權發小廚

营业中

休息中

最近經常聽朋友提及權發嘅兩餸飯，朋友話餸菜種類多，加上多人買，流量大，品質有保證😊所以每當食飯時間，店外就有一條長長嘅人龍😅買飛嘅買飛，揀餸嘅揀餸，十分墟冚😅😆琴日搞完啲正經嘢，返屋企途中咁啱經過觀塘嘅權發兩餸飯店，因為仲未到六點，唔算太多人😄諗吓諗吓決定買外賣做晚餐😄隔住玻璃望入去，餸菜選擇真係好多，一時之間真係好難做到決定😅🤣最後我揀咗通菜炒牛肉同北菇蒸雞，另外仲加多個粟米魚肚羹😆😋飯量足夠，兩餸都有水準，只係稍為油膩咗少少，但係係一個可以接受嘅程度😁至於粟米魚肚羹則有驚喜😆魚肚份量十足，羮底好濃郁，只係賣HK$22，抵食☺️😄

成日聽人講呢間好出名，平時基本唔會點食三餸飯，不過見講到咁好食，試一次啦，食完半夜肚痛😫星期五晚上7點左右，都有10個人排隊，兩個三餸，味道還好，唔太熱，白鱔好食，西蘭花好油，蓮藕重口味，鵝腸有肥膏，麻麻地，椒鹽蝦還好食完，半夜，兩個人都肚痛😂😂三餸飯真係唔啱我食，太油了………………………………………………………………………………..

They had quite a variety of dishes on the menu which was a pleasant surprise for a casual spot, I went with the sweet and sour pork, eel fish and bitter melon for 3 dishes combo. The sweet and sour pork had that classic tangy kick, with crispy batter and tender pork-pretty satisfying, though not the best I've ever had. The eel fish was a highlight - it was cooked just right, flaky and flavorful, with a nice savory sauce that didn't overpower the fish itself. The bitter melon was stir-fried with

權發一向係兩餸飯界都好出名，係性價比之王。款式多到眼花撩亂，可惜只有一人孤身作戰，未能叫更多既菜式黎試。簡左最能代表港式小炒既椒鹽九肚魚，同時都係我最愛既菜式。九肚魚本身肉質細嫩，炸漿做到恰到好處時，外層適中且酥脆的外衣，與嫩滑的魚肉形成強烈反差。吃下去時，第一口的香脆感能瞬間抓住味蕾，隨後魚肉的細嫩與濕潤感逐漸釋放，整體口感層次分明，令人回味無窮。九肚魚自身鮮甜，配合炸漿的咸香，食後不乾不澀，十分好味。

好多人都話又平又抵食. 見仲可以堂食就試一試一個叫了兩餸一個叫了三餸全部餸的調味都偏甜.招牌黑醋骨  + 蓮藕炆雞  -> 都好味. 因為肉都多，可以食得飽之餘仲可以送飯. 蓮藕脆脆的. 感覺好新鮮因為好多人叫外賣. 我見好多人餸都refill得好快~ 唔使變左又乾又柴的萭年肉.另一個三餸泰式豬扒 + 紅酒牛尾 + 北菇蒸雞 泰式豬扒好酸甜. 好開胃, 豬扒都有少少厚度紅酒牛尾就得得兩件. 份量因應食材而少D北菇蒸雞就正常發揮. 

平時出去食諗唔到食咩 ，又想食得健康啲。權發嘅兩餸飯，簡直係最佳嘅選擇，雖然佢嘅價位以兩餸飯黎講唔平，但係佢嘅質素係真係好高，食完會覺得物有所值😋▪️兩餸飯$43-菜心佢呢個係炒菜心嚟嘅，咁佢個菜心食落都幾爽口，唔會太腍又唔會太脆啱啱好同埋食落去就冇乜渣👍🏻-蓮藕📌推薦！！呢一個蓮藕炒雞幾乎係我每次都會嗌！！多數嗌嘅時候都會叫職員俾多啲蓮藕我，少啲雞😂因為我覺得佢嘅蓮藕係非常之出色！呢個蓮藕呢好爽脆同埋好入味，辣嘅程度啱啱好令到味道更上一層樓 😋佢嘅雞其實都出色㗎，但係呢因為蓮藕實在太好味啦，所以會focus咗係蓮藕度🤪

