棋哥燒鵝餐室

棋哥燒鵝餐室位於銅鑼灣鵝頸橋，係港九唔同地方都有幾間分店，據說仲有一間棋子燒鵝係棋哥老闆個仔開嘅。………………………………………………叉燒燒肉飯 (加咸蛋)⭐️⭐️⭐️燒肉皮脆卜卜，幾好味。而叉燒我就覺得都唔差，但係醃料味道太重。另外$5加咗半隻鹹蛋，鹹蛋質素好高，走油嘅。餐廳仲奉送少少榨菜，我覺得依方面幾用心，加分。凍奶茶 （少冰少甜） ⭐️⭐️⭐️正常凍奶茶，無咩特別。………………………………………………餐廳裝修都算唔錯，不過以燒味飯嚟講，價錢就有少少偏貴。…查看更多

某晚放工後，一個人本想享受豐富晚餐慰勞自己，但是帶來一肚子氣。在棋哥灣仔分店座下，在想點菜之際，店員又叫另外一個單身食客與我同枱對座，當時不是繁忙時間，店內不到一半客人，還有空枱，新冠疫情以後，很多食肆都盡量不會安排兩個陌生食客對座，我向店員反映，該店員態度惡劣地說這裏就是這樣，還諷刺道你換到那個座位都會給人座你對面，我只好用腳投票拂袖而去。就算食物質素有多好，服務態度差劣，亦是趕客，希望棋哥注意。…查看更多

食物好嘅，港式文化，入去預左俾人鬧。服務超級差，有一次排隊入叫我坐角落頭，舉手，都無人serve，幾個比我遲入來的都落完單都唔過來幫我。仲要講到係錯咁，同個姐姐嘈仲要話人多係咁嘎拉，而家係你做野無次序，都唔明係唔老細d親戚，燒鵝都係睇運氣啦，有時好運都有燒鵝脾，叉燒普遍都是差，比較柴，雞正常，可以支持，炒粉麵都ok 對遊客也是態度極差，好幾次見到d 韓國仔都覺得他們極可憐。對住d英語叔叔嬸嬸一樣差，主打就是服務差…查看更多

曾經被獨有的煙燻味吸引回頭，這次決意不再回頭！………………………………………………………..是次非繁忙時間光顧，下雨天少客。論食品：燒鵝飯全骨無肉，煙燻味消失；論服務：服務態度差，好差，非常差，一副「係咁㗎啦」的態度。…………………………………………………………阿姐話：有人鍾意食肉，有人鍾意食骨，唔好彩啫。………………………………………………………….係囉，係囉，我唔好彩啫。講真多我一個客不多，少我一個客唔少，香港飲食業真係不得了。…………………………………………………………..…查看更多

嗰日去完灣仔，鬼死咁熱，朋友係都話要去食棋哥燒鵝，山長水遠喺灣仔行去銅鑼灣食佢。黎度中門大開，冷氣非常唔夠，不過2點時間人唔多，都可以接受，叫左個燒鵝瀨粉70幾蚊，原來哩度有下午茶，不過2點30分先開始，咁就50幾蚊可以燒鵝瀨粉。瀨粉嘅湯底比較淡，要落薑茸先好味，不過份量好大，燒鵝皮脆卜卜好好味，而且比較多，不過就越食越咸，唔知係咪因為依個原因，所以個瀨粉要打 淡d！所以最後我就返左燒鵝落去啲瀨粉到沖下佢，咁就好好味。…查看更多

買了三百幾蚊外賣，當時店舖十分多空枱，出面條街34度左右，諗住坐低等，點知有位黑色眼鏡女店長企在收銀機，服務態度極差，叫我企在街外面等，我叫佢自己企出去睇吓外面什麼環境，而且當時佢舖內係無嘜生意、小貓三四隻。 今時今日琪哥請這種員工，真係搗米多😪…查看更多

外賣了一個下莊，吃入口還有些溫度的，皮脆口，而鵝髀肉亦嫩滑，但偏淡而不甚入味，到鵝身就是肉薄而偏少，越往下吃越味濃，甚至太咸！還沒有沾上那些醬包和汁的。然而皮下肥膏很多，喜歡吃肥燒鵝的應該會滿足。…查看更多

