東京街日本料理 (西洋菜南街)

营业中

休息中

見門面幾靚，又行到肚餓就入去試下入到去已經感覺麻麻，枱面濕笠笠，又冇準備餐牌，淨係叫人手機落單，手機睇圖好慢………..侍應極為新手，嗌左定食分開出餐，又冇俾餐具，要叫先提供，感覺極為被動！嗌左個原條鰻魚飯，條鰻魚又乾又硬！啲蛋冇蛋味，一啲都唔好食！另外嗌左壽司定食，啲壽司乾爭爭，完全唔新鮮！差啲以為係爭鮮入貨…….呢個價錢真係寧願食爭鮮好過佢，起碼俾得個價錢對得住個質素！！！最後仲要收加一！真係唔知享受過啲乜…

這個位於太子西洋菜街嘅東京街日本料理，服務差已經出曬名，估唔到食物質素可以更加差，基本上係俾垃圾人食，而且價錢亦一D都平⋯先上咗個北寄貝，超薄嘅2皮，原綠壽司D都厚過佢，－隻北寄貝點可能得2片，搵笨！肉身硬咬嚟咬去都咬唔開，結果叫圖返出嚟⋯再上刺身拼盤，$488唔係平價貨，買相好似可以，點知放入口D魚生全部都係唔新鮮，有陣怪味，食咗2舊就放低⋯最後來個東京蟹皇飯$138，今次真係火都嚟！D肉係唔梅嘅，而且有大強勁腥臭味，頂唔順要出聲，侍應竟然同我講係飛機貨，乜飛機貨就可以嗅？我同佢講不如我請你食，你幫我食咗佢，佢當然唔肯，跟住話問吓老闆，回覆更加經典中既經典，佢食D野食過，唔可以換，我頂唔食過點知你嗅⋯錢我照俾，不過祝你早日執笠，唔好係度害人⋯

$108 壽司定食@東京街日本料理（太子）性價比不錯。但有樣野扣分，事前明明冇話收加一，用個QR code落單個下服務費仲係寫$0，去到收錢個下先話星期六日要收加一（全場冇見有地方寫過尼樣野），令人有啲唔順氣😤

經過餐廳無數次, 今天終於嘗試了, 現在才發現原來餐廳有幾間分店。餐廳內雖然不大, 上下總共兩層, 牆邊牆紙用了日本風味的畫代替, 感覺也不錯。三文魚帶子甜蝦丼 $88午市定食, 除了丼飯外還有壽司拼盤選擇, 所有定食都配茶碗蒸, 沙律, 面鼓湯和紙包飲品。 丼飯當然是用珍珠米, 加上適量的醋, 甜甜酸酸的, 就算沒有配料單純吃飯也十分滿足! 😋 丼飯配料其實不少, 不過飯量更多 😅 三文魚非常肥美, 帶子甜蝦都新鮮, 毫無雪味眼看其他人點了壽司拼盤, 壽司也相當大件, 也不失為丼飯外的另一個選擇。 茶碗蒸蛋味雖濃但不夠滑, 裡面有菇, 蟹柳和紅板魚蛋。整體不錯, 尤其喜歡醋飯, 唯獨餐廳比較狹窄。

因為天氣酷熱，所以搵咗呢間刺身飯食，價位幾十至百幾不等，喺太子區嚟講，此價位不算便宜，但尚可接受先說食物，刺身尚算鮮甜無咩雪味，一齊正常但服務真係唔掂，其一樓面叫極唔應，唔知佢係唔係真係只負責帶位及收銀，但佢又會行入樓面幫手🤷‍♀️跟住我個餐先到，老公個餐要等，之後見其他枱落單後無耐就已經到餐，所以就問職員，叫極唔應嗰位職員企喺我哋枱隔離，我講咗3，4次唔該都唔理我，喺另一職員聽到先問有咩幫到我，跟住就請佢幫手睇睇個餐，好耐都未有，跟住check完只交代一句整緊，要等多陣，其實根本出錯餐俾隔離枱先🤷‍♀️🤷‍♀️🤷‍♀️前後共等廚房出多3個餐，先出返俾我哋我唔知係唔係因為開喺旺角，所以佢地就覺得客人就唔應該要求任何服務中間比我哋遲落單，又得我一個餐出咗嘅時候，前後成半個鐘有多，完全無人理過係唔係漏咗單，亦無人問過我哋係唔係有嘢争呢個價位，但呢種服務真係唔會推介

今天我要介紹🤓太子站附近的東京街日本料理，這裡的人氣相當高😋這次我點了壽司拼盤：🍣珍寶帶子，甜蝦，八爪魚，北極貝，三文魚等，其中，我特別推薦厚肉嘅珍寶帶子壽司，🥢佢肉質食落鮮甜。我還點了鍋物，🐮北海道雪花牛肉鍋，裡面有肥牛，底下有清甜的娃娃菜，彈牙日式粉絲等，🥬蔬菜同樣豐富，嫩滑的豆腐和冬菇，調味清爽不膩。還有🥗沙律，這份沙律的分量很足，有沙律菜同車厘茄，🍅而且搭配沙律醬汁非常開胃。

