桃園制作粥麵餐廳 (海悅豪園)

我都好耐先寫一次食評但今次真係唔寫唔得第一次因為味道差而寫既食評首先講聲唔好意思因為一張圖都冇今晚大約7點鬆啲去到餐廳食飯點左「薑蔥霸王雞煲」同埋「梅香咸魚煎肉餅」前者不過不失但後者真係史無前例咁離譜同難食當我係點菜既時候阿姐一再提醒我「煎肉餅會好乾身」老實講煎肉餅我食過好多間點乾身都唔會太誇張所以答阿姐「冇問題，味道ok 就得」戲肉來啦‥‥當個煎肉餅來到臺既時候我真係好驚訝佢既大細真係等如我細個食嗰塊零食蝦餅咁細有冇咁驚訝啊? 唔岩你咪唔好出街食你錯啦佢連個厚度都係同塊蝦餅一樣我拿拿臨叫幫我點菜個阿姐過來「阿姐，呢塊就係$69既煎肉餅？」阿姐見到都過唔到自己個關咋咋臨拎走叫我等多陣過左幾分鐘真正既驚訝先至來到首先，塊肉餅真係明顯大同厚左去返正常既份量當我夾起一咬入口我以為自己失去左味覺再夾第二口我先知道我唔係發緊夢塊肉餅居然係一啲咸味都冇於是我就問阿姐拎生抽阿姐好好服侍好快咁拎左兩碗生抽比我但真係食唔落因為塊肉餅原來根本唔係肉餅裡面夾雜住麵粉同芋泥而且根本唔係煎，而係炸呢碟咸魚煎肉餅竟然變左做炸麵粉芋泥既健康食物最後我唯有將霸王雞留比我老婆食我就食霸王雞既豉油撈飯最後返屋企煮個公仔面我絕對會將呢間野永久blacklist…查看更多

依間都開左幾耐 居然第一次去食😂呢個價錢 啲野食又夠熱 份量都足夠都無野好挑剔———————————————避風塘艇仔炒麵👅👅👅整體係好食 好夠熱 夠鑊氣 海鮮都多 唔會得幾粒 👍🏻👍🏻但我個人鐘意避風塘係多蒜所以味道單一啲.咕嚕肉👅👅👅份量真係比我預期多 加上佢啲皮好薄 肉既質地都唔肥 唔黐牙 真係可以試下叫黎食 同埋又好味 個價錢仲要都包埋飯同餐飲叫左杯凍奶茶 都係正常發揮.埋單$133👍🏻行開唸唔到食咩 又想食小炒 都可以試下…查看更多

酸辣雞扒米線雖然係下午茶餐 但係都好夠飽 而且雞扒有煎過 所以食落雞皮都脆卜卜 而且唔會好乾 酸辣豬扒米線豬扒都係有煎過 都有哂肉汁 唔會好乾 所以都幾出乎意料 都幾出意外 無諗過呢個價錢居然會咁好食 仲唔細份 都幾值得試下 就算普通下午茶 都無令人失望…查看更多

回憶晚市仲有堂食時光 - 上年12月時朋友帶咗我去一間比較街坊嘅茶餐廳食飯，朋友話呢間都幾多人食㗎，我哋6點幾去到已經8成滿，7點已經 full 晒！🍴滋補羊腩煲配時菜（$118）羊腩煲都幾大煲，羊腩真係算幾多，都有成9-10 舊，都大大舊，有時百鬆D蚊嘅羊腩煲得5-6 舊… 羊腩煮到夠腍，好入味，個湯汁都好濃郁，用嚟撈飯好正，配兩大碟腐乳，配料足，有枝竹、筍、馬蹄、粟米、紅蘿蔔，呢個真心好食，尤其係呢種凍凍哋嘅天氣！不過我會建議餐廳可以考慮例如+$5 加配白飯就會更 make sense！🍴檸檬可樂（羊腩煲加配$6）一般嘅檸檬可樂係用一片片檸檬，可樂另上，而呢度係檸檬汁，幾有趣！另外我哋叫咗個二人套餐（$138）🍴涼瓜炆魚塊煲味道幾好，魚塊都有6-7 舊，外面包住嘅炸粉唔算好厚，涼瓜份量都多，幾足料！🍴薑蔥霸皇雞呢個有少少失望，薑蔥味唔算太夠味，重點係雞肉煮得好嚡口，呢個唔好食！🍴足料燉湯二人餐跟嘅燉湯，都幾大盅，見到入面有蟲草花、有瘦肉，都幾多料，味道都 okay，當然冇話好似燉湯專門店嘅咁好飲，亦都似有加咗少少味精嘅感覺，不過跟餐嘅燉湯嚟講佢都不過不失！整體上茶餐廳嚟講係坐得舒服嘅，食物質素唔錯算係中上，店內嘅職員就可能唔多夠，坐得近出菜位嘅就會照顧得好D，坐得遠少少嘅我哋，揮咗手好耐都冇人理我哋，要走去收銀同佢講要落單，隔咗一陣先叫到人嚟落！…查看更多

