木戶

餐廳以明爐炭火烹製傳統宮崎和九州鄉土料理 菜式由日籍總廚木村潤一郎主理 餐廳門面設計低調 採用深色系的木材元素 營造出一種神秘而溫馨的氛圍 店內裝潢融合了傳統的日本燒鳥亭風格 並配有開放式廚房及吧台設計 讓顧客可以近距離欣賞廚師的精湛手藝.香蒜蟹味噌搭配蔬菜條是坊間較少見的菜式 以蘆筍 西芹和青瓜搭配濃稠的蟹味噌 清爽的蔬菜與濃郁的蟹香相融合 口感層次豐富 .炭烤菜式中頗喜愛炭烤蒲燒鰻魚 師傅將鰻魚燒好後隨即放上炭火爐加熱 鰻魚肉質柔軟 醬汁甜中帶鹹 搭配上山椒粉或清爽的山葵 還能帶出一絲微辣的滋味 極具風味.除了炭烤菜式 南蠻炸雞是店內的招牌菜式 是總廚的家族祖傳秘方 採用原塊雞腿肉進行三次炸製 再沾上特調的甜醋與鹹香的明太子他他醬製作而成 外層酥脆 肉質軟嫩多汁 相當開胃 .最後甜品有炸宮前丸子 外層香脆 內裡軟糯並帶有空氣感 搭配黑糖漿和脆米 微甜而不膩 為整頓晚餐劃下完美句號.總括來說 這裡的食物質素高 師傅技藝熟練 若然想享受媲美日本地道燒鳥的體驗 這裡無疑是不容錯過的選擇💁🏻‍♀️…查看更多

尖沙咀棉登徑的「木户」日本料理，是我最喜歡的串燒店之一，特別鍾意食從機日本奈良引進被當地視為頂級美味而受到追捧的「大和妃子雞」做的美食，而且可以近距離欣賞日籍總廚「木村潤一郎」製作炭火美食，適逢最近推出咗推出咗「夏の感謝祭」菜單，當然要嚟朝聖🫰▪️福岡水果蕃茄清甜飽滿，師傅用上日本海鹽調味，味道鹹甜交織，新鮮美味▪️長崎章魚醬油炭火燒章魚好肥美，炭火燒過之後，外焦內煙靭，口感非常好，配上師傅特調味芝麻、海苔碎和芥辣豉油，鮮味滿瀉▪️蟹肉奶油可樂餅可樂餅外層酥脆包住滿滿奶油蟹肉餡料，香口美味，就咁食已經好好食，重點係要沾上師傅特調蟹膏醬，入口濃郁又甘香▪️博多明太子烤餅 見住師傅由麵粉糰在炭火中慢慢烤，再加上芝士、明太子、海苔等等食材，新鮮出爐熱辣辣，鹹香惹味，有點像日式pizza的風味▪️韭菜芝士豚肉卷每枱必點，豚肉燒得焦香Juicy ，包住爽口的韭菜，再加上熱溶芝士和燒汁，好惹味▪️宮崎郷土料理味噌冷泡飯 好有特色，米飯淋上用魚肉和味噌做成的醬汁拌勻，再放上紫蘇葉、紫洋蔥、青瓜和芝麻等配料，味道鮮美又清新，真係好啱夏天▪️炸宮前丸子即是炸糯米丸子，外層超級香脆內層軟糯，沾上美味的黑糖和彩色脆米，超級美味，大滿足的飯後甜品▪️蜜瓜梳打雪糕特飲 ｜鰻魚可樂雪糕特飲 令人期待的飲品，鰻魚可樂原來係可樂可以將鰻魚的腥味消除，名字因此而，兩款飲品加咗雪糕，夏天飲特別爽…查看更多