#20250503 🤍📍 #權發小廚觀塘成業街16號地下A號舖 🍽️銅鑼灣｜佐敦｜油麻地均有分店➖➖➖➖➖➖➖➖➖➖➖➖➖➖➖➖➖#三餸飯 $53 🥢 #枸杞火腿浸莧菜 #豉椒炒鵝腸 #欖菜肉鬆四季豆 💭 呢間野講到話係兩餸飯既天花板，當然要試一試😏款式係多既，但十幾廿款餸入面綠色蔬菜既比例佔得太少，莧菜比較少見，無浸到淋晒抵讚，反而覺得四季豆可以淋啲，依家咁樣有啲生😅鵝腸處理得幾好，完全無怪味，入口爽脆，而且有好多條好抵食😗.#三餸飯 $53 🥢 #泰式豬扒 #豉椒炒大蜆 #蒜香椒鹽骨💭 堂食個兜如果裝大件野唔會裝得好多件，炒蜆連殼就更加唔抵，可能人人都咁諗所以無人叫，結果兜蜆無機會refill就變左攤凍晒🙈豬扒同蒜香骨都香口，食落啖啖肉，雖然唔多件但絕對夠飽，因為兜飯勁大兜，overall係唔好當佢係兩餸飯，有位坐有冷氣當佢係茶餐廳咁會比錢比得甘心啲😎.

買了兩個兩餸餐。 收銀處的員工態度差極，問多句都west面，但照試下。有多款菜式供選擇，欲考慮下乜餸時，員工十分冇耐性，只想我們盡快决定。由放份量極少，吃元要去鄰店再食。雖然只43一位，但份量值25。如要醫肚，要另作考慮。味道方面，普通。店內有進區，尚算足夠但dirty。但因禍得福，由於不夠飽，用39蚊去附近另一店再食過下午茶，味道及份量更好。十分後悔去了這權發吃一頓垃圾。可能官塘上班一族，只救方便及快才去幫襯

長期排長龍的兩餸飯 油麻地佐敦都有分店值得一讚係觀塘店收銀姐姐好好人😁服務態度好好👍🏼👍🏼👍🏼冬天限定生炒糯米飯 ($58)一盒睇落唔係好多但係超飽都算足料 味 花生 蛋仲有冬菇好粘 食落都少少油油地 不過夠味食完個人真係暖哂胃 勁飯氣攻心🥱另外都叫左個淨餸 ($53)可以揀兩個餸 揀左西蘭花蝦球🍤蝦球幾大隻 彈牙 另外係蒜香骨炸得好酥脆 好食😋

今日Lunch同同事去權發小廚買咗兩餸飯($53)，揀咗魚同西蘭花蝦仁。成個餐整體正常穩定，味道冇問題，但可能食得太多次，感覺開始有啲悶。食品部分倉魚：魚煮得幾新鮮，調味唔會過鹹，入口滑溜，算係一般兩餸飯會出現嘅水準之上，無功無過。西蘭花蝦仁：西蘭花焯得啱啱好，仲有啲爽口，蝦仁唔算大，但勝在嫩滑，仲帶啲鮮甜味，配埋白飯食係幾滿足嘅。不過呢個餸太常見，無乜新鮮感。⭐食品評分：3.5/5環境與服務由於係買外賣，環境同服務冇咩特別可以評論。佢哋出餐速度算快，份量亦算合理，但冇太大記憶點，屬於一般快餐嘅正常水平。⭐服務評分：3/5總體感受權發小廚兩餸飯食落穩定又正常，無論魚定蝦仁味道都合格，但冇太多驚喜。成日食同一間確實有啲悶，如果你喺附近想搵個穩妥嘅選擇，佢就係唔會出錯嘅答案，但偶爾都應該換換口味試新嘢！⭐總體評分：3.5/5

