棟記飯店

有冷氣既大排檔確實不多，棟記飯店就在上環熟食中心之內，就有冷氣供應。雖然是街市熟成中心，環署都乾淨，洗手間都一樣乾淨。現在晚上食肆人流都不多，沒想到棟記飯店就能看見人流滿滿，當中不少是遊客，店員熱情招呼，讓入座客開心氣氛滿滿。看著餐牌，小菜菜式甚多，飲品多以啤酒汽水為主，餐茶都有所供應。每次來到大排檔，都想吃香口美食，或是特別菜式，或是家中甚少煮成菜式。不少菜式都甚受歡迎，如椒鹽九肚魚、脆皮豬手、羊腩煲、蠔餅、黑椒磨菇牛柳粒，食物份量不少，在人數不多之下確實有點選擇困難，最後都點了2款菜式。椒鹽雙拼，魷魚拼九肚魚 HKD150，九肚魚嫩滑無比，魷魚非常新鮮。椒鹽炸得非常薄脆，點少少喼汁，已經非常惹味，還有不少炸蒜，送飯都一流。脆皮咕嚕肉 HKD138， 餐牌已經有咕嚕肉，脆皮咕嚕肉有何分別？又是一道馳名菜式，當吃下一口，你就會知道，脆皮做得非常好，吃著是肉塊，不是肉粒，最重要是肥肉不多之下，都一樣肉腍，咕嚕汁也非常開胃，必須配個白飯，還有配料雜椒洋蔥和菠蘿，絕對必食之選。凍檸檬茶 HKD20，茶清又不會很甜。凍奶茶 HKD20，馳名奶茶就想試試，茶味都甘香，奶比何沒有太重搶過茶香味，確實好飲，難怪如此馳名。…查看更多

熟食中心的小菜出名夠鑊氣又環境熱鬧，老公今晚帶我去他中學年代的午餐飯堂～上環熟食中心的大排檔『楝記』，緬懷他的青葱歲月。乾《上環有人氣有鑊氣大排檔小菜》熟食中心的小菜出名夠鑊氣又環境熱鬧，老公今晚帶我去他中學年代常去午飯的一間在上環熟食中心的大排檔『楝記』懷緬一下。🦐乾煎豉油皇中蝦～鑊氣十足夠乾身，豉油汁香甜濃郁，包裹著每一隻爽脆彈牙的中蝦。🍄‍🟫🦢北菇魚肚炆掌翼～魚肚有平民花膠之稱，掌翼與冬菇炆得夠軟糯，味道濃郁。🥬蒜蓉炒豆苗～秋冬當造的蔬菜當然是豆苗！油亮碧綠，口感爽脆無渣，帶著濃濃的蒜香和豆苗特有的清香。棟記飯店皇后大道中345號上環市政大廈2樓熟食中心CF9號舖…查看更多

入冬的時候，羊腩煲成為了許多人心頭的渴望，棟記飯店無疑是首選。這家位於上環市政大廈熟食中心的食肆，環境乾淨舒適，還有冷氣，讓人即使在熱鬧的大排檔中也能享受一頓美味。今日我們選擇了小份的羊腩煲（$199），分量卻相當可觀，感到非常滿足。羊腩的肉質恰到好處，肥瘦相間，瘦肉軟腍，入口即化；而肥肉則散發出甘香的味道，撲鼻而來的羊腩香氣令人忍不住多吃幾口。連羊皮也軟滑可口，回味無窮。除了豐富的羊腩，鍋中還添加了馬蹄、白蘿蔔、枝竹和韭菜，令整個煲的味道更加層次分明。還附送一碟新鮮生菜。除了羊腩煲，我們還點了三色蒸水蛋（$108），這道菜也令人驚艷。蒸水蛋滑溜得無法形容，蛋香四溢，鹹蛋黃和皮蛋的份量都相當足，讓人感受到滿滿的誠意。…查看更多

今日我嚟到上環嘅棟記飯店，呢間港式大排檔一向都好出名，非常有風味！📍 大排檔位於上環市政大廈2樓熟食中心一入到去，就感受到一種溫暖嘅氛圍！環境乾淨整潔，老闆更係好熱情，唔停同食客傾計，真係好有賓至如歸嘅感覺！😊❤️經店員推介我哋叫咗幾款惹味食品：🥓蒜香蘑菇雞柳- 上枱已經香味四溢，雞柳外脆內嫩，配埋蒜香真係好味到爆！😍🙌🍆🍲魚香茄子煲- 香辣啱啱好，茄子吸滿咗醬汁，唔會過膩，食完好滿足！🦪豉椒炒大蜆- 蜆肉鮮甜，豉椒嘅香味一齊炒，仲有啖啖都係肉，夠曬惹味，送飯一流!🐟馳名鹽焗烏頭- 外皮金黃酥脆，肉質鮮嫩，而且烏頭啖啖肉，食落真係好滋味！😋整體嚟講，呢間大排檔真係一個隱藏版美食！有咁好嘅食物，又有咁熱情嘅服務，心心推薦俾大家！下次再來試多啲其他菜式！🥰🌟大家有機會記得去試下呀！🙌💫…查看更多