-木戶🔥岩岩係福岡番黎既我 都覺得食唔夠喉 番到黎都再到訪呢間主打宮崎炭火燒及博多串燒日式居酒屋今期推出夏季限定菜單 係由日籍總廚木村潤一郎精心設計一系列既創意海鮮料理 每款都真係好岩夏天黎食想講即使黎食過無數次 每次都會被期間限定驚艷到✨🦑佐賀呼子魷魚刺身 配黃金蛋醬油 （$488）🌟🌟🌟🌟🌟 第一次係香港食到好味既魷魚刺身係黎自佐賀縣北部的呼子仲被譽為「魷魚海港」聽講木戶係採用特殊冷凍保鮮技術運送至香港 確保新鮮其實係兩食料理 — 1）刺身晶瑩剔透 肉質鮮嫩 極清甜；2）輕灼魷魚搭配鹽巴 主要係食耳部同足鬚位置 極鮮甜另外亦都好推薦配搭九州宮崎縣刺身醬油同蘭王蛋😍🦐 日本甜蝦他他 ($168)🌟🌟🌟🌟🌟第一次咁樣食甜蝦他他 仲舔到乾乾淨淨甜蝦同生蛋黃拌勻 可以自行揀放入脆脆雪糕筒 / 配上紫菜黎食 兩款食法都香甜鮮味 食唔停口🤤🐣 自家製雞肉丸配黃金蛋 ($60/串)🌟🌟🌟🌟雞肉丸燒得外皮焦香內有脆脆雞軟骨日本蘭王蛋汁都好濃郁 沾黎食增加嫩滑口感 🦀蟹肉奶油可樂餅 （$78）選用日本優質松葉蟹肉同日本產牛奶完美調和食落有絲滑口感 再搭配自家調製醬料 — 蟹味噌茄汁將蟹肉既鮮香同濃郁蟹味噌醬料 完美融合 味道層次豐富🍕博多明太子烤餅 ($88)選用日本烤餅餅皮 — 口感有別於西式餅皮 較柔軟細膩配搭日本明太子、芝士同香濃蛋黃醬 一次過食到日本同印度既風味 都幾特別 食完已經好飽🍚宮崎鄉土料理味噌冷泡飯 （$88）味噌冷泡飯 — 宮崎地區三大鄉土料理之一特色在於將混合多種材料既味噌凍湯淋係熱米飯上湯底係炙燒新鮮鰺魚混合其他海鮮製成濃郁味噌湯食用時搭配新鮮紫蘇、茗荷、海苔同青瓜 清爽可口🍡炸宮前丸子 （$48）其實係炸日式醬油丸子 — 外香脆內軟糯 鹹鹹甜甜 🍹蜜瓜梳打雪糕特飲/鰻魚可樂雪糕特飲 （$68）經典昭和時代飲品 — 忌廉梳打 清涼解渴 充滿懷舊味道哈密瓜同鰻魚可樂兩種口味 都有雲呢拿雪糕做topping…查看更多

🔥燒日式居酒屋「木户」主打宮崎炭火燒。今次坐於吧枱，直擊日籍總廚木村潤一郎現場施展火候功架！🍹鰻魚可樂雪糕特飲🍈蜜瓜梳打雪糕特飲兩杯飲品都非常可口，充滿昭和時代色彩！我點嘅鰻魚可樂雪糕特飲更加特別 … 「鰻魚可樂（うなぎコーラ）」係日本靜岡縣的木村飲料以該地特產的醬燒鰻魚為題，用三年研發。顧名思義，是加入了鰻魚精華的鰻魚味可樂。味道獨特令人驚喜。💎梅水晶 梅水晶用日本梅、鯊魚軟骨和雞軟骨製作的佐酒小食。用紫菜包住食，口感爽脆，酸味相當刺激，十分開胃。🦀蟹肉奶油可樂餅蟹肉奶油可樂餅選用日本松葉蟹與牛奶調製，外脆內滑，口感絲滑。配上自家調製蟹味噌與茄汁醬料，味道層次豐富，感覺有點似炸鮮奶。🍱汁煮鰻魚每逢盛夏日本人都喜歡食鰻魚飯。以高知縣產新鮮山椒秘製醬汁鰻魚一同煨煮，山椒風味獨特、配搭鰻魚異常入味。💯烤熊本肥後赤茄子烤熊本肥後赤茄子更是驚喜，睇住大㕑以炭火燒烤，炭火烤出茄子鮮甜，惹味非常。食用時再沾上生薑、鰹魚同埋蔥，以增加風味。成為當晚最愛。👍🏼明太子宮崎南蠻炸雞用宮崎雞配以木村大廚家族秘傳食譜。飼養過程不添加抗生素及合成抗舊菌劑。肉質柔嫩結實多汁，加上明太子醬味道特別濃郁。🫓博多明太子烤餅 木村大廚從日本精選的烤餅餅皮，配料日本明太子、芝士和香濃蛋黃醬，口感柔軟味道特別香濃。🍚宮崎郷土料理味噌冷泡飯 味噌冷泡飯是宮崎地區三大鄉土料理之一。這道菜的特色在於將混合多種材料的鰺魚味噌凍湯淋在熱米飯上，為傳統味噌湯注入全新風貌。在食用時，加上新鮮的青瓜、芝麻、茗荷，更加清新可口。係好正嘅夏日主食。🍡炸宮前丸子炸團子卜卜脆，外脆內軟，配上黑糖同彩色脆脆，係頗有趣嘅組合。今次到充滿和風情懷嘅木戶，有啲感覺身處日本。加上木村大廚以日本備長炭用明爐炭火直燒，非常有氣氛。呢度會係喜歡濃味的食客嘅樂園！…查看更多

