杏甜品 (新都會廣場)

平日夜晚見到冇咩人？咁啱又一大班網友群聚，就搵咗間糖水舖試吓，今次試咗三款甜品，感覺好滿足！😋 首先係紅棗桂圓杞子燉桃膠，湯底溫暖濃郁，紅棗同桂圓嘅天然甜味同杞子嘅微酸完美融合，桃膠滑溜Q彈，啖啖滋潤，特別適合秋天補身！🍲🌿 再嚟係芒果布甸，芒果粒鮮甜多汁，不過食得出唔算話啲芒果太靚，配上滑不留手嘅布甸，奶香濃郁同芒果嘅清新互相襯托，金色匙羹一舀，可能我特別鍾意布甸，真係停唔到口！🥭🍮 最後嘅芒果黑糯米更是驚喜，濃香嘅黑糯米同鮮芒果嘅甜美交織依兩樣嘢夾埋一齊一向冇得輸，口感軟糯又有層次，啖啖都充滿幸福感！🥄🌾…查看更多

叫左兩個甜品來到圖文不符，問佢點解士多啤梨仙草無左粒士多啤梨，個店員話未返貨，唔好意思。完左，然之後走左唔理我地。要禮貌無禮貌，要士多啤梨無士多啤梨。其實無系咪應該俾其它野俾我代替或早小小同我講而唔系我問先講！無下次…查看更多

呢間糖水舖雖然價錢比較高，不過物有所值。叫咗三款嘢，都係燉蛋白底，因為呢間嘢主要都係食燉蛋白嘅。熱嘅杏仁茶燉蛋白，雖然呢個甜品可以揀熱或者凍，不過我都係覺得熱嘅糖水要香啲，同埋中式糖水要熱嘅先至好食啲。杏仁茶都幾香杏仁味，個燉蛋白ok嘅，不過冇想像中咁滑。芝麻糊嘅芝麻得幾有幼細，芝麻味都香嘅。個合桃露味道都唔錯，都食到合桃味。…查看更多

我跟朋友各叫一碗甜品，我要紅豆沙，另加桃膠；朋友叫椰皇湯圓雙皮奶，電子落單後是先付錢，之後店員才送上甜品的；這個我不介意因為可能人手不足問題。甜品上枱，一碗熱紅豆沙內一粒紅豆都沒有，另外桃膠是另上的，從未食過沒紅豆的紅豆沙，即使超市外賣包裝的都會有幾粒紅豆，真是名副其實的紅豆沙；而朋友的椰皇甜品，椰皇殼很熱但裏面雙皮奶只是常溫，味道也一般。我溫柔地問那位綁起長頭髮、皮膚白而瘦、單眼皮的女店員：你們的紅豆沙是沒有紅豆的嗎？她一面茫然的看着我：是啊！紅豆沙嘛…這刻，我認輸了。…查看更多

次次喺葵芳想食甜品都會嚟呢間店，已經回訪咗好多次，朋友一人嗌咗一份甜品椰皇桃膠燉雙皮奶呢個雙皮奶份量偏細，可以揀杏汁或者椰汁，我哋揀咗椰汁都幾濃，桃膠份量唔算多，原隻椰子咁樣都算有誠意榴槤黑糯米呢個入邊有榴槤雪糕榴槤蓉同埋黑糯米，榴槤味好重，再加啲珠珠做點綴，幾有咬口，整體以一個榴槤甜品嚟講幾出色，推薦比鍾意榴槤嘅人環境方面呢度座位比較狹窄，同埋我去嗰日都幾多小朋友所以比較嘈雜，如果想同朋友舒舒服服傾吓偈未必好適合…查看更多

我喺呢度嘅常客，而朋友係第一次嚟到呢度食。當日下午5:00喺飯前先食一個甜品，所以完全唔使等位，落單亦都係自助喺手機上面俾錢就可以了，非常方便。我叫咗我最喜歡嘅龍眼冰，同行嘅朋友點咗芒果雙皮奶同埋話佢好少會食龍眼味嘅甜品。但係兩個甜品到齊之後，朋友反而覺得龍眼冰更加出色，仲話從來都未食過咁清新同埋濃味嘅龍眼甜品。呢個甜品真係我夏天嘅至愛，但係冬天嘅時候我都會成日忍唔住，就算挨住凍都要嚟食。食得出真係用新鮮嘅龍眼同埋用咗好多材料。另外芒果雙皮奶係我第一次食，同樣係新鮮芒果甜味，雙皮奶嘅濃度十足，非常滿足🎉…查看更多

