松記糖水店

营业中

休息中

好耐無食，於是去左過口癮點知換來一肚氣，食完都唔開心叫左幻彩明珠，一手渣落隻更度時我成手都係糖水，原來倒瀉哂落匙更度！都唔緊要，我話佢知佢隻匙更搞到我成手濕哂唔該比張紙巾我，佢叫我買紙巾。我話佢整到隻更濕哂我先要抹，岩岩先開始食又唔係我自己倒瀉，跟住佢比左條好臭既抹台毛巾我抹手，臭到咁都好意思比人抹手，跟住成餐都食得唔高興！然後我同行朋友食湯丸，話未食過咁難食，成粒湯丸皮好似硬膠咁，完全無糯米彈牙感覺，硬骨骨的，睇相就知佢有幾「堅挺」！唔會再幫襯荃灣呢間野！整污糟人隻手要人買紙巾！伏黎架！

住在荃灣,就知荃灣其實有很多糖水店,今次食的松記其實都算有名氣.今日行開路德圍買寵物的雜物,就入來試試.餐牌已見氣派所在,不只是一張過膠MENU.而且特別之處還有DIY自己的甜品選了綿綿冰物如其名,非常軟綿,輕輕一撥就散開,加了OREO 和可米脆脆.綿綿冰其實不算很罕見,不過松記整得的確非常鬆軟下次應該會再來.

檸檬芝士脆脆木布($20)黎到荃灣唔食啲甜品，真係車費都嘥曬，唔洗諗，直接等松記先。叫左碗芒果西米露同尼個木槺布丁，芒果夠大塊，都算甜，但碗西米露好稀，算係不過不失。反而尼個檸檬芝士脆脆木布幾好，檸檬都幾酸，配個雪糕食岩岩好，加埋脆脆，食落口感都幾豐富，而且同一般既木槺布丁好唔同，好開胃，個味有少少似檸檬撻添。不過有一點要提下，落單個陣姐姐問司令要硬定軟，司令要左硬，結果佢比左舊冰我😂，硬到叉都拮唔入，食完成碗西米露再拮，都係好勉強先食到，所以建議大家堂食都係揀返軟身好啲。

上次同媽媽堂食！叫咗芝麻合桃糊，擂沙湯圓，諗住今晚再買返屋企食！入去落單！落完叫我出去等！出面熱到痴肺！店內得4枱客，企吓都唔比！算啦！點知仲要俾錯囉俾咗芝麻糊，而且發現芝麻糊勁多油！有圖為証👇我諗我唔會再去囉！只代表本人立場，與open rice 無關！

食完飯就去食完糖水, 去左松記, 食左一碗蕃薯糖水及黑芝麻薑汁湯丸, 蕃薯湯水好香, 蕃薯好淋的呀, 係黃肉蕃薯, 有四五件左右, 個薑湯好辣, 好好味的呀, 飲完好舒服.黑芝麻湯丸有5粒, 入面依家係流心的黑芝麻, 都好香及好味道的, 不過個皮有點硬, 冇以前食的咁滑了, 可能煮過火了, 所以有些硬身, 感覺失水準了.

天氣熱,約了朋友又未夠鐘,到來這有名糖水店坐下.我叫了芒果西米露,等大約5分鐘有得食.但原來是椰汁底的,汁稀了點,本以為芒果汁底,所以有點失望.味淡,芒果酸,一般般!

雪糕黃金酥的雪糕搭配黃金酥很好吃，而且雪糕的選擇很多，醬的選擇也很多。黃金酥很大塊，但是是空心的，且下去就有點失望了。不過店員很有心思，會在碟子上用你選擇的醬料畫圖案。有時候雪糕太硬，要等一下才可以混搭黃金酥一起吃，黃金酥一般都不是熱辣辣的。

芒果椰汁紫米露味道尚可，芒果太酸，只有幾塊，雖然很大塊，應該不是罐頭芒果，是新鮮買來的芒果。椰汁太淡，明顯是加了大量的水來減低成本，不過味道尚可，紫米露很多，很快就吸完椰汁，如果不快點吃，紫米露很快就吸完椰汁，導致最後就只可以吃黏黏的紫米露。紫米露沒什麼味道。