第一次寫食評, 就貢獻比呢間餐廳啦同朋友慶祝生日，朋友話想食日式串燒，見網上評語可以就揀咗呢間，但係絶對唔會有下次食物好鹹，鹹到要係咁飲野，個嘴係都干服務唔ok, 無帮我哋斟水，差唔多交枱時間就係咁提我哋話要交枱，重點係我哋連蛋糕都未切。蛋糕都未食，就要我哋埋單，話有人book咗枱。我哋走嘅時候，以為門口有人等枱，點知門口係冇人。人均消費咗接近$700，冇任何嘅貴價食材，唔值呢個價Not recommended …查看更多

夜晚八點打電話去訂枱，訂九點，個waitress 佢話有好多位唔使留位，直接嚟就得，咁我當時就同佢講話好九點見，點知九點去到佢話full咗冇位，道歉都冇句，服務態度惡劣。…查看更多

估唔到香港都食到備長炭燒嘅日本饅魚!講緊嘅係尖沙咀木戸，佢哋主打宮崎鄉土及炭火燒料理。總廚特別限定極上日本蒲燒鰻魚鄉土茶漬飯 $428 🎏🎏講返鰻魚，係由主廚木村潤一郎親自燒嘅，極上日本鰻魚竟然有成三四層，肉質香甜肥美。啲魚油同醬汁滲晒落飯度，非常香口。食膩咗仲可轉茶漬飯，比較清淡易入口。一碗飯兩種食法，如果要搵嘢挑剔，可能係鰻魚俾我想像中檀香冇咁重，小編更喜歡外邊有少少焦脆嘅感覺。總廚木村先生家族秘傳宫崎南蠻炸雞1956年 $188 🐓🐓🍗然後試呢度名物，家傳宮崎南蠻炸鶏，呢度係非常正宗嘅做法，絕對唔係就咁唧啲沙律醬上去。搭配甜醋秘製他他醤，因為佢父親係乃九州宮崎著名食府「Ogura」(おぐら) 經營者同有份參與開發菜式，所以包保係正宗味道。講返佢嘅醬，炸衣外會有一層甜甜酸酸嘅汁，上面再淋上非常濃厚嘅秘製蛋沙律醬，所以醬汁味道都有唔少層次，不過味道都係偏膩，建議多人享用。鶏肉採取三炸三回鑊方法，外脆内嫩。甜蝦蓉他他 $168 🦐🦐講埋其他菜式，甜蝦他他，質地軟滑有蝦粒口感。味道以沙律醬為主，可以筆落一啲雪糕脆筒同紫菜上面包住嚟食，味道唔錯，但略嫌偏膩。嵗火燒八爪魚鬚 $218 🐙🐙試埋呢個夏季特色菜式，炭火燒八爪魚鬚有驚喜，八爪魚口感爽彈，炭香非常突出，配啤酒一流。富士蘋果豚肉卷 （2串） $84 🍎🍎富士蘋果豚肉卷，本身預期會幾好味，蘋果確實酸甜清爽，但豚肉就略嫌清淡，調味偏輕手。老實講佢味道唔差，亦都有特色，但價錢都偏貴，大時大節嚟慶祝或者純粹試一次都OK。…查看更多

