木子居酒屋

营业中

休息中

🤎木子居酒屋🍻在大圍港鐵站附近，是間隱世居酒屋，店舖內放滿酒樽🍾，充滿日系風情，真係好似去左🇯🇵日本居酒屋咁。今次叫左兩個set lunch🤎🐮牛肉壽喜燒好多料，牛肉好滑而且有很多配菜🥬，湯底亦十分清甜💚帆立貝伴三文魚籽丼🍱帆立貝非常新鮮，三文魚籽好大粒，食才真的非常高質！🧡跟餐日式蒸蛋🥚很嫩滑，而且裏面有海鮮，鮮味升級！💛木子居酒屋🏮還有其他丼、鍋、小食🍡、壽司剌身🍣 、串燒等，下次再試下其他食物😊

Blingbling美食推介✨📍大圍🍣木子居酒屋✨性價比超高之選｜學生黨都affordable嘅高質魚生飯💠💠💠💠💠💠💠💠見學霸表妹考完DSE，咁值得慶祝，任性的我緊係要請返半日假同表妹去食下好西去下玩啦~ 今日就黎左大圍好有feel既木子居酒屋食魚生飯🐟木子居酒屋有好多款lunch set~ 我地每人叫左一份魚生飯set~ 好滿足😋💠甘海老丼 $128鮮甜甘海老刺身鋪滿丼飯😍蝦肉晶瑩剔透，黏糯得嚟帶爽脆😋 醋飯味道好特別，同刺身好夾，好提鮮‼💠角切魚生丼 $118每日精選時令魚生角切！三文魚油潤、鯛魚鮮甜、八爪魚爽彈，仲有爆汁三文魚籽🎏 切成立方體，口感比普通刺身丼更豐富😋✨每個set都會跟蒸蛋，前菜同麵豉湯☺今日既前菜係醬油青瓜🥒麵豉湯鹹香中帶鮮甜，前菜嘅醬油青瓜醃得爽脆解膩🥒蒸蛋都超級鮮甜同好滑啊‼餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5

其實真係唔好食，份量又少價錢又唔合理，刺身味道同壽司郎無差，壽司郎分分鐘做好食過佢，熱食串燒，叫咗一串雞腎，免治肉串串，小青椒，完全唔好食，亦都唔係呢一個價錢想食嘅味道，原本對呢間大圍唯一嘅居酒屋好有期望，但係講真我唔會再嚟，浪費錢同時間試佢

之前睇完MM條片，特登過去試左木子居酒屋，唔知點解啲人會話佢高質😂說不上難食，但係唔會覺得好食，冇份量都唔覺得有質素，五個人埋單每人五百幾蚊。同行五人基本上意見都幾一致，燒灼嗰啲唔夠酒味，西京燒腥味重，海膽有啲苦，炸雞、串燒OK，炸魷魚有啲韌，壽司同刺身嗰啲普通正正路路，但係刺身係又薄又細，最好食係個軟殼蟹天婦羅同埋牛舌心，條片講到抵食又話好幸福，真係不敢苟同，只可以話主持太好戲，同埋相信咗MM係我心目中嘅公信力，呢個價錢真係有太多選擇，唔建議大家試食🙂‍↔️食物相就唔影啦，俾張單大家睇吓。

大圍積富街有好多食肆小店 要性價比高又坐得舒服 首選係呢間和食屋 地方寬敞 價錢實惠-🫓燒鱈魚片將鱈魚片烤一烤淨食 或者沾沙律醬/辣油燒汁 都咁好食🤤-🥗牛油果三文魚沙律雜菜爽脆 三文魚片大件有嚼勁 牛油果粒營造綿滑口感 加上我大愛嘅醬油dressing 好快將個沙律K.O.啦😜-🍤雜錦天婦羅炸蝦天婦羅係主角 而我最讚嘆嘅 係炸魚天婦羅😋-🥠燒牛舌心牛舌心柔軟 沾淡芥末醬一齊食 味道更豐富-🍜博多牛肉稻庭烏冬角切牛肉瘦中帶些少肥 牛味濃郁 亮點係昆布湯 湯汁清澈 味道鮮美 食完烏冬再飲高湯 好滿足😌

