木村食之放題

黎得食放題都預無質素，都係過下口引又可以食多幾款，呢間野有壽司，刺身，火鍋，串燒等，真係咩都齊。叫左個鍋試下，火鍋料都係個啲無驚喜野，菜，丸，蝦咁，都ok嘅，唔算好新鮮但又唔難食囉。刺身雖然切到好細，但都比足份量，味道正常。壽司無乜興，只叫左一round，飯爛唔好食。一系列炸物，炸粉厚都預左，好油又係預左，無乜失望咁囉。串燒同焗蠔，都幾好食，友人至愛燒菠蘿。麵豉湯可以不叫，湯淡同即沖分別不大。番叫刺身同燒菠蘿，份量依然比足。咖哩魚蛋唔好食，甜品就一般，食雪糕糯米滋最穩陣。各式落單餐紙。…查看更多

個日我同個fd行完街就過去木村度，剛剛開張約5點9已經full左一半，坐底就開始叫野食見到好多顏色的單就樣樣叫下，有牛粒，芝士年糕，火焰壽司，燒青口等等，交單好快手，一抬手附近的女侍應就過來執單。到上菜時間大概等左15分鐘到就來齊，話曬都叫左~20樣野食，速度都唔錯，無漏單，無偷工減料，多次加單亦無走數味道方面略重，但對我來講亦非常滋味，尤其是牛粒同豬軟骨，令我一再加單。燒物只叫左秋刀魚，海蝦同青口，海蝦比較咸，青口蒜蓉好多，蒜味重，秋刀魚有起內臟，食落口唔會話好腥炸物有叫蝦天婦羅同多春魚天婦羅，味道都非常好，桌子上有預先擺定的醬汁，可以自己點小食有叫螺肉同八爪魚，一碟八爪魚有2～3只，體型都幾大下，螺肉基本上放了4分3個小碗，分量十足芝士年糕非常好味，流心芝士，而且熱，但幾飽肚甜品有好多種，每人限叫2份，我要左泡芙同雪米糍，雪米糍味道隨機飲品多數罐裝，大約8~10款到總結：我地星期六去加一都係每人15X，食物質素算幾好，對得起呢個價錢有餘，最緊要的女侍應好靚女，看落都係17歲~25歲到，得閒真係想去食（看）多次…查看更多

旺角行完街,唔知食乜好,咁o岩接到派傳單,於是就上左黎食.都係一般放題既野食.刺身-----都係三文魚, 甜蝦, 北寄貝, 鮑片之類.三文魚,北寄貝, 鮑片都夠鮮甜. 甜蝦就差左d.芝士年糕-----呢樣係放題必食. 但有時有d係好難食, 呢度唔錯, 夠香, 口感都幾好.炒雜菜-----太咸, 同埋乾.餃子雞翼-----呢個好好味, 無骨, 外同內都夠晒味.天婦羅-----天婦羅 蝦, 天婦羅蕃薯. 天婦羅 蝦唔錯, 有蝦味, 炸得夠脆. 天婦羅蕃薯就稍嫌唔夠甜, 無乜味.…查看更多

平時想飲啤酒就去松屋。多選擇之餘又有日本啤酒但因為太夜怕未必食得多就試試木村入到等左15分鐘有位。格局同其他放題差吾多選擇都還可。因為今次重點啤酒燒物同刺身啤酒係ice ...普通啦。但綠茶係自己沖。康師傅紅茶。我就好一般燒物起碼熱上。味道可以接受。菠蘿冇咩燒過既感覺。羊扒黎左2次。第一次出色好味。第二次可能肉質差就食左一口冇食。其他正常味道刺身好多間第一輪都會整靚靚。佢就冇，冇點失望。仲要切得薄....但還叫新鮮叫左烏冬係最難食。冇味又吾似炒過咁甜品每人2款。味道都幾好。大少少份量會好好d總體...158全包總叫接受。但本人未必會再黎。因為只要比多50蚊。質素都有更好選擇…查看更多

咩係book位？琴日除夕，同成班fd一行11人揀左呢間放題食，見佢幾平，下就咪打去預約，都無咩服務上問題。我地就book左9點半呀 亦十份準時去到，去到上面真係人生人海，好多人排隊，心諗 好彩有預約，但係我地足足等左成個鐘先有位，點解我地預約會唔留枱？唔留都算，當除夕人多，怕我地無去會做少單生意，我地預約左點解要排係無預約既人後面?咁預黎做咩?真心唔值得為左慳20-30蚊而試平野…查看更多