前幾晚去太子行街食飯，突然好想食日本菜，就去左呢間餐廳，叫左一份四色魚生丼，同一份北海道雪花牛肉鍋。魚生丼包味噌湯同茶碗蒸。味噌湯味道較濃同鹹，魚生丼既魚生都好食，但冇乜鮮味。牛肉鍋都係較鹹，之後要飲好多水先解到渴，所以整體較一般呀！

鐵板燒人氣組合基本上所有嘢都油浸過咁，表面反光「靈一靈」，第一次叫呢個鐵板燒，懷疑食材燒好攤凍，再連爐連鐵板拎出嚟加熱。大燒雞肉卷，咬落以為食緊油鴨髀。秋葵金菇牛肉卷，啲金菇已經乾硬化。一口豚肉，肥膏比例勁，一食滿嘴油。奉獻大家，喺收鋪前，千祈千祈千祈唔好叫呢個鐵板燒，否則悔終生！平時惜食嘅我，最後食剩一半⋯⋯ 平心而論，手卷係好食，清酒蜆係正路，蟹柳天婦羅都偏油。下次嚟都唔敢叫同油有關嘅食物，唔敢太夜嚟搵食。

中午時侯，行到已經好肚餓，仲未諗到食乜就俾佢門口個餐牌吸引左我入去$100樓下有湯！有沙律！有茶碗蒸！有丼飯 ！好吸引🤤返返正題講返個餐先小編揀左帶子甜蝦三文魚丼飯每一片三文魚都好厚好大塊甜蝦好甜仲有兩大粒帶子刺身方面都算新鮮沙律酸酸甜甜好好味茶碗蒸裏面有蟹柳、冬菇我仲叫左可樂添總括嚟講： CP值超高！多到食唔晒😆鍾意食刺身既人士唔好錯過，叫多左都唔會心痛，因為真係好抵食！鍾意食三文魚既可以轉魚腩，一樣都好大塊

今日放假，所以同屋企人去行咗寵物街同埋花園街上心，睇到好多貓狗同埋花草樹木，成個人都開心晒。咁我媽咪就話，聽過佢朋友講附近有一間日本嘢性價比好高，叫我幫佢搵吓叫咩東京街，咁我即刻上OpenRice搜尋東京街就搵到呢一間東京街日式料理餐廳。講返啲食物質素先，佢嘅門面都好有日本特色，硬係好似係啲日本速食外賣店見過咁，但餐廳入去入邊食真係第一次。咁我哋叫咗一個日式蟹籽青瓜沙律，一個日本刺身丼飯配茶碗蒸加麵豉湯，一碟三文魚刺身，同埋一碟海膽魷魚壽司軍艦，都只係三百蚊內，算幾抵食！

📍東京街日本料理 (西洋菜南街) (太子)太子西洋菜南街228號地舖經過西洋菜街見到間好日本風壽司餐廳，決定入去試一試（價錢十分合理）今次叫左個：🍱人氣壽司定食$98三文魚壽司（2件）皇帝蟹棒x1火炙油甘魚x1火炙醬油三文魚壽司（2件）火炙左口x1鰻魚x1帶子x1火炙辣味魷魚x1 加州卷（2件）🍣12件壽司都幾飽肚，最緊要係大大件壽司，飯就細細件，岩曬最鐘意食肉嘅小編。特別係提一提， 火炙做得好出色！（必食）🛎️總結: 餐廳環境好靚，好日本風格，價錢平。地點⭐️⭐️⭐️⭐️⭐️味道⭐️⭐️⭐️⭐️環境⭐️⭐️⭐️⭐️⭐️服務態度⭐️⭐️⭐️⭐️（5星為最高分）

好耐冇去花園街同聯合嗰邊行街啦😊今日行左兩三個鐘頭，勁多收穫🤣🤣開心🥳不過好攰😂我同朋友去左附近一間日式料理餐廳🍴因為佢哋嘅門口非常吸引眼球🤩🤩食物水準都唔錯，而且員工服務態度一流，值得讚👍👍今次因為行得耐，好肚餓🤤所以點左好多飽肚食物😏仲嗌咗兩次日式飲品蟹子沙律沙津份量都多，作為餐前小食，絕對開胃😚日式牛肉炒烏冬超級有鑊氣的炒烏冬，牛肉又唔過老，好嫩口，愈食愈滋味👍天婦羅天婦羅有炸蝦、蕃薯、南瓜🎃全部都好薄脆，又唔會厚粉，新鮮熱辣😋墨汁海膽餅（3件）第一次食墨汁海膽餅，平時比較少見，所以試吓☺️口感較實淨，但係味道唔錯牛油果軟殼蟹卷（4件）軟殼蟹炸到好酥脆又香口，加埋牛油果🥑令到卷物層次豐富刺身拼盤食左咁多熟食兼飽肚食物，點都要點返啲刺身食下😊😊樣樣都想食嘅情況下，點左刺身拼盤✌️擺盤超級精緻，忍唔住係咁打卡📷有三文魚、油甘魚、赤身、甜蝦、八爪魚、紋甲魷魚、三文魚腩、帶子、北寄貝、希靈魚，款式超級多🤤而且全部都非常新鮮👍三文魚肥美厚肉🤤🤤帶子清甜🥰第一次食紋甲魷魚，都非常鮮美又彈牙👍#東京街 #日本料理 #日式料理 #美食推薦 #太子美食 #旺角太子 #刺身 #壽司 #美食控 #旺角美食

