森森食堂

营业中

休息中

呢日黎到北角呢間李森食堂~ 6點幾就到左都有空位可以入座, 店員仲安排左個卡位俾我地添~ 我地叫左一個A+B+C套餐, 一個鐵板餐同埋加左要一件藍莓芝士餅~~ A+B+C 餐我地就要左肉醬意粉, 煎餃子同埋蝦多士, 煎餃子同埋蝦多士都係熱辣辣, 各有4件, 一口蝦多士好好味! 唔會炸到好油, 同埋中間D 蝦膠份量都唔少~ 跟住餃子都係夠哂熱同脆, 好香口! 肉醬意都係焗到熱辣辣! 同埋好多芝士好多汁, 夠哂撈哂D 意粉! 呢個餐真係好正, 滿足哂我地食唔同野既願望! 另外鐵板餐我地就叫左肉眼, 配蒜蓉汁, 個汁係另上, 你中意落幾多就幾多, 另外就配黑松露醬薯條, 佢既炸物都做得好出色! 夠香口同熱辣辣! 肉眼份量好多! 食哂勁飽! 另外仲想讚佢個中湯一流! 好好飲! 食埋件cake 真係大滿足!

要陪大人去北角整野，晚餐想速食見到森森食堂，好似係新開？拿拿聲入去坐低醫飽個肚見到佢個鐵板餐都幾抵🤪呢排又食得太多牛就叫羊架食下個羊架唔臊喎🤩 我勁快就鯨吞咗落肚🤪佢仲要跟個白汁蘑菇意粉焗起熱辣辣 好鐘意呀仲叫咗溫泉蛋醬燒鰻魚丼飯又係好好味🤤 見冇個菜食吓又叫咗個西蘭花帶子炒肉片又係好快俾我清晒落肚☺️冇諗過咁平民嘅價錢可以食到啲叫做高質嘅質素佢仲要每個餐都跟咗餐湯同埋嘢飲同埋呢間好似都好出名啲焗飯下次等我再試吓個焗飯先

森森食堂位置相當好找，就在大街，而且森森食堂餐點選擇挺多元化的，從各式港式主食、日式拉麵、小食、甜品等都有，多元到姨姨一度陷入選擇障礙，最後我們選了兩款主食，其他以小食和甜品為主。吉列炸蠔豬骨湯拉麵是推薦的一道，送上桌，看那一顆顆的金黃色炸物，都是森森食堂精挑細選的吉列炸蠔，每一顆的吉列炸蠔嚐起來無敵大顆，飽滿多汁鮮美。黑蒜油湯底洋溢蒜頭與些許的麻油清香，麵條軟硬度頗不賴，與黑蒜油湯底極合拍。芝士肉醬意粉充滿港式風情的經典茶餐廳料理，肉醬以肉碎、蕃茄、洋蔥等食材烹調而成，肉醬配料豐富，香氣四溢，頂部撒上芝士再烤焗，增添肉醬意粉的滋味，醬汁帶有蕃茄的酸甜，與意粉緊密結合，教人回味無窮。紅油炒手餃子皮厚度適中，不會厚到感覺都在吃皮，也不會薄到容易自己剝落或在夾紅油炒手餃子時就破掉，先是純粹的肉香，隨後在舌根處會浮現出一股鹹鮮韻，最後是紅油濃郁的花椒香，肉餡細緻結實，不易散開。只能說森森食堂太懂食客的心，供應五花八門，炸單骨雞翼真的一點都不簡單，每一個部位都被熱油炸至酥脆得很，雞肉嫩嫩的，特調辣粉味道讚，怪不得總讓人有吮指的慾望。爆漿糍粑蠻適合當飯後甜品，爆漿糍粑以糯米粉製成，一口咬下紅糖糍

夜晚來到北角附近的茶餐廳解決，食番餐港式晚飯～🥦 西蘭花炒帶子肉片港式茶餐廳經典小炒，西蘭花經過恰當的飛水處理，去除草青味；帶子個頭不大卻飽滿鮮甜，肉片嫩滑，醃製得恰到好處。三者配合得天衣無縫，淋上芡汁，非常鮮美。🥩牛肉眼扒（10安士）鐵板上桌時滋滋作響的儀式感十足，五成熟的牛排切開呈現完美的粉紅色。肉質雖非頂級，但以這個價位來說已屬超值，配上黑椒汁，充滿是港式的懷舊滋味。🍗單骨雞翼將雞翼一分為二的處理方式不僅方便食用，更增加了酥脆表面積。外皮炸至金黃酥脆，撒上的秘製香料粉帶點微辣，讓人一隻接一隻停不下來。🍟黑松露醬薯條粗切的薯條外脆內軟，關鍵是上桌時仍保持鬆脆口感。黑松露醬香氣撲鼻，不會過於濃烈搶戲。🧋仙草奶茶奶茶茶香濃郁，奶滑順口，甜度剛好。加入的仙草凍增加了口感層次。

