棋哥燒鵝餐室

因為工作嘅關係路經天后，見到《棋哥燒鵝餐室》好似唔錯咁，就入去食個lunch。本身係想食佢個燒鵝，但係想試下佢啲基本菜式先，最後我地點咗「桂香切雞飯」同「棋哥叉燒飯」。「桂香切雞飯」望落雜亂無章，同雞皮亮麗嘅金黃色形成對比，比較少見燒味舖會將啲雞切成咁；至於味道方面，油雞嘅香味噗鼻，入口肉質亦鮮嫩順滑，雞嘅份量都唔少，加上薑蔥蓉非常之正。雖然佢冇外表，幸好還有內涵😅。另外嘅「棋哥叉燒飯」，呢個就靚仔好多，叉燒排列整齊，色澤紅亮，叉燒嘅香味濃郁，入口肉質鮮嫩夠淋，而且份量都唔少，同切得都算大塊，同佢嘅薄切形成對比。睇番其他食評話佢呢間店嘅服務係極差，但今日所見又冇乜嘢咁，可能撞啱今日冇乜嘢。如果有機會都會想試下佢嘅燒鵝。…查看更多

【餐廳公然歧視導盲犬，無視法例！】📍 地點： 棋哥燒鵝（天后店）- 79電氣道⏰ 時間： 2025年3月17日下午5時15分今天，我們一行五人帶同三隻導盲犬前往 **棋哥燒鵝（天后店）**用餐，卻遭遇 惡劣對待和明顯歧視！🔹 店員態度強硬，拒絕讓導盲犬入內，完全不聆聽我們的解釋。🔹 即使我們清楚指出導盲犬受法例保障，他們依然無視，堅持不願意接待。🔹 店員態度不禮貌，甚至惡劣地要求我們離開。由於餐廳完全無視《殘疾歧視條例》的保障，我們報警求助。🚔 警方到場後，清楚向店員解釋導盲犬依法可以進入公眾場所，並警告他們這樣的行為已經觸犯法例。⚠️ 但餐廳職員仍然頑固拒絕，不接受任何勸告，甚至當著警員面前繼續堅持「狗不能進入餐廳」。📂 警方最終開立檔案，並建議我們向「平等機會委員會」正式投訴。整件事擾攘超過半小時，餐廳的態度讓人憤怒又無奈。🔴 導盲犬是視障人士的眼睛，根據香港法例，所有公眾場所都必須接納導盲犬！ 這間餐廳的行為不只是冷漠，更是公然歧視，完全無視殘疾人士的權利！📸 我們已拍攝現場情況及相關證據，希望這件事能讓更多人關注。…查看更多

阿姐語氣奇差問嘢飲係唔係跟餐：“咩跟餐呀，要俾錢嘅”隔離枱有個爸爸帶住小朋友，叫咗一碟飯，阿姐迫個爸爸每人要叫一樣嘢自己連埋隔離枱，都係得一對筷指。。。幾個阿姐，全程講鄉下話傾計自high, 超嘈…查看更多

本身想買燒鵝吃，買了一個燒鵝下庒$145，回家後發現外表美麗的燒鵝，只有皮加肥糕全部沒有肉可言，完全超出我想像，全部只有4份之1係肉，4份之3肥膏。完全只是鵝膏，成口油，一定不會再幫襯😡😡😡…查看更多

網上朋友普遍認為去排隊燒味店服務欠佳，是的，所以每次買燒味我都會在心𥚃先練習叫餐，才能非常有氣勢一次過落單，只要你夠快，帶著笑容，不扭扭擰擰吃甚麼，通常姐姐語氣都非常好。（有點本末倒置，但我只想吃好燒味🤣😂，我忍一忍你。）另外就是不要堂食。是日外賣是棋哥燒鵝的乳豬叉燒瀨粉，外賣盒排得非常整齊漂亮。乳豬有六件，皮薄肉嫩，外皮脆卜卜，是我喜歡的乳豬質素。叉燒有八件，沒有要求，但自動出半肥瘦，還有點燶邊。瀨粉的湯底味道也不錯。…查看更多

咁，就係今日我過去棋哥實際嘗試咗幾款燒味。開始前，講咗，咁多款，我都真係挑戰唔少。先講🉐️半隻油雞喇，肉質滑溜溜，皮脆肉嫩，啖啖都鮮香得嚟唔油膩；真係食落咁滑口，仲好有嫩滑嘅感覺。再黎招牌🦆燒鵝，皮脆肉鮮，大塊切件令人食得爽口兼滿足；加埋佢哋家自家醬汁，真喺畀心肺。燒味小炒王，配料豐富、每啖都有驚喜。你話香口唔香口？筍片脆口、豆腐滑溜，搭配咗鹹香燒味，食得我啖啖開心。我話你知，叉燒就真係一絕。夠曲，兼帶少少桂花嘅香氣，絕唔會過甜；啲肉又腍嫩，唔膩口，我幾乎停唔到口嚟。😋至於燻蹄，賣相開胃，皮啖啖，肉層分明，每啖都嚼得到味。係涼食中嘅上選，仲要無任何添加，好清新。整體講，棋哥嘅燒味集味美、質優於一身，同時價錢都幾公道。食得出佢哋對燒味嘅用心同埋堅持！下次我仲要黎幫襯，唔試唔得！👍🍽️…查看更多