今日lunch就同同事嚟咗呢一間居酒屋嘆下，呢度環境舒適，而且日式風味十足，絕對適合同朋友黎食下野，好好放鬆一下，而我地就叫左2個lunch set 黎食每個餐都配有蒸蛋同埋小食，值得一讚嘅係佢嘅蒸蛋，整到非常之滑，口感同味道都一流，而除咗烏冬同埋鍋物餐外，佢另外仲配有麵豉湯⭐️吉列豬扒烏冬烏冬好彈牙，吉列豬扒都炸到好鬆脆，加埋醬，令整體更加好味，而且湯味道都濃郁，我差啲連個湯都飲晒⭐️蒲燒鰻魚丼鰻魚燒到恰到好處，個size唔細，只係個鰻魚，都令我飽左3份1，而且食材食落都好新鮮，值得推介，鍾意鰻魚嘅朋友絕對唔可以錯過

上次家姐食完呢間日本餐廳，叫豬太郎一定要嚟！.Lunch menu唔止多選擇，仲有 9 折優惠！套餐有齊蒸蛋、小食、面豉湯，絕對夠飽！.➜鹿兒和牛丼鹿兒島和牛果然名不虛傳，肉質軟冧，滿滿嘅牛脂香味喺嘴入面散開，沾埋蛋黃更加享受，丼飯吸滿肉汁同蛋汁，啖啖滿足！.➜刺身定食6點（配赤酢飯）每款刺身都有 2 件厚切！！！三文魚唔係腩位，食落無咁油；油甘魚就補足咗魚油脂香嘅味道；八爪魚彈牙爽口，大大赤酢飯配上少少飯素，都可以啖啖有刺身配住食！.無份食都想分享下～學生餐超抵60蚊鬆啲都可以食到刺生飯！當日都見到幾枱都係學生嚟食Lunch㗎！.#msmessypig_food 

話說個friend喺網上見到大圍有間好吸引嘅日本野，咁就一於去大圍試下"木子居酒屋"⭐牛油果三文魚沙律個沙律汁酸酸地，幾開胃，牛油果同三文魚都幾新鮮，li個配搭好好食。⭐唐揚炸雞卷嘩！呢個正呀👍！啲雞肉好嫩，而且真係大大舊，啖啖肉！加上飛魚子卜卜脆，口感一流😋！⭐野菜天婦羅天婦羅炸得好脆卜卜，又唔油膩，有冬菇、粟米仔、茄子、蕃薯、青椒，仲有蕃薯添！材料都幾新鮮，點埋個天婦羅汁，正！⭐厚燒豬腩肉呢個厚燒豬腩肉真係不得了🤤！燒得好juicy，好惹味！簡單嘅調味已經好好食😍。⭐吉列海老手卷個手卷嘅造型好有新鮮感，有青瓜同沙律醬，蝦炸得幾脆，整體嚟講都唔錯。

首先無相機食先嘅習慣，所以係無相食評🫡上網講到誇張好食就嚟試下，又支持下一個人全職都繼續做落去嘅小店，只可以話係不過不失。食物中規中矩，未去到食完會好有記憶點嘅一間港版居酒屋。OpenRice book 星期三晚餐時段滿座但限時90分鐘。上菜速度正常，唔洗等好長時間。刺身同壽司都係新鮮，熟食味道正常，份量偏少。唯獨最有賣點係個浦燒鰻魚連爐上😆服務態度都有嘅，會留意到吉碟然後好快收走，但茶杯吉咗就未咁快加到茶喇。 本身想食個螢光魷魚要$88無叫到，然後見隔離檯上檯個碟係豉油碟咁細，仲要遠望都數到幾多隻，真係好彩無叫到🤑飲品巨峰梳打$48荔枝沙瓦$78 - 呢杯野就好似加咗gin嘅梳打水然後有支雪條倒插住都幾fun(見識少真係未飲過)，不過由一開始就落單，等咗半餐飯先到。總結試過就好好食過佢嘅有好多，性價比高過佢都大有人在。如果要用呢個價錢而又限時嘅，可能下次第一時間就未必會諗呢間。兩個人食得飽埋單$1775💰

日式茶碗蒸：啖啖清香，口感細膩，入口滑嫩。雜錦天婦羅：有魚、蝦、茄子、南瓜及青瓜，炸至金黃酥脆，口感香脆多汁，搭配醬汁及白蘿蔔蓉更美味。三文魚加州卷：三文魚、牛油果、青瓜等食材，入口口感豐富。鹿兒豚肉清湯鍋：清湯清爽不油膩，豚肉嫩滑鮮美，還有豆腐、粉絲及雜菜吸收了湯內的精華，清甜美味。汁燒雞肝：雞肝口感嫩滑，加上濃汁，味道鮮美。豚肉香蔥卷：豚肉包著香蔥，好似一粒一寸厚的骰子，口大先可以一啖食晒。免治雞肉棒：燒至外脆，配上蛋黃汁。鱈魚白子：質地細膩，口感柔滑，味道鮮美，配上獨特酸酸甜甜的醬汁，十分開胃。星期一至四有85折。