位置方便，款式多款價錢實惠嘅茶餐廳🤩黑椒美國牛仔骨芝士焗飯🍲🥩份量夠大碟👍🏻而且可以揀炒飯/意粉底🤞🏻芝士鋪滿成個飯口感層次🆙🆙有5-6塊牛仔骨肉質唔韌🥩配搭黑椒汁帶一絲微辣十分惹味😝仲可以額外加流心蛋😍牛肉眼扒（10安士）套餐🥩🐮套餐包飲品、沙津、薯條👍🏻牛扒份量足肉質厚實，食落有肉味而且唔鞋🤞🏻配菜份量多款式🍅🥕🥦薯條新鮮炸起好脆口🍟仲可以揀黑松露/鹽味🤩

📍 週末驚喜發現 星期六晚喺北角街頭覓食，撞正呢間新式茶記「森森食堂」，環境闊落仲有驚喜！兩個人嗌埋兩份小食$200有找，食到捧住個肚走～ ---🪑 環境率先加分- ✨ 新裝修，卡位超寬敞（茶記罕見！） - 冷氣夠猛，焗飯熱辣辣都唔會食到出汗 🧀 大胃王焗飯＋流心蛋- 🐷 雙肉暴擊！厚切豬扒+雞扒雙重滿足 - 🌭 腸仔、番茄鋪滿，仲有拉絲芝士 - 🍳 流心蛋一篤穿，蛋漿撈茄汁飯超邪惡 - 份量真係「大胃王」級，男士都投降 🌶️ 焗咖喱雞飯＋流心蛋- 🐔 雞件好多，咖喱香濃帶椰香，微辣好惹味- 流心蛋黃混咖喱汁，口感升級100% 🦐 蝦多士（跟餐+$22）- 即叫即炸！麵包脆到有「咔嚓」聲 - 蝦膠厚度驚人，仲食到粒粒蝦肉 🥛 炸饅頭- 超級推薦！外皮金黃脆身，內裡保持饅頭軟糯 - 煉奶份量完美，唔會甜到漏 💰 性價比爆燈 ◾ 人均$100： ✔️ 新式環境 ✔️ 爆餸焗飯 ✔️ 即炸小食

今日番到嚟北角英皇道呢間森森食堂食個早餐，都有好多款選擇，唔想食沙牛麵、通粉之類，見到有牛扒，咁就點個巴西牛肉眼扒配煎雙蛋加丹麥提子酥。等咗一陣就上餐，牛扒目測靚仔既，幾juicy，唔乾，食落有肉味，個汁唔錯幾啱口味，略嫌塊扒比起同區既茶餐廳要細，但唔錯幾好味。丹麥提子酥上枱既時候係熱辣辣的，甜甜地又酥脆，幾好味的。口味：🥚🥚🥚环境：🥚🥚🥚🥚服务：🥚🥚🥚性价比：🥚🥚🥚

今日同囡囡媽媽去行街買嘢前食個下午茶（午餐都未食），行過這間森森食堂好似唔錯，所以入去試試。我哋點了下午茶餐，都好多選擇唔同款式我哋點了2個茶餐，配2杯熱飲：奶茶及杏霜熱迷你火腿鮑條通心粉：份量都唔少，通心粉唔會好軟，火腿絲鮑魚絲都幾多配了熱辣辣鹽薯條，好脆卜卜，點番茄醬；雜菇焗意粉有冬菇、小草菇及磨菇，有芝士絲咖哩豬扒焗飯：熱辣辣又是炒蛋飯，豬扒都軟腍，汁都唔少，唔會好辣一個餐$40都唔使，好抵食

進入時已經向職員告知bb行動不便，也告知醫生證明信需要坐BB車，門口的阿姐了解後給予進入，自行坐到店舖最角落頭位置，挨牆位置，然後一堆阿姐來勢洶洶凶神惡煞，衝過嚟說不可以坐在這邊，你們不可以在這邊進食，你走吧 ！如果你是行動不便，或是肢體傷殘，他們會下趕客令的，不想受氣就不要光顧了！ 如果不是帶BB睇完醫生，平日都不會出門，剛好12時正需要食午飯，又不是一至五，門市內坐了一半客都沒有，咁都可以趕人走，證明生意好好，人工好高咁

