板長壽司 (康怡廣場南座)

今次去咗『板長』，搵咗個特選吞拿魚定食食，立馬畀佢掂晒我個味蕾🍣！先講講隻沙律，青菜鮮甜滋味好清新，埋埋口望下日式蒸蛋又滑又細緻，味道恰到好處，真係好有心思。麵豉湯一啖落去，暖笠笠，滿滿嘅食材讓人暖在心頭。眼睛一掃，見到定食嘅主角現身，厚切吞拿魚刺身過得硬噹噹！啖啖肉感外，生魚片嘅鮮甜真係正到爆炸！飯仔配合得宜，軟綿得嚟又吸晒啲魚汁，入口即化，簡直係咬落去都舍唔得咀嚼！最後，嗌單、埋單都流暢得嚟，侍應哥哥嘅服務態度好貼心，飲品杯幾乎冇見過底。整體嚟講，呢度嘅午餐豐富得嚟又充滿驚喜，滿足咗我嘅胃口之餘，仲要細意揣摩個味道，值得再撲一次！喂，你仲唔快啲嚟試？係咪等我喊出口？咁啱，滿足下你嗰個挑剔嘅美食細胞啦！🍱👍…查看更多

今日就嚟試下呢間平民價喺街坊心目中排隊都願意嘅小店，真係驚喜連連喎 🍽️！第一啖就食咗個燒賣，蒸得啱啱好嘅嫩滑肉肉，入口即化，外皮Q彈得嚟唔黏牙，真係叫人回味無窮。再嚟就係佢哋嘅豬扒飯，豬扒外皮香脆，肉汁豐富鎖住晒肉嘅鮮甜，仲有個蛋滑得嚟保持住啲熱氣，撈埋飯度啱啱好，真係食到掂! 🍚轉個彎試下甜品，個豆腐花軟滑得嚟甜而不膩，每一啖都係滿足! 攞住個叉燒包走喺街度食，鬆軟嘅麵包夾住啲叉燒，甜中帶鹹，啱哂趕時間嘅我。最後，啲人服務真係好得嚟，唔會嘈你，仲會笑容迎人，一個字 - 正! 😊食物好吃，價格公道，真係喺呢個區我嘅心頭好啦。食店細細哋，但係每一樣食物都做到用心，下次想試吓佢哋嘅鮮粥，聽講都好犀利！話晒話，食喺平民堂食，有時就係呢啲小店令到人驚喜連連！…查看更多

蟹籽壽司一食，變酸左🤮，所以直接俾番店員話cancel就無再試！.鰻魚手卷早幾年前，手卷入面既鰻魚係厚切，宜家簿到A4紙甘，不如整番厚加番少少價？反正本身都唔係平！.牛肉烏冬難食到食左一啖就無食，烏冬既麵質成碗上海麵甘，都唔知自己食緊日本野定上海野😂 .其他壽司不過不失，但完全無好想繼續食既感覺，最後我哋都無食飽就轉場食其他，而埋單都$3xx🫨 .Overall, 唔會食第二次了！本來連食評都唔想打，但唔想其他人中伏！失望！…查看更多

7月9日下午惠顧10件壽司餐，(火炙三文魚+火炙鳗魚又多骨+三文魚籽)好腥，壽司飯又散！$178完全唔值，價錢與品質都不成正比! 相比附近其它壽司店，退步了很多！…查看更多

今日想食壽司， 間間都好多人， 我地簡左板長， 因為等侯人數較少， 等左15-20分鐘左右。 唔知關唔關新年事， 除左apps 菜單， 仲有另外用紙筆落的定食套餐 同 小食。 壽司、火灸壽司可能同一個吧位負責，所以用同一煲飯， 米飯煲得好濕，食唔到飯粒口感，口感好奇怪，所以點左一次唔再點。 卷物、軍艦壽司正常。 另外點左小食炸魷魚鬚， 炸得不錯👍 。 店員收碗碟好快手， 但如果想搵店員落單可能要d時間， 因為全場滿坐。 唔知關唔關人手問題。 當日都有漏單情況出現。 …查看更多

