梅光軒

路過銅鑼灣唔知食咩好,咁岩去完希慎見到梅光軒就決定試下,店舖位於希慎B2/F唔多起眼,而且座位都唔算多,不過都尚算乾淨,我今次試左醬油拉麵,主要配料都係叉燒,筍,粟米,而醬油湯底比較清淡,對我黎講就唔多夠味,下次試下其他湯底可能好…查看更多

一個人係午市高峰時期有咩揀？可以試下喺Hysan B2層嘅呢間拉麵，係有2-3位嘅姨姨去打理，服務態度好好又好友善。可以揀係bar枱座又或者food court嘅枱，今日就點咗個午餐，拉麵配餃子🥟仲會送汽水畀你叉燒嘅肉質傾硬咗啲，拉麵嘅軟硬度適中。反而湯底不太濃郁，有改善嘅空間！不過以午餐快食嚟講，一次半次都可以嘗試嘅。…查看更多

醬油叉燒拉麵 ($93) + 茶(熱/凍)🍵[地方] 希慎廣場除左樓上(11/F)有food court之外, 其實地庫(B2/F)都有個迷你food court~ 除左可以坐起梅光軒既bar枱, 另外都有其他位置俾1班人坐, 坐位都幾兔, 好快會搵到位坐😊[食物] 今日有D餓, 所以叫左*醬油叉燒拉麵*🍜, 係相對梅光軒其他拉麵較大碗+多叉燒, 而醬油湯味道濃郁. 梅光軒既叉燒好大塊, 食到好飽!…查看更多

呢2個星期日日落雨好煩唷, 所以都搵food court食lunch~ 今日落到希慎B2 Jason's旁邊既梅光軒 (銅鑼灣另1分店) 主打當然係拉麵, 但今日想食飯, 所以嗌左個【叉燒丼 Charsiew Don】(連凍/熱茶, $38). 全日供應, 不設加一, 仲有服務員拎個餐到你座位, 超抵食+好服務的! 暖笠笠既飯面有胡麻醬+黑椒碎, 配滿滿既叉燒超香口的 叉燒係多到呢, 1啖叉燒1啖飯, 可以食到最後另外, 呢間鋪用左北海道蘭越町產【七星米】, 就好似珍珠米咁, 有咬緊漲卜卜飯既口感以呢個價錢黎講, 對小資女黎講性價比係高啊! 男士可能會唔夠飽, 但可以叫其他小食的…查看更多

一人食飯之選 黎到cwb 又唔知食乜好 諗起有叉燒飯的梅光軒 黎到hysan 樓下 人流不多 之前食過拉麵 🍜同叉燒飯 都不錯 半年後再黎食 睇下質素如何 叉燒飯 $34睇相都知佢非常足料 有大量的蔥花 提升叉燒的肉味 同去除肥膩感 叉燒切成粒狀 加上沙律醬 搞拌一起 每啖都食到 叉燒 加上非常軟熟的日本壽司米 令人一啖又一啖 份量足以2個女仔食 枱面仲有不同的調味料 想食辣的朋友可以加點七味粉…查看更多

行supermarket時發現有間好似 food court形式的拉麵店，價錢同出面街舖差不多，位置偏僻都有啲客所以就試試湯底種類有3種，店舖細細選擇算多正價餐牌有套餐價錢比較低食醬油拉麵-湯底超濃郁唔會太咸，麵條彈牙但好快淋所以要快食，糖心蛋入味但好滑蛋黃唔會腥鹽味拉麵-湯底有小小杰身感覺，比醬油清小小但豬骨味反而明顯，义燒就麻麻地煎餃子-皮好薄但煎得脆又冇爛，餡好大舊肉彈牙炸雞球-炸得超脆好乾身冇油但連肉都乾無肉汁，大大舊都幾低食總結:拉麵淥得太淋我比較喜歡硬身，义燒普通，但試左2隻湯底都唔錯，有套餐都可以一試…查看更多

