東記上海麵

上海麵.雪菜肉絲迷必到！我叫咗雪菜肉絲+牛筋雪菜多到飛起！而且唔會好咸，味道arm arm 好，雪菜依然爽脆，非常好吃至於個牛筋入味軟淋彈牙，好jeng！個麵好特別，麵條彈彈地，唔會有好重麵粉感，幾特別.見幾乎枱枱都叫炸豬排，於是忍唔住都叫返個，點知好有驚喜！個豬排係老式炸法，粉薄香脆豬排非常鬆軟，輕輕一咬即斷而且好入味，肉質唔乾，好吃！難怪幾乎枱枱都叫！…查看更多

這裡的味道特別令人回味。位於廣福道的東記上海麵，個人覺得豬扒配搭尤其出色；他們的牛腩生麵以軟熟多汁牛腩配分碟上的香脆厚切炸豬扒，加上彈牙生麵，湯底濃郁牛香，牛腩煮得軟腍入味，豬扒外酥內嫩，與生麵交融，口感層次突出除了各種粉麵選擇，亦有菜飯可供選擇。今晚我點了竹筍肉絲豬扒菜飯，香蔥青菜拌飯，竹筍切絲，配上炸豬扒，竹筍脆嫩，豬扒外焦內軟，飯粒吸收肉絲鮮香，整體營養均衡追加小食酥炸墨魚條，外層金黃酥脆，墨魚肉質彈牙鮮甜，香氣濃郁，沾上酸甜醬汁風味更勝還有手拍青瓜，搭配麻油、蒜蓉、醬油等調味，入口爽脆、清新解膩，微辣回甘相當開胃再叫一杯冰凍凍檸茶，酸甜解膩，茶香撲鼻，是炸物及重口味主食的絕佳配搭東記的出菜速度相當快，人流絡繹不絕，是大埔街坊必食推介…查看更多

大埔墟街市熟食中心有兩家上海麵店，各有擁躉。當中的東記於幾年前開設了廣福道這分店，對大埔街坊而言，晚餐都可以吃得到炸豬扒上海麵了！餐廳環境比起熟食中心舒適一點，裝潢以懷舊為主題。餐牌設計清晰，讓街外客較易理解點餐的配搭。新店增設菜飯、撈麵、湯底等選擇，比起本店較多元化。炸豬扒拼菜肉雲吞上海粗麵，炸豬扒大塊，啖啖肉又肉嫩多汁，微微鹹香的炸豬扒吸一吸湯來吃，別具風味。菜肉雲吞，皮的厚薄適中，餡料飽滿。上海麵的麵質爽滑，麵量看似不多，但搭配兩個餸，女生足夠飽肚。炸墨魚條拼牛丸上海粗麵，墨魚條的份量沒炸豬扒那麼大份，墨魚條同樣炸得熱焫焫，口感彈牙兼有咬口，咬到墨魚粒粒及嚐到蝦肉香。意想不到的牛丸也不錯，彈牙多汁又夠香。加配飲品的價錢至少加$9，既然如此就加$11要凍檸賓及凍檸碧。在熟食中心光顧的話，飲品是要在別的檔口點的。兩杯飲品的檸檬片份量都好足夠，酸爽程度十足。新店環境較為企理，食物水準不亞於本店。不講求熟食中心的本土風味的話，或不需多點幾檔食物，也可考慮選擇東記新店。…查看更多

