李錦基越南餐廳 (已結業)

小弟首次執筆寫食評，皆因不吐不快之故。昨晚同家姐點了香茅豬扒湯河及撈檬各一客，豬扒全無香茅味，肉質又鞋又柴，又有點過咸，好似隔夜食淨咁，舊肉連普通茶記的炸豬扒都比唔上，感覺十分無癮！就算嗰碗湯河其實也好一般，河粉略嫌淋了一點，連加一實收百六蚊，食物質素完全對唔住呢個價錢，印象中我已經是第二次幫襯，如無意外應該唔會再有下次，免得又再中伏。昨晚因除夕關係，好多食肆提早打徉，去食呢間似乎真係命中注定！…查看更多

李錦基真係賣好多廣告，一開個電視就見到佢。住咗附近咁多年，梗係點都試吓啦。佢喺窩打老道渣打銀行隔離，真係好易搵，地點都好方便。入到去就覺得係普普通通嘅茶餐廳，完全覺得冇咩特別，諗住試完個小食就走。我自己一個就叫咗個炸蒜蓉牛油雞翼同埋叫咗個蝦仁豬肉卷。蝦仁豬肉卷味道都好唔錯，隻蝦都仲係好彈牙，豬肉味唔係好重，佢裏面有啲青瓜紅蘿蔔絲，咬起上嚟好多餡喺個口度，口感好豐富。炸蒜蓉牛油雞翼就等得比較耐啦，佢有4隻，估唔到咁大份。每一隻都好大隻而且好脆口，咬落去啲雞又喺個口腔到爆曬出嚟，即刻要搵張紙巾墊住個下巴。唔係誇張，真係好多油飛出嚟，原來都真係幾好食。不過一個人食，食唔到好多，有機會再向大家推介。…查看更多

今日姑仔提議去‘不漏洞拉’(李錦基越南餐廳，窩打老道65號地下D舖)午餐，佢話好耐以前見到老闆賣廣告已經打算去試，而我就係第二次到訪此店。店內座位尚算寛敞，環境衛生比合格高分，食物保持水準，價錢合理而份量亦足夠。我哋三個人叫咗三杯椰汁綠豆蓉冰，值得推介；姑仔想食茄汁牛腩湯河，我就鍾情扎肉拼蒸粉包及生牛肉湯河，最後加多個咖喱雞麵包；以上份量三個人都食唔晒。小插曲：今日用餐有幸由老闆親自上飲品，我就即時要求合照以作留念。✌🏻…查看更多

海南雞飯其實係白切雞飯，豬頸肉飯得四塊豬頸肉，仲要冇汁，擺明搵傻仔，連埋兩杯涷飲，夠胆死收二百二十幾蚊，呢間嘢再係咁做落去，睇嚟一定好快會發達，而家諗起呢間嘢，真心要講句，冇下次…查看更多

呢間嘢真係算把啦，海南雞雞其實就係白切雞飯，豬頸肉飯仲離譜，得四塊好薄嘅豬頸肉，仲要冇汁，連埋兩杯凍飲，夠膽死收人220幾蚊，擺到明搵傻仔，呢間嘢再係咁樣做落去真係好快會發達，真心講一句，冇下次。…查看更多

咖喱非常入味，咖喱汁點法包一流，有牛腩和雞可選，牛腩很嫩，牛筋够淋。蔗蝦鮮味彈牙。春卷很脆，新鮮炸的。粉卷都不錯，函料很香，粉皮有咬口。牛肉粉都好味，湯底濃，牛肉新鮮，粉都夠滑。價格算平，服務都 ok, 值得推薦。…查看更多

經常搭車經過加上在深夜常見到李錦基廣告，終於特登去食一次。我哋3人叫咗1個2人餐($358），加1個扎肉雞絲炒檬粉，1條法包，連加一盛惠$509。 其實呢個價錢唔係貴，可能地段問題，如果街坊生意就偏貴。😋…查看更多

話說旺角兩間越棧都執咗之後又想食牛肉河，便行咗去李錦基，平日下午兩時大大間餐只有我和另一枱客，都即管叫碗河粉試試。侍應問飲乜，再話冇餐跟要散叫… 碗粉都索價78蚊就唔再叫嘢飲住。話說咁喜歡河粉係因為以前在Melbourne唐水街真係好鍾意食，8蚊澳紙足料湯頭甜美河粉滑。在香港吃過地道越南菜館和比較平民嘅越棧其實都好高質起碼4星。錦基的粉較厚牛肉鞋個湯很油而且貴，仲要冇比鮮芽菜。埋單時發覺仲要加一，嬲咗，嬲自己點解咁多好嘢食唔食要行入去 …查看更多