今日試了小店桃園輕量下午茶餐（$42），套餐包括熱辣辣，滿滿多汁多料的福建炒飯，同埋大大杯即磨咖啡，用app 落單到製作完成不用30分鐘，用優惠碼仲可以減$20，外賣下午茶來說算性價比非常之高。…查看更多

喺附近打完波，想去食個下午茶，喺附近有間叫桃園餐廳。二話不說就入去。香煎雞扒麻酸辣米線（$34）佢剩係得辣度 唔係好酸。雞扒都算嫩滑都幾大份，佢醃得幾入味。分量足夠一個女仔食！凍奶茶不過不失。下次再嚟試其他嘢😬…查看更多

坑口站街坊之選桃園既食物算抵食夾大件豬扒蕃茄麵加D辣油好夾牛腩河好入味生滾魚粥小菜米線等等個人推薦羊腩煲好好味不過雞煲冇乜驚喜同埋燉湯都係推介之選好足料應該冇味精…查看更多

夜晚肚餓想食下啲家常便飯我最鍾意都係過嚟呢度食呢度乜嘢都有 仲要係味道每一樣都好好食其實嚟咗呢度已經好多次 有時下晝又會嚟 同樣都係好多選擇又好味下晝時候好多時都滿座架 夜晚坐得幾舒服 星期六日就勁多人 平日就好d 員工都好好 食到都熟晒喇♥︎蒸魚都係大大條 又新鮮♥︎水煮魚&水煮牛肉 分量好足夠又抵食 又多配菜♥︎ 黑松露叉燒炒飯 $63 好香黑松露味 清清地 裏面有切粒嘅叉燒蔥花菇 仲有蛋 ♥︎ 燉湯我最鍾意 叫個餸加$15就有 兩大舊猴頭菇 豬骨 紅棗 杞子 等有好多材料係一盅入面原汁原味 好抵…查看更多

假日中午到桃園制作粥麵餐廳吃午餐，位於將軍澳培成路18號海悅豪園商場地下1號舖。 點樣兩款套餐～瑤柱蠔仔足料豬骨湯$38＋ 豉油王炒麵 ＋ 茶走 ＆ 薑蔥豬潤公仔麵$46＋ 太陽蛋、腸仔和蒜香厚多士＋ 凍檸樂 $12。 📍瑤柱蠔仔足料豬骨湯 🍲～ 豬骨味香濃又足料， 但粥底偏鹹。 📍豉油王炒麵 🍝～ 炒麵唔夠乾身， 味道普通。 📍茶走☕ ～ 茶走都是中規中矩， 煉奶好似少咗啲。 📍薑蔥豬潤公仔麵🍜 ～ 豬潤口感偏硬， 薑絲很多， 可惜公仔麵和湯底都沒有味道。 📍太陽蛋🍳、腸仔、蒜香厚多士🍞 ～ 太陽蛋和腸仔味道正常， 蒜香厚多士食不到蒜香味， 但整體都幾香脆。 📍凍檸樂 🍋🥤～ 用檸檬汁代替檸檬片， 感覺又幾好喎， 檸檬味更加突出。 整體味道普通， 食得飽茶餐廳系列😁。…查看更多