呢晚嚟咗呢間喺上環市政大樓裏邊嘅大排檔風格食肆食晚餐🤣$120「滑蛋蝦仁」：蝦仁🍤肉質結實，仲有好多隻蝦仁🍤🤩，炒蛋炒得幾滑🤣，整體份量好多🤩$60「蒜蓉炒菜心」：菜心新鮮幾爽脆，顏色嫩綠，蒜蓉炒簡單好食😋；仲有，相當大碟，又係份量好多🤩$148「豉汁蒸䱽魚」：䱽魚新鮮，非常厚肉，肉質夠鮮甜，加埋豆豉一齊蒸，咁味道又濃郁啲🤣$65「星洲炒米」：星米係典型港式食物，呢度炒得幾有鑊氣🤩，星米裏邊有蝦仁、叉燒絲、火腿絲、香蔥、芽菜等🤣食得飽飽嘅一餐🤣…查看更多

環境闊落，有冷氣 ，菜單氣氛都是大排檔格局，但是非常衛生，位於街市上方，屬於舊式飯店的一種，對於新世代來說真的超新穎又富香港特色，晚上去街市簡直像探險一樣有趣。見到有些不同國家的遊客都有慕名而來，相信是因為有多種香港經典小炒及煲仔特色菜可以在此食到，同時菜式亦多樣化，於是湊熱鬧點了兩道菜餚。首先上菜速度超快，點了兩道有鑊氣的煲仔菜，蒜子火腩大鱔煲，魚鱔大片，質地彈牙，加上火腩連皮，還有腐竹、冬菇仔等吸汁食材，食了令人懷念的菜色滋味，然後是薑蔥魚頭煲，大蔥吸入醬汁，當菜食也很棒，由於是中式綠色段位的大蔥，原本作闢腥之用，不過因為經過油爆的關係非常翠綠鮮嫩，是非常好食的蔥！…查看更多

上環街市有熟食市場，去到晚餐時段就好多人來食大排檔小炒，風味十足今晚就到棟記飯店食晚餐，點左呢度老闆娘推薦的招牌菜：脆皮咕嚕肉 $138 老闆說招牌在於是新鮮即叫即做的咕嚕肉，同平時的不一樣，呢度既咕嚕肉算是大大塊，吾係一粒粒的做法，鍾意食咕嚕肉的朋友可以試試。蒜香🧄蘑菇🍄‍🟫牛柳粒 $179 呢個牛柳粒就係米芝蓮大廚都特登來試，食完大讚的👍 蝦醬通菜 $60 我就特別推薦呢度的通菜，超級大碟👍算有誠意呢度老闆都好有誠意講解餐廳風味同故事，亦會推薦食咩比較好味，適合沒咩心水的朋友，食到岩口味的排檔風味👍…查看更多

成日聽人講，上環市政間熟食中心lunch time好爆棚，好多港式老食店在內，師傅炒菜特別惹味。涼瓜煎倉魚用苦瓜同倉魚一齊煎，苦瓜清苦帶有抗氧化功效，倉魚肉質鮮嫩，兩者配搭清新又健康，用豆豉蒜蓉爆香，加埋薑片提升香味。西檸雞港式經典菜式，用醃好嘅雞扒沾生粉炸至金黃酥脆，淋上用新鮮檸檬汁、檸檬皮、蜜糖同吉士粉熬成嘅酸甜濃汁，爽口開胃。菠蘿雞粒炒飯用菠蘿粒、雞肉粒、蝦仁、蛋同雜菜炒香，味道鮮甜帶微酸，飯粒粒粒分明，有菠蘿嘅清新果香。…查看更多

