村爺爺龍蝦湯.泡飯.燉湯專家

营业中

休息中

呢度最出名嘅就係花膠雞煲翅同海鮮龍蝦湯飯，每一次經過都唔到好多人排隊，所以今日夜晚特登10點鐘先黎，都要等10分鐘👍🏻不過絕對唔會影響我食花膠雞煲翅嘅心情😁😁😁非常足料，雞湯非常入味， 雞肉亦唔會過老，跟餐有飯及油菜，還有飲品都唔使$80，遲食飯嘅朋友，村爺爺絕對係一個好選擇😁😁😁😁👍🏻👍🏻👍🏻

村爺爺並唔係一位爺爺開反而係一個後生仔村爺爺啲嘢食好出位 受各大報章飲食節目採訪。皆因平靚正 呢個價錢食到呢個質素真係超值！#極上海鮮龍蝦湯泡飯 $68 有唔同海鮮組成 e.g 青口、蜆肉、魷魚🦑 etc湯底海鮮鹹香極重龍蝦味#花膠螺頭雞煲翅 $68 加$10升級至套餐(+大杯檸檬茶n油菜n飯/粉) 半隻雞 一大舊花膠 小小翅仔 湯底濃郁 好似阿媽d靚湯 雞肉唔鞋 好有味都幾好食值得一試 雖然鋪仔細細但排隊都幾快既。果日都好多遊客排隊，相信旅遊書都有報道。雖然人多但係啲店員都維持到再維持得好好。推介推介

今日得自己一個人，屋企人返晒工，訓到下午先起身，就落街行下搵野食。突然間好想食湯飯，諗起之前行油麻地，見到有間湯飯排晒隊。所以我就行過去睇下駛吾駛排隊先，我諗朝早12點應該吾駛排掛😂😂好在去到岩岩有位，Lucky😀。佢地門外都準備好晒排隊既位置，應該到 Lunch 同晚飯時間就要排一陣。向排隊位置有電視介紹餐廳特色湯飯，重有餐牌睇，可以等位既時候，已經了解左有咩特色野食，重可以睇埋餐牌，一坐底就落單，幾貼心。入到鋪頭，位置都寬敞，坐得好舒適，而且環境都算好衛生，茶餐廳黎講，算係高質👍🏻👍🏻望下四周既裝修，原來好多明星都有黎食過，應該好好食😂，好期待😊餐廳有好多種泡飯比你選擇，可以選擇要龍蝦湯定係豬骨湯。我選擇左龍蝦湯，所以將選擇範圍收窄左。本來想試花膠干貝鮮雞龍蝦湯泡飯，因為我好鍾意食花膠，但侍應推介餐廳招牌，真盛。村爺爺龍蝦湯泡飯，話入面都有花膠，而且多啲海鮮食。我問佢地有無生蠔向入面，因為我吾食得生蠔，好彩無姐，咁我緊係聽店員推介啦，話晒日日都賣咁多碗，一定吾會差👍🏻👍🏻一上菜，我都嚇親，乜真係咁大碗，咁多海鮮，我以為店員吹水，點知真係咁抵食😂重有半隻龍蝦👍🏻，真係好誇張😀。我重發

這天和朋友相約在油麻地小聚，選了這間小店。大概8點左右來到，門口大約排了十人左右，不過也沒等太久，等的時候老闆先幫我們下了單，再等了一下約十五分鐘左右就進去了！本人點了椰子花膠雞，加餐可以配餐，不過一向不太喜歡白飯，就改點了米線！來到當然先試試花膠湯，味道香濃鮮甜，可是沒有太大椰子香味！米線分量很多，沾著花膠湯吃很好味！湯料包括半隻雞和數片細花膠，花膠不是很高級，味道口感也不過不失。雞肉還滿鮮嫩的，雖然給了刀和膠手套，不過剛來到的時候湯很熱，給手套也用不了，只好用刀和筷子雙管齊下拆肉！個人覺得份量是很足夠，但如果可以把半隻雞肉稍稍斬開會比較方便。友人點的是花膠雞煲翅，我們互相試過對方的湯其實沒太大分別，椰子湯沒有椰子味兩款湯喝上去味道差不多！友人還說花膠有是有，可是沒有看到魚翅。當然這個價錢我們也沒預計會有多少魚翅，可是沒有的話就有點被騙的感覺。