這天到訪嘉道理農場後坐車到大埔, 想吃些粉麵, 就到這間馳名上海麵店炸雞翼牛腩米線🍜 $59炸雞翼外皮酥脆, 雞肉嫩滑牛腩則燜得入味, 軟腍不失口感米線滑溜順口菜肉雲吞米線🍜 $41雲吞皮薄餡靚, 菜肉比例恰到好處, 既有蔬菜的清甜, 也有豬肉的鮮香腩汁菜心🥬 $22份量很大, 菜心爽脆, 配上腩汁瞬間升級翠冷豆腐 $33豆腐冰涼滑嫩，配上醬油、蒜蓉與少許麻油，入口清香，口感細膩，是炎熱天氣下的理想選擇。手拍青瓜🥒 $23青瓜保留了脆度與水分, 醬汁微酸微辣, 帶點蒜香, 開胃又解膩熱杏霜🥛 $10杏霜香濃滑順, 為香港經典飲品熱柚子蜜☕ $10柚子蜜酸甜適中, 味道清香醇厚這小店以炸物為主打, 但其他餸菜及小食也很有水準, 而且價錢實惠, 招呼亦週到, 難怪人流不絕…查看更多

📍總店係大埔熟食中心，另外有間新舖開咗係附近，裝修充滿港式懷舊大排檔風格， 座位唔算好逼， 後面假鐵閘位置仲可以有掛鉤可以放袋。 呢度炸雞翼係必點!🌀豬扒墨魚丸上海粗麵 首先係必選食材 (炸豬扒/ 炸雞翼/ 墨魚條) 3選1，然後再揀一款配菜同麵底，價錢都係$50超抵食。豬扒大大塊好厚肉，肉質鮮嫩帶點鹹香， 不過豬扒係唔酥脆， 有d 似香燒豬扒口感。墨魚丸大過乒乓波， 入面好多粒粒墨魚肉，真材實料。上海粗麵份量超大份好彈牙，食落好似粗身烏冬。 🌀炸雞翼榨菜肉絲上海粗麵真心係被炸物耽誤的上海麵專門店，個炸雞翼真係好surprise! 炸雞翼調味簡單惹味， 主要係因為炸得超脆唔會乾，一咬開仲會有少少油汁滴出黎。一定一定要點。🌀炸雲吞炸雲吞都推薦Order! 雲吞用咗春捲皮，薄脆香口。 餡料同外皮比例係1:3，雖然餡料只有$1硬幣size，但係反而可以食多幾粒唔會好滯。餡料包著帶點胡椒香的豬肉，配埋甜酸醬更好食。…查看更多

如果話去沙田係食雞粥，元朗係食涼粉，咁去大埔就梗係食豬扒啦！東記上海麵屹立於熟食中心多年，成為熟食中心內極高人氣嘅餐廳，絕對係區內嘅街坊名店，餐廳出品嘅炸豬扒，非常酥脆，真係從來都唔會令你失望！原來喺廣福道都有分店，地點更方便。雞翼拼牛筋上海粗麵東記上海麵嘅麵食單拼定雙拼都一樣價錢，而且份量十足，真係好抵食。炸雞翼炸到黃金香脆，脆卜卜，香口又惹味；牛筋炆得夠腍，入晒味，配埋彈牙嘅上海粗麵，真係一流！墨魚條拼菜肉雲吞上海粗麵炸墨魚條外脆內彈牙，咬落去有咬口又唔會韌；菜肉雲吞飽滿多汁，粗麵夠掛汁，真係好滿足！識食一定加埋腩汁，更滋味！淨炸豬扒嚟到大埔東記上海麵，點可以唔食佢嘅炸豬扒，豬扒大大塊，夠晒誠意！炸得金黃香脆，唔會乾柴，肉質嫩滑有肉香，真係好滋味！柑桔檸檬梳打天氣咁熱最啱飲杯冰凍嘅柑桔檸檬梳打，柑桔加檸檬清新酸甜，加埋梳打水，即刻透心涼，飲完成個人都醒返晒！…查看更多

呢排成日聽朋友講開呢間米線舖，星期日下午兩點左右專程去試吓，點知一去到已經超多客人，部分配料仲賣晒添！好在最受歡迎嘅豬排仲有得點，即刻叫咗個豬排牛丸米線$46，價錢算中規中矩。​湯底就係普通清湯，不過可以自己加辣椒油，落幾匙落去成碗嘢即刻香好多！重點推介佢哋嘅炸豬排，真係外脆內嫩，咬落去有陣陣肉香，調味又岩岩好，唔會太鹹亦唔會太淡，口感同味道都平衡得好好，一試難忘，真係必食！至於米線同牛丸就比較普通，米線口感偏軟，牛丸亦無特別驚喜，不過有呢舊超正嘅豬排撐場，已經值得一試啦！​記得早少少去，唔係隨時食唔到呢個招牌呀！…查看更多