棋哥@wanchai 🌟個人嚟講幾鍾意食佢嘅叉燒，再加埋煎蛋簡直就係非常match, 叉燒我哋叫咗肥叉，味道一流，整體上我覺得合格有餘，比起出邊一啲連鎖嘅燒味舖更加出色，嚟到呢度一定要食佢嘅燒鵝，燒鵝非常juicy., 而且食到炭香嘅味道，非常鍾意呢一個味道，係特別出色 ，粗麵就冇乜特別，下次都係會揀返食飯，價錢就中規中矩，唔係特別平好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟…查看更多

好多年冇食過燒鵝啦，其實今次返學之前呢見到附近有呢間舖頭其實一直都想食，但係都冇機會食到咁就行入去睇啦，但係就好搞笑嘅其實因為見到價錢都幾貴㗎，其實我一個人食啦燒鵝飯啊，再加杯飲品再加埋個滷水豆腐啦，咁都要差唔多成舊水其實咁當然你話燒鵝飯食成一舊水正唔正就貴唔貴就見仁見智啦其實但係就咁嘅佢燒鵝呀燒雞呀其實我自己覺得一半囉Social囉未知即係話咁好食好食囉咁大概要睇一點，就係話佢嗰個滷水豆腐係自己整豆腐唔係現成去老嘅因為你食落去呢係淋到好正㗎咁你知道佢真係自己整嘅洗豆腐真係到暈啊其實咁但係整體我覺得性價比真係好弱雞囉，同埋就係話個衛生環境一般啊張枱都冇抹過咁同埋杯凍檸茶就一般啦呢啲甜味都係咁所以我覺得係麻麻哋囉咁似餐…查看更多

黎銅鑼灣行街，搵下野食。見到呢間，啲叉燒好似幾吸引，就入黎試下（不過棋哥同棋子係咪同一集團？我屋企附近係開左間棋子燒鵝囉🤪🤪，有人知既話聲我知👏👏）叫左個茶餐叉燒意粉，加多個豆腐（$10，幾抵😝😝😝）叉燒夠肥（我鍾意食肥叉🤣🤣，冇計，肥佬你鍾意食肥野🤣🤣）食落唔會覺得乾覺得鞋口，幾好，意粉就普普通通，略嫌硬左啲。算啦，都唔會預太好食。個餐有火腿蛋同多士一件，冇乜特別，多士夠熱既，不過牛油唔夠多。碟小食豆腐加鹵水汁，唔錯，不過比較細舊，但你10蚊咋，算係咁啦。…查看更多

下午茶時間見到門口個餐牌，44蚊燒味餸飲品，入去嗌外賣，一個著高高瘦瘦、黑色老西、有一定年紀嘅女經理居然無端端收48蚊。呢個時候，一個唔知餐牌、唔識做餐廳、趕客、自己犯錯但死賴客人嘅女店員 戲碼開始了：第一次反映「唔係44蚊？」，佢好似反應過黎自己做錯，遲疑一下開始賴客「下午茶先係44，正價48，呢個有個湯。你下次要講清楚啊」。真心懷疑佢第一日返工甚至第一日做餐飲，本黎大部分餐廳下午茶時間就落默認落下午茶單，即使你唔確定係咪都應該問下客人？下午茶本身就有飲品，邊個稀罕你48有個湯（後黎交涉又改口「無」）。仲教育個客「下次點點點」，你間舖d客都俾你嘅態度趕走曬啦，無下次啦阿姐。見女店員咁差嘅服務，我堅持要翻44蚊下午茶，退錢時佢依然惡死愣登鬧客「下次講清楚！」，毫無反省自己嘅意識仲趕客。但跟住摞到手嘅餐居然無飲品（以為默認有店員之前講嘅湯），又折返問佢。第二次反映「點解無飲品/湯」，女落單店員阿姐又開始鬧客「你要一次過講清楚啊，無湯噶我地，你要飲咩」。最後終於摞到有飲品嘅餐如圖，雞肉少又柴。呢間嘢執得噶啦，唔即刻執都俾呢個女人做衰招牌。…查看更多