最近假期多 個人開始愈嚟愈懶但又會成日口痕想食嘢今晚我又夜晚晚想食宵夜唯有揀個感覺上健康小小嘅糖水啦到底呢個假期我會肥幾多呀── ✦── ✦ ── ✦ ── ✦ ──ʚ #椰皇雪燕燉雙皮奶 ɞ 開頭見到隻紙匙羹 都心諗大件事啦點食椰皇呀大佬 但餐廳都好細心細細個椰皇但幫你起哂側邊啲肉而且雪燕分量都算多 不過個雙皮奶就小左層皮 我會覺得佢係燉鮮奶多啲ʚ #香滑芝麻糊 (熱) ɞ 呢個我都唔識分到底係咪開粉沖個啲芝麻糊不過佢真係幾香幾滑 可以再幫襯佢── ✦── ✦ ── ✦ ── ✦ ──…查看更多

原本今日食緊堂食但想外賣俾屋企人就諗住臨走先order以免甜品凍咗，途中已經聽到其收銀女職員對其他walk in客稱已經截咗單，但同時又入咗4位walk in客人，後來得知佢哋截單時間係22:15分，但我話要落單嘅時候係22:13分。我有嘗試喺qr code order但臨埋單見到顯示嘅係堂食我就冇喺手機埋單而係直接出去cashier話要外賣，但個女職員就同我講冇辦法落單因為已經截咗單，但同時佢幫緊啱啱walk in入嚟嘅4個客人落單。點解要差別待遇？未夠截單時間點解拒絕幫我落單但又幫其餘4位落單？我質問完個職員並要求揾負責人投訴，個職員仲要用極度輕佻嘅語氣同我講: 我唔知你講緊咩！你自己揾啦！ 請問呢啲係服務性行業應有嘅態度咩？再者我原本已經堂食緊，正常臨last order都會remind返客人仲有冇其他需要，但佢完全冇做到不特止仲要係我要求落單嘅時候拒絕我。請重視職員培訓問題…查看更多

這間店的女職員服務態度非常差，完全沒有服務水準。在還有時間點單的情況下，她們也不會主動幫客人加單，服務水準有待檢討。這種態度實在讓人無法接受。如果有人考慮去這間店吃飯，請三思而後行。職員的態度極差，不僅令用餐體驗變得糟糕，更讓人不想再來第二次。我強烈建議大家不要到這間店用餐，以免失望。希望店家能重視顧客服務，提升員工的服務水平。這間餐廳的食物實在讓人失望。菜式的質量非常低，食材不新鮮，味道也很淡。還不如在家自己做飯。…查看更多

同朋友各點左椰汁桃膠雪燕大芋圓，杏仁茶雙皮奶。前者同menu 相片有很大出入...啲料少得可憐，個雙皮奶本身隻碗都細，仲要裝得果1/3 滿。咁攪法，都幾難叫人再幫襯...慳成本都唔好咁肉酸。…查看更多

同朋友飯後過黎食甜品，叫咗2款甜品。其中一款，椰汁桃膠大芋圓，點餐的圖片同實物嚴重不符，實物分量很少！椰汁死甜！另外一款椰子湯圓，味道也不好食，湯圓也很難食！座位好窄，整體感覺很差，冇下次 。…查看更多

當日中午一點食甜品，門口女店員說門口點餐或入座掃QR code都可以。 因為未能成功用電話落，問女店員，店員說未成功下單（當時她正準備送餐）送完之後，我們再問點落單，她說未比錢，就行去收銀機。 完全冇諗過幫我，當時店只一位女客人食緊野和正準備落單的我們。 …查看更多

雙重芋圓桃膠木蓮凍，份量十分滿意，桃膠口感軟軟，涼粉的份量比較多，芋圓軟QQ的，整體甜道適中椰皇雪燕燉雙皮奶，香氣撲鼻的椰子味，非常香，雙皮奶的嫩滑口感，入口即化，配合一口雪燕，非常滿足，最後吃椰子肉抹茶湯圓抹茶味很濃郁，內裏的抹茶醬比想像中的更甜，吃多會膩食評環境 9/10味道 9/10服務 9/10衛生 9/10性價比 9.5/10人均消費$40-$70店名:Almond地址: 葵芳新都會477-478號舖電話：9602 8135…查看更多

綠茶流心湯圓，一咬開真係有流心效果，味道方面特別，沒有綠茶的苦味，湯底係桂花味，出奇地非常夾，湯㘣有種芝士香濃綠茶味，期待榴槤味嘅湯圓。杏仁汁燉蛋白，很滑很重杏仁汁味，真的很好味🤤…查看更多

這是暫時我在香港食到最好味的杏仁茶。今次我叫了杏仁茶燉雙皮奶，杏仁茶很好味，雙皮奶也很滑，再加兩粒抹茶湯丸，抹茶流心餡也夠多和濃味，喜歡他們採用清淡的桂花糖水。請留意，店內事先付款的，如果自己用QR code點食物，可直接在Apps用電子支付，如果用八達通付費用要到櫃面點食物及付款，這繳費方式指示不太清晰，不少人在用QR code網上點食品後，才發現如要到用八達通付款，需要到counter重新點食物。…查看更多