10月份出左消費劵諗住同屋企人去食餐好 D , book 左呢何文田呢間越南餐廳, 主要係老媽子想食下, 加上都開左好多年, 按道理應該唔會差既, 入門口時都已經望緊睇下佢會收咩既 payment, 但就咩都搵唔到, 問一問先知, 原來只收現金, 講真今時今日多幾個人食餐飯都一千幾百, 下下要俾現金, 真係幾落後, 再加上疫情關係, 自己都好少用現金埋單, 但既然來到又唔想掃興, 唯有安排好屋企人坐好之後, 就出來附近銀行㩒 cash 睇左一輪餐牌, 最後揀左個 6人餐, 5個人食就一定足夠啦, 首先來個雞絲沙律, 普普通通無驚喜, 跟住係扎肉蒸粉卷, 個蒸粉卷皮滑夠熱, 味道唔錯, 再來法式牛柳粒, 幾香口, 牛柳粒做得幾夠味唔會老, 跟住係蒜蓉牛油焗青口, 好香口又夠熱, 但就稍為有 D 咸, 淡少少會好 D ,  燒豬頸肉都一樣好香口, 肉質剛好唔老, 再上係咖哩雞麵包, 咖哩都算香, 但味道有 D 淡, 同埋係唔辣, 馬拉盞炒菜味道一般, 以上食物來齊就係差最期待既燒倉魚, 結果都食得七七八八, 再問下先知一直燒緊未燒好, 就更期待會唔會係最好食既一樣, 再等多成 10分鐘, 終於上枱, 燒得好香, 蒜味好濃,  魚身舖滿香葱油,  如果唔食葱既就大件事, 好彩我地各人都好, 第一口食落係好夠熱好香, 再食多口就開始覺得咸, 起初以為係有葱油位置會比較咸, 但再食落去就發覺應該係成條魚既製作係比較咸, 雖然肉質好滑好鮮, 但太咸既情況下, 加上係最遲一道菜上枱, 結果只可以食到一半就要放棄, 都幾失望…查看更多

有一次同媽媽起旺角睇完醫生，佢同我講佢想食某個電視台見到嘅廣告嗰間咖喱餐廳，諗咗好耐都唔知邊間，最後先發現原來係喺何文田呢間李錦基。餐廳主打應該就係咖喱啦，我哋叫咗一個咖喱牛腩，咁就加咗一盒發包用嚟配咖喱食，咖喱味香濃，牛腩份量都唔算少，牛腩都炆得幾入味，同埋都幾淋。我哋仲叫咗一個米紙卷，但係呢個質素就真係麻麻哋啦，感覺只係食緊一卷好奇怪嘅嘢，我哋仲叫咗一客香茅豬扒，佢嘅豬扒都係好入味同埋好香口。如果大家鍾意食飯嘅話其實佢都仲有唔同嘅客飯可以選擇…查看更多

上個星期六晚，去睇波之前食個飯先。記得近巴士站有間越南餐館。今次係第三次定第四次去食。第一次同幾個朋友去食，啲味道都可以。對上兩次自己去食碗湯牛河，都已經係年幾前嘅事，記得啲味道都已經退步咗。今次再嚟，食咗個海南雞飯，簡直係垃圾。雞完全冇味，就連雞嘅味道都冇，煮得又老。啲油飯大部分硬到如生米。而個雞湯又太咸。味道咁差嘅海南雞飯餐都係第一次食到，仲要俾八十蚊，下次去附近間茶記好過。間舖啲味道每放越下，以後唔會再去。…查看更多

李錦基越南餐廳，其實由細食到大。不過越食就越貴。一碗火車頭河粉要$82，香茅豬扒飯要$73，越南春卷要$78（共5條）全部唔包飲品。火車頭河粉湯底正常，份量充足，內有牛腩牛丸生牛肉牛柏葉的全牛宴。豬扒飯豬扒份量都大塊充足味道好味。相對越南春卷我就覺得比較貴，味道正正常常。…查看更多

旺角捐完血, 行咗去搵李錦基(唔係李錦記), 深夜廣告就睇得多喇, 第一次離到本舖, 啫咗安心出行入內坐低, 地方寬闊清潔, 目測有二十張枱左右, 一半入座率, 好快就由李錦基本尊落單:生牛治, 豬肉卷撈檬同米紙蝦卷。約十分鐘上齊三款食物, 生牛河跟青檸辣椒金不換, 湯夠熱, 牛肉河粉正常但份量一般；豬肉卷撈檬同蝦卷均跟越式魚露醋, 豬肉卷香脆, 檬粉撈埋魚露醋及配料同食, 味道酸辣可口, 可以一試；蝦卷包有蔬菜, 蝦正常size, 配上魚露醋同食, 味道口感豐富, 惜分量只有四件略嫌小了一點。埋單連加一約二百頭, 整體性價比一般60/100, 味道不錯75/100, 服務正常70/100, 可以再試。…查看更多

好想推介嘅正中越南🇻🇳粉，秋天呢，好想食湯河😻。試下呢間以前有上過電視介紹嘅正中越南粉😚我揀咗$60生牛肉湯河💕👍🏼好大碗嘅，呢6塊牛好薄嘅，肉質夠滑，而且係半肥瘦🥰個牛肉湯，好濃呀，好正中🥳我哋叫咗香料另上，因為我朋友唔食蒽，所以我哋各志落香料，河粉係幼身嘅，每一啖河粉連湯飲，好享受😻呢個越南河好食，推介呀👍🏼豬扒撈檬，好大碗，都係$68，掋食好味推介…查看更多

這店很久很久以前就光顧過，第一次光顧，店的位置在彌敦道，第二次光顧，已搬到這而來。火車頭湯河粉：湯頭清香，加入香葉、紅辣椒和檸檬汁，味道更佳。河粉很滑，可惜份量不多。除了河粉，還有牛丸、生牛肉、牛腩、牛柏葉、牛筋等食材，味道不錯。咖哩雞煲配麵包：咖喱汁不太辣，很香濃，雞也好吃。這咖喱汁好味得足夠伴上三碗飯吃，不過這次配的是麵包，這包的外皮不夠脆，有點可惜。…查看更多