週末逛慈山寺，平時好少去大埔，所以去完就順便去食個呢度好出名嘅豬扒麵（之前見過有KOL網上介紹）佢哋有兩間分店，揀咗呢間地舖，環境比較新淨，係80年代嘅香港懷舊風，影相打卡都幾靚。五點幾嚟到都已經幾多人。豬扒雲吞上海粗麵墨魚條配雞翼湘味酸辣湯底米線，再額外追加墨丸3粒，同埋清湯蘿蔔等。先說炸物，豬扒、墨魚條同雞翼三款其實都非常不錯，微微鹹香，炸得熱辣辣脆卜卜，而且份量都比得幾多，三款之中個人最鍾意就係佢哋嘅雞翼，雞肉好嫩滑，而且好多汁，唔會炸得好乾，食咗四隻都覺得有啲意猶未盡。而湯底方面，清湯比較清淡，個人鍾意重口味啲，覺得湘味酸辣湯好香，下次去都會再揀後者。又係買。麵方面，上海麵比較彈牙，澱粉感重，類似厚身d嘅烏冬，米線就滑溜滑溜的，各有千秋。清湯蘿蔔香甜香甜的，而且是入味又質感軟熟的狀態，不錯。東記上海麵 (大埔)大埔廣福道144號地舖…查看更多

大埔東記上海麵💯牛筋牛腩上海麵絕對是值得一試的佳餚。麵條細滑有勁道，湯頭醇厚而不膩，牛筋與牛腩燉得軟綿入味，每一口都充滿了濃湯的鮮美與肉質的香冪。再撒上一些蔥花和香菜提香，整碗麵就顯得更加鮮美可口。除了招牌的上海麵，他們家的炸豬扒拼雞翼也是不可錯過的美味。炸豬扒外皮金黃酥脆，內裡肉質鮮嫩多汁，而雞翼則是經過特製調味後炸製而成，外皮香脆，內裡肉質鮮美。這兩道菜品無論是單獨食用還是搭配其他菜式都極為適宜。麻辣手拍青瓜則為餐後小食的絕佳選擇。青瓜新鮮脆嫩，麻辣調味恰到好處，既可解膩又可提神。…查看更多

大埔朋友帶路，見識名聞大名的豬扒麵～東記上海麵，室內裝修簡約，帶點懷舊味道📺炸豬扒粗麵，大大塊豬扒，粉漿不會很厚，入口香、酥、脆，咬一啖肉質依然保持鮮嫩多汁，難怪咁受歡迎😚 麵條粗身Q彈，配搭少許菜心，份量夠晒足，食到飽飽🥢雞翼外皮炸到金黃色，外皮香脆不油膩，肉質同樣嫩滑🐥原味牛腩，牛腩肥瘦適中，鮮嫩細膩，牛味濃郁，不帶牛騷味🐮跟餐加$10可配冷熱飲品，凍奶茶、凍咖啡剛好中和炸物的油膩☕️💦…查看更多

大埔名物🍜這家縱橫大埔幾十年嘅東記上海麵d炸雞翼和炸豬扒🥩表現尤其出色。👑炸雞翼外皮金黃酥脆，內裡肉質鮮嫩多汁，調味帶有南乳味嘅層次感，不顯油膩且令人回味無窮😋。炸豬扒外皮酥脆，肉質緊實多汁同嫩滑，未食過呢間麵嘅人唔好話嚟過大埔😂。上海麵麵條勁道彈牙，配以清淡嘅湯底，正好中和炸物，整體搭配平衡。Perfect match梗係自製辣椒醬，香濃嘅蒜頭，簡直係靈魂嘅點綴。總體而言，令人滿足的炸物與主食組合，適合喜歡油炸與清淡口味並重的食客~即係我🤣🤣。…查看更多

