森林咖啡

山長水遠、長途跋涉到呻吟咖啡餐廳一遊﹗煤工煙肉漢堡加唐人街雞扒⭐️⭐️⭐️⭐️怕一個漢堡唔夠飽，加多塊雞扒$45蚊睇睇是否物有所值。按扁少少狠狠地大大啖咬落去，必須一啖有齊所有食材才是最高享受，雞豬芝士番茄紫洋蔥酸青瓜融和交錯，大量嚥韌煎煙肉油香甘甜多汁欲滴，多點醬會更繽紛啊﹗大食漢堡⭐️⭐️⭐️⭐️⭐️排左年幾終於食到呻吟餐廳的漢堡包﹗簡單新鮮的食材，番茄芝士酸瓜紫洋蔥靚到極至，自家漢堡扒真係滿星，多汁軟塾而味道豐富色香味俱全﹗餐牌不用大，只需要幾道用心製作的招牌菜，已可以鶴立雞群大排長龍！不用雕龍雕鳳，只要做得夠專，基本中的基本，樸實無華，實而不華，都可以殺出條血路﹗自家焗製麵包，兩片小可愛香氣飄逸，田園的味道。唐人街雞扒沙律⭐️⭐️⭐️⭐️⭐️十足十麥當勞板燒雞腿的味道，雞皮油潤、雞肉彈滑，半煎焗的感覺。淨食雞味濃醬汁濃，搭著鮮茄味道更清新。醬燒雞扒、雞串及沙律同樣出眾食到損晒手指，要大大力推介﹗森燒鳥沙律⭐️⭐️⭐️⭐️⭐️雞球跟雞扒一樣惹味爆汁滑滑，最緊要那股焦香獨特的風味，大大舊肉塞入口慢慢嘴嚼真心滿足﹗用沙律菜捲住食更多姿多彩。厚身肥美大大舊，鳳脂甘甜，白肉嫩嫩滴著汁，黏稠帶甜的醬汁不膩不濁恰到好處，少少焦香更加吸引。森林安格斯沙律，真係對薄牛扒沒什麼好感，甜甜地像極照燒汁，少少韌近乎全熟，幸好還丁點有牛甜味的。沙律比預期中精彩，車厘茄、紫洋蔥、希臘生菜、新鮮蔬菜，淋果醋黑醋醒神開胃﹗蝦佬沙律，不是什麼炸物或吉列菜色都係配泰式甜雞醬呢﹗最討厭甜淋淋的泰式甜雞醬，我寧願比個喼汁或浙醋更開胃。不喜歡吉列的我，還要厚厚麵包糠包住過熟蝦肉，無肉汁乾乾的，討厭刮嘴脆卜卜麵包糠外殼。反而西式沙律蠻新鮮，生菜、番茄、紫洋蔥、車厘茄無可挑剔。川辣魷魚鬚，鬆化的炸漿，不是硬殼類十分滿意﹗先係酥脆，再來嚥韌，魷魚鮮味彈牙，滾滿酸咪咪喼汁就更加醒神。粟米墨魚餅，似曾相識的味道，我餐廳都係用開依隻墨魚餅，結實彈牙味濃香口，咸咸地又甜甜地，食得過的。薯條魚手指⭐️⭐️⭐️魚手指香噴噴結實魚肉，童年回憶﹗白雪雪的魚肉充滿魚味濃濃，配蜜糖芥末清甜可口。粗粗薯條滾滿茄汁酸甜開胃，食茄汁多過食薯條。Double Espresso 特濃咖啡，我實在太孤陋寡聞，到底條野點用架呢？碌玉桂條係塞入鼻？隊深喉？齋用鼻索？咬碎黎趙？用黎攪拌？泡沫咖啡，淡奶味非常出，反而咖啡味十分薄弱，而且何解用紙杯？各方面即時大打折扣。手沖咖啡，濃郁回香不過不失，平凡就是美。我最喜歡始終係即磨咖啡，那份油脂浮面飲落非常舒服。虹吸式咖啡，有趣的工具，第一次的經驗。不太懂其原理，蒸餾清淡的啡味，不用糖不用奶，原味舒服。…查看更多

食物質素ok，炸魷魚幾好味平日去，唔多人，泊車好方便，係路口入口有啲隱蔽，唔小心過咗要返轉頭，留意路口有個牌仔指示。 真係見到有松鼠仔係度 店員親切細心，食得都好開心。 唯獨美中不足係用紙杯紙碟…查看更多