【上環棟記飯店 · 老香港鑊氣嘅靈魂聚集地🔥】行到上環舊街，聞住陣陣猛火快炒嘅鑊氣香，無意闖入呢間棟記大排檔，師傅揸住鑊鏟“鏟鏟生風”，即刻feel到“呢度先係大排檔該有的江湖熱氣”😆，本以為只係街坊落腳嘅食堂，點知三款招牌餸+凍檸茶，食到成班friend喊住“下次要帶埋屋企人掃全場”～🔹🥩蒜香牛柳粒（鑊氣香到隔幾條街都聞到）一上台蒜香夾住牛油香衝鼻而來！牛柳粒切得夠大件，猛火煎到外邊微焦帶脆，咬落口居然嫩到會噴肉汁🤤！蒜粒炸到金黃焦香，同軟滑洋蔥、香煎蘑菇一齊兜，醬汁鹹香到癲，每啖都係“脂香+鑊氣”雙重爆炸，撈埋白飯簡直係“犯罪級”好味，食完仲想問師傅“可唔可以單叫牛柳粒續碟”👍！🔹🌶️小炒王（料多到滿瀉嘅惹味炸彈）呢碟小炒王簡直係“食材瀑布”！韭菜花爽到咬落“咔嚓”響、腰果脆到成個口都香🌰，小魚乾鹹香回甘，仲有紅椒、洋蔥添鮮提味，猛火快炒到上桌都仲喺度“滋滋”冒鑊氣，鹹鮮香辣一口接一口，連埋汁撈飯，碗邊啲汁都要舐埋先肯放低🍚！🔹🥘節瓜粉絲海鮮煲（暖笠笠鮮到落坑嘅暖胃神器）節瓜炆到軟淋到極，每一啖都吸曬海鮮同高湯嘅鮮甜🦐！粉絲滑捋捋掛住濃稠奶白湯汁，裡面嘅菇類嫩到好似豆腐咁，整煲暖到入心入肺，食完個肚暖笠笠，仲想問師傅“可唔可以加碗粉絲續湯”😊！🔹🥤凍檸茶（大排檔靈魂解膩拍檔）凍檸茶冰涼酸甜，檸檬香濃到齋聞都醒神，飲落喉嚨即刻feel到解膩，仲有淡淡茶澀回甘，食完重口味餸點返一杯，簡直係“油膩剋星”❄️！整體體驗：呢間大排檔嘅鑊氣同誠意，絕對係香港街頭美食嘅頂流！每道菜都食得出師傅“猛火十年功”嘅功力，價錢仲抵到爛，下次一定要搵埋成班friend一齊嚟，誓要掃晒佢哋嘅招牌菜，食到佢地收鋪先肯走嘅程度✨！📍 地址：上環棟記飯店 (上環)上環皇后大道中345號上環市政大廈2樓熟食中心CF9號舖#上環棟記 #大排檔鑊氣魂 #香港老字號美食 #蒜香牛柳粒天花板 #小炒王惹味到癲 #節瓜海鮮煲暖胃必食 #hkfoodie #食好西 #香港街頭美食…查看更多

之前已經食過一次 真係食過返尋味港島區要搵有質素嘅小炒真係唔係咁易❣️蒜蓉炒西蘭花西蘭花色澤翠綠 口感爽脆蒜蓉的香氣伴隨著每一口 讓人忍不住多吃幾口炒至剛好熟透 保留了西蘭花的鮮甜❣️蒜蓉焗蝦蝦肉鮮嫩多汁 肉質彈牙 外層包裹著蒜蓉 焗得恰到好處每一口都能感受到蒜香與海鮮的完美融合❣️冬菇蒸雞展現了食材的原汁原味 雞肉鮮嫩 冬菇的香氣彌漫蒸制的烹調方式保留了肉類的鮮甜 而且帶有濃濃酒香味道❣️鹹魚雞粒炒飯鹹魚雞粒炒飯係小時候的味道鹹魚的獨特咸香味道與雞肉粒相得益彰每一口都能感受到炒飯的粒粒分明 有鑊氣 香氣撲鼻雖然為處於街市的熟食中心但一啲都唔侷促 亦冇難聞嘅氣味鍾意呢度嘅碟口非常大 而且每樣菜式都極具質素！…查看更多

棟記飯店位於上環市政大廈熟食中心，已有超過70年歷史，是本地人氣極高的港式大排檔。熟食中心的樸實大排檔氛圍，環境簡單但衛生乾淨，經常坐滿附近街坊食客，適合三五知己或家庭聚餐。京都肉排：肉排外層酥脆，酸甜醬汁香濃，帶有開胃的味道。枝竹火腩豆腐煲味道非常惹味且充滿層次感。枝竹吸收醬汁和火腩燉煮後的精華，帶來濃郁的肉香和醬香，火腩煲後肉質更腍更香。豆腐則吸收整個煲的鮮味與醬汁，口感軟滑中帶有火腩和枝竹的香氣。星洲炒米味道帶有濃郁的咖喱香氣，呈現金黃色，口感上米粉彈牙爽口，配料包括蝦仁、叉燒、芽菜、雞蛋、洋蔥和辣椒絲，味道香辣且帶點鹹香。楊州炒飯的味道是細膩而層次豐富的，既有肉類的濃香，也有海鮮的鮮甜，再結合蔬菜的清脆，同時飯粒香鬆不黏，整道菜兼具色香味，是一道經典又受歡迎的炒飯。…查看更多

