左份小食瑞士鸡翼，一份有四只，炆得软腍入味，一咬就骨肉分离🤪连啲骨都入哂味。⭐冻鸳鸯 & ⭐冻柠宾跟饭热餐饮加$2，冻饮$4，呢个价位合理吖。饮品大大杯够冰冻，食完热辣辣汤饭饮杯冻野确系爽😆哈哈，店员啲字好工整，一睇就知点左咩食😝…查看更多

📍元朗｜森禾泡饭家庭式小店，店子虽小但五脏俱全，坐低就感受到一份温暖人情味。🥣 药膳鸡汤饭 $80一上枱就闻到阵阵药膳香，鸡汤清甜不腻，鸡肉嫩滑，仲有鸡肾加持，口感更丰富。太阳蛋煎到边脆心流，鸡汤好补身，完美！🥩 牛肉肉碎泡饭 $50牛肉大块、嫩滑，仲有好多菜，健康！泡饭吸晒汤汁，每啖都好入味，简单但好有家的味道。🍋 冻柠茶 ×2茶胆落得足，茶味香浓，柠檬够新鲜，饮落透心凉，配泡饭一流！💬 森禾唔系咩大牌子，但每碗饭都食得出用心。下次想食返碗暖笠笠嘅泡饭，不妨试吓呢间元朗小店！…查看更多

今日入元朗揾朋友见到呢间野有黄酒煮鸡，凉凉地谂住叫番个黎食下个frd叫左蚝仔肉碎本身谂住茶餐厅应该都系求期点知出奇地好食劲重料，啲鸡劲滑，蚝仔劲肥强烈推介呢间野，又平又好食…查看更多

元朗森禾泡饭系一间小店，然而不停有人喺门外等位，相信有一定吸引嘅地方，所以都排队等一等，大约十分钟可以入座点了蚝仔肉碎泡饭，大大碗，经济实惠，蚝仔鲜味十足又大只，入口饱满，汤底都几鲜甜，加埋紫菜嘅香味，仲要热辣辣，饭粒软硬适中，每啖都好有咬口猪润肉碎泡饭而猪膶处理得好，好新鲜冇腥味，口感嫩滑，同肉碎一齐食层次丰富，选蕃茄汤底真系冇错，酸甜开胃又够浓，同猪膶好夹，好爽蚝仔煎蛋亦有惊喜，煎得香脆，蛋香四溢，蚝仔鲜味渗入蛋中，效果好好生菜鱼肉则系清甜之选，鱼肉滑嫩，生菜爽脆，配搭简单而有水准，既食得健康又美味可选套餐配饮品，平靓正佳，排队等位有道理！…查看更多

呢间泡饭店沙姜多到吓亲🤯终于揾到元朗隐世好嘢！匿喺凤攸南街嘅「森禾泡饭」，完全系街坊先知嘅宝藏舖！最惊喜系个沙姜鸡饭，真系要吹爆！唔系求其用粉充数，每一啖都咬到粒粒沙姜，师傅自家调配嘅味道，香到个鼻都要跌岀！瑞士鸡翼煮得够淋，酱汁咸甜得啱，舐埋手指先算完～蚝仔肉碎泡饭够晒足料，热辣辣一碗落肚，暖到入心！冻柠茶同柠檬利宾纳都够冰够爽，解腻一流，饮完仲想追加！呢啲街坊价、足料又好味嘅店，真系见一间爱一间！元朗食饭又多个新选择啦…查看更多