森森食堂

营业中

休息中

【東區】【森森食堂】唔知點解而家喺親東區都係同美女朋友一齊㗎喎，有趣，今次仲一齊食早餐。揀咗呢間餐廳之後，估唔到佢哋十一點半前都有早餐，就一齊叫佢哋嘅「早晨系列」。本身我早餐就食唔得多，又或者咁講，我就冇食早餐嘅習慣，所以主要都係「陪太子讀書」。佢叫咗個「湯麵之選」裏面 $43 嘅「新鮮蕃茄薯仔牛肉通粉」，配「腸仔煎蛋」轉「反蛋」，仲有「奶醬脆豬」，餐飲就跟「熱奶茶」，正常人嘅早餐就係食咁多嘢喎。佢話個蕃茄湯勁濃，好味，其他食物就冇乜意見。而杯奶茶都 okay，係正常茶記質素。我就因為胃口問題，叫咗「輕盈之選」裏面 $40 嘅「牛奶粟米片」配「煎雙蛋加雙漢堡扒」，飲「熱杏仁霜」。又估唔到出街食早餐都有得揀粟米片，仲有得揀凍奶或者暖奶，我揀咗後者，味道正常。其他嘢食嘢飲其實都唔錯，埋單 $83 嘅價錢嚟講幾好。。。（地址：北角英皇道449-455號華興大廈地下2-3號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfood

10安士牛肉眼扒!! 份量超驚喜！煎得外焦內嫩，肉汁爆棚，又大塊！有3款汁比你揀，我就揀左蒜蓉汁😎 仲要有新鮮蒜蓉😘 濃香惹味，配沙律清新解膩，$94抵食到震！唯一挑剔係蘑菇白汁焗飯略嫌唔夠味，但成餐勁飽，好掂！整體份量足、又夠平，絕對會encore！👍

呢度嘅鐵板晚餐，非常之抵食！！ 一個晚餐包括咗前菜，仲有一大盒飯或者意粉俾你揀，連嘢飲。前菜揀咗蒜蓉包跟餐湯，可以揀白湯或者紅湯。蒜蓉包烤得金黃酥脆，搭配點餐湯食，非常之正！！叫咗兩個鐵板雜扒套餐，有煎蛋，香腸，雞扒，豬扒，大大牌，食到你好飽。鎖住肉汁，煎烤的扒類帶著焦香，旁邊仲有少少蔬菜，真係好多嘢食。另外芝士蘑菇白汁焗飯，表層芝士烤成焦糖色，切開時拉出絲，食埋呢盒飯真係非常之飽。成個餐性價比非常之高，好味抵食！！

今日懶懶地，唔想煮飯，去左北角「森森食堂」吃晚餐。點左 2 個晚市小炒，+$13 可以轉套餐，包白飯、餐湯及熱飲，白飯轉時菜湯米+$6，凍飲+$3。今日嘅中湯係霸王花粟米紅蘿蔔湯，用料好足，清熱潤肺，健脾開胃。豉椒蝦碌牛仔骨煲，牛仔骨嘅肉質好腍嫩，富肉味之餘更帶有微微焦香；蝦隻爽口彈牙，連啲配菜都非常惹味，用嚟佐飯一流！西蘭花帶子炒肉片，碟菜炒得好夠鑊氣，西蘭花碧綠爽脆，帶蔬菜自然清甜；加上軟嫩嘅帶子同肉片，非常可口，色香味俱佳。另外仲追加左份紅油抄手餃子，隻隻都皮薄餡豐，一咬落去就有肉汁爆出，配埋佢哋嘅辣椒油，麻麻香香，一口一個超滿足。

今日重點佢個鐵板好好食！晚餐我哋揀咗一個鐵板餐，有前菜、主食、焗飯或意粉、或者可以揀薯條、仲有飲品。前菜試咗素魷魚圈都幾特別，比正常魷魚圈煙靭少少。特別要讚嘅主菜，我哋揀咗牛肉眼扒配蒜蓉汁，首先好欣賞佢真係鐵板上，其次係個肉眼扒真係好淋，好好食，仲要係過咗20分鐘，佢都仲係有微溫同埋唔會硬咗，依個真係比好高分佢🎉👍👍另外一個餐我哋揀咗自選系列，好鍾意唔同嘅combination，可以試晒佢嘅迷你焗飯或焗意粉、前菜同小食，種類其實多到數唔晒，而且佢好多前菜同小食都好吸引，個沙律點解可以咁大份？😂😂😂同朋友食可以揀呢個自選系列，試晒唔同佢嘅前菜同小食，實有一款滿足到你🙌

