東街咖啡

最近有个习惯，如果去小店又好食我都会打返个食评支持大家小店生存又到星期日想去一间Cafe chill吓，今日难得要上嚟上环，就上网揾吓边间Cafe好上环其实好多间Cafe ，我都食过唔少其实呢间嘢嘅食物质素质素都真系几好尤其是食佢个樱花虾辣油意粉其实几惹味仲要一碟意粉加咖啡其实为起先百几蚊我觉得性价比都几高下All day Breakfast 整体所有嘢都好恰到好处Croffle 有少少失色所以对一个周末早餐怪嚟讲，我觉得呢一间嘢我都会俾几高分咁谂住OpenRice留个好评见大家就一面喺度投诉，服务态度差我唔知大家讲紧个一男一女系咪我见嘅一男一女全程好好礼貌客人入嚟问可唔可以快少少都好有礼貌嚟讲要等几耐另外，有小朋友客人，佢都会特登问小朋友客人可唔可以加黑椒，我觉得好细心。另外个厕所香喷喷，我觉得店主好用心如果系针对pet friendly 呢件事店面系真系窄嘅，唔俾多过一只狗入，都觉得可以体谅真系会经过踩到，咁岀面有位架麻，好多pet friendly 餐厅都系咁。…查看更多

上网睇到东街咖啡谂住过嚟试下未遇过服务态度咁差最正系男女都咁差打开门做生意，唔使用咁西嘅面口对客咖啡好唔好饮唔知，因为pick up行到一半已经漏到成个纸袋都系唔会有下次…查看更多

一啲都唔值得帮衬嘅餐厅！网上见到介绍呢间coffee shop好似几chill，而且重点讲明欢迎狗狗一齐入座，于是约朋友带埋「一只」狗狗嚟，但个服务体验超差！我强调只系带咗「一只」狗狗，系因为我哋去到嘅时候，其实coffee shop入面只得我哋一枱客，即系「两个人+一只狗」，但餐厅嘅一男一女不时向我哋表现出不满嘅眼神，话我哋只狗阻住走廊位，叫我哋绑好只狗，最后我哋要将只狗绑去入面嘅位置。我真系想问如果我系要同我只狗分开坐，咁点解我要带狗狗过嚟？然后佢哋又话我哋个袋放咗落旁边个位，会搞到其他客人无得坐，但当时场内只有我哋「两个人+一只狗」，系去到之后先多咗一男一女入座，但都唔系坐我哋附近，所以当时系无客人需要坐我哋旁边个位。至于食物质素，sorry，真心评论唔到，因为个服务态度系会令你想即刻离开，唔想再order任何食物，所以用1分钟时间就饮完一杯冻Cappuccino，然后拜拜！而果杯Cappuccino其实都唔系特别好饮。总结系：一男一女全程态度劲差，语气劲无礼貌，肯定唔会再帮衬！(如果有负分嘅选择，直头要俾负分）…查看更多

永久BLACKLIST ：STUDENT UNFRIENDLY 只系会配合熟客要求嘅餐厅，同样系对菜式有要求，后面台熟客嘅意粉走黑椒就和颜悦色，我叫沙律汁另上就反晒白眼。未入嚟已经话90分钟用餐时间上左菜10分钟已经要客人协助，尽早离开。我哋已经一而再再而三话明白90分钟用餐时间，仲要指责返我哋唔愿意配合尽早离开。明明后面有两台客，就系催我哋五个人一切仲要系成间餐厅唔系FULL SEAT 既情况发生。野食方面正常，但激心到食唔落！…查看更多

嚟过几次 次次好食～意粉🍝系手工意粉 食落有口感 Sauce 系多 但不会令意粉变淋 煮食时间有掌控过👍🏻所以可以一啖意粉一啖酱 好满足～😋墨鱼饼好食！入味～～ 斋啡好饮 𠮶house blend 系同其他不同☕️咖啡呢家嘢每人口味不同 🙏🏻我觉得啱我口味～环境小而明亮cozy 工业风灰泥墙 加上彩色的挂画 感觉很平衡 装饰恰到好处 和朋友聚、一人清静都好适合～🤍 同埋见到有啲人拖狗仔来 都几pet friendly 试过店内已有一枱人带咗一大一小狗之后嚟咗𠮶客人又系拖狗仔来店入面都冇乜位比佢坐低了 唯有走～宠物人士要注意～ …查看更多