天時地利人和之下，終於有機會同男朋友食到村爺爺泡飯啦！相信好多人同我一樣，次次諗住去試，都會因為見到門面條人龍打退堂鼓。星期六的晚上6點頭，排我們前面有3組人，等左15分鐘左右就有位了。因為排隊果時，已經睇定貼係門面玻璃窗ge menu，所以一坐低就點得餐。花膠鮮雞魚頭湯加錢轉了套餐，白飯轉了稻庭烏冬，另外有一碟油菜和一杯熱飲。的確係真材實料，裡面有半隻雞，花膠仲幾厚身，雞湯鮮甜香濃，而且一d都唔油膩，飲完都唔會口渴。餐具細心跟了刀叉和一對手套，方便食到隻雞唔會嘥。殿海鮮龍蝦湯泡飯龍蝦湯和飯係分開上ge，最吸睛係半隻龍蝦！龍蝦肉質鮮甜，裡面仲有好多海鮮，例如帶子、青口、魷魚、蜆等等，用料十足。但呢個龍蝦湯比雞湯遜色啦，龍蝦湯味好淡，男朋友仲形容到好似坑渠水味咁，有點失望啦。南乳炸雞翼出面好少地方見到有南乳雞翼食，外面炸得好香脆，裡面雞肉keep住嫩滑，南乳味又剛剛好，私心推介！

窮遊香港-油麻地必食抵食湯飯？呢間花膠湯飯幾個月之前都講過（⭐️大為好評）果時下午茶時間唔算多人 唔洗等冇加價 仲係$68 有花膠 半隻雞 螺等等 超抵食今日水準又係點呢？呢日晚市去....門口長期排左十幾人 可見人氣（可睇圖）（餐牌睇圖）.今次見咁多人等.....所以叫豪d啦⭐️鮑魚干貝花膠雞煲翅$128👍🏻鮑魚同干貝都係底 花膠同翅都唔小（可睇圖）👍🏻干貝大概6-7粒 咬落幾甜 足料.⭐️花膠姬松茸干貝雞煲翅$98呢個我叫既 😋湯好好飲 夠鮮甜👍🏻湯方面 就有小小膠感 呢個價錢我比like（煲煲都半隻雞 點會唔甜？）（底下仲有唔小其他料 例如幾甜既桂圓 好味）.👍🏻份量保持 極大份 超抵食👍🏻加$10套餐 有飯 菜 加野飲👍🏻連杯凍檸茶都比人大1.5倍？偏向小甜既仲可以加錢轉 稻庭烏冬（呢個仲大碗）.到雞肉方面（飲湯啦 雞唔係重點）👍🏻雞翼雞脾都小滑既🤦🏻‍♀️雞胸就...有小鞋 同痴牙（😋有個辣椒豉油 比你點雞 個豉油幾香）（所以我最後太飽食唔哂d雞胸）‼️食得晒先至好嗌.⭐️總結水準保持抵食 又健康好味👍🏻好評.#村爺爺龍蝦湯泡飯地址：油麻地砵蘭街72號地下.⭐️評分味道：4.5/5環境：4

朋友成日話油麻地有間龍蝦湯泡飯，又抵又好食，不過成日排哂隊，一直都想試，可惜之前無機會，今日終於俾我無意中經過，仲唔洗排隊坐低左揀左好耐都未揸到主意，因為佢龍蝦湯也有很多選擇墨魚手指魚腐龍蝦湯油麵，龍蝦湯像西式的是橙色，而是有點像清湯般，不過味道很濃好重龍蝦味同海鮮味，另外湯內有大量海鮮（青口，魷魚，蜆）墨魚手指魚腐分開上，好貼心，咁就唔會太快淋，魚腐超好味，爽口彈牙，而墨魚手指就好香口整整半隻龍蝦，而且好多膏，埋單不用$100，又好食又抵食，下次再來試其他