一家四口到康怡廣場買嘢，準備開學。阿女想食壽司，見門口冇人排隊，就入咗嚟。都相隔幾年冇食過板長。叫了3個套餐share食。一個刺身飯，一個天婦羅飯，一個12件壽司🍣定食，另加了2個軟殼蟹手卷及1個日式燉蛋。刺身飯有三文魚，吞拿魚、蟹膏蟹肉、三文魚子、蟹柳，質素普普通通。反而每個套餐附送的蟹籽粟米沙律幾清新好食😋天婦羅定食：熱辣辣上枱，炸槳幾薄下，幾脆又唔太油👍👍壽司定食就自選嘅：所以都係揀了自己愛吃的，都唔錯，呢個餐份量好大，隨餐送了一個烏冬。我選了冷烏冬，彈口煙韌。另外叫的軟殼蟹手卷和燉蛋就一般。餐廳座位寬敞舒適，食物質素就一般般啦，冇乜特色值得推介。…查看更多

板長壽司平時都經常幫襯，因為我真係好鍾意食日本菜，今日約左朋友食飯，佢話要食日本野，我第一時間就諗起呢度😛。原條海鰻壽司盛合 共有12件壽司加州卷 2件 蔥粒吞拿魚腩＆芥辣八爪魚軍艦 鹽燒三文魚頭餃 食完飽飽，正正正…查看更多

午飯時間經過見冇乜人，入去試吓。要自己scan code點菜，都有幾多嘅午餐選擇👍🏻午餐魚生飯個樣都OK，入口就好唔得😖壽司飯冇醋嘅味道，似有行味嘅泰國米，好難食！其實日本米都有平有貴，冇諗過「板長」唔用日本米。魚生普通，冇入口鮮甜味道，魚生好薄一層，下邊有兩碗飯嘅份量！仲要咁難食😰反而紫菜湯幾好飲👍🏻鰻魚壽司ok，熟蝦都有啲腥味😞如果諗住嚟食飽都勉強可以，千祈唔好追求質素，特別係午餐set 。…查看更多

我地去太古行街，行行下見到板長，都好耐無食過了，以前樓下有一間都會間吾中幫襯下，所以就決定入去回味下，壽司都尚算新鮮。(呢次係禁晚市堂食前去，而家先有時間post下相)…查看更多

呢排又開始冇晚市，食品可能冇準備咁多。菜單裡面 好多野都冇得嗌..."全日定食" 算係不過不失的選擇...壽司+迷你烏冬+隔碗蒸套餐都送沙拉 都算OK啦！因為真係冇咩選擇，唯有嗌幾粒壽司🍣不過 都材料就真心麻麻地喇...蟹膏壽司 我都係第一次食到try嘅…查看更多

適逢週三會員特價日 食下久違嘅板長壽司啦✌🏻要咗三文魚刺身 從賣相就已經得知 唔算好新鮮 表面已經冇晒光澤 而且肉都變得唔企身 每一舊嘅口感都係溶溶爛爛 再加上師傅係刺身上面劃左幾刀 更加唔使咬🐟🐟🐟蔥吞拿魚腩蓉軍艦 上碟時紫菜仲係脆 呢樣要讚👍🏻吞拿魚腩蓉上面放咗蔥同埋芝麻 搶晒吞拿魚腩蓉嘅味道 而且魚蓉溫度10分冰凍 根本食唔出吞拿魚嘅鮮味😫我嘅最愛係燒油甘魚鮫 每次叫呢一樣 都會等得耐啲 因為魚餃係即叫即燒 不過好值得 咬落去有魚皮嘅位置仲係脆嘅 入面充滿油甘魚嘅油香 特別係腩位部份 好正💕💕…查看更多

真心要讚7月18號晚餐時段，我估佢係男店長(因為佢著嘅褲同其他職員唔同)，服務好好，非常醒同快幫我地follow  up個問題。因為用佢地個app落單有問題，等極好耐都冇食物嚟(連隔離枱都食完)，佢好醒快立即人手幫我地落單加快處理，同我地解釋個app同安撫我地，仲自己主動再follow up教埋我地點join會員，非常好嘅服務!! Impressed同欣賞佢嘅工作態度!!食物就一如以往，價錢係元氣嘅range，質素千両之下。…查看更多