棟記飯店 (上環)地址: 香港上環皇后大道中345號上環市政大廈2樓熟食中心CF9號舖街市入面都幾多好野食架，放工就搵埋附近返工架朋友，一齊食個飯先返屋企啦！食中式小炒，鑊氣夠！咁細廚房可以變出咁多菜式，$108 北菇蒸雞，先食雞啦，病病地唔食剪炸野啦！端出來熱辣辣即叫即做架$108 肉碎蒸水蛋，想清d 唔太油，就要了蒸水蛋，有蛋香表面有滑無毛孔呀！再淋上豉油，熱油香蔥，好下飯$70 炒西蘭花，加多碟菜呀！揚州炒飯先$62，好大碟呀，料多飯粒爽身粒粒分明架！…查看更多

今日我去咗一間中式餐廳，真係食到我口水直流！餐廳環境簡潔大方，氣氛輕鬆，非常適合朋友聚餐。今次我點咗幾道招牌菜，無論係色香味都非常吸引，真係一場味蕾的盛宴！蒜香蘑菇牛柳粒首先上嚟嘅係蒜香蘑菇牛柳粒，呢啲牛柳粒真係超級大粒！每一口都咬落去特別滿足，肉質鮮嫩，搭配上香濃嘅蒜香同蘑菇，真係食得我心裡暖暖！牛肉嘅味道非常鮮明，與蒜香交相輝映，令人一試成主顧，真係好推介！蠔餅接住就係蠔餅，呢一款小食真係唔可以錯過！外皮十分乾脆，咬落去嘅瞬間，脆脆聲就好似一首美妙嘅交響曲。入面包住新鮮嘅蠔肉，每一口都充滿海鮮嘅鮮味，搭配上特製醬汁，更加提升咗整體味道，簡直係一個絕配！XO醬西蘭花腩肉然後上嚟嘅係XO醬西蘭花腩肉，呢道菜色彩繽紛，西蘭花翠綠，腩肉肥而不膩，搭配XO醬之後，味道更加豐富！XO醬嘅香辣味完美襯托咗腩肉嘅鮮美，食落去每一口都令人心滿意足，簡直係一個味覺享受！楊州炒飯最後就係楊州炒飯，呢碗炒飯真係好色香味俱全！米飯粒粒分明，炒得剛剛好，配上多種食材，蝦仁、火腿同雞蛋齊齊上陣，每一口都帶嚟驚喜！炒飯香氣四溢，簡直係一碗完美嘅主食，令人食到停唔落口！總結整體來講，今日嘅這頓中華盛宴真係令人驚豔，無論係食材新鮮度、調味、還是擺盤，都做得非常細緻，值得一試！下次一定會再返嚟，繼續探索更多美味！棟記飯店 (上環)上環皇后大道中345號上環市政大廈2樓熟食中心CF9號舖…查看更多

今次我嚟到上環街市，決定試下棟記呢間大排檔。呢間店的價錢真係好親民，而且係樣樣大碟😎最緊要係，佢哋每樣嘢都好有鑊氣😎我首先試咗佢哋嘅蝦醬炒通菜，勁大碟，蝦醬嘅香味搭配通菜，真係令我食到停唔落口，菜脆口又有咸香味，咬落去真係好滿足😋梅菜蒸肉餅，肉餅嘅質感滑嫩，梅菜嘅香氣恰到好處，佢嘅梅菜係甜甜地，送飯一流！當然最唔可以錯過嘅就係我最鍾意嘅豉汁蒸鱔啦！鱔蒸得剛好，肉質鮮嫩，豉汁嘅味道淋上去，而且係爽鱔😆總括來講，棟記呢間大排檔真係值得一試，無論係味道定價錢，都令我感到非常滿意👍如果你嚟上環，記得一定要過嚟試下！🎉…查看更多

一段時間都無食過大排檔，最近心血來潮想食，就約咗朋友嚟我屋企附近，嘅上環熟食中心到，搵咗呢間棟記飯店。炸蠔餅即叫即炸，上枱碟蠔餅好大份，炸到外脆內軟，入面蠔肉好大粒唔會有腥味，點埋個酸辣汁食好惹味。沙嗲肥牛粉絲煲滾住上，沙嗲好香濃，肥牛唔會好薄身，反而有咬口，粉絲吸盡沙嗲醬嘅精華好入味，撈埋白飯一齊食好正。豉油皇鵝腸口感爽脆，豉油鹹甜度啱啱好，撈埋啲芽菜一齊口感豐富，鵝腸唔會過韌。埋單人均100幾蚊，食到好飽，呢啲街坊大排檔，同一大班朋友嚟聚舊都幾開心。…查看更多