成日經過，今日終於過嚟食個Tea。。。因為係外面睇，呢間餐廳唔多顯眼。。但原來佢個下午茶餐都幾多選擇喎，又有粉麵飯，又有米線，又有小食，都幾大眾化咖。碗仔翅配炸雞脾個碗仔翅做到酒樓水準，個味岩岩好。而且材料好多！唔係只係水，一啲都唔稀咖。。炸雞脾上枱時已經剪開左，本身一望仲以為係雞扒，但佢係一塊切開左嘅雞脾。雞髀肉夠滑，一切落去有肉汁咖！！加上即點即炸，熱辣辣，好好食😋香煎豬扒酸辣米線豬扒唔un，切好一件件。個湯就較為清，唔多濃。米線就煮得淋左小小。。。um，呢個唔係幾出色，就係好普通嘅米線咁凍檸檬茶呢杯檸檬茶好特別，餐廳係攪爛左個檸檬變為汁再加茶。好正，因為唔洗篤檸檬🍋😂😂呢度坐得舒服，又唔收加一服務費。普通食個Tea幾好！…查看更多

很少會打食評，但我今次都忍唔到。我雙手手持重物進入餐廳，但被要求使用安心出行或者手寫登記，但我表示先搵位擺低手持物，再安心出行但被刁難。經過兩，三句溝通，極度惡劣地講咁你自己搵位啦，自己出黎填字。都算搞完一輪，班姐姐4,5個圍埋傾偈，兩，三次呼喚仍然眼望一望繼續傾偈，我放工想食個早餐，入門口又被刁難，坐低之後想落單又不作理會。呢間係一間咩餐廳，食物質素無問題，但因服務質素影響大概不再光顧…查看更多

疫情關係，公司還停業中～呢輪成日喺自己屋企附近搵野食今次來到呢間，下午茶大大份，價錢公道，男女都一定夠飽，我重食淨添我地點左呢2個餐～奶茶幾好味，夠奶味好鍾意食呢款多士，食個時重熱辣辣嘅配埋香草牛油🧈腸仔同蛋都OK，蛋唔會煎得太熟，重滑嘟嘟岩岩好豬膶米線好大碗，豬膶整得都夠滑义燒香蔥煎蛋飯，唔錯食落口一啲油膩感都冇，但略嫌义燒太瘦…查看更多

貪方便就腳 都會去呢度食嘢 食左呢間好多次 lunch time都會full house 茶餐廳來講 呢間算係選擇多坐得又舒服同埋每次黎食都覺得幾好味 份量又足夠！所以都好鍾意過嚟呢度。。。今次見到呢個好想食！豬潤大大嚿 真係好大 又唔un ... 好滑又唔腥好有4,5 pieces 覺得好抵食厚切！隨餐跟埋呢一個 egg and susuage ～Garlic bread ~～ 每一樣都好好味炒滑蛋真係好滑 呢個蒜蓉包 我感覺好似好耐冇食過咁好味嘅蒜蓉包 蒜蓉好足 勁香可惜無得加錢追加多一份。。。買單都唔使$50…查看更多

在疫情之下，大家都知道戴口罩的重要性。戴咗口罩只能作為第一層防線，並不代表可以不斷說話、不斷高叫！員工在這裏戴着口罩，由門面叫到去水吧，高聲呼叫！圍埋午餐，脫下口罩，繼續高談闊論。縱使店舖張貼了大量”靜音進食三部曲”等等宣傳紙牌，但請只是給食客跟隨，店員卻沒有遵守。這些防疫隔板叫我們真的可以安心用餐嗎？…查看更多

去年12月曾吃過這裏的早餐，味道不錯。今天到附近，即管又再品嚐。因為疫情關係，又適逢星期日，為了避開人群，外賣為上策。今次首次試用openrice app的外賣自取功能，操作簡單又暢順。由落單到取食物需23分鐘，快慢可能取決於餐廳的接單時間。我落單後，初時以為已ok，但想想會不會app/板面有問題，因為隔一陣還見到“loading"icon，最後經過8分鐘後才真正接單，不過製作時間都只是14分鐘，所以不會超出30分鐘的承諾。食物方面，熱奶茶保持水準，茶香、奶足，一包仔糖剛剛好。麵餸和湯分開放，因有事忙，稍後才翻熱食物和湯，味道仍像剛出餐的模樣，讚。…查看更多