三文魚壽司配稻庭素麵下午茶餐 (包沙律及汽水) $48⭐️⭐️⭐️⭐️.本來無打算去板長食，誰知經過見到張下午茶餐海報，原來板長有下午茶，真不知道，是去到5pm，還趕得切。.下午茶餐$48，都好多款，有天婦羅丼、三文魚壽司、溫泉玉子牛肉丼等，一律$48。初時還擔心不夠飽，日本餐本身比較細份，而且又是下午茶，加上$48咁平，仲諗住要加叫其他小吃，食物上時同食落肚又發覺都好飽，因為個餐有5件壽司、一碗麵，仲包埋沙律及汽水，都係$48，加埋一都只係$53，抵👍🎊.三文魚壽司配稻庭素麵下午茶餐 (包沙律及汽水) $48⭐️⭐️⭐️⭐️我喜歡5件三文魚壽司有幾件是有魚皮，魚皮特別多魚油，所以營養同味道都有著數。.「稻庭素麵」挺順滑，原來也有來頭，上網搜尋得的結果發現「稻庭素麵」是個有百年歷史、來自秋田縣南部的的品牌，用小麥粉以手工古老傳統揉麵方法製成，更曾是上貢天皇的御品。.總結:✅推介好抵的下午茶餐✅坐得舒服✅地點方便✅餐前餐後有街行 (Aeon乜都有，又近太古城)📌要注意的是下午茶時間，平日是2:30pm-5:00pm, 週末是3pm-5pm。…查看更多

武漢肺炎底下，員工帶着手套收錢，收拾地方完，之後仲拎食物同餐具比客人。自己對手保護到，但係保護唔到客人。好容易令到餐廳成為傳播場所。大家去食飯嗰陣記住要抹乾淨啲餐具先好食。…查看更多

呢排晚上不能堂食，唯有買外賣，可能太夜的關係，樓下吉之島啲壽司差不多賣哂，本身好耐冇食板長，至於點解好耐冇食呢，就有少少故事嘅。由佢剛投到條日本一之前已幫襯佢同板前，嗰時佢啲種類比其他壽司店比較日式啲，佢亦都係當時香港少有賣藍鰭吞拿又唔貴嘅店，尤其佢初初出一系列油甘魚壽司特別喜歡(因本人喜歡食油甘)，但自從幾年前佢啲股東事件後，感覺佢開始冇乜心做，只係食老本，近呢幾年我久唔久都會食呢間，由佢剛裝修完叫鮨樂，到後來叫返做板長都好，都係越食越差，至於點差，先看圖片吧圖片係右上赤貝，三文腩，左口，第二行吞拿魚，甜蝦，深海池魚，軍艦有珍珠蠔同芥末墨魚。先講赤貝先，應該唔係包裝貨，但放左多日嘅貝腥味出曬黎，難食過包裝貨然後三文魚腩，我想喺度講其實三文魚腩由於油脂比一般位多而又近內臟，所以好容變臭，相信食開三文魚腩嘅人會明，而呢嚿好明顯臭咗，無奈因為返到屋企先知。左口魚一般，但唔知師傅係咪心情好切得較厚，比較難嚼。深海池魚唔新鮮，感覺擺左好耐，存放環境又唔理想，令到啲霉味出曬黎。甜蝦冇乜特別，好難整得唔好食。吞拿魚今晚最失望，佢都係厚切，可能面積細所以厚切感覺抵啲，但佢個部位根多仲要厚切變相成件事變得好難咬，同埋件野開始橡膠化。至於兩款軍艦其實我幾佩服佢嘅諗頭，佢諗住隔住啲軍艦冇咁容易跌低或者側埋一邊，出發點係好，但到我想攞起來時就出問題了，你會發覺用筷子係攞唔起嘅，而且件壽司會攞到變曬形，唔知用手攞係點啦，至於味道就冇乜特別都係嗰啲味啦。至於我頭先話我好鍾意食嘅油甘魚點解今次冇叫呢，因為上次黎食時覺得佢已經唔係原條油甘魚，可能係半條魚柳，咁有乜分別呢?原條油甘魚比半條魚柳一定好食啲啦，不過係貴啲囉，所以知佢唔係原條油甘之後都冇食。總括黎講呢度有佢可取之處(好似啲想過壽司癮嘅又唔想食咁貴嘅，雖然呢度都唔平)，但從佢多年前投日本一時嘅質素，嗰時覺得全港最大連鎖式日本餐一定諗起板長同千兩，到今日老實講元氣都好過佢，雖然真係唔想咁講，(但本人亦都唔會再食元氣千両的)。其實以前板長好耐之前就有飛機貨，好似深海池魚呀，金目鯛(而家冇左)，活北寄貝，梅真鯛甚至係左口魚(好多地方得左口魚邊咋)，嗰時覺得佢好有心機做架，唔似嗰時出面好多加啲沙津醬就話係新款，記得嗰時有活北寄貝食出面都要百幾蚊隻，而佢只賣幾十蚊，仲要質素唔差，到而家款式越來越少，鮮度越來越差，見到咁嘅情境都幾唏噓。…查看更多