$68花膠螺片雞煲翅，菜名材料落齊、雞嫩滑、湯頭甜，完勝😊加$10配白飯仲有碟菜，呢個價格半隻滑雞，上到枱都有點懷疑吧，食完一啖已經決定下次行開呢頭都要再食過！至於龍蝦湯泡飯，下次會試其他嘢，唔係難食只係無乜特別，影相視角絕對贏曬!龍蝦唔係最新鮮總算食得入口，湯味濃，都幾好嘅!因為有湯，好醒目點了啲沾湯食品，腐皮卷，唔算勁脆。大大碟炸魚皮脆到卜卜聲沾了湯味食落都格外爽，份量仲好多，完全抵曬。叫咗啲小食，鮮魷好脆口好鮮甜，拼黑毛豬片不過個排碟同份量有小小傻眼，如果再熱啲就更加好。另一碟炸蠔推薦可以一試，肥嘟嘟，食到耳朵都彈一下，其他都是中規中矩，唔會炸濃唔係好多油，都合格㗎喇。

最近大熱的村爺爺，為食的我當然要試下。既然係大熱，那麼排隊就是常識吧，去到門口見到有指示牌要人排隊，相信平時一定是排長龍。醒目的我，當然不會在最繁時間去，在十點左右就來食宵夜才到。雖然已經十點，但都有不少人。海鮮龍蝦湯泡飯$99，有足足半隻龍蝦，你没有看錯，是龍蝦，而且還充滿蝦膏，加上其它貝殼類，那個湯真的無比鮮甜，一口湯匙飯再加上湯，真係極上的湯飯。吃過這湯飯，一般茶餐廳的海鮮湯飯應該是不了口😂。姬松茸螺頭煲鷄$88，有半隻鷄，再配上松茸長時間的烹煮，湯已經變奶金黃色，見湯色已經感受到湯的濃郁，入口果然滿口香味。餐廳還非常貼心提供膠手套給你撕開鷄肉食，如果你細食，就要考慮一下雖不雖要另一半幫手吃，都是那句，幫忙吃掉食物是美德。牆上也放了不少明星和老闆的合照。以這個價錢和質素，加上明星也光顧，成功大熱是有原因的。👍💪

我又食好野啦‼️今次去咗村爺爺👉🏻好有驚喜🤩本身以為淨係食車仔麵🍜點知原來可以好養生👨🏻‍🍳首先必食朋友極推介既燉湯系列🤤叫咗 殿 花膠姬松茸干貝雞煲翅🐥我本身以為係雞煲 原來係原隻雞用煲上🍵花膠唔算多但煮得幾林 啖啖骨膠原😂雞肉好嫩滑 一啲都唔鞋身 食到唔想停😙 見我用手食就知 真係忍唔住🤣值得一提既係煲雞湯 好清甜好 “補” 超級好味 😋將雞肉同花膠浸一浸雞湯再食😌好滋味 口感滿分💯唔鍾意雞湯 可以試吓另一種完全唔同嘅口味✌🏻叫咗 極上海鮮龍蝦湯泡飯🦞一上枱已經聞到陣陣龍蝦湯香🍵超級足料❗成碗有好多唔同款式嘅海鮮👏🏻蜆肉、青口、魷魚、帆立貝、帶子等等😻 都好新鮮👍🏻龍蝦湯味道濃郁鮮甜🥰 令浸住既泡飯好入味😍啖啖海鮮 啖啖龍蝦香味既飯🍚真係食過返尋味🥳小食方面 叫咗南乳雞翼🍗南乳味好濃 外脆內軟仲黑毛豬片拼魷魚🦑黑毛豬片煮得恰到好處 唔會太銀🧐魷魚好彈牙😁不錯不錯😊整體來講 質素同份量都好有驚喜😱而且價錢唔算貴👍🏻 性價比高👏🏻係物有所值之選IG: @babyfatfatface

