東方小廚 (已結業)

沒有去半年，巳經轉咗手，D食物質素好差.生炒炒骨真係只有骨，斬到超細粒、只是包咗脆粉炸嘅骨頭，椒鹽鮮魷個脆皮超厚皮、馬拉盞炒通菜超多油、沒有馬拉盞味、同以前個間東方小廚差好多好多、以後又少咗一個食飯地方…查看更多

東方小廚絕對係一間值得推介嘅大牌檔！小編呢度特別推介佢哋嘅「德國脆皮豬手」，同德國正宗豬手嘅味道真係幾嚮似，超級香脆！👌除咗豬手之外，仲有好多好食嘅菜式，例如「炸墨魚餅」，每啖都有彈牙口感；「薑蔥爽脆魚皮」，味道鮮美，仲有香脆嘅口感；同埋「豉油王鵝腸」，豉油味啱啱好，鵝腸又嫩又滑，一定要試下呀！🤤不得唔提，東方小廚嘅大牌檔真係坐落喺坑口村6號B地下，好有懷舊感覺㗎！坐喺外面，啜緊啤酒食緊豐富嘅飯菜，實在係一個無敵舒適嘅享受😍價錢唔算平，但係味道同份量真係物超所值！尤其適合本地年輕人嚟到嘆下午茶啦👍總括黎講，東方小廚嘅美食真係好味到爆，加上好嘅環境同埋細心嘅服務，絕對係一個大家都可以嚟試下嘅好去處！…查看更多

本人時常去東方小廚幫襯飲酒炒小菜, 但時常發覺好多時啤酒數量會計多, 飲酒嘅朋友要小心check單, 重要嘅事要講三次, 記得check單, 必要check單, 一定要check單🍻🍺🍻🍺🍻🍻…查看更多

難得同細妹夾岩收工時間，一齊去大排檔麻甩地啤一啤佢。。。水煮蜆配酒，完勝！有好多蜆，但食晒成兜都係得3，4隻有沙！大排檔黎講都算唔錯啦椒鹽九肚熱辣辣炸出黎勁正，外脆內軟滑啫啫通菜煲，大量蝦乾勁香簡簡單單又一餐…查看更多

老公生日打算吾去浪漫的西餐食大餐，反而想去試下不一樣的，所以決定去試大排擋!脆皮豬手:炸到脆脆的外皮，但係肉炸到比較乾，整個感覺就係硬l！蛋黃蝦：蝦算新鮮，但咸蛋黃吾算多，有鑊氣！咕嚕肉：肉塊有一些偏大，雖然仲有脆的囗感，但因為太大塊啦！扣分！吾知咩菜苗：呢個名吾記得咩菜苗，食落麻麻的，有D苦苦的，一般！…查看更多

今日夜晚大概9點幾，黎到坑口呢間東方小廚到食小菜，黎到已經好熱鬧，好多人，佢唔只鋪入面既有枱，出面都有好多位坐。我地坐低叫完餸，無幾耐已經上菜，出菜夠快👍🏻有炒鵝腸同小炒王，味道同風味都好夠，送飯食一流之後重有椒鹽九肚魚，沙拉骨同豬手。九肚魚炸得好好食，唔會太咸，點少少喼汁吊味，正😋。沙拉骨味道正正常常，咬落肉質唔會好鬆，但份量好似比較少。豬手黎到既時間已經切好，豬手入面既肉好嫩，但外層皮都脆脆地，但有好多舊都好多脂肪，成舊豬手有1/3食唔到。整體評價唔錯，食到真正大排檔風味，但豬手下次再考慮叫唔叫🤣…查看更多

由於見到D餸個樣已經唔記得影相！今晚叫左黑椒薯仔牛仔粒$98D牛仔粒切到好細粒一d都唔值$98同張餐牌相片不符之後叫左個雜會炒麵差到無論！雜會冇豬雜只得幾舊好肥豬肚加幾粒細蝦仔同炸魚肉片咁叫雜會？之後問個女侍應問呢個係雜會炒麵點解冇豬什？佢話呢舊咪豬肚！成牒野豬潤豬肉都無舊又肥見到都冇胃口仲有一個蒜蓉炒窩筍$78叫做最正常講到尾無下次…查看更多

