札幌拉麵 Miso No.1

营业中

休息中

星期六下午去荃灣玩，呢個商場食肆唔算多選擇，突然想食辣，印象中有間食拉麵既，所以幫襯下先人流都尚算可接受，等左大約10分鐘就有位。一睇個餐牌，嘩星期六都有午市優惠，一個拉麵再加一份小食先係69蚊！而家好多拉麵店都成100蚊一個麵好誇張，仲要冇小食冇飲品…叫左個辣豚肉拉麵試下，湯底有驚喜！濃稠既豬骨湯味，甜甜地但唔肥膩。加上我本身中意食辣，冇諗過佢辣度都比一般而言辣，好食！唔洗另外加七味粉都夠味另外幼拉麵軟硬度係偏硬，都係我中意既口感！整體來說呢個價錢同質素係超岀預期，可以再食。

好耐之前喺尖沙咀一間拉麵店，食過一次牛油拉麵，印象中都好似都係扎幌No.1，但嗰陣食嗰時，係日本人老闆，嗰間好好味，一試離忘。今日經過見到，又有牛油拉麵，梗係試吓。不過，呢間就一般啦，湯底冇其他拉麵店咁好味，感覺好似超市買嗰啲拉麵，用粉開嘅湯底，麵質都還ok，嗰兩片肉，還可以啦，但係舊竹筍就鹹咗啲。我叫咗個午餐set，加咗個細牛肉飯，個飯反而唔錯。說實話，個細牛肉飯仲好味過個拉麵。不過，個飯好似係同旁邊間店聯營，下次會試吓旁邊嗰間日式咖哩飯。

經過荃灣商埸/食肆林立, 真想搵間靜少少無咁人,走到荃新天地二期, 位於樓上近角位,居然有發現 !札幌拉麵...枱距闊, 坐得舒適兩人分別叫左拉麵同埋凍凍地食就一流嘅壽喜燒招牌牛油拉麵貌似簡簡單單, 只有一粒牛油及兩片叉燒, 但味道反而突出, 豚骨湯味濃加上牛油嘅香味為全碗麵都生色不少,  而叉燒偏瘦, 本身怕肥怕膩的就可以大啖入口, 麵質彈牙~而壽喜燒就大陣仗得多, 本來的鍋已經放得滿滿, 本人習慣先將鍋內的蔬菜先拎番出黎, 否則完全無位食肉本身跟有豚肉, 另外加配牛肉, 牛肉偏瘦, 油脂較少; 而豚肉較優勝, 既爽口又帶甜。另有追加配雞蛋(浸牛肉令其更滑嫩)及泡菜為主菜增加味道層次感~ 少少一鍋有大量配料已經值回票價! 還不缺的烏冬同日本啤酒,  滿意

落左單等極唔送餐，原來肥肥地男人跟漏單玩手機！浪費食客時間零補償，沒有道歉也不當一回事，對客人十分不尊重，令人失望的食店。食物又不是便宜，早知海之戀食好過！失望！

Boxing day那天和友人看完蜘蛛俠不戰無歸就去這間荃新天地2期的札幌拉麵光顧，由於看完戲後已經是3時左右非常肚餓，馬上下單叫了牛油拉麵餐及白豚拉麵餐，是一位略胖的男侍應負責下單，除了吩咐要的熱茶外就一路沒有食物奉上，亦因為之前侍應曾說其中一項小食多春魚制作需時，所以未有意識到漏落單，直至發覺開始有不少客人吃完離坐，才發覺可能會漏單，即時再通知女侍應跟進，雖然她即時通知廚房趕制及道歉，但我們在這刻還要等待多10幾分鐘才有食物來，雖然味道不錯，有部份食物也沒有心情拍照，等了一個小時有多才有得吃，所有服務都會打折扣，再加上沒有任何補償，令到我們未來都不會再光顧！

今日我和朋友去了Cube O Discovery Park參觀，中午就在附近商場吃飯，看到這間的拉麵和各式定食款式多元化，而且價錢親民，場內亦爆滿，需要等一等。位置：不是太近地鐵站，不過可由地鐵站穿過商場到。環境：面積不算大，門口正中位置是拉麵工作枱，座位佈置在左中右，雖用玻璃窗作牆身，但身處在商場內，都沒有景觀可言，不過顯得光猛明亮，木桌木椅，裝修如同一般拉麵店。服務：上菜很快。午市：午市自選拉麵套餐$69白豚拉麵配熱檸檬水（加5元）奶白的豬骨湯底，麵量適中，幾片的叉燒、木耳絲和荀片在麵上，整體味道不錯，湯底夠香濃，肉軟身，不過有點柴口，算正常發揮。漢堡扒定食配熱檸檬茶$75這個定食特意叫少飯，但份量依然豐富，有前菜：半隻滷水蛋和粟米蕃茄仔；麵鼓湯；六小塊的手打漢堡，不是街邊買，口感有點像肉餅，較軟綿，醬汁是甜醬油，挺好吃的。吉列流心蛋豬肉餅 雖然份量小，但見到流心蛋黃流出來，賣相很吸引，而外皮炸得香脆薄身，即叫即炸，熱辣辣，所以都等一等才吃，否則怕燙到嘴。可見到餡料有兩層，一層流心蛋和豬肉，配在一起吃，很驚喜，這個小食必吃，但得推介。