木户，位於香港尖沙咀棉登徑8號地下G12-13號舖，係一間提供精緻日本料理嘅餐廳。首先，甜蝦蓉他他係一道非常出色嘅菜式。蝦蓉鮮美，口感細膩，同埋佢哋嘅調味恰到好處，配合紫菜，令人回味無窮。自家製雞肉丸配黃金蛋亦都係一道值得一試嘅菜式。雞肉丸口感彈牙，配上滑嫩嘅黃金蛋，味道豐富，令人難以忘懷。南蠻炸雞外皮酥脆，內裡嫩滑，搭配上特製嘅醬汁，味道更加突出。燒味醂魚乾同豆苗豚肉卷都係非常獨特嘅菜式。燒味醂魚乾口感獨特，燒得好香。而豆苗豚肉卷則係將豆苗同豚肉完美結合，口感豐富。富士蘋果豚肉卷同大和雞雞肝（汁）都係非常出色嘅主菜。富士蘋果豚肉卷將蘋果嘅清甜同豚肉嘅鮮美完美結合，而大和雞雞肝（汁）則係將雞肝嘅鮮美發揮到極致。大和雞雞皮同博多明太子烤餅都係非常特別嘅小食。大和雞雞皮口感酥脆，而博多明太子烤餅則係將明太子嘅鹹香同烤餅嘅酥脆完美結合。日式醬油燒飯糰係一道非常經典嘅日本菜式，木户嘅版本做得非常好，飯糰口感鬆軟，外脆內軟，醬油味道濃鬱。最後，白桃梅酒、鶯宿梅酒（杯）、威士忌梳打同梅酒梳打都係非常出色嘅飲品。白桃梅酒同鶯宿梅酒（杯）都非常清新，而威士忌梳打同梅酒梳打則係非常適合搭配食物嘅飲品。總括嚟講，木户係一間非常出色嘅日本料理餐廳，無論係食物定係服務都非常出色。好岩一班朋友食飯聚餐。如果你鍾意日本料理，咁你一定唔可以錯過呢間餐廳。…查看更多

今次係第三次同朋友過嚟食飯啦，之前兩次都係食夜晚今次就過嚟食佢哋午餐，估唔到水準依然都係咁好😎✨鰻魚茶漬飯親眼見到總廚喺度用炭火燒鰻魚，外皮非常香脆，有炭烤味而且好嫩滑，配上Wasabi可以中和油膩感。另外欣賞佢茶漬飯嘅茶都唔係普通，係加入咗少少梅味道，所以配搭鰻魚嚟食會有少少甜味食落去都好夾。✨總廚木村先生家族1956年首創宮崎南蠻炸雞定食以呢個價錢$188咁大份超級抵食，雞肉雖然係炸但係肉質依然非常嫩滑，加上仲有配菜蒸蛋同埋湯非常飽肚。✨烤赤茄子好Juicy有炭香味，冇平時茄子嗰種揦脷嘅味道🍆✨阿波尾雞肝雞肝充滿着炭香同埋勁爽口，配辣醬好惹味。✨自家製雞肉丸配黃金蛋有雞軟骨喺入面好有口感。✨炸日式醬油丸子超級香脆嘅外皮，入面係煙煙韌韌嘅年糕質地，係一個好好味嘅甜品。…查看更多

位於尖沙咀的棉登徑的「木户KIDO 」是我最愛的一家日本炭火料理串燒店，已經食過好多次，非常喜歡這裏氣氛滿滿，而且坐吧枱可以直前欣賞師傅炮製串燒、炭火美食等，最近適逢即將春天，日籍總廚「木村潤一郎」設計十款與春天有關嘅美食，當然要即刻嚟朝聖👍▪️德島沙甸魚苗春野栗日向夏花見沙律超級香脆的德島沙甸魚乾，配合宮崎地區特產的日向夏及春野菜，用上木村先生自家製和風醬汁，口感豐富，而且味道清新▪️秋田煙燻漬物配自家製山椒沙甸魚苗秋田特產的煙燻蘿蔔漬，搭配山椒沙甸魚苗醬油，和濃郁細緻的芝士，口感Creamy又爽口，滿滿煙燻的香氣▪️炭火燒澳洲和牛牛肋眼 來自澳洲的和牛橫膈膜肉質感而聞名，用自家製黑椒豉油醃製，牛肋眼吸收了醬汁的味道，經炭火高溫慢烤，形成外脆內嫩的口感，每一口都充滿靈魂醬汁的風味，亦可以配上日本無激素蛋黃和甜口醬油一齊食，味道更鮮香▪️明太子宮崎南蠻炸雞1956年由總廚家族祖傳秘方，炸雞外層香脆，内質鮮嫩而且雞味濃郁，配合鹹香惹味的明太子他他醬，每一口都滋味無窮▪️櫻花櫻花飯團櫻花及櫻花蝦配合北海道夢美人米，再加入木魚花湯底煮香，飯團入口充滿香氣，包上紫菜更加滋味▪️炸宮前丸子米炸糯米丸子，外層超級香脆內裏軟糯，沾上美味的黑糖和彩色脆米，超級美味，大滿足的飯後甜品…查看更多

