札幌拉麵 Miso No.1

今次為大家介就係呢間札幌拉麵，其實呢一間店雖然經過左幾次,總於就去左一試，入到去環境唔錯，侍應服務好好同有耐性等左一陣睇埋餐牌，就叫左個豚肉拉麵。雖然等餐時間唔洗好耐個麵既口感唔會好硬偏向適中，湯既味道好濃，豚肉入口好軟熟不會好油膩建議大家可以試下。

今日行經荃新天地 心血來潮想食拉麵 🤔聽朋友講有間佢話不錯的拉麵分店在這附近 好彩已過午飯時間唔洗等就入得 這裏的拉麵價錢對比起其他拉麵店底又大碗 單點拉麵平均只係60～70 $ 🙂🍜因為我有選擇困難症😅 我就點左雜錦拉麵 一次過滿足我三個願望😂麵條彈牙🍜🍜 豬軟骨又夠淋 螃蟹同叉燒都不錯👍🏻👍🏻 平價拉麵有這質素👍🏻👍🏻👍🏻 P.S.下次一定要試下個豬軟骨拉麵

同男友見到札幌no1唔多人排,甘去試下。叫左2份85元單人套餐。1.泡菜叉燒拉麵+雞軟骨肉棒雞肉棒好像用微波爐叮。因為唔太熱。味道適中,食到一粒粒雞軟骨2.叉燒拉麵+餃子湯底愈食愈咸,麵好咸。叉燒一夾就散,好像煮左好耐,浸到冇晒肉質。味道一般,普通煮肉味。餃子又係好咸,入面肉質林bagbag我聽到旁邊情侶都講太咸。唔好食。食餃子前小插曲,就係侍應發現有客人枱面出現應該屬於我的餃子。回收餃子後沒有換新一碟就直接俾我。如果我唔係睇著佢動作,我分分鐘食人口水尾。佢俾我識穿只好笑著講幫我換,講真入到廚房,你有冇換我真係唔知,但唔好俾我見到囉。直頭離譜!! 店入面有閉路電視影著,唔係吹水。我為我健康著想,應該唔會再食。因為太咸。個刻只想食完快走,所以忘記冇影相。

和媽去了這間拉麵店吃晚飯。食物種類不少，有沙律，小食，拉麵，飯！點了$192的二人套餐，已包2碗拉麵+3個小食，價錢合理。媽媽點了豬軟骨拉麵，我則比較貪心，點了雜錦拉麵。雜錦拉麵面質非常爽彈，口感比我想像中好吃！而湯底濃郁得來又不會咸。而豬軟骨也很腍身，煮得入味。日式叉燒大大塊，還有蟹柳和很多很多昆布不過隻蛋是全熟蛋，如果是溏心蛋就perfect嚕 豬軟骨拉麵有3大件豬軟骨，十分豐富！小食點了1）招牌自家製餃子：餃子外皮不會很薄，煎到十分香脆，而且每隻都脹卜卜，包著豐富的豬肉餡料。2）燒牛舌：一客8塊，牛舌的牛味不算突出，而且比較多油，不過燒得尚算爽口。3）北海道南瓜炸薯餅：本身不打算吃煎炸食物，但一向吃得健康清淡的媽媽竟然表示menu圖片太吸引想點一客試試，那就點一客吧！本身我對它毫無期望，因為它根本不是店內招牌，也沒有見其他人介紹，誰知出乎我意料之外，它十分好吃！！！！！！炸粉不會太厚，外層炸得香脆可口，全個金黃色又不油膩，入面是軟棉棉的南瓜蓉及薯味濃郁的薯蓉，一客4件，必點。每人食了$100，就能食到如此豐富飽肚，抵食！

餐廳座位舒適，侍應的招呼及服務態度非常有善，食物價錢不算貴，百幾蚊就可以2人餐，食到飽晒有麵，有飯，有小食任君選擇今次選擇了鰻魚飯 ，尚算ok,味道亦係鰻魚燒汁, 甜甜地夠晒有味份量亦足夠店鋪主要是拉麵為主，當然要必試，選擇了豬軟骨拉麵，豬軟骨軟硬適中，有口感，湯底唔會狩咸, 清清地有豬骨味非常夠份量，不會因為set而份量減少。