大家都知大埔街市炸豬扒麵非常出名，現在廣福道開了分店，這間店裝修懷舊好有風味，好似置身幾十年前的大埔街道食麵的感覺。比起街市坐得舒服，餐牌仲有墨魚條同各式飲品，除咗一般咖啡茶汽水仲有梳打飲。炸雞翼拼雪菜肉絲上海粗麵炸雞翼炸得非常香脆，外脆內軟，雪菜肉絲味道醃得好好，大大碗粗麵，真係好夠飽墨魚條拼竹筍肉絲上海粗麵之前街市食炸蝦條沒有墨魚條，墨魚條好彈牙，大大條，竹筍肉絲，竹筍非常多，而且好香甜爽口，我自己非常推介炸豬扒叫咗半份淨炸豬，有兩大塊鬆軟好味，粉漿剛剛好蠔油菜心菜心非常新鮮爽甜菠蘿梳打菠蘿味香，非常清新荔枝梳打清甜可口，梳打解膩…查看更多

晚上大約6點一行2人食晚餐。叫了兩碗配炸雞翼的麵。一碗等了一陣就有，而我個碗等了15分鐘都仲未到。於是我問侍應幫我睇睇，侍應講雞翼未炸好要等，我話可唔可以上左個麵先，雞翼後上。點知個侍應大大聲同廚房入面講，上咗個麵先喎，等唔切喎😡😡😡個下嬲到即刻話乜你地咁講嘢架咩。乜叫等唔切呀。。😡😡😡雞翼炸緊唔識同客講要等多陣，等我好聲好氣問先講話未得，仲要大大聲講話等唔切喎。而家究竟係乜嘢態度😡😡😡😡😡同收銀反映後，話唔好意思，話會教育下佢哋。唔好意思都無用，會永久black List😡😡😡…查看更多

每次夜遊大埔墟，都會諗吓食乜嘢特色晚餐，大埔其中一樣必食懷舊菜，就係中學時期很掛念的炸豬扒上海麵。東記上海麵 喺廣福道好方便，霓虹光管裝修充滿活力，新舊交融。一入舖頭就會聞到一浸濃烈的竹筍味，提醒我陣間一定要食。豬扒雲吞上海粗麵一睇Menu好掙扎究竟係食炸豬扒好啊定係食炸雞翼好呢？既然兩樣都咁有人氣，一於試晒兩款。炸豬扒金黃酥脆，鬆軟可口，多汁美味。上海雲吞，菜肉雲吞，健康清新，很棒口感。配搭上海粗麵，口感不錯，掛滿湯汁。雞翼炸醬生麵餐廳的生麵底很爽彈，炸醬微辣不油膩，炸雞翼香酥軟，味道鮮甜，非常多肉汁，越食越開胃。墨魚條竹筍上海粗麵十分推介炸墨魚條，是這裏的人氣小食，爽口竹筍充滿店鋪懷舊特色，香濃味道，上海粗麵口感腍滑，百吃不厭。炸雲吞脆皮Q彈的炸雲吞，香氣四溢，加上鮮美的雲吞餡料，搭配特製甜辣醬汁，吃到一口接一口，絕佳選擇！凍鴛鴦最後嘆番杯茶記風味的凍鴛鴦，爽爆！…查看更多

🍜 東記上海麵 (大埔廣福道店)每次經過呢度都是排長龍，今日經過見得一兩個排隊把握機會去試試先，排左5分鐘就被安排入座第一次來當然點招牌菜上海麵啦配豬扒墨丸條店內裝修為80年代香港懷舊作主題給人老香港的情懷，木枱椅的風格上海麵為粗麵，口感好似烏冬麵豬扒同墨丸條份量充，即炸好香味道好，唔錯單款及双款餸也同價($50元正)抵食的選擇，可以電子支付或現金，好食😋👍…查看更多