係北角返工嘅話，有時都會嚟呢間茶餐廳食，貪佢食物種類選擇多，價錢唔太貴今次叫咗個焗咖喱牛腩飯，飲品叫咗熱咖啡焗咖喱牛腩飯，食落牛腩軟身，唔”柴口”，煮得都算幾軟，有少許蔬菜做配菜，食落味道唔差嘅，餸同調味都唔錯，而且個飯係炒飯底，可惜咖喱係日式咖喱，唔係我喜歡嘅港式咖喱，我喜歡咖喱比較偏辣果種🙈，所以唔太合我口味熱咖啡飲落還可以，但唔明點解堂食會用紙杯上?整體來講，服務同環境還可以，食飯時間，預咗要搭枱，而且比較迫，食物味道同份量唔差👌

北角食肆很多，價錢高差都可以好大。呢間位於大街又近地鐵站嘅餐廳都真係性價比高。舖大，食物種類多，份量又夠。以上都睇到食評，所以先至過嚟幫襯。我跟飯腳二人點了甜酸排骨套餐及森森什排。套餐跟餐湯，中湯絕對有誠意，大碗及有湯料，排骨以爲係砌細舊的肉排，原來係豬扒款式。味道可以，但豬扒過諗，所以口感有進步空間。什扒餐沙律足夠，比起其他連鎖店的套餐沙律，我覺得好滿意，扒類就冇乜特別，正常，最後加6蚊飲奶茶涼粉冰。整體食後感係大份抵食，但未算好好食，但都滿意。

依家香港嘅茶餐廳食物種類都愈來愈多樣化，愈來愈多選擇，我地叫左一份 牛魔王芝士焗飯 同埋 另一份焗印度咖喱雞飯。牛魔王芝士焗飯呢個焗飯牛肉嘅部位係 brisket 同ribs ，煮得都算幾軟，咖喱係日式咖喱，芝士可以多啲。餸同調味都唔錯，個飯係炒飯底，但個飯整得馬馬地。焗印度咖喱雞飯咖喱飯可以自選邊種咖喱，印度/日本咖喱，幾貼心👍🏻 整體唔錯，只係飯底有改善空間。

森森食堂同一般嘅茶餐廳有少少唔同，除咗一般嘅碟頭飯午餐之外，佢有啲自選系列俾你選擇，配搭唔同種類嘅。葡汁焗雞皇飯用炸雞球唔係普通雞肉，葡汁正常發揮冇咩驚喜，不過蛋炒飯底好乾身。溫泉蛋芝麻醬雜菜沙律都係一啲普通沙律菜，不過芝麻醬加埋隻溫泉蛋撈埋嘅話就令到整體味道唔會太單調，唔會太乾。即炸吉列魚柳吉列魚柳都係普通茶餐廳貨色，魚柳熱辣辣，吉列炸皮脆卜卜，魚肉唔會炸到乾晒。整體嚟講份量啱啱好，個別有啲選擇份量偏少，只係勝在自由配搭。

Lunch食嚟食去都係公司附近，有時真係諗唔到食乜。森森好處係好多選擇，除咗牆上嘅幾款是日午餐，仲有放在menu的。今日試咗沙疆雞髀飯🍗不錯不錯，下次繼續試吓其他

今日外出係北角區工作，開工前緊係要食飽先，唔係邊有力氣同精神喎！門口望入去見到都幾多人幫襯，咁多人幫襯應該ＯＫ無伏啦。入去無人理我，自己搵個位坐底。睇睇下餐牌有個伙計行埋黎只講兩個字：要咩？咁我就一路講我揀咩食，講完佢就走左去，期間佢無點頭 都無出聲，全程淨係講左開頭個兩個字「要咩？」。黎得茶餐廳其實有心理準備既，不過唔知佢有無落錯單啫，不過好彩就無錯既。另外就係冷氣不足，天花仲滴水落我到，搬左一次位。叫左個：豬扒公仔麵 + 豬柳煎蛋 + 丹麥提子酥 + 熱飲豬扒好大塊，成個碗咁大，份量十足。丹麥提子酥有烘過，鬆脆甜甜地，好食。+$3凍飲：唔係富貴，只因天氣太熱啦，飲杯凍奶茶降溫完！