今日5點幾果陣，我同我果5個fd打算去食野，去到兆萬，跟住見到樓下好多人派傳單，5個人之中，一個話食呢間，一個就話食果間，而其中一個就話食木村，後來木村派傳單果個過來sall，講而家既食物質數改善，來得快，出得快。之後我地5個就上左去喇。坐落之後，好快，刺身就到啦。跟住，我其中一個朋友就話，阿，而家D刺身厚左窩。然後我本人就第一次黎食既，我最中意食既就系芝士年糕。果個芝士年糕好正，好香。食完簡直仲想食，真系食過番尋味，不過，後來我食左個炒雜菜，鹹左D。而餃子雞翼都系我最愛，都好好味。而家個d放題大多數都系機裝汽水，而木村就系罐裝，而我個人就比較中意罐裝，…查看更多

今日舊同學約我出來逛街食飯，由太子行到旺角，見到呢間野好似新開無幾耐，抱住一試的心態上去！本來一入去覺得都幾好，閒日唔多人，又唔駛等位，仲有優惠券可以減＄２０，即係減返加一！咁到叫野食的時候了，我同個舊同學各有所好，佢喜歡食剌生壽司，我喜歡炸蝦天婦羅同手卷，咁就落左單要五款剌身，炸蝦十隻，鰻魚手卷和軟縠蟹手卷各兩件，加埋其他野食，都有十樣八樣，落左單唔夠十秒，個侍應女仔來告訴我們今日沒有鰻魚手卷了，咁妳話無我都吹妳唔帳啦！好！但之後奇怪事發生了，沒有鰻魚做手卷，但又有鰻魚反卷壽司送來既？不過唔好開心住，Ｄ鰻魚細到手指尾甲都大過佢，真係唔睇清楚都好難發現！ :( 之後來炸蝦，得四隻，我要十隻你俾四隻，係咪出少左？好！我再落單要十隻，點知又係來四隻！！ 今次我唔忍了，我即刻問個侍應，呢Ｄ係咪定額架？乜我叫十隻，次次都淨係來四隻呢？規定左呀？個侍應即刻話同我跟跟，過左十分鐘，終於黎返十隻，前後計落，佢都仲爭我兩隻！算！好了，到我個舊同學點嗰Ｄ剌身來了，一小碟裝晒五種剌身，每樣五件！無錯，係一隻細碟，由此可知嗰Ｄ剌身有幾大件呢？我見到都笑左出來，跟住我只好安慰佢，話個廚師只係切細Ｄ，方便客人入口咁啫，但我個舊同學已經笑唔出，因為佢一夾起嗰五件三文魚，同其他放題的三文魚比較，只係人地一件半咁上下！ 一啖就無左！跟住到飲品了，我舊同學想飲啤酒，叫左兩罐，點知罐啤酒真係好似個牌子名＜ＩＣＥ＞一樣，雪到變左冰，一開爆晒Ｄ啤酒出來，搞到成張枱濕晒，仲滴到我條褲上，Ｄ侍應見到竟然扮忙當睇唔到，要我地揮手截停個侍應同佢講，個侍應即時反應唔係攞布或紙巾來抹，而係話攞過第二罐啤酒來換俾我地，跟手就急急腳走左去攞啤酒 好了，食左一個鐘左右，我舊同學留意到張單尾有Ｄ好唔尋常既字句，呢樣真係我食咁多次放題第一次見到！單尾上寫明，原來過左兩個鐘後，超時每廿分鐘計，要俾超時佔位附加費！吓？唔係吓嘛？駛唔駛咁白紙黑字呀？你寫得出我真係信你敢收架喎！你要趕客都唔駛咁下嘛？９０分鐘時已經ＬＡＳＴ　ＯＲＤＥＲ，大家都知時間差唔多啦，你當我地Ｄ食客係第一日出來食放題，唔知掟？難怪隔離枱走嗰陣好似好急咁啦！又怕客人食得多，又怕客人佔你時間便宜，你想Ｄ客幫襯你第二次都難了！…查看更多

本身肚餓到震，去到兆萬樓下收左啲呀姐既傳單，見佢傳單正正常常就揀左呢間咁嘅放題！上到去人都唔多個，已經知中伏！魚生又薄又冇味，重要暖嘅！海老天婦羅舊蝦生嘅！個八爪魚啲汁多到瀉，食到反胃！中華冷麵真係經典，食到我差啲嘔，難食到極點！基本上所有食物都勁難食，得個牛柳粒係食得下！奉勸大家千祈唔好貪平食呢間，明將好過。其實兆萬中心入面普遍水平都係低，但呢間一定係最差果間！最後......?&!^!!“@“*\)!!…查看更多