位於九龍尖沙咀棉登徑嘅居酒屋「KIDO 木戶」店內有日籍大廚木村潤一郎坐鎮主打九州宮崎炭火燒及博多串燒餐廳最大特色係採用日本橡木製備長炭以明爐炭火直燒喺香港具備明火炭爐餐廳真係少之又少㗎！餐廳門面私隱度高，當日食飯有遇到城中名人餐廳入面有個開放式廚房，設備算講究，通風夠好即使坐吧枱都唔會成身油煙味可以近距離觀賞師傅喺猛烈炭火下炮製料理𓇬 自家製香蒜蟹味噌配蔬菜條 $168蔬菜新鮮爽脆，有蘆筍、西芹、青瓜等而蟹味噌則用熱鍋及蠟燭座熱蟹味噌濃稠唔腥，濃濃蟹膏鮮味充斥口腔食完蔬菜條侍應唔會收走蟹味噌用嚟撈飯或者同其他燒物一齊食都夾😆𓇬 炭火燒黑椒德島阿波尾雞雞腎 $78睇住師傅喺炭網不停翻滾雞腎燒好後放喺吧枱上，香氣撲鼻雞腎彈牙帶炭火煙熏香，燒得恰到好處可蘸點特製辣醬，辛香味道令雞腎越嚼越香𓇬 日本香蔥豚肉卷 $43豚肉卷大大卷，香蔥份量亦都唔少豬肉選用北海道十勝豚肉食材好即使簡單調味就已經好食豚肉卷用炭火燒後表面焦香，肉質嫰夠多汁我見師傅燒製時會喺香蔥灑上水所以啲香蔥唔會燒得太乾身而且保持到水份💦𓇬 總廚特別限定極上炭烤蒲燒日本鰻魚 $398師傅將鰻魚燒好後隨即放上炭火燒香爐加熱保溫鰻魚肉質柔軟，醬汁甜中帶鹹可以撒上山椒粉或放上山葵帶出清新微辣感，多一份層次𓇬 總廚木村先生家族秘傳宮崎南蠻炸雞1956年 $188除咗炭烤菜式外，南蠻炸雞都值得一試去過宮崎應該都有食過南蠻炸雞木村潤一郎父親正正就係九州宫崎食府「Ogura」創辦人，當年參與開發南蠻炸雞，其後更成為名物木村潤一郎就將父親嘅祖傳秘方帶嚟香港大家唔洗飛日本都可以食到正宗南蠻炸雞啦！炸雞尺寸大，外層酥脆，雞肉軟嫩又爆汁配上甜醋及厚厚一層嘅自家製他他醬非常開胃好送飯，配酒食都一流😉𓇬 自家製蒜味辣油生蛋拌飯 $88叫咗炸雞同鰻魚好自然就想叫碗飯食呢碗拌飯嘅份量適合3-4人分食篤穿蛋黃再撈勻炸蒜及其他材料辣度唔算高，蒜香濃郁🧄𓇬 炸宮前丸子 $48宮前糰子係日光名物，食起嚟黏糯帶空氣感配搭甜潤黑糖漿同脆米，微甜而不膩…查看更多

去過呢間餐廳幾次，每一次都係非常滿意，好好食，特別係個雞扒做得非常出色，仲有燒鰻魚，價錢正常，地點位置亦都非常方便，經常諗唔到去邊度食都會嚟呢間餐廳介紹俾朋友。…查看更多

今次「KIDO木户」與日本國宮崎縣政府香港事務所再度合作🎉🎉最掛住就係佢哋用日本橡木製備長炭炭卷後嘅片光陣陣炭火香味，當然不少得主廚靈魂人物日藉主廚木村潤一郎嘅加持啦，突顯出宮崎時令食材嘅魅力～-✨KIDO木户宮崎特色限定料理（由2月1日至3月31日）✨宮崎A５和牛朴葉燒伴牛蒡意大利醋 $438元祖Ogura南蠻雞頸肉 1956 $168宮崎地頭雞玉子濃湯 $78炙燒自家製日南醬油漬金槍魚一夜干 $88宮崎金桔魚麵 $178宮崎日向夏 $128首先品嚐「宮崎地頭雞玉子濃湯」先香濃粟米湯配上蛋花，再來就到「元祖Ogura南蠻雞頸肉 1956」先浸出他他醬，再慢慢食到黑醋味，減輕雞頸肉的油膩感。然後到清爽淡淡香金桔🍊「宮崎金桔魚麵」已經係第2次食呢款香濃魚麵，係真係由魚製成的烏龍麵！到醬香濃郁的「炙燒自家製日南醬油漬金槍魚一夜干」，同埋最具充滿炭火香味的「宮崎A5和牛朴葉燒伴牛蒡意大利醋」麵豉醬配上切粒和牛上面再灑上蒜片，簡直就you made my day ！喜歡惹味可再沾上7味粉！最後由🍋‍🟩「宮崎日向夏 」🍋作為完結，完全💯！柚子清新（冇乜酸味）白衣部分有少少橙嘅清甜味！Nice~-Overall 嚟講真係好啱初春時候冇乜胃口嘅時候去食🩷大家不訪試吓～…查看更多