放假梗係要 chill 吓！今次去咗山旯旮咁遠嘅大埔林村，一間好有大自然 feel 嘅 cafe！唔止遠離塵囂，周圍都畀植物包圍住，仿如置身於森林嘅感覺，仲有好多隻松鼠仔陪你開餐𠻹！呢間 cafe 地方雖然偏僻，但喺大埔墟坐 64K 坐大約30分鐘，喺新村站落車，行2分鐘就到，都算易去。雖然四圍都係樹，好彩嘅係無蚊同昆蟲，而大樹仲有好多隻野生松鼠，有人會自備花生，放喺樹洞口，引佢哋出嚟，感覺都幾新奇！另外，仲有好多打卡位，韆鞦、古董電單車、古董大鐘、英式郵筒等都好有外國風味，感覺都幾正㗎！不過～咪以為咁 chill 嘅地方就係文青開嘅，啲侍應都係大叔同嬸嬸，突然好似去咗茶記咁！店家指因為疫情，啲杯同碟都轉晒外賣紙盒紙杯，貌相跌晒 watt，唔環保之餘，打卡又唔靚，仲要額外加錢，成件事突然好唔大自然呢！而食物方面，cafe 有漢堡包、沙律和waffle 等輕食，大部份都係自家製，漢堡包更加係手作麵包，每日新鮮即製，我哋嗰日 3點都唔夠就賣晒，要試就要趁早啦！自家製嘅漢堡脹卜卜，好香軟，而安格斯係茶記嗰種薄切牛扒，好大塊，不過好多筋，味道差OK，但好軔唔係好吞到，其他料都豐富，蕃茄好大塊好厚好多汁，仲有紅洋蔥、醃黃瓜，仲配埋沙律菜同薯條。魚手指同薯條都脆嘅，不過有啲似平時超市買到嗰啲急凍嘢咁，好似無咩技術成份。而醬汁方面算有少少誠意，嗰醬唔似出面買嗰啲，比較淡味，少少鹹少少芥末味，似係自己溝嘅。甜品就係自家烘焙嘅，芒果味同荔枝味都唔太出，底層嘅芝士味就唔錯，仲好滑，伴碟用朱古力字寫咗 cafe 嘅名，都幾靚！蜜糖海底椰梳打 $37呢杯特飲我畀滿分！平時飲凍嘢都有啲罪惡感，不過天氣太熱，見佢用蜜糖同海底椰做材料，感覺都健康啲，而且佢唔係死甜，味道清甜之餘，加上有汽梳打，真係好解渴！終於唔係用紙杯，仲有個靚靚玻璃茶壺，歎tea嘅感覺返番嚟！…查看更多

店員態度串到傻咗。俾個碼佢掃咗先，一句得埋黎話：我幾時掃咗呀？咁都要掃咗安心出行先架！掃完仲要嗡多句：你無set個碼入安心出行丫嘛！咩藍碼黄碼丫嘛我知呀！有啲後悔無掉頭走，但反正都唔會黎多次😖…查看更多

見有好多blogger介紹呢間CAFE就同個朋友揸車特登黎呢到打卡食野。CAFE前就已經有地方泊車，十分適合自駕人士。我地揀左户外位置，因為店主話有機會見到松鼠，果然櫈都未坐暖就已經有隻松鼠出嚟同我哋打招呼我地兩個人叫左漢堡同魷魚鬚，兩樣食物即叫即做上枱熱辣辣。漢堡係店家既招牌菜，以牛肉漢堡扒、番茄、芝士製作，配上特製嘅黑椒汁真係幾好味。難得係香港呢d石屎森林有間可以邊食野邊同松鼠近距離相處既Forest Cafe ,真係一個唔錯既飲食體驗～…查看更多

女服務員態度十分好、親切，亦樂於幫助顧客。但係男服務員態度極之惡劣，甚至令我有種不想再光顧嘅意欲。雖然食物質素還好，環境不太差，有一個適合打卡嘅位置，但地方偏僻，服務員態度更十分趕客。…查看更多