下午茶叉燒飯加凍檸茶走甜，白飯唔熱，飯上邊淋嘅燒鵝汁幾好味，唔太鹹都幾香，叉燒分量唔算少，但係味道就真係好差，肉質幹硬，搽咗太多蜜糖好甜，其中兩小片冇咁乾，但食落完全唔入味，只係表面有啲味入邊好淡，結果白飯差唔多食完，但係叉燒淨係食咗兩片 ，其他都放低冇食，第一次食祺哥真係好失望，下午茶42文唔算貴，噉嘅質素就真係差，冇下次…查看更多

呢日落咗成日雨，同老友4點零鐘經過呢間嘢入去歇歇。一入門口阿姐就叫我老友放低把長遮喺門口個桶，我把縮骨遮就費事放，摺埋佢塞番落背囊個外袋算。間舖都算靜，成場三四枱客。我哋揀張枱坐低然後每人叫咗個下午茶餐燒鵝瀨。一咬之下，竟然完全食唔出燒鵝味，都唔知係咪燒鴨扮燒鵝，皮又唔脆，啲肉又乾又鞋，同街市燒臘檔啲燒鴨咁上下質素。雖然我哋都唔係志在食嘢，不過佢吹到咁大，有期望好正常，佢又交唔到貨，我哋肯定非常失望。到埋完單準備走人，我老友發現佢把佐丹奴遮俾人攞咗，當然問阿姐點算。幾個阿姐除咗吹水打牙骹之外，最叻就卸膊，個個好似唔關事咁，哦完扮冇嘢。喂，大佬，我哋聽你話放把遮喺你指定地方，而家唔見咗，你覺得完全冇責任咩？好老實呀，個桶得三四把遮，認真少少都應該記得邊把打邊把啦，你叫得人放喺度就有責任看管。我都明，真係看管係好難做到，但到真係俾人偷咗，係咪都應該盡力去尋求解決方法？出面仲落緊大雨，係咪諗住叫我老友監生淋雨？結果要我哋連番質問，佢哋先逐把遮問在坐客人係咪屬於佢，問完終於搵到一把無人認頭，就話俾我老友。佢係好唔情願，但冇計，佢把遮想追都追唔返，唯有拎呢把頂住檔先囉，唔係可以點？其實呢啲舖頭打開門口做生意，大把客留低把遮唔記得攞啦，後面倉十把八把無人認領閒閒地。等我教埋你點做吖，首先你應該承擔番責任，唔好側側膊當冇嘢，你喺度打工無論點卸膊都唔會變路人甲嘅。然後問清楚把失遮嘅資料，大概咩價值，究竟係走鬼檔廿蚊把定梁蘇記幾百蚊把，知道個大概都好重要。最後喺倉攞三把差唔多價值嘅遮出嚟俾個客揀一把，做齊呢幾個步驟個客都會順氣啲啦。呢班阿姐絕對需要再培訓，唔培訓就只係趕客，唔怪得拍晒烏蠅。所以我喺度奉勸各位，入呢間舖頭唔想失遮就唔好聽佢老點放門口，滴濕就滴濕，你又唔負責看住啲遮，就梗係有代價㗎啦，唔使你做好唔好？…查看更多

比起六個月前份量少咗好多。味道依然有水準。$84, 食胸，咁的價錢唔多底。六個月前，一碟飯，現在分開上。份量至少少咗四分之一。外賣才有湯送。地方算清潔。枱下面櫃桶係冇紙巾。人流明顯比以前少。…查看更多

棋哥燒鵝，我竟然唔係食燒鵝而係食叉燒，冇辦法啦，鍾意食叉燒，呢間叉燒都幾貴，68蚊，以做開燒味唔會太差，點知聞名不如唔好見，賣相慘不忍睹，食落同望落差唔多，非常失望，完全唔香，質感亦同賣相一樣，唔討好…查看更多

-見到棋哥擁有多間分店，而且創立了如此之久，想說信心保證，抱著一個再怎麼也不會難吃的心態進去。-當天點了一個四寶飯，一端上桌，我就知道這個飯不行。-首先，這個五寶飯價值80多元，但飯上面的材料數量不多，材料有紅腸、鹹蛋、豉油雞、叉燒和燒鵝。這些是一般五寶飯的材料，但是每樣材料的數量極為稀少，特別是主打的燒鵝，只有幾片而已。-紅腸、鹹蛋這些就不多說，食材的技術含量不高，但是接下來的三道食材簡直慘不忍睹-燒鵝和叉燒，一個字：乾。非常的乾，當放進嘴裡後，你感覺不到有任何的肉汁流動，難以下口。-豉油雞非常的最小塊，肉質不夠彈口，最基本的雞也弄成這樣，實在大失所望。-最後是五寶飯裡面最重要的飯，飯粒偏硬，大家口感不一我覺得可以再軟一點，醬油也可以更多一點。-但是整體環境明亮，整潔，值得稱讚。-總結：燒味令人失望，不值得一吃…查看更多