位於荃灣的miso拉麵店，今天放工有空和媽媽來吃。本人是拉麵控，所以都對拉麵有所期待！餐牌的食物種類不小，有沙律，小食，拉麵，飯類都有！晩餐時段來，人客不小。服務員非常忙碌。點了$192的二人晩餐，各補$15食貴一點點的拉麵！套餐包三小食，二碗拉麵，十分豐富！北海道南瓜炸薯餅$55外脆內軟的薯餅，是我最期待的小吃。金黃色的南瓜蓉，甜度足，帶濕潤感！非常喜歡！配上沙律醬，減小油膩感。自家製餃子$50薄身的餃子外皮，帶小小焦香，更為香口！豬肉餃子足味，不用點上醬汁也可！雞軟骨串雞翼串$45雞軟骨的軟骨咬至卜卜脆，軟硬適中，不會過硬。雞翼有點調味不足，但切半而燒，方便進食。雜錦拉麵+$15當中包括叉燒，豬軟骨，蟹棒。豬軟骨是配菜中最好吃的！肉軟腍入味，軟骨軟硬剛好，非常推介。麵質粗身，弓麵也彈牙。味噌湯底極為濃郁，個人喜愛濃郁湯底，飮了一大碗！

今日去左荃灣荃新天地~~~估唔到呢度開左咁多餐廳最後我地揀左好多人等候ge札幌拉麵雖然話好多人在等候, 但我地都好快就入得~因為佢裡面都幾多位, 而且又有人走~haha~我地叫左d 套餐 (拉麵+小食)螃蟹拉麵~蟹棒很彈牙~湯底好入味~麵條軟硬適中小食配了雞翼, 燒得很香, 加埋檸檬汁便很正朋友點了雜錦拉麵~~小食配了炸豆腐~呢個小食要好小心去炸, 如果唔係好易散味道夠清淡, 唔會好油, 但因為佢炸過, 外脆內軟, 又同一般的炸豆腐很不同另外我地仲點多左2個小食蝦鍋貼~5隻煎得好香口~而且個餡又有好多肉, nice!呢個炒魷魚~正呀!勁香~而且肥嘟嘟~又彈牙!!!下次去荃灣可以考慮佢!

早前男友約我下午在荃灣荃新天地睇戲,咪順度在那廣場~札幌拉麵食lunch.拉麵裝潢具日本風情, 地方簡潔企理. 我們選了二份午餐套餐, 有拉麵及小食.首先送來小食自家製餃子平時男友都不愛食餃子,都說這餃子好味.原因煎得來不太油,而餃子皮薄,餡料豐富又多汁.**串燒雞翼有點鹹,也冇乜味,但雞翼皮都算脆口,好在冇乜雪味. 拉麵我點了 雜錦拉麵雜錦拉麵內有好豐富買餸,有豚肉片(日式叉燒)、軟身的豬軟骨、蟹柳、半隻蛋(可惜不是流心蛋)、粟米粒及海帶.拉麵冇鹼水味, 口感十足, 但不夠滑溜.至於湯底比較濃厚,味道送麵一流,岩晒重口味的我.**男友點了招牌牛油拉麵這款有好大片牛油, 只需放熱湯就慢慢溶解.餸只有好大好肥美叉燒,當然也有粟米粒、海帶及蔥花.湯底則比雜錦拉麵淡味,有淡淡牛油味.由於牛油原因.令拉麵有滑口感.**跟餐飲品熱另加$3, 凍就$5.我地點了二杯熱柚子蜜.

I haven't had ramen for a long time so when I saw this restaurant, I went in straight away. Me and my boyfriend were very hungry so the staff suggested us to order the dinner set for two. There were lots of snacks to choose from but we finally made our decision. Dumplings came first, they were home-made and smell so good. The pastry was thin and crispy; the fillings were very tasty, it had a mixture of cabbage and pork mince. The deep fried tofu was so good. The tofu was so smooth, it just sl

眾所週知香港人喜歡日本菜，而且近年越來越多拉麵店，但小編認為拉麵要粗身才好吃，所以北海道的拉麵是得我歡心的！睇戲前來醫肚，用上札幌拉麵，配上麵豉湯底，粗身拉麵確是較有口感，但不算彈牙，湯底也一般，用料中規中矩，不過以這個價錢來說，還算可以接受除了拉麵，這裡的小食種類算多，而且價錢相宜1 炸豆腐豆腐輕輕地炸過，外脆內軟，豆腐嫩滑，炸得不會過火，但味道淡了點，吃到豆腐的原味，主要靠汁料調味2 炒什菇幾乎是必吃之一，見到不少人都有點，煮法簡單，味道清香，只是油了一點3 香煎鯖魚小編最常吃的煎鯖魚，魚皮煎得微脆很香，魚肉咸咸的，加上檸檬汁，已經夠味，更突出鮮味整體而言，小食較拉麵出色