其實唔係第一次去，都肯定會再去。住係附近，大排檔就得幾間，哩間優勝於個魚皮爽口相比之下較平。其實份量都唔少，$78 相比其他食肆，份量同質素都超班。必叫之菜式。唔建議叫啦，5、6舊，芥末一pat咁，口感沙沙地咁。個牛肉咬唔開生到見到裏外都係粉紅色，要叫廚房炒多陣同埋芥末唔均勻。好似係88-98$，失望。個鵝腸，夾幾下就食曬既菜式，料多過主菜既菜式。價錢都唔平，唔記得幾錢。仲有叫豉汁魚雲，有5舊到啦，味道還可以。環境當然係大排檔風味啦，較為乾淨。因為大排檔選擇比較少，附近嚟講，哩間都叫較為優勝但價錢略貴。…查看更多

呢間隱世餐廳，唔係好朋友介紹都好難會留意到，呢間餐廳除左一般小菜外，越南菜亦都係主打，因為老闆老闊娘係越南華僑，識越南話既，可以用越南話同老板娘落單餐廳就位處村屋地下，地方就唔大，但枱櫈擺出外面，好有街坊大排檔風味，而且附近唔難搵到位泊車1.黃金蝦：火喉岩岩好，用咸蛋黃，椒鹽一齊炸，令外層殼望落金黃咬落清脆，而入面蝦肉嫩滑而且非常入味，索哂咸蛋黃+椒鹽2.椒鹽鮮魷：即叫即整，外層脆，入面魷魚肉彈牙可口，送黎餸酒一流3.豬手：豬皮脆卜卜，豬肉不肥膩又唔刃4.生腸：咬落爽口彈牙，食完都想再食食物質素算係上乘，而且service好，上菜速度快，唯獨坐外面就可能會比較熱小小…查看更多

週末的大排檔，熱鬧非常，一行人浩浩蕩蕩去大排檔暢飲，全個將軍澳區只有坑口村有大排檔小炒。水煮牛肉：麻中帶辣，配有大豆芽，雲耳等，十分開胃，牛肉鮮嫩，食到停唔到口椒鹽鮮魷：即點即炸，熱辣辣又夠脆，正腐乳通菜：份量足二度骨：多脆內嫩，美道一流…查看更多

坑口村，都是第一次探訪，有很多車位可以方便駕駛人仕，（街頭上亦多非法泊車，但不阻人應該少抄牌吧），村屋式樓下舖，室內地方不大，但周邊街上置放了很多摺檯，（好彩有膠幕），環境就很是一般，來這裏食亦預見吧，見其他人天寒地凍食羊腩煲，雞煲，又是一番滋味，我們到室內點了些菜，本來沒有什麼祈望，但出奇好味道喎，熱辣辣沙薑雞腳夠入味，墨魚餅很美味，即叫即炸，這兩味餸菜可以推介試下，椰菜仔炒咸肉，亦不錯，但霸王雞就咸了些，雞又不夠肥美，是比較差的一味。會再來的 …查看更多

收工後跟同事去坑口食飯。撞正做冬前後，周圍多人到癲。我地成班人13個人，都等左2，3個字至有位。一心都係諗東方，因為第一間合C唔好食，所以轉陣。同事發辦，叫羊南煲，沙拉骨，生腸沙律，一隻手撕雞，德國朱手，黑椒薯仔牛柳粒，馬拉盞炒椰菜苗，蒜蓉豆苗，栗米班塊。結果無羊南煲。無諗過要寫食評，所以無影相。食左生腸沙律同手撕雞後，覺得好味，所以同大家分享下。13個人，食左8個菜，啤酒，白飯總數$1000大元。…查看更多

以前好食的「東方小廚」去左邊?已經有ㄧ段日子無去「東方小廚」, 想去食椒鹽鮮魷, 点知就出哂事+ㄧ肚氣1. 最出事的椒鹽鮮魷, 只有兩舊肉, 全部俾d碎肉頭尾, $88 得兩舊肉, 睇見都唔開胃!2. 花膠咸肉炒脆瓜, 只係見全係超肥肉, 唯有只食瓜!3. 我睇見碟鮮魷出哂事, 即時問職員点解会咁, 佢竟然答我 Гd貨批批唔同」(我想: 咪玩啦! 我以前成日食呢碟), 就咁想草草了事, 當解決左, 大嗱嗱$88穏袋, 服務態度超唔掂只係想講, 我係為左以前碟好食既鮮鱿而黎幫襯, e+都係因呢碟野而走囉!完! :(…查看更多