桃園制作粥麵餐廳 (彩雲商場)

🇭🇰港式 🍽街坊茶餐廳 🚹1-4人——————街坊茶記，中午人多，會好嘈🙉但街坊茶記係咁上下。🍴黑松露叉燒蔥花炒飯$61價錢比較貴（因為後尾見到蒸魚午市都係$61）正常茶餐廳水準，份量正常，大胃王可能唔夠。跟餐有熱飲，阿華田已經轉咗麥可可，坦白講覺得阿華田好飲啲😔但起碼呢間飲落夠味，證明水吧師傅沖嘅時候有落夠粉。因為街坊餐廳，輪椅人士同帶BB車嘅都有，白虹樓巴士站🚏有斜路直接嚟到餐廳門口，不過午市繁忙時間有機會要起身轉餐廳椅子坐，因為餐廳內半數都係卡位。——————…查看更多

餐廳裝修左一個月,終於等到佢開翻,坐得舒服左,燈光比之前更加光猛,不過下午嘅小菜份量就少咗好多,睇相就見到幾細碟,叫咗蒸魚等咗25分鐘左右先有得食,不過蒸嘢要等都無辦法……味道正正常常,碟雞就比較 鞋身,牛肉都幾好食,肉質都好滑,牛味都幾濃,可能因為佢新開翻好多人等位,我地幾個人食完都好快離開了…查看更多

同朋友去彩雲食午餐，一路傾一路食都好開心，食物味道還可以，再飲完杯咖啡，再傾下，發現有水滴落枱面， 望上佢見到冷氣口，咁即係剛食完同飲完都同樣加料，其實滴水應該唔係今日開始，我諗工作人員知道不過冇去理會，都唔知有幾多張枱係滴水，咁樣環境叫人點再去食😡…查看更多

買了餐飲券，以前用過，95折。但今天在無通知下突然說不能用，但我真金百銀畀錢買，感覺中伏。最過分的是我付款後居然發明我沒有兌換成功的餐飲券被扣了數，變相付了兩次錢，勁嬲！…查看更多

水煮牛肉是小菜價錢 ，牛肉只有幾片是女士份量試問男士怎樣救食呢 ，中式牛仔肉， 亦份量 少得可憐，中式牛仔肉 切成粒粒狀 ，都比較少同樣有以上問題 集中一齊關注 這個份量 請貴公司 改善 麗港城 吧…查看更多

喺外賣平台叫咗一個咖喱雞飯（$73），偏辣嘅，我個人覺得好好味！另外叫咗一個蔥香四寶飯餐，應該有叉燒、餐肉、腸仔、雞蛋及蘿蔔糕（$95），個飯無乜味，尤其係嗰大堆蔥油，原本睇落好開心，但食落真係蔥+油，毫無調味，係第一啖就覺得好失望，之後再食就真係餐肉有餐肉味，腸仔有腸仔味嗰啲質素囉，結果我都係頂唔順自己喺屋企加豉油，而且佢俾漏咗雞蛋同蘿蔔糕囉，咁樣一個餐收$95，打去鋪頭問阿佢，佢叫我自己落去攞番囉！唔通你俾漏嘢要我自己搭車去攞番一隻煎蛋+一份蘿蔔糕，玩我咩！即係要我唔追究啫！好差囉！…查看更多

兩個人去食飯，一入去個阿姐隨手指一張只得一張櫈嘅二人枱叫我哋坐，有個男職員態度極差，好晦氣咁話拎張櫈俾你咪得囉，食餐飯仲要全程俾佢啤住😤😤真係食得唔安樂，以後都唔會再去…查看更多

星期六去彩雲邨附近工作，到處閒逛
發現屋村商場這家桃園制作。
lunch time人流都幾多，座位寬敞，都幾乾淨企理。
餐牌選擇多元化，自助scan qr code 落單～

土魷蒸肉餅飯$59 （配一杯凍飲）
肉餅口感比想像中Ok！
結合左軟嫩既魷魚、多汁的肉餅，最驚喜係有冬菇條
這道家常菜又唔會話好粉，毫不吝嗇大灑蔥花粒，超好味啊～
不過面頭既辣椒無乜味道，似乎有D畫蛇添足。