叫左$58 3餸飯，見咁多人排隊所以都想去試下。菜式的確好多而且望落都唔錯反而要諗一諗要揀食咩好。最後排到先知鱔會當兩個餸所以都唔緊要怕阻到人就叫左鱔同海鮮豆腐蒸蛋。份量得5舊話好食都算，但係鱔味道比較淡，比起其他兩餸飯鋪頭仲少反而人地仲平。不過講起淡都唔夠呢個海鮮豆腐蒸蛋既味道淡，淡到好似水咁。同樣，份量都係好少，而且都唔會值得呢個價錢。至於員工方面都唔洗講，一開始話要兩個三餸飯，結果收銀好心急問多次要咩，重覆多次又話知道咁我地係米要兩個三餸飯，冇野搵野話咁。入面啲姐姐當然都唔洗講，人多心急緊張明白，但係唔耐煩等等既情緒放曬上面，地方嘈大家聽唔到大家講野就好容易激動，雖然最後都冇咩特別，相信佢地都係太忙先會有咁既態度。最後都係番去食物味道同份量方面，希望可以盡量改善下，而可以值番呢個價。

據聞權發小廚的兩餸飯向來菜式選擇多，每日提供30款以上小菜，更不時更換菜式。權發最近於觀塘設分店，終於有機會一試。點了一盒三餸飯 ($53)及幾款小菜 ($53/盒)。三餸飯的配搭是欖菜肉鬆四季豆、涼瓜牛肉及魚香茄子，四季豆爽脆帶欖菜香，送飯夠開胃！魚香茄子微微鹹香，帶輕微的辣。三款餸都好適合用來撈飯。另點了5款小菜，兩款清淡點的，適合家中長者食用。 豉汁蒸䱽魚，兩條䱽魚蒸得剛剛好，啖啖肉，魚肉嫩滑，豉汁調味恰好，不會太鹹。翠塘豆腐，即豆腐蝦仁蒸蛋，清淡得來不會淡茂茂，滑溜的豆腐及蒸蛋，長者容易吞嚥。點了咕嚕肉的同時，也點了秘制黑醋骨，兩款都是酸酸甜甜的，醬汁滿滿，各有各食法！酥炸椒鹽魷魚鬚，可能外帶回家需時的關係，炸粉有點軟稔。觀其賣相，炸粉不會好厚，魷魚鬚份量亦很多，相信可以趁熱即食會更不錯。長者可以有合適菜式吃，年輕一輩也有合口味的餸菜，菜式選擇實在充足，味道也不錯啊！

經過觀塘權發，順便買外賣做晚餐。下午兩點幾，當時外賣客吾多，堂食客坐滿三分二。一眼望見最鍾意嘅蒸魚，仲竟然係斑仔！鱔都係首選…一於兩盒雙魚飯。63蚊一盒，一條魚加6塊鱔肉，好抵食。斑仔無乜味，靠個甜豉油煮將佢還魂…好味！鱔魚用好多醬料拌勻再蒸熟，肉質彈牙，惹味好送飯；不過幾油！偶爾一餐不為過。只係白飯質素稍為遜色，好削。主打優質商務飯盒，餸好食外，米飯質素也應改善一下。

有日我下妟三點去買飯就好地地，閒時間吖嘛！炒麵加鱔片都 $68 架，鱔片正常發揮，炒麵偏甜。第二次一點半去到，我眼見就唔多人嘅。你忙完你嘅事吖攞啲客黎趷黎西，遲一秒講餸都窒住晒，話我黎睇乜乜乜，黎買個飯啫短短幾十秒嘅交流都可以咁樣，老實講價錢唔係特別平，兩餸飯水準係唔錯，但唔值得俾你啲咁嘅十九員工duc囉 😒。同行同事覺得無問題 🤷‍♂️，唔怕受氣可以去，係呀！幾十蚊買個飯唔係要求咩態度但唔係咁樣西法囉 😒。要我繼續幫襯去養住呢班人真係唔會，觀塘無選擇咩，超 😎再者，初時唔知好似人龍不斷，實情係排完收銀再排飯，人龍係做出黎俾大家睇 🙈😏

牛腩完全唔掂，又乾 又硬 又鞋，根本食唔到。買咗三個餸，有兩個都ok，牛腩真係離晒譜，依個價錢我會去番牛腩麵舖頭買。想試依間蘿蔔牛腩可以慳番，超級難食！！真係好差嘅體驗，平時都唔會留食評，唔想其他人中伏。