:(用轎抬我都五會再去！！！第一次去试呢间野，真是令我大开眼界，我从来试过甘样:(,食到五到一个钟，顶五顺走人。漏单漏到痴晒线，服务态度差到晕。落5次单 漏三次，叫3次check单，听完就算。甘都算la，呢d地方系甘架拉。之后举手同好声好气叫佢过来帮我买单，见到当见五到，呢下真系火都来埋，真是想爆粗闹爆佢祖中十八代。食物好普通，没有什么特别，还要好难食。野饮普通都五系问题，问题系做咩要沟水呢，你间野五系cheap 到甘系嘛，呢d都要沟水。最后来甜品，我叫左雪米糍，哇比mini版ge月饼仲要细，还要一位只可以选2款甜品。你间系五系甘穷呀。终结，我从来未试过出街食餐放题，都可以食到一肚气番来。你呢间D waiter 功力真是高深。…查看更多

兩個人入去坐望住牆卡位，見到有隻小強，同職員投訴，佢好勇猛拎張紙巾禁死隻野，之後一個字無講行左去....但隻曱甴爆左肚跌係張枱度無拎走，當堂無哂胃口=_=坐多兩分鐘舉極手都無人理，嬲到震！再同個職員講，佢先執走去。望入個櫃後面仲有隻望出黎，即刻嬲到起身走人！ …查看更多

同屋企人行完街想食放堤,兆萬都有幾個選擇,所以就隨意簡左呢間上到去,等ge人唔多,所以好快入座好快都有食物送到,有牛柳粒,炒雜菇但全部都係暖,完全唔熱,之後等左20分鐘,都竟然無刺身到,但其實我地已經俾過幾次紙仔當我地想投訴ge時候,發覺幾乎全部侍應都係後生仔,根本連投訴都無用!結果,刺身到la,但切得好薄!刺身,熟食真係麻麻地小食(牛油粟米),天婦羅都ok總結,食物素質差,服務差e+ ge放堤有咁多間,根本唔需要簡呢間,太令人失望la!!!!!!!…查看更多

經過今次經歷後 我以後食放題都會上openrice睇下間野既評語先啦尋晚我同我fd兩個即興食放題 諗住求求其其搵間平平地既算去到兆萬門口 有班人係到派傳單 比較下呢間相對平d所以就揀左呢間上到去 見到坐full晒 我地等既係第三張台 食完先知原本幾多人俾下面d傳單呀姐呃左上去sosad係等既時候 我地已經諗好食乜啦 入到去就拿拿聲落單重點係到我地第一次order50舊三文魚 佢淨係比左5舊我地:@仲有係勁薄 我之前食吉壽 order50舊 少極都會俾20-30舊嫁... 仲要係厚勁多/_\到第二次order100舊 佢只係比左10舊我地 由此可見 佢俾既份量大概係落單量既10%tt所以去到第三次我地醒啦 order200舊 點知佢冇理過我地 1舊都唔俾我地真係服左佢唔止三文魚有呢個問題 其實其他食物佢都會係咁 eg order10串雞肉串淨係俾左兩串tt仲有好多情況下 係有漏單 臨埋單前order既大部份食物幾乎冇送過泥不過俾得少同漏單都唔係最大問題 最大問題係佢d食物真係唔多好食牛油炒什菇同栗米都冇乜牛油味雞腎好腥8爪魚太多汁 我fd食到lur左出泥 炸野 eg 炸雞軟骨粒炸到勁多粉 而且係深深深深啡色 令到大愛雞軟骨既我都唔敢order第二次etc etc etc…查看更多

琴日同朋友辦生日,所以成班去完Op走果陣都8點9點到旺角,成班諗住去火鳥...但係好多人排隊等位:(,所以去左放题天地ㄧ兆萬,係樓下有2,3個人過黎宣傳,見到呢間又平(139/人)(免加人)(一小時又話開間房(話有電視,有wifi,有街景睇下咁)俾我哋......但係上到去中伏,她的房係4張枱一間房:(,又冇她所講的電視,wifi,街景(好噪)嘢食難食!!。三文魚,吞拿魚....刺身冇味。八爪魚啲漿多到可以飲。炸物吾熱,粉多到死。熟食都有啲不太熟飲品加水(大量)!!十分鐘/一樣嘢食!!。刺身二十分鐘只有5成到。吾飽完全走單!!。甜品...........勁多冇黎。吹單冇用…查看更多