原汁原味柱候牛坑腩湯麵$47
柱候牛坑腩係湯麵中無疑係主角，牛肉非常軟嫩，不過就有D黏牙。
牛肉醃既味道唔會太咸，都融合到湯汁味道～

米線煮得岩岩好，唔會太爽口或者太淋。
米線送兩條菜心都幾不錯～…查看更多

門口位買下午茶唔係用任何app買居然要等35分鐘.熊貓自取都保障25分鐘出餐啦.本來我就係怕網上外賣平台要等得耐先埋門口買.但係結果被罰企.眼見堂食d餐就係咁上直頭唔洗10分鐘就上檯唔係當人傻既下嘛！！我都明要翻檯想賺多d但係都可以卡拉卡拉咁出姐.定係集團企業既出餐方針就係咁先做堂食再做外賣咁垃圾啊.外賣客好似唔係客咁要係出面罰企.真心係咩垃圾服務阿.食物又唔係特別大件味道只可以講一般再加上咁既待客之道下次唔會再幫親囉！…查看更多

桃園制作粥麵餐廳，位於彩虹清水灣道45號彩雲商場3樓A322號舖。 在彩雲商場裏面做街坊生意， 之前都食過好多次， 今次來吃下午茶，香煎一口豚肉麻酸辣米線$40、 雪菜肉絲米粉 & 奶醬厚多士$32、 新鮮冷壓檸檬茶$3、茶走。 🔸香煎一口豚肉麻酸辣米線 ～ 一口豚肉入味軟腍， 湯底的麻酸度剛好。   🔸雪菜肉絲米粉 ～ 雪菜不會過鹹，米粉幼身。 🔸奶醬厚多士 ～ 滿滿的奶醬， 但多士唔夠熱。 🔸新鮮冷壓檸檬茶 ～ 味道清香，無澀味。 🔸茶走 ～ 甜度剛好。整體而言，性價比高。 🏷️溫馨提示～ 整個用餐體驗均屬個人分享意見， 只作參考😊。 …查看更多

上次吃過蔥油煎肉餅飯，十分回味，蔥油可以解膩，肉餅又煎得香脆可口。但今次黎有小小失望，蔥花切得太大粒，又無蔥花香味。肉餅煎耐左小小，有小小鞋口，依然煎得香脆。值得一提，呢度俾白飯份量充足，唔怕食唔飽👍🏼…查看更多

叫咗外賣鷄扒麻辣米線，食咗兩啖，竟然有曱甴🪳係碗麵入面，即刻唔敢食，倒胃口🤮。離晒譜，做飲食一定要乾淨企理，至少會端上枱面嘅餸菜係乾淨。呢個係基本要求，對餐廳失去信心。…查看更多

堂食無人理你嫁，舉手舉到手軟，上菜又慢，餐紙都唔比你。叫外賣平台 仲大鑊，叫ABC佢比DEF你，我打去仲要比佢話唔關佢地事，係外賣仔錯，外賣仔又話唔關佢事，咁關我事囉好無！好彩外賣平台有良心全單免左我，否則我係比左$2XX蚊食$14X蚊野呀，個阿姐仲大大聲D野佢外賣自己攞嫁！亂到咁即係你管理唔掂囉！一次半次我了解，大姐你哋係三番四次呀！仲要好有道理咁話返我？呢個品牌我無野食要自己煮都無下次！…查看更多

幫襯咗幾次呢間嘅四川麻辣牛肉炒飯，夠麻夠辣夠鑊氣，應該擺左成條紫天椒🌶️推薦鐘意食辣嘅人試下～至於佢嘅麻辣酸米線就不了，主要係湯比較稀，米線同配料都一般，總括嚟講係一間不過不失嘅茶記，留意外賣要等好耐。…查看更多

屋企人唔舒服， 晚餐都想食粥， 咁啱見到呢間餐廳有全日粥餐就諗住幫襯， 首先入到去， 沒有人手喺接待處一段時間， 前面又有人等位堂食，擋住個reception 🫠等我講咗聲唔該想叫外賣， 佢應咗我，跟住又有人嚟埋單＋電話響， 佢接咗個電話幫人落電話外賣🫠完全感覺到人手不足🫠而個餐廳設計都好影響想叫外賣的客人的體驗，因為門口可以企ge 空間太少，仲要就住佢個自動門的位置去企。。。 好彩佢一收線我就話「唔該可唔可以幫我落咗單先」 如果唔係唔知個服務員幾時先serve 到我。落完單之後等等等等等， 都係等一碗粥同埋腸粉， 已經差唔多五個字至半個鐘， 我去埋另外一間餐廳拎第二份外賣， 呢度都未出餐🫠唔評論佢好唔好食， 就是太慢了。。。👉🏻 皮蛋瘦肉粥配腸粉咁大個兜，得個半碗粥🫠…查看更多