天氣冷時常想到湯飯，夠暖又飽肚。咸蛋肉片湯飯、蕃茄肉碎湯飯... ...若覺沒有新意，這家湯泡飯幫到你。點了極上海鮮龍蝦湯泡飯下單時，店員提醒是沒有龍蝦肉的，正好有點怕吃時麻煩便 下單了。有很多不同貝類，飯另上，湯真的挺鮮。看到四周很多人點半/整食雞的餐，還有多種燉湯，有機會再試 ： ）

呢間之前已經聽咗好多次，有好多網媒都報道過，但係因為好少去油麻地，每次去都係一大班人去Cafe，所以到咗今日先第一次有機會食喺門口等左三個字位，去到差唔多叫到嘅時候，侍應就會幫你落單，因為我第一次黎睇咗好耐，佢仲介紹咗一次個菜單俾我聽，其實黎到都係為咗試有龍蝦嘅龍蝦湯飯，所以都揀咗呢一個有真龍蝦配豬什嘅set,店員仲話啲豬什係新鮮嘅新唔新鮮呢我就唔識分啦，但係豬心係爽嘅，滾出嚟嘅湯係有豬潤味，同埋豬什嘅份量好多，亦都洗得好乾淨，冇異味湯底真係食得出有龍蝦嘅鮮味，不過由於豬膶都係好濃味，下次再嚟我應該會配一樣冇咁濃味嘅，咁會更加食得出龍蝦湯嘅味道，龍蝦份量都唔少$88有半隻龍蝦性價比高 值得再戰

一直想試吓呢間人氣小店-村爺爺！但經常都要排隊！今次去果欄嘅時候，專登路過！見唔係好多人排隊！就決定要試吓呢間人氣小店我知道龍蝦泡飯非常出名！好多人慕名而來！不過我對佢嘅花膠雞湯比較有興趣！但係兩樣都想試。。最後。。男朋友揀了龍蝦泡飯。。然後我就揀了花膠雞湯。。咁樣兩樣野我都可以食到！😋😋😋😋龍蝦泡飯隻龍蝦🦞好大隻！湯好鮮甜！其他海鮮配料亦很多！不過始終都係喜歡佢嘅花膠雞湯多一點！花膠有很多片！非常足料！加埋半隻雞！真係好飽！下次再返去都一定會再揀呢個花膠雞湯！真係好值得一試！

#花膠鮮雞魚頭湯套餐$98呢款套餐份量都幾足架，足足有半隻雞同半頭魚頭🤤仲會連埋女仔最鍾意的養顏花膠湯。味道方面亦不錯，飲落冇乜味精，有少少似屋企煲。本來以為雞和湯一齊煮會好耐老，食落發現雞肉竟然出奇嫩滑👍🏻另外套餐會配一大碟菜和白飯，份量都幾多架，建議細食的女仔可以兩個人share一份。餐廳食物質素和性價比都幾高👅可以一試，不錯.村爺爺龍蝦湯.泡飯.燉湯專家 (油麻地)油麻地砵蘭街72號地下

之前試過 “村爺爺車仔麵” 覺得唔錯，知原來仲有分店，但食物種類唔同，上OPENRICE 見這間食評都唔錯， 又試下先可能下午茶時間，所以唔使點排隊，而係門口見電台節目主持人 ~小儀原來都有介紹過，坐低後見 雜誌都有介紹, 好似好有口碑咁睇睇餐牌先，食物選擇都好多元化，有鹵水撈麵、咖哩飯、 龍蝦湯泡飯、 古法煲仔湯、 仲有多款特色小食……樣樣都想食…………最終我叫咗個花膠螺片雞煲翅，加$10 轉套餐，有白飯，一碟菜，再配飲品，值得一提，凍飲唔使加錢之餘，仲好大杯上菜啦，有半隻雞，花膠， 響螺，湯好濃既新鮮雞湯…… 一啲都唔油膩 ，·雞肉好嫩滑， 響螺片好大塊 ，花膠好黏口， 感覺好似好補咁 唔使加一，咁豐富都只不過係78蚊，絕對超值另外值得一讚既係，店員服務態度好好，雖然有人等位，但都唔會好似其他茶餐廳咁趕客，令客可以冇壓力，慢慢享受美食