今日中午去開銅鑼灣針灸，見12點棋哥唔太多人，以為佢好出名燒鵝，入去食碗燒鵝瀨，見餐牌話淨燒鵝瀨和雙併都係73蚊，就跟啲食評點燒鵝併乳豬，點知呢種貴價雙併要88蚊，冇嘢飲。心諗雖然點錯，好食都算啦。第二个點知，乳豬比燒腩仔差（但併燒腩係73蚊），燒鵝全部係背脊，冇乜肉，啲皮又un, 從來冇試過食燒鵝咁落力，如果唔係肉都冇得食。灣仔食肆林立，要嘥接近1百完食啲咁嘅嘢真係永冇下次了。…查看更多

講起嚟，我最鍾意嗰家店嘅燒鵝真係有令人拍案叫絕嘅地方👏！肉質特別滑，食落去啲肉汁馬上喺口腔裏面爆開嘅感覺真係幾正😄！啲燒鵝皮係我試過最得啦，蘸咗啲自家醬汁，啖啖肉都係個個滿足！另外，佢地嘅叉燒都好值得一讚咋，啫啫嘅油花鬆化得嚟唔膩口，掛住嘅蜜汁恰到好處，香甜得嚟又唔會太甜膩，肉味鮮美又唔覺得太重鹹，真係太配飯啦🍚！仲有佢哋嘅燒腩仔，個皮炒得脆卜卜，撞上肥瘦相間嘅肉質，嚼勁十足，每一口都似乎有話對你講：「多食啲，唔使客氣！」好天使出嗰啲平平無奇，棋哥呢度碟碟精彩，重點係食得出佢哋用心炮製嘅用心精神！總之，去到度一試，保證搵到好幾款自己喜愛嘅港式食物，每次去都會有新驚喜，各位食家，不妨一試啦～ 真係食完之後，滿身滿心都係幸福滿滿啊！🎉…查看更多

嘩，今日食到一味好正宗的香港燒鵝，行過灣仔果陣，隨便入咗間鵝鋪，點知一試驚人！燒鵝皮脆得嚟有咬口，啖啖肉緊實而又多汁，真係咀嚼之間仲飄出少少荔枝木嘅清香，瞬間覺得自己諗起咗舊日香港街頭嘅美味。配埋甜醬，勁正！重點係燒鵝肉唔會有啲舖頭試過嘅膩口，入口後欲罷不能㗎喇！仲有架，除咗燒鵝外，叉燒都好正！佢唔似街外另啲舖頭，叉燒又厚身又滑，啖啖肉感，食落就知係新鮮製作。彈牙嘅肉質，配上嗰層蜜汁嘅皮，味道香濃得嚟唔膩口，一流👌！就算係飯後嘆一杯茶，都覺得心滿意足。整體嚟講，食住呢啲好嘢，喺屋企都可以感受到街頭小食嘅地道風味，確實幾滿足，叫我點可以唔推介俾大家？下次路過，仲要再入黎試下其他嘢食！🥢🍗👀…查看更多

在附近辦完正事，順道到一直恨試的棋哥燒鵝解決午餐。小人要了燒味瀨，加碟油菜，都是散叫的。油菜不差，起碼夠大碟又夠味，可吃度是高的。餐前小食有些漬了的鹹酸菜，風味不錯。燒鵝皮甘香，肉質豐腴鬆軟，咬下滲出的肉汁加油脂香，大為滿意，果非凡品！乳豬的皮仍保持脆度，脂層亦有一定厚度，肉質吃下有點像燒肉，蘸點甜甜的乳豬醬更為味美。湯粉的湯底頗清，喝下順喉，沒有違和感。瀨粉軟溜溜的，一滑入喉，油份反為不多；而且夠大碗，必然夠飽。作為一間燒味餐廳，環境竟然乾淨企理，值得一讚。…查看更多