- 行開旺角，我地又黎東京街食日本野啦🤩。- 今次前菜我地叫左溫泉蛋魚生沙律🥗，用溫泉蛋做Dressing特別得黎，加埋魚生仲好清新添！- 至於炸物就叫左天婦羅蟹棒，舊舊都夠熱夠香口，金黃香脆，食落仲唔會好粉。- 壽司方面，我地見都幾抵食，所以都叫左三文魚盛同北海道卷。三文魚盛已經包含好多項目，有火炙黑椒三文魚壽司、火炙芝士三文魚壽司、辣味三文魚軍艦、辣味三文魚壽司、三文魚壽司同香蔥三文魚小卷。唔止可以享受唔同形式同味道既三文魚，仲係味蕾嘅享受😎！- 而北海道卷就有拖羅同海膽兩款，表皮粉紅色好特別，表頭再加上三文魚子同拖羅或者海膽，感覺好奢華！- 主食方面，我地叫左1人壽喜燒套餐，呢款而家做緊折扣，$168已經食到日本有殼沙白、北海道帆立貝、美國穀飼肥牛、宮崎豚肉片、日本芝心蟹柳、日式迷你芝士竹輪、金菇、豆腐、蔬菜同好多丸，啲丸仲係企鵝同熊仔樣🐻，夠哂可愛！啲海鮮仲要非常新鮮同大粒，$168絕對值回票價！- 而最後既主食係串燒拼盤，呢個拼盤用鐵板上，保持熱辣辣，令人忍唔住係咁食。呢個拼盤真係好多款式，有牛舌、秋葵金菇牛肉卷、一口牛柳粒、大蔥雞肉卷、燒大蝦、煙肉荔枝卷同燒汁帆立貝，真係

今日同friend簡簡單單喺始創對面的東京街食午餐*\(^o^)/*-壽司刺身烏冬定食-呢度午市定食每個餐都會跟 茶碗蒸，麵豉湯同埋沙律，茶壺蒸細細一碗，但係蒸得嫰，入面亦都有冬菇鳴門卷等等。-沙律菜都幾新鮮。-套餐刺身有三文魚，甜蝦同池魚三文魚都幾肥美，甜蝦creamy池魚都肉質帶爽口、微微的油香，味道鮮甜。另外壽司都有5款，赤身，油甘魚，真鯛， 醋鯖魚及三文魚赤身 滿滿吞拿魚味油甘魚魚肉夠白有彈性，真鯛食肉質柔韌味道鮮甜。--鹹鹽醬豚肉燒丼呢到熟食豚肉飯都唔係好貴，鹹鹽醬豚肉燒得焦香帶惹味，豬油香滴晒落飯到好香口。另外仲叫左個蟹子沙律，蟹子超爆多粒粒晶瑩通透加埋 爽口即刨青瓜，超新鮮超fresh٩(๑^o^๑)۶

同好耐冇見嘅朋友晚餐，當然揀返間靚靚日本餐廳傾下食下🤭🌟澪@氣泡清酒🌟黎到餐廳，點少得點支清酒點綴一下，精美嘅酒杯打卡一流，甜甜哋嘅有氣清酒🍶容易入口，細細支啱哂我倆。🌟胡麻汁冷豆腐沙律🌟豆腐沙律非常滑溜，加左胡麻汁，係夏天最開胃的前菜。🌟南非生蠔🌟肉色偏牛奶白，肉質肥美，海水味比較淡，完全無腥味，入口清甜，口感creamy細膩。🌟小食拼盤🌟蒜味螺肉、芝麻八爪魚、素翅螺肉夠大粒，肉質有彈性、肉汁甘甜，八爪魚香口惹味，素翅賣相大方得睇，一絲絲爽口嘅鹹鮮味，口感唔錯。🌟東京首座🌟底層有炙燒珍寶帶子，上面有拖羅魚蓉加上加拿大海膽，三文魚籽，再加埋牡丹蝦。鮮味十足，一次過可以食到唔同嘅鮮味，大飽口福🤩🌟三文魚盛🌟盛盒相當豐富，有火炙黑椒三文魚壽司、火炙芝士三文魚壽司，辣味三文魚軍艦，辣味三文魚壽司，三文魚壽司，香蔥三文魚小卷。多重享受三文魚豐腴的口感，三文魚愛好者必選🤤🌟東京街皇、后卷🌟點左佢哋個招牌卷物，皇后卷用料豐富，皇卷係脆炸紫菜入面包住日本珍珠飯，夾住香濃惹味嘅厚切鰻魚，肉質細嫩，香噴噴嘅鰻魚汁，滋味無窮。后卷包住大大隻嘅吉列炸蝦，外層金黃鬆脆，蝦肉爽口鮮甜、肉質彈牙👍👍🌟一人一窩🌟食