📍 森林咖啡 (大埔)大埔林錦公路DD19段好似置身於森林既感覺！黎食野hea下都唔錯，遠離塵囂，今次仲見到松鼠同我打招呼😆😆不過好多野食都賣晒，漢堡同魷魚酥都無曬🥹🥹👉 安格斯沙律💰89😋😋/5d肉有啲韌，沙律菜同蕃茄都新鮮🍅🥬👉魚手指拼薯角💰53😋😋😋/5個魚手指同都薯角都幾高質，薯角係外脆內軟！熱辣辣！而魚手指唔會得塊皮，都好厚肉👉 手沖咖啡 💰44😋😋😋/5一壺手沖咖啡有2-3杯份量，舒服易入口又輕酸度回頭: maybe，因為好隱世所以唔方便🤣🤣同埋我唔鐘意佢用即棄餐具🥹🥹#kermit食在大埔#petfriendly …查看更多

下午茶。在大埔工作完畢，伙伴揸車，推介這裡，驅車出發。平日沒人潮，只有一桌，因為天氣都有點熱，我們選擇了室內，各點了一份甜點及咖啡，咖啡店比甜點出色。伙伴點冰咖啡及木糠布甸，評語ok；我點了荔枝芒果蛋糕及cappuccino，咖啡使我驚艷，我不是專家，只會好飲及難飲，這杯比好飲的還多一點，可惜是疫情關係用上紙杯，如用闊口杯就完美。悠閒的坐了一句鐘，其間見到兩隻松鼠在樹間上上落落，我真是在香港嗎？…查看更多

復活節假期想帶👶🏻玩好多農莊仲未開返見哩度話有松鼠🐿️一於近近地去坐下蝴蝶飛飛走時都見到一隻松鼠🥰對住樹林嘆hand drip仲有炸魚薯條後花園有滑梯木馬同千秋玩都幾寫意啊！…查看更多

🌈餐具係即棄獨立包裝😀🍴🌈蛋糕質地幾得意，似布甸 ，creamy，面食到芒果味，底食到芝士味， 荔枝味欠奉，伴碟有朱古力字，驚喜😀😀😀👍🏻❤️雞串好食，量多，甜甜的，有香草味，厭有d油🌈好大塊雞，同雞串一樣味，雞串好食d🌈得2塊瓜太少，面個包幾厚，硬硬的，望落質地似奶油豬，入口好漿口，卡喉嚨，難吞落肚🌈本身已經野味，再配埋甜甜地既醬比你點，太多粉漿 ， 不推薦🙃👎🏼🌈 大食漢堡😀😀😀 薯條唔多，淋身，沙津夠多，醋夠酸，肉好大塊，重黑椒味 ，偏咸， 總括而言值得一試👍🏻👍🏻🌈環境比想像中大，多位，半戶外位置較多🌈個女廁幾好，但得一格，有熱水洗手，夠大，係母嬰廁所黎，男廁都係得一格，且洗手盆係出面，都有熱水出🌈餐廳後面有打卡位，星期日漢堡1點幾就賣哂啦，松鼠就你好彩嘅話就會見到…查看更多

送舊迎新🧧🐮牛年嘅最後一天，祝願各位係黎緊新一年🐯平安健康💛要活好每一天💪🏼牛年嘅最後一天，去左親親大自然，走入「森林」搵松鼠陪住嘆咖啡。木屋旁嘅大樹真係有🐿一家遊走，十分得意十分wild😍🌳話明森林咖啡，絕對遠離市區，處於大埔林錦公路，姐係林村許願樹再入啲啲，揸車嘅朋友岩哂，因為佢呢度有得免費停車，認住路口個牌匾駛入去就得😌如果唔揸車嘅，係大埔坐的士過去都係10分鐘路程左右~🍔大食漢堡 $𝟡𝟝 佢地最岀名嘅就係漢堡包，尤其全部麵包自家手工製作，的確係十分軟熟。大食漢堡以牛肉漢堡扒、蕃茄、紅洋蔥、芝士製作。牛肉漢堡更配以好惹味嘅特製黑椒汁，可以話係必嗌之選😍拌碟嘅香口炸粗薯條同埋新鮮沙律菜亦唔會令你失望。🍔唐人街雞扒漢堡 $𝟟𝟘雞扒漢堡塊雞差不多係個包嘅double 長度，勁跨張🤣雞扒以乾煎形式，雞皮香口脆卜卜，雞肉juicy 嫩滑，啖啖肉得黎又唔會食得勁輪盡，講真幾impressive!☕️手沖咖啡 $𝟜𝟜喺田園風Cafe 嘆翻壺手沖咖啡先最寫意。可以倒2-3 個細杯嘅份量，舒服易入口又輕酸度，唔飲開齋啡嘅我都會中意。🥤𝕀𝕔𝕖𝕕 ℂ𝕒𝕡𝕡𝕦𝕔𝕔𝕚𝕟𝕠 $𝟜𝟝🍰芝麻芝士蛋糕 $𝟛𝟝Hand made cheese cake 有好幾款口味，今次去到畀呢款芝麻味嘅芝士蛋糕吸引左。蛋糕面以雲石花紋裝飾十分打卡able，中間有三層分明嘅蛋糕layer，芝麻味濃郁甜度又適中。餅底結實唔會鬆散，幾有質素！📍森林咖啡 大埔林錦公路DD19段…查看更多