每隔一排想食拉麵, 或者去開銅鑼灣, 都會想唻食。So far試過唔同湯底(味噌/鹽味/醬油等), 小食(餃子/炸雞等), 都無失望過, 而且仲好抵食。加$15可以配個小食同汽水，一般日本餐廳都無咁抵啦...雖然坐得唔特別舒服, 侍應幾位阿姐不停吹水, 但為左碗麵都係值得唻。D湯可能有人會嫌太咸, 但我就覺得好濃, 次次差唔多飲晒, 之後都唔會口渴。各人口味唔同, 但呢間真係喺香港我覺得最好味的拉麵~知道最近佢另外開左一間分店,希望可以保持水準啦........…查看更多

今日去銅鑼灣做facial，做完facial已經很餓，於是到希慎廣場隨便找點東西食。記得朋友提過梅光軒的拉麵不錯，所以決定去試一試。晚餐有拉麵套餐供應，拉麵加一款小食，再加飲料才$85。由於不想吃太重口的食物，於是點了較為清新的鹽味拉麵，份量頗大，加上小食，女生未必食得完。麵條及湯底很一般，不過不失，不好吃，但也稱不上難食。唯一的敗北是竹筍，第一次食這麼難吃的竹筍，忍不住要吐出來🤮。令整配麵大扣分。這是兩份雞球的份量，雖然拉麵令人感到失望，但雞球卻做得不錯，多汁香嫩，成功把分數拉高。整體而言，在銅鑼灣$85可以麵+小吃+飲料算是抵食，而炸雞球也不錯，但由於拉麵太一般，面竹筍令整碗麵扣分，我大概不會再去食這一間餐廳。…查看更多

聽講過呢間拉麵店好好味，今日又係附近就黎踩踩點。我點左既係醬油叉燒拉麵，先講湯底，鹹度適中，唔太驚喜但都算唔錯。麵係曲麵，爽口陣牙，煮到恰到好處，就以麵同湯底係唔錯。不過呢...配料同叉燒就支撐唔到唔錯既麵底...先講叉燒，肉太瘦，入口感覺似煮得過耐既肉，好似食緊塊布咁...好失望。到筍... 講唔出評語，食左一啖就唔想再食。套餐裡既三顆餃子，煎得算脆口，但餡料唔夠好味，一般般。總結而言，算普通拉麵，麵同湯底係ok，但肉真係比較令人失望，但行過附近拉麵癮上黎都可以食黎止一止癮，但唔會好味到令人特登去食。…查看更多

最近有雜誌推介梅光軒，我同男朋友都係愛拉麵之人當然唔可以錯過，要一睹風采。一個月前就同男朋友去左位於hysan 入面jason 有一間開放式的分店。香港有2間，另一間就係登龍街站立。相信會有一番龍爭虎鬥，話哂個到拉麵店林立今次黎到jason分店， 勝在唔洗等位。選擇都算多元化，但就無硬麵軟麵粗麵幼麵之分了。只有standard ge選擇，相信對選擇困難症ge人就有幫助。見到有個set包汽水小食只係80元，當然要試下la！只係比淨拉麵加多5元就多咁多野！但湯底就得鹽湯同醬油湯選擇！今次揀左醬油因爲我同男朋友都係重口之人。哈哈！另外仲叫左個叉燒飯。因為新年關係，送左個利是比我地。點知比我男朋友抽中左碗免費醬油拉麵，店員見到都驚呼得好小係拉麵卷咁都比你抽到！好啦 我都要比個叻佢👍🏻值得一提個叉燒飯係抵食之選！每啖飯都有叉燒，仲要肥瘦岩岩好！加埋d沙津醬食，真係一絕！見意大家要叫個黎試下，不過今次無影相！2次都有食個醬油拉麵 $75 (評分:8/10)麵質比較似公仔麵。但有Q彈的口感！湯頭食落有點焦香味，係豬骨湯底，但有別於豚王個類叉燒屬於偏瘦ge一種，所以肉質較鞋，但喜歡瘦叉ge人絕對係啖啖肉呀！呢碗係味噌湯拉麵$80 (評分:7/10)湯頭較醬油濃郁，帶點辣味。但不會太辣，唔食辣ge人都一定會食到！我就中意食呢個味多d！辣辣地食唔停！我就中意再加d醋，醋辣令我一啖接一啖無停過！另外ge係，店員都好熱情會主動問我地要唔要水。佢ge味粉都好多選擇，有醋，胡椒粉，黑椒等等等。…查看更多