向來都認為好食一餐, 唔好食又一餐, 可惜今次既經驗令我食完一餐仲耿耿於懷。對旺角既平價放題, 本來都冇乜期望, 竟然可以咁難食。星期五晚上放題每間都排長龍, 而呢間木村竟然有位, 有D奇怪, 但餓到半死既一行人都將就下埋位。座位: 還算寬敞, 但係死角位比較少侍應經過, 空杯空碟一堆。(咁岩頭頂有滴水問題, 可能其他位會比較好)服務: 侍應都有幫忙跟單, 但感覺有點不耐煩, 因漏單太多上菜非常慢, 交紙後五分鐘有飲品, 但食物要再等十分鐘以上漏單情況非常嚴重, 完全不能接受。五個人寫二十件刺身不算過份, 但永遠只來五件, 感覺有點寒酸。食物: 炸物點了多種天婦羅, 但上檯只有兩件蝦跟四件蟹, 而且是冷的       壽司不合格! 師傅刀工了得, 超薄切魚生跟一大團又暖又散飯       其他小菜如醃八爪魚等, 多汁超濃味, 吃一件就放棄了      牛肉粒是好吃的, 太多漏單所以沒嘗到很多      芝士年糕永遠不會漏單, 而且會給你很多很多, 非常大方, 味道則得過且過直至到提醒我地LAST ORDER, 竟然夠膽問有冇野叫左未到。多番提醒都唔夠埋單既威力, 終於上返第一輪, 一個半鐘前叫既手卷。總括黎講, 食到飽都未食到一件好食既野。以後記住上OPENRICE睇食評!想食壽司到飽又冇要求, 下次可以考慮深水埗打大佬。…查看更多

未試過吃放題會比吃套餐餓，也未試過為一間餐廳而上openrice打食評。背景介紹：生日飯，同行5位女孩子，食量為正常女孩子，無暴食、不食、偏食及劣食的煩惱。我們這餐吃得最多的，是：我們的第一碟食品，就是這一份悄悄地無聲地降落在我們眼前的多春魚。這裏要讚他們貨真價實！畫1的多春魚就是1條多春魚還多加1塊檸檬！計過數，試過叫3條多春魚，都是得一塊檸檬，那麼分3次叫1條多春魚可以多賺2塊檸檬 --如果你付得起時間成本的話。「醬燒魷魚筒」，根據google圖片搜尋器，得出下圖上的搜尋結果。根據木村的點餐紙，會得出下圖下的成果。小心不要把「醬燒魷魚筒」混淆成魷魚圈，這裡沒有提供的。又是貨真價實的考驗了！以為1份多春魚有1條多春魚夠化算了吧！原來1份薯餅包括了半塊薯餅的！店家知道女孩子怕吃澱粉質及油炸食品，半塊就剛剛好可以少吃多滋味，店家真是難得的體貼！圖片就到這兒。壽司？刺身？如果下次來能吃到的話再分享給大家吧！這裡的另一驚喜是日式料理竟能提供到法式料理的悠閒及服務！坐下來點了第一輪壽司和刺身後，中間我們大約每15分鐘可以吃到上述的小菜，每次1-2碟，讓我們可專心聊天。其他菜式請參考其他食評。大致相同。直至1.5小時後，我們終於能嚐到第一張點餐紙的壽司了！可能是我們太貪婪，師傅只給了我們6成的份量。我們曾經無數次的破壞法國女人的優雅氣質而去催促侍應生，侍應生都回答師傅太多單，正在處理。他們回答的得體，讓我相信必定是訓練有素，習慣了我們這些無理的催促吧！1.5小時吃了第一碟壽司後，也有幸在坐了2小時後的Last Order後吃到最後一碟。最後一碟為了給我們良好印象，很貼心的在order後馬上送到，跟之前的悠閒節奏來一記回馬槍，雙重驚喜！當然，接著就是埋單了。味道就不多說了，大致跟其他食家意見一致。賣相方面希望大家滿意以上的實物圖吧！順帶一提，OPENRICE的食家真的很可信。我們這次也是忘了先上OPENRICE看食評，所以才發掘到的意外驚喜呢！對於這裡的非主流評價，我覺得很可能是有人惡意評價呢！最後一喜，莫過於翌日我們同行五人中三人都腹潟。這真是大大的生日禮物！…查看更多