荃灣不嬲都有好多好嘢食今次就去到荃新天地覓食啦喺荃灣西站行過嚟都好近好方便餐廳環境潔淨光猛座位闊落坐得舒服除咗有拉麵之外仲有好多唔同嘅日式食品 有丼飯 烏冬 燒物 定食 咖哩飯 便當等等食物選擇超級豐富呀自選一人套餐 $89一人套餐可以揀一款拉麵或者飯再加一款小食海老拉麵 +$10有兩件海老 大大隻食落彈牙夠新鮮除咗海路仲有好多唔同嘅配料有一大Pat 櫻花蝦 豚肉 筍 同埋黑目耳面底軟硬度適中 食落煙煙靭靭豚骨湯頭濃而不咸 櫻花蝦加添咗湯底嘅鮮味吉列流心蛋豬肉餅 見到流心蛋黃流曬出嚟賣相好吸引即叫即炸熱辣辣外皮炸得香脆唔會太厚流心蛋半溶好味豚肉壽喜燒鍋定食 $68牛肉片 +20天氣咁凍食個壽喜燒就啱曬啦有個爐熱住慢慢食壽喜燒有豚肉 娃娃菜 豆腐 紅蘿蔔 蘑菇 金針菇我仲額外加咗牛肉 材料都好新鮮湯底好清甜Sapporo $30波子汽水 $22Menu:

荃灣有咁多個商場，行到攰當然要坐底食碗麵😊，今次就去咗《札幌拉麵》午餐有齊拉麵、小食同餐飲，而且價錢親民👍🏻！赤豚拉麵份量唔會好大碗，最愛豚肉肥瘦適中，湯底豬骨味帶微辣都幾惹味，拉麵又爽口，整體不錯👍🏻！海老拉麵兩隻大蝦和濃濃蝦湯，而拉麵每一啖都沾上大量櫻花蝦乾，提升了整體的口感和味道，好好味😋😋！芝士年糕／北海道南瓜炸薯餅即點即炸脆卜卜，芝士濃郁，年糕軟綿綿，最佳配搭😊！而南瓜餅亦真材實料，啖啖南瓜蓉，真正外脆內軟😊！

No1難食既拉麵。個麵煮到口感奇怪，🥶🥶🥶🥶湯底完全沖味精粉既拉麵。應該係話味精拉麵都好食過佢。😤😤😤😤😤然後加隻溏心蛋，呢隻真係溏心蛋？🙄🙄🙄然後間舖有陣怪怪地「縮」味。🤮🤮🤮🤮🤮食開拉麵對拉麵，有要求既真心唔好試，一定後悔。不過對拉麵無要求，想價錢平既話麵可以一試既🤭🤭🤭🤭🤭🤭🤭🤭🤭🤭🤭🤭🤭呢間野再一不可再。🥲🥲🥲🥲🥲🥲🥲🥲

【 二人套餐好抵食 】🍚係荃新天地行完街，又係時候揾餐廳食dinner，仔仔話想食拉麵，我哋選擇去札幌拉麵，因為見到餐牌上有二人套餐，可以揀2碗拉麵或飯，再加3個小食，雖然唔包飲品，但都幾抵食。🍲海老拉麵內的櫻花蝦好香，令湯底更顯層次，仲有兩隻大蝦都幾好味。🦀蟹肉棒拉麵，有4條比較細條的蟹肉棒，配料有半熟蛋，紫菜，粟米和葱，多種配料令口感更豐富。🦑燒魚餅和炒魷魚鬚都整得唔錯，好啱小朋友食。🥩燒牛舌即叫即燒，炙燒後都能鎖住肉汁，好好味。🍙我哋另外加咗一個牛肉丼飯，牛肉有好多，夠薄身易入口，飯的醬汁令人好開胃。

蘭州拉麵 扮札幌拉麵 ... 佢啲黑蒜油好似 楚河漢界 , 水同油分開 , 似公仔麵湯底。塊叉燒好 好似煲完湯之後嘅豬展。日式餃子好似水煮完之後煎兩吓咁，餡料唔好食。牛舌尚可，薄， 可以放入口。 豬扒蛋飯正常， 不過豬扒冇乜味，唔好咁期待。伏 , 嘥錢