📍森林餐廳📍💡大埔呢間餐廳係大埔林村，周圍俾植物包圍住，令人覺得好似係森林中一樣🌿🍃感覺令人放鬆，仲有隻松鼠🐿️仔🥰不過選擇好少，同好快賣哂d野食😂🐥大食漢堡($95)味道唔錯，漢堡脹卜卜香軟，雖然叫大食漢堡，但size真係普普通通，d餡係足料既，牛肉好厚，煎得啱啱好，肉汁豐富☺️仲配上熱辣辣薯角#大埔 #大埔美食 #大埔推介 #香港美食指南 #香港美食 #香港美食 #hkfoodie #hkfood #taiwanfood #hkfoodie #hkrestaurant #hkiger #hkfoodstagram #hkfoodlover #hkig #hkfoodshare #taipo #globaleats…查看更多

假日比較多人，餐廳限時50分鐘實在太趕，而職員係會催你走嘅，食得好急。不過，佢上菜速度係快嘅，你食得切就冇問題。禮拜六大概三點離開，都有十個人排隊等位。車位就未爆，不過經常只淨一個位。食物價錢合理，質素亦唔錯，尤其茶較高質。熱茶係可以加水嘅，職員亦好主動問需唔需要。 環境亦幾好，雖然室外但唔算多蚊，坐得舒服。留意呢間係A 類食肆，如果超過兩位就可能要分枱，因為餐廳有隔板既枱有限。總括而言，餐廳嘅弱點都可以透過平日去解決，所以都係建議大家平日試試。…查看更多

尼間舖頭有室內同室外嘅位置，可以帶動物一齊黎。店內以兒時玩具為主題，近天花位置擺放左多款相機，大人、細路都適合。店外有簷蓬唔怕太陽曬，而且店鋪細心地預備蚊怕水，預防蚊叮蟲咬。因為地方有少少僻，所以唔算多人，黎到等一、兩分鐘就安排到座位。黎尼度享受一杯咖啡，慢慢調製適合自己既甜度、按自己喜好加入鮮奶，一個慢活、悠閒既週末，專心係尼杯咖啡裡面，好寫意🧡野食雖然用外賣食具，但質素都唔差，薄切雞扒大塊滑溜，雞皮炭燒過好惹味。大啡菇菇味亦都好出，雖然偏油，但有沙律菜墊底吸一吸，配埋蕃茄同菠蘿都好fresh。尼個份量下午茶就岩岩好。店員仲會喂食附近既松鼠🐿️，好容易就捕到松鼠出沒，同置身大自然一樣，好治癒。 …查看更多

星期六睡到自然醒，想掃走星期一至五累積的工作壓力，當然要親親大自然。Forest cafe名如其店，被植物包圍，看似位於森林中，但其實地理位置很方便，可以揸車去，門口有少量車位，又或者搭公共交通，然後步行3分鐘就到！餐廳有分室外和室內區，我們選擇可以帶小狗一起用餐的室外區。我們一點到步，Order了大胃王和安格斯牛扒漢堡，味道不錯，價錢亦算合理。不過始終餐廳位於樹林中，難免會有小昆蟲，要有心理準備。另外我們座位旁邊是一棵大樹，你會看到有幾隻松鼠跑來跑去，十分有趣，很適合帶小朋友一齊來品嚐一個大自然風味的午餐。溫馨提示，餐廳的漢堡包很快會賣完，想食要趁早…查看更多