榴槤班戟的綠色皮很吸引人，大小跟手掌心差不多大，看起來賣相很不錯，但是切開來以後一看就知道是騙人的，尤其是外皮很厚，雖然吃起來軟綿綿的是不錯的外皮，味道甜甜的也很吸引，但是外皮太厚，內餡太少，榴槤肉幾乎只有一點點，不過香味很濃郁，很有食慾。

去完深井食燒鵝，出返荃灣本來是想去荳子食甜品，但看到已有幾個人在排隊，於是打消了念頭，改往附近的松記。松記食過CWB同佐敦店數次，MENU太多選擇，每次選不同也很難吃得完全部種類。肯定的是，松記出品，質素必有保證。今次一行人分別叫了比較傳統的紫米露豆腐花、芒果加布甸、Summer，全部都屬不同類型的甜品，但全部的質素都很好! 紫米露豆腐花(凍)豆腐花很滑，絕對有水準配紫米露可能是比較奇怪的組合(?)，因為兩種類都很「飽肚」。但其實這是松記的推介啊~!可能兩款都是他們的信心之作吧~紫米露方面，勝在啖啖都有紫米，不會太稀，甜度亦適中，讓沒什麼調味的豆腐花都甜起來。 芒果加布甸menu上還有一個「芒果布甸」，名字很相似，但這個「芒果加布甸」是芒果鋪在普通的布甸上，而不是芒果味布甸!(笑)係咪有D混亂?芒果有三大片，新鮮芒果的酸味加甜甜的布甸，芒果迷大概抵受不住這種魔力~Summer四款雪糕球自選兩款，再加上很多水果粒的甜品。雪糕...應該是牛奶公司之類..?不算很好吃，但夏天食雪糕本來就是很捧的事!加上多種消暑水果---西瓜、芒果等，解渴之餘又是一個酸甜的搭配。雖然不像荳子那些cafe一樣甜

好冇heart既一間糖水鋪，榴蓮炮冰，炮冰係用椰汁淋落去，得個榴蓮雪糕同個舊仔榴蓮加d紅豆椰果，咁樣$46好唔抵，仲要一d都唔好食，淡到死,真係唔會有下次，搵笨

成日聽朋友提到心太軟今次黎到荃灣松記糖水終於決定試下食呢個好受歡迎既心太軟好快份甜品就送到黎啦,效率幾好唔錯外表好令,一睇就知係會好甜一戳入去,就有好多朱古力流出黎而且仲係暖既,有好重既朱古力味道算唔錯啦,不過食多幾啖就開始覺得太甜啦好膩,而且仲好易口渴,唔知係所有心太軟都係咁甜定淨係呢間咁啦不過整體都唔錯既,鍾意食甜既絕對可以試下心太軟一定唔會令你失望,會甜到入心

吃完晚飯與朋友走到海壩街吃甜品。今晚的{松記糖水}也是人山人海!大約等了二十分鐘, 終於入坐! 點了久違的芒果綿綿冰($28): 芒果綿綿冰配上芒果汁和芒果味爆珠! 滿滿芒果香的組合呀! 首先綿綿冰本身質感軟滑, 入口即融;配上芒果汁, 可以避免冰融化後味道變淡的問題。 至於芒果爆珠也不錯, 咬一口滿滿芒果汁和芒果香味, 而且圓型爆珠有助增加口感和提升甜品趣味。雖然{松記糖水}店舖面積小, 在滿座的情況下實在比較擠迫, 不過在晚飯後意猶未盡想再吃個甜品滿足一下, 這裡的地點、價錢和甜品質素還是個合適的選擇。下次再來, 會嘗試這裡的熱甜品。

荃灣路德圍最岩就係飯後宵夜食糖水，整條路都係糖水鋪，當中松記就最爆場，雖然等位都叫快，但人實在太多，連行都行唔郁咁濟，入到去叫左個廿零蚊既幻彩明珠，叫做有少少生果落下肚咁，不過味道真麻麻了，生果唔夠甜，凍得濟好似冰咁，相比起來我還是比較喜歡吃糖不甩！

松記的人氣真的很旺，那麼晚吃甜品居然還是非常熱鬧，桌子拼來拼去。甜品這個東西我一直堅信，只要捨得下本錢味道都不會差！睇到隔離枱點了個三重心太軟，忍不住也跟他點了一份，朱古力熔漿蛋糕配香滑雪糕球，簡直絕配熔漿蛋糕現烤得剛剛好，朱古力的熔化程度亦適中，令人回味無窮!下次有機會，一定會再來