荃灣出名是美食天堂，好多唔同種類野食。今晚同朋友去食下日本野。荃新天地呢間拉麵店。見到個餐牌都幾抵食。可以散叫或者叫套餐，有一人餐或二人餐。叫套餐都幾抵食，有一個拉麵或飯，再配一個小食。而二人餐就有三個小食再加兩個拉麵/飯。跟朋友決定點了一個二人餐。其實餐牌內都有好多唔同小食、拉麵款、飯款，所以都揀左一陣子。最後點了三款小食同兩客拉麵。野食上餐速度都幾快。首先講下小食類，我們點了吉列蝦。吉列蝦炸到金黃色，好香脆好吸引。一咬下時，脆開的，清脆既聲音，中間蝦肉爽口，唔錯唔錯。吉列蝦一共有三隻。食完一款，下一款小食又好快到了，呢個自家製餃子都好好味，外皮好煙韌，入面餡料都好豐富好吸引好好味，而且都幾多汁架。唔錯，呢隻餃子好飽滿所以都幾飽。最後呢款小食都好吸引，係燒雞翼串及燒雞軟骨串。每款各有兩串，味道好正，上面有少少鹽，吃起來仲滋味。雞翼啖啖肉又香，雞軟骨口感一流。呢d小食真係好好味。之後主角拉麵到了。呢一碗牛油拉麵上面放了一舊牛油，我把牛油融於湯中，湯底即時愈來愈香濃牛叫油味，好香甜。湯底又香甜又香牛油味，拉麵麵質較為粗身，好好咬口，又爽口，唔錯。仲有兩片叉燒，啖啖肉。正。另一碗是泡菜拉麵

星期日去食嘢間間都排隊唯獨呢間唔使排一入去就知點解個個員工都好似食咗火藥咁尤其係個男職員 簡直生人勿近抱住失望嘅心情叫嘢食又估唔到呢嘢食唔係咁差首先揀咗赤豚拉麵🍜豚肉夠瘦 湯有辣味跟餐可選小食其中一款係餃子🥟餃子🥟熱㷫㷫 味道可以😌另一款揀咗雞軟骨估唔到比想像中好食最主要係夠熱 啱啱燒起好似串燒鋪嘅鹽燒咁 有驚喜

傍晚去修車，從車房出來，才發現原來我已很久沒到訪這商場，娘娘說：「不如在這裏吃個便餐？」女人會這樣問，即代表她很想！好吧，諮詢了openrice，便到這裏來 ...本來很不想吃麵食，因為正在“戒澱粉質”，但在這裏，總要點一個招牌菜，所以還是點了這“白豚肉叉燒拉麵” ... 幸好，叉燒很嫩，麵也有咬口，湯底還算鮮美，沒有太多“師傅”，合格，這晚的破戒還算值得。第一個小食“炒魷魚鬚”上桌了， 但最直接的感覺是，“中伏”，碟頭超細，跟一般粵菜點心“酥炸魷魚鬚” 的個頭差天共地， 這四十來塊的小食，完全不值，而味道呢，一般，不是不好吃，但可欣賞或有驚喜的只有碟中那幾塊蠻香的炸蒜，還是這句，不值！最後一個小吃，“炸廣島蠔”， 不錯，炸得很好，蠔肉還很juicy。

札幌拉麵 Miso No.1主打札幌拉麵 & 各式定食款式多元化、價錢親民而且經常有優惠推出🎌二人前優惠套餐（$228）有得自選兩款拉麵/飯 + 三款小食分量足夠食飽飽款式亦夠多選擇🤩幾抵食.❀招牌牛油札幌拉麵作為日本三大拉麵之一「招牌牛油拉麵」其實係白味噌湯底配上半溶化的牛油增加湯底順滑度配料豐富油海帶、粟米、荀🥳叉燒片入口質地唔錯最重要無乜肥膏😈加啲七味粉🔥更惹味.❀吉列豬扒奄列咖喱飯吉列豬扒炸得脆卜卜、賣相幾靚仔咬落去肉汁唔算多但係唔會乾爭爭蛋奄列滑身而咖喱汁偏甜唔辣配白飯食話咁快就可以清晒🍚.❀小食：餃子算正常發揮嘅日式餃子揀佢因為抵食一客已經有六隻餃子皮夠薄🥟餡都幾多菜我中意.❀小食：雞翼兩串 + 雞軟骨兩串串燒燒得幾香脆乾身加入少少檸檬汁減低油膩感覺🍋.❀小食：炒魷魚鬚RN表示炒魷魚鬚最有驚喜❗️蒜片炸過之後超級香口魷魚鬚份量好多調味料做得唔錯非常入味👍🏻.不得不提呢度職員服務態度好好佢見我杯茶涼左會主動提議換杯熱茶夠細心亦都非常勤力經常留意在場食客有冇舉手值得一讚👏🏻好少店舖嘅店員有咁嘅服務態度