✨宮崎地頭雞玉子濃湯湯夠濃厚 黑椒味突出 帶蛋香✨元祖0gura南蠻雞頸肉1956南蠻雞頸肉 外層微脆 肉質結實帶爽配上酸甜他他醬 味道幾夾✨炙燒自家製日南醬油漬金槍魚一夜干金槍魚一夜干 夠入味 乾身結實 加少少檸檬汁 味道多一份酸香又或者可以點啲蛋黃醬提味✨宮崎A5和牛朴葉燒伴牛蒡意大利醋用上宮崎A5和牛 和牛肉質軟腍 油香十足 配上乾脆炸蒜片 同意大利醋 調味帶酸甜 配搭幾特別✨宮崎金桔魚麵魚麵鬆軟微爽彈 帶淡淡柑桔香 配上腐皮 索湯後多一份清新香味✨宮崎日向夏桔橘味道清新 果肉細緻總結：食物配搭有特色日式居酒屋環境 服務正常 …查看更多

KIDO木户推出季節限定嘅宮崎特色菜單，將地道宮崎美食帶嚟香港，為大家帶嚟與別不同嘅精緻美味。今次嘅特別菜單做到3月31日，把握時間過嚟啦🥳🥳🥳🥳😉😉😉⭐宮崎特色限定料理菜式⭐🔆宮崎A５和牛朴葉燒伴牛蒡意大利醋宮崎牛係日本知名黑毛和牛，肉質鮮嫩，油花分佈均勻，配上特製意大利香醋牛蒡汁，置於新鮮的朴葉上，透過長炭慢火燒烤，令牛肉吸收獨特的香味，品嚐到宮崎牛極致細膩口感🔆宮崎地頭雞腿肉炭火鐵板燒「地雞炭火燒」係源自宮崎縣嘅地道料理，新鮮雞腿肉置於炭火上，淋上雞油，以大火直烤，釋放出的油脂會形成獨特炭燻香氣，香氣四溢，口感扎實滑嫩，肉汁更會爆發而出🔆宮崎地頭雞玉子濃湯湯品的材料源自宮崎，用上地頭雞雞殼，熬製而成的濃郁白湯，口感濃厚，配上滑嫩蛋花，充滿暖意的湯品🔆炙燒自家製日南醬油漬金槍魚一夜干宮崎縣傳統鄉土料理，金槍魚嚟自宮崎縣日南市，經過甜香醬油漬製及在醬油中浸泡一夜，充分吸收醬油香氣，增添肉質鮮美，口感扎實鹹香，燒至微焦，外層略帶香脆，係唔錯嘅下酒小菜🔆宮崎金桔魚麵魚麵是宮崎日南市特色產品，主要由當地鰍魚魚肉製成，鮮美可口。配上糖度超過16度的完熟金柑「Tamatama」，展現了宮崎縣優質食材同獨特風味，魚麵湯底鮮香，同樣有驚喜🔆宮崎日向夏嚟自宮崎縣的獨特柑橘品種，清新脆口，鬆軟香甜的白色內皮及清爽微酸的黃色果肉可以一同品嚐，嘅清甜又帶有柑橘皮酸香，而且水份極多，每一口都感受到爆汁滋味木戶尖沙咀棉登徑8號地下G12-13號舖@miyazaki.pref.hk @kido.hk @peony1006#宮崎祭 #VisitMiyazaki #kidohk #木戶 #香港餐廳 #高性價比 #打卡餐廳 #網紅餐廳 #必食餐廳 #香港美食 #香港餐廳 #香港必食 #美食推薦 #約會餐廳 #聚會餐廳 #餐廳推薦 #香港博主…查看更多