森森食堂 (北角)地址: 香港北角英皇道449-455號華興大廈地下2-3號舖呢期以發掘一百元內平民美食為樂，因為經濟都唔好，大家在飲食上都以便宜抵食為主打要求！有時搵到間好食又唔貴，再同身邊人介紹，真係好有滿足感架晚市小炒$58 起，仲有自選系列都是$52up $79 鐵板餐，有3選1 小食/前菜，要了salad 雜扒有豬扒，雞扒，煙肉，腸同太陽蛋，勁多真係堆成小山丘！，豬扒同雞扒都好好食，配了燒汁，高cp 芝士茄汁焗飯（鮮茄汁世一）仲要包飲品添，埋單仲發現唔港加一，一百元有找！糧尾恩物•••••••••••••••••••

呢間餐廳幾有驚喜🥳今次試咗個牛肉眼扒（10安士）真係好正！🥰🥩塊扒煎得啱啱好，肉汁鎖得住，加埋個蒜汁，香到爆燈! 重點係佢用新鮮生蒜😛呢個真係加分位！配沙律🥗新鮮爽脆，中和返油膩感，大滿足！🤪另外個蘑菇白汁焗飯都唔錯，芝士拉絲，蘑菇香，白汁creamy得嚟唔會太漏🤭🤭小食方面，雞翼4件😆炸得脆卜卜，咬落去仲有肉汁，正！抄手餃子拉麵都不錯👍🏻，餡夠多，拉麵湯底仲有幾款揀我就揀咗豬骨湯🤓飲品叫咗仙草奶茶，少甜少冰啱啱好，仙草滑溜溜，奶茶茶味夠，飲完成個人都refresh晒！ 計埋成張單$178，抵食嘅！主菜真係好出色下次一定會再嚟encore塊牛扒，同埋試吓其他嘢食！

🍽 Dinner 💰~HKD70-80 (dinner, 10% service charge)The New Zealand beef steak came hot and juicy on a teppan grill and it was super satisfying. The fried shrimp were crispy and the beef chuck steak added a nice meaty bite. The black pepper sauce brought everything together with a bit of kick. Fries were just how you want them which crunchy outside, soft inside and matched with the truffle sauce. The salad was small but fresh, a nice little break from all the rich flavors. Lastly we ordered dessert

這間茶餐廳很有驚喜。牛肉眼扒10安士配芝士茄汁意粉個人認為超級抵食。牛扒份量已經十足。鐵板上，淋曬足料的蒜蓉汁。推介蒜蓉汁勁香，蒜香撲鼻。超多蒜蓉。配牛扒一流。牛扒軟腍。鐵板令外層很香，內裡保持肉汁。配菜西蘭花與粟米竟然用牛油炒香。好有心啊。再配芝士茄汁意粉。芝士焗的意粉很香。超多番茄汁又濃郁。這個餐還包羅宋湯。番茄味濃郁，配料豐富。更有香脆牛油豬仔包。豬仔包外脆內軟，牛油香氣滲入。深海鱈魚柳芝士焗飯鱈魚柳肉質嫩滑。焗飯表層鋪滿芝士，香濃但不膩。都係好好食。跟餐加配食物有很多選擇。茶餐廳竟然有藍莓芝士餅。藍莓果醬充滿果香，與芝士很夾。餅底不會太甜。飯後甜品好滿足。茶餐廳當然要試試地道的港式奶茶。茶走香濃滑順，奶味與茶味平衡得宜。見到有好特別嘅仙草凍奶茶，多了一份清涼感，仙草口感滑溜，與奶茶融合得天衣無縫，清新飲品。

月尾恩物，看了看價錢快樂大點餐，還有大量炸物可以選擇！晚市點了吉列炸蝦併牛柳頭扒鐵板餐，一次滿足海陸滋味，炸蝦真的超大條。跟餐的飲品居然有橙汁不用加錢，超級開心！然後跟餐又點了炸素魷魚圈，是素食但味道好有魷魚味，然後是跟餐的黑松茸薯條。其次點了吉列炸蠔豬骨湯拉麵，黑蒜油湯底，超平的只需55元，有足足4隻炸蠔，跟熱西洋菜蜜，價錢簡直暖入心。見隨餐點小食只需22元，立馬點了爆漿糍粑，內有黑糖漿，台灣感覺都出來了！最後當然要加點一口蝦多士小食，小口咬下，蝦膠特出，實實在在地告訴我，這間餐廳超值！下次再來！

成日聽人講話經濟差 原來亦都可以執到個優惠返嚟 呢間性價比高！平民價都据到個扒仲要佢份量超多！個飯唔知點解成個餐咁上 早知叫多個朋友仔一齊嚟食😄幾鍾意佢呢間餐廳有好多選擇可以叫餸食又可以鋸扒，滿足唔同街坊嘅需求無論係個扒嘅大細定係菜底定係飯都係好有份量級嘅素食洋蔥圈幾特別，好彩唔係成條洋蔥出仲有仙草奶茶，都好少喺其他舖頭搵到，除咗平時飲手搖舖唔怪得知呢間食堂咁親民啦 佢仲有做啲愛心行動參與一啲義工計劃👍🏻👍🏻老細係有愛心嘅 真係想幫襯多啲 加分加分！