心血來潮想食拉麵，去到希慎廣場發現都有幾間可以揀， 撇除咗食過嘅嗰兩間，決定試吓呢間位於地庫嘅梅光軒呢間分店貼晒米之蓮介紹，諗住實冇死啦！喺收銀處見到有套餐可以揀，就想試吓佢個鹽味拉麵套餐可以揀煎餃子或者炸雞粒，不過呢排都係鍾意食餃子，就揀咗煎餃子，仲送咗罐汽水添我拉麵同餃子一嚟到，就見到個餃子甩皮甩骨，都幾多油，唔係好想食拉麵嘅面底就幾好食，不過舊叉燒偏瘦同柴，整體味道一般，冇咩特別，唔係好諗得明點解上到米之蓮好期待試吓真正拎到米之蓮嗰間梅光軒究竟有幾好食呀~…查看更多

曾經睇過梅光軒的報導, 原來佢係北海道旭川係著名拉麵店, 已經有四十多年歷史 , 隨左香港有分店, 台灣都有分店。 估唔到希慎廣場地下FOODCOURT層會有分店,好得意.雖然無乜拉麵店既氣氛,但最緊要都係味道唔差我叫左味噌牛油粟米拉麵我鍾意曲曲拉麵,曲曲拉麵彈牙之外仲特別吸湯, 尤其是配搭濃味的味噌牛油。 味玉鹵得入味, 有流心效果, 好吃! 不過, 叉燒好大塊,咬口一流 ,價錢中等,但值得一試…查看更多

北海道有三大拉麵，札愰，函館和旭川的無人不知。坐落Hysan 超市內的一間拉麵店就是來自旭川拉麵。點了碗牛油粟米味噌拉麵，勁大碗。食拉麵最重要要先嚐湯底，好食與否有好大影響。將一塊牛油混入，湯底味道濃郁不會過鹹不油膩，反而多了份油香。麵條卷曲卦湯力強，質感有靭性，嚼落彈牙。义燒薄薄的，軟腍好味。配菜的粟米，芽菜和日本蔥粒大堆頭，增加了豐富層次感。其實對女仕來說真的好大碗，比坊間其他拉麵店相比，好抵食！…查看更多

終於搵到一間拉麵店難食過味千拉麵。今日下午路過諗住試下呢間喺北海道好出名嘅拉麵店，但當我喺cashier落左order後就後悔了。首先，等左成起碼十五分鐘先有得食。跟住激氣嘅事情就發生了。阿姐捧住碗麵出嚟問係咪我叫嘅，我話係，跟住阿姐教訓我話下次調左位同我講聲吖嘛。我當堂火都黎，一來你一開始冇要求我滙報我嘅位置，二來你唔認得客人個樣就唔好Offer幫客人捧餐啦。最後，我想話呢碗鹽味拉麵真係我食過最難食嘅拉麵，d麵林嘅，個湯淡嘅，我食淨半碗麵就走了。…查看更多

每一個月僅有一日會路過呢一度，因為要去見醫，今次亞囡陪我就去試吓，叫咗個醬油拉麵、叉燒丼、追加南瓜餅，整體來講都好，南瓜夠晒趣，只係個拉麵湯底咸咗啲。值得一試嘅。…查看更多