又來到一年一度的情人節，原本都沒有打算慶祝，因為周圍都加價加得十分厲害，想找個地方吃飯，沒有訂檯的我倆，已經轉戰小商鋪，為求填飽肚子就去看美人魚..幸好等了十分鐘左右便可安排入座，入到去才後悔。原本店鋪的面積不大，已經非常擠逼，當把全部枱都分拆開的時候，更是進出都困難。為了趕8點20分的電影，我們只剩20分鐘吃飯，所以就隨便叫兩個餐就算。上菜速度非常快，所以食物都只是微熱。侍應將食物上枱的時候是從客人的頭頂遞過，十分危險。分拆枱後，侍應自己都搞不清枱號，不停放錯食物，又落錯單，然後又大叫責罵，好像街市一樣。去日本餐廳最穩陣就是鰻魚飯，很難吃到不好吃的。最好吃的就是外皮微脆，而內裡嫩滑，這裡的鰻魚飯只是一般。沒有試到豬軟骨拉麵，但是第一見拉麵上的蛋不是糖心蛋而且普通蛋。燒雞翼味道不俗，咸香焦脆又不會太乾，如果是熱辣辣的更好。匆匆忙忙的一頓晚餐，雖然味道只是一般貨色，但填飽肚子就可...

今日要去機場, 打算係如心廣場搭巴士, 見未夠鍾就打算食D野先.去到荃新天地二期見到有間拉面店有下午茶食, 就入去試下.我揀咗$36 一碗拉面, 有熱飲送. 拉面好足夠亦都好夠份量, 面質唔錯幾彈牙, 湯底都好濃好夠味, 配料份量都好多. 唯一美中不足就係塊豬肉好韌好乾, 而且無乜香味. 不過整體黎講, $36一碗真係無得投訴, 淨係食佢個湯同面都好抵!最尾仲送咗張$5 coupon 比我下次幫襯

在氣溫降至15 度的星期日晚上，好想吃碗熱湯麵，其他的商場都比較多人，所以走進荃新天地二期，因為人流相對小，所以去到札幌拉麵都不用等位。站在接待處的好像是老板吧，他也很直接誇下海口說自家的湯麵很好味。就試一試吧！先上檯的是鹽燒雞翼，用竹籤穿起的一共有兩隻雞翼，肉質不錯，燒得剛好，不會太乾身，只是雞翼不夠鹹，味道淡了點。點了一碗蟹柳拉麵，先飲一啖湯，果然是濃郁的味噌湯，飲了暖在心頭，麵的軟熟度剛好，是我喜愛的。蟹柳似是新鮮的蟹柳，軟綿綿但有口感，讚！配料有肉半隻雞蛋粟米粒昆布和大蔥，份量得宜。另一碗是辛辣麵，湯底其實不辣，個人覺得可以重小小辣味就更好。配料有肉碎粟米粒昆布和大蔥。吃後行街總覺得口乾，可能湯底確是濃得利害！！

今年第二年情人節，大家都要各自返工，等到收工路經此店，2人無刻意去慶祝，只為醫個肚而進入，入到去安排我地坐2人枱，但我地叫既野食張枱根本就擺唔到，野食來得太快，之後個店員都好好人幫我地轉左去4人枱，整體來講食物唔錯，但野飲希望唔好罐裝上，睇落去細之如又唔凍，改善下用杯上再加冰，起碼睇落去角度都靚d同大杯d！

放假過黎荃灣行, 諗住是但搵間唔洗排隊食晚餐, 記得以前札幌都幾OK, 所以就入去試下.要左兩個自選晚餐($85), 可以揀1款拉麵+1款小食.雜錦拉麵(+$5) & 豬軟骨拉麵(+$5)兩款既拉麵麵質都麻麻, 好似食油麵, 豬骨湯唔太濃, 普通味精湯咁.雜錦有义燒, 蟹棒, 日式魚蛋等等, 义燒較薄, 其他正常味道.豬軟骨比較好, 肥瘦適中, 但唔算好入味.雞軟骨 & 串燒雞翼兩款個面都炸到幾乾, 雞翼都算可以食到有肉. 雞軟骨好硬, 咬極都咬唔開, 麻麻地.