位於北角既港式茶餐廳森森食堂👍🏻鮮茄芝士焗豬扒飯🐖🍅經典皇牌焗飯係招牌菜之一揀左鮮茄芝士焗豬扒飯 另加左溫泉蛋濃郁既番茄醬汁加上經過高溫烘烤後融化既芝士🧀肉質軟嫩既豬扒同底層的炒飯口感豐富 呢款經典既港式茶餐廳美食必須試🙌🏻甜酸京都肉排肉排口感軟腍加上酸甜醒胃醬汁送飯真係岩哂 仲可轉套餐 是日老火湯係菜乾豬骨湯😋奶醬脆豬烘烤香脆既豬仔包搭配花生醬同煉奶💯單骨雞翼雞翼炸得酥脆加上孜然粉夠哂香口

成日搭車經過都見到呢間餐廳耐唔耐呢我哋都會去買外賣返屋企食 已經係北角開業多年 仲響英皇道最方便嘅位置有一定嘅實力今次呢就嚟食晚餐 有多款套餐可以選擇 真係有選擇困難症啊 而且價錢仲好抵食 一個鐵板餐都係$79咋 有湯 （羅宋湯好好味）餐包 （喺半個豬仔包 掂）叫咗一個鐵板 炸鱈魚拼牛柳頭扒（炸魚柳外脆內軟牛柳都夠晒腍，又唔會過熟）仲有得配芝士茄汁焗飯添，份量十足男士一定夠食 經典王牌。焗飯都係呢間餐廳嘅主打菜。一於食返個芝士焗豬扒飯 加埋流心溫泉蛋先果然係呢度嘅王牌 流心蛋混拉絲芝士特別好食豬扒都好鬆軟，唔會好韌 份量十足加咗個小食香脆雞翼 真係夠晒香脆再叫多杯熱菜蜜 同仙草凍奶茶（香濃夠滑有埋仙草喺裏面特別涼快 森森食堂 (北角)北角英皇道449-455號華興大廈地下2-3號舖#香港探店#森森食堂#北角美食#茶餐廳推介#香港茶餐廳探店

森森食堂的食物款式眾多，有焗飯、小炒、鐵板、拉麵等等，而且價錢親民，餐廳又寬敞舒適。這個自選系列有3款食物只是$63，適合我食量不多又喜歡多款式的我。點了鐵板餐，選擇了餐湯+多士，湯有羅宋湯或中湯，中湯大碗足料，無味精，如家裡飲的味道。多士是脆豬，香脆鬆軟。牛肉眼扒，滋滋聲鐵板上檯，淋上燒汁夠惹味肉眼扒大塊，入口腍身，下面有不少雜菜。鐵板餐可選薯條，鹽味香脆可口。自選系列，迷你鮮茄焗豬扒飯，有拉絲惹味芝士配甜酸蕃茄，味道一流，而且焗飯仍保持乾身，豬扒肉厚嫩滑。炸饅頭，少有餐廳食到，炸得脆卜卜炸墨魚丸配蜜糖，香脆彈牙。

今日約左去北角朋友屋企，收工係佢屋企附近一齊食個小炒 ，食完先慢慢上去打機聚下😆裝修環境同埋衛生情況都唔錯，d staff都態度好好，同埋卡位好闊坐得舒服😌豉椒蝦碌牛仔骨煲（$66）牛仔骨都入味，尤其係呢啲食鐵板餐嘅地方啲肉類通常都唔錯，而且蝦嘅份量都唔少，轉套餐加$13，轉凍飲加$3，套餐有白飯餐湯同埋餐飲，餐湯有羅宋湯或者中湯，今日中湯係霸王花煲紅蘿蔔，好足料又有蘿蔔又有粟米，轉埋套餐仲抵食🐮甜酸咕嚕蝦仁雞球 $58有少少西蘭花同埋椒做配菜，個咕嚕雞球又幾過癮，同平時食咕嚕肉炸排骨口感唔同，蝦仁都係爽口彈牙🐥🦐豉汁帶子龍脷魚柳$58豉汁味唔會太重，岩岩好，魚柳都有六七大塊 ，$58嚟講都冇得點輸🐟小炒方面其實都好抵食，$50-$60左右，總括嚟講係三個小炒份量都好大，所以我地都淨係加左一個套餐，一碗白飯，兩個人都夠食，呢d茶記冰室類既抵食又唔差已經好夠👍🏻