今次中左伏了!都知道茶餐廳內環境的主打燒鵝和鏞記的不能並提，但這間實在差，連普通的茶記水準都談不上, 還自稱招牌燒鵝, 整體都差，點了乳豬雙拼88元和燒鵝熏蹄飯83元，除左熱檸茶夠熱外，所有燒味全不熱，暖都談不上，燒鵝是暗黑色，只有皮和肥油，冇肉的，乳豬皮又不夠脆，叉燒肥肉多兼冇汁，全部食品冷冰冰，最慘連白飯都不熱的，救命! 所有食品不熱是死症的了，還收這樣價錢? 味道連大家樂的燒味都不如！ 一吃相信都難回頭了!…查看更多

以正宗燒鵝打旗號嘅餐廳，例牌燒鵝竟然凍冰冰，冇肉皮薄，骨多過肉，價錢仲有收費$7-80以上，質素完全差劣。叉燒冇蜜汁，硬邦邦，乳豬皮硬冰凍，完全冇一樣食得落口，食出面連鎖快餐店都冇咁嬲，全舖得熱檸茶名乎其實囉呵呵😄真係會熱同有檸檬囉。職員態度惡劣，跟食物一樣冷冰。餐廳環境擠擁，紙箱📦堆砌想凳排平生都未試過食評，呢間差到激到要上網唱衰，其差劣程度請自行想像。 差到核爆爆爆爆爆爆爆爆爆爆爆爆爆爆爆爆！…查看更多

之前都有食過其他分店嘅棋哥，無可否認佢嘅燒鵝係做得出色嘅，但經過今次天后分店嘅世界級體驗，絕對有理由相信我以前真係食開屎。。🤮👎🏿👎🏿👎🏿今日同朋友食飯，一開頭叫左兩碟乳豬燒鵝雙拼飯，女侍應好快手就幫我地落左單。其後我再睇多次餐牌發現原來叫單拼乳豬飯，同單拼燒鵝飯，相比叫兩碟雙拼飯平足30蚊，咁我就問女侍應有無得改單啦，咁佢亦都好快手就改左張單。有趣嘅地方嚟啦，佢幫我改完單後，走左去同廚房大大聲咁講：「呢枱要轉一鵝一豬呀，其實我都唔想架，單都出埋，係個客要改咋！」(exact quote) 。大佬呀，我坐隔離㗎咋，以你咁雄偉嘅聲量咪以為我聽唔到。我由頭到尾都無逼你幫我改，我亦都無用仼何無理嘅態度請求你幫我改單，你一句話唔好意思呀出左單無得改，其實我絕對無問題，但你而家擺明俾説話個客聽，你咁嘅服務態度就真係好有問題！好啦兩碟飯準備好，侍應一野用轟落黎嘅形式送上我張枱，fine，街邊餐廳就當你個價錢唔包service。但望下碟乳豬飯，你究竟俾啲乜X野我地食，全碟11小塊，大小參差不一，每塊厚度保持平均半毫米厚度，一絲肉都無，全部都係脂肪連皮。燒鵝都尚算正常。不過飯同肉都凍嘅。同我以前食嘅水準差起碼廿條街，請問係咪有心玩野？大家可以喺圖片到欣賞下佢著名嘅乳豬。食到成肚氣睇番openrice啲相，根本無人碟乳豬會係咁嘅樣，不過批評服務態度嘅評語就多不勝數。如果貴公司諗住意見接受 (或者唔接受) 態度依舊，咁我就真係祝你地好運。…查看更多

我之前食開銅鑼灣分店都好好 。外賣燒鵝瀨都會湯另上，肉都算俾得多。但呢間的員工態度差到，我覺得澳牛哥哥仲有禮貌過佢地。我之前路過見到天后有分店，諗住放工去買個下午茶餐，禮貌禁問下仲有冇下午茶餐。個店員答：「未過6點咪有。」禁好啦，佢講到未到6點都可以叫茶餐，禁我今次就直接叫茶餐。同上次同一個店員無諗住幫你落單，成班人係到傾計。我再話要茶餐，個店員態度差到黑面話無茶餐。我開個手機問「未到6點唔係都有茶餐咩？」佢只係重覆禁講話「無茶餐」而唔係「茶餐賣哂」。禁好啦，我咪俾正價。佢俾同茶餐同一樣的野俾我。因為我之前去開銅鑼灣個間買正價。無論買一碗定兩碗，佢地都係燒鵝粉一個碗，湯另一個碗。天后呢間係無分碗，同茶餐一樣，但貴11蚊。我唔係俾唔起呢11蚊，而係俾11蚊俾呢態度唔好的店員掙真係有少少嬲。所以，如果大家想食呢個牌子的燒鵝又唔怕遠少少，建議大家去銅鑼灣個間。至少銅鑼灣分店店員服務態度比天后分店好好多。…查看更多