收工喺大圍街市買餸 撞正呢間居酒屋 即刻拉埋飯腳衝入去 🌊 北寄貝沙律手卷 $35 即叫即握誠意分！ 北寄貝鮮甜冇雪味 沙律醬輕手唔搶戲 紫菜脆到似薯片 抵過連鎖店十蚊 🥑 牛油果三文魚手卷 $48 雙重口感大滿足 挪威三文魚厚切 牛油果熟度剛好creamy 飯粒混入蟹籽卜卜脆 女仔食完一件已半飽 🐟 鱈魚片 $48 送酒神器現真身！ 炸到金黃透光似玻璃紙 撒上秘製七味粉 鹹香帶微辣 咬落香脆唔油膩 佐酒一流 🍜 博多牛肉稻庭烏冬 $118 關西vs關東crossover 湯底豚骨香濃唔口渴 烏冬幼滑掛湯 追加$15可轉月見版本 🍤 雜錦天婦羅 $108 師傅手藝試金石 炸漿薄到透光得嚟唔甩皮 食材新鮮原味突出驚喜位係炸功了得 完全冇油膉味 兩個人歎齊手卷/燒物/主食 埋單有85折 $339人均$170 晚市折後真·街坊價 木子居酒屋(香港)香港大圍積富街33號積康樓地下E-G號舖

門口高掛日式燈籠和布簾，增添了濃厚的日式風情。內部採用了大量的木材傢具，造出溫暖舒適的氛圍，非常適合朋友聚會！平日星期一至四晚市優惠85折哦！🌟日式茶碗蒸$28入口嫩滑口感，魚子的點綴更為鮮美，內裡的配料非常用心，鮮蝦、香菇和蟹柳的搭配帶來了不同的口味，層次感豐富。🐟 鱈魚片$48烤完的鱈魚片香脆可口，配上沙律醬更添滋味，開胃小食！🌈火炙三文魚海膽卷$148三文魚的肉質鮮美，火炙後令魚油香氣提升，配上奢華的海膽，口感綿密，每一口都像是在品嘗海洋的精華，充滿驚喜！珍珠米飯的黏度剛剛好，加上清甜的青瓜絲和香口的海苔，整體味道層次豐富。🔥牛肉辛味鍋$138牛肉鍋的肉質軟硬度適中，湯底是微微的辛辣，還有各種蔬菜、新鮮豆腐和粉絲，葷素配搭是健康人士之選！熱呼呼的鍋，非常適合冬天享用，吃完後讓人倍感溫暖！🥢唐揚雞軟骨粒$48外酥內嫩的口感，軟骨的咸、香、脆，加上沙律醬，味道恰到好處，口感令人一口接一口，配上啤酒非常合適🍻！

食物好食既，牛舌心比MM條片細好多都理解既，論味道係好既，清酒煮蜆，魚生飯，前菜小食都好好味。 見訪問要老闆娘番多份工為保餐廳員工有糧出係感人既，廚房師傅明顯有用行動去建立信譽既。但門口個男仔真心係用盡態度去說服無訂位既人走，5點半去到已經有人排緊，一開門就梗係了解下有無訂位啦，咁訂位最早7點，7點要交枱，有兩枱站ok無問題，個男人即時黑晒面轉頭入左廚房，咁人地就係門口等，無人處理左十幾20分鐘後，到客人問幾時入得時，佢就話人唔自己入去，好惡咁叫人入去搵個妹妹處理。人地坐低又唔講qr點餐，人地要餐牌又西人面話睇手機都有得睇。人地只係無訂枱啫，需要咁討厭人咁差別對待咩？甚至坐到下一輪時間，門口有另一枱客等到開口問個男仔，個男仔罵番人轉頭7點你食得切咪比枱你囉，班客就嬲到走左。好彩我就訂左枱，另一個有經驗既姐姐都正常合理咁招呼。每間比MM報導完既都會中晒降頭咁出晒事，明明廚房整野又好食又靚，絕對對得住老闆娘要出去搵多份工頂住，樓面就⋯可能太忙太多野做出差錯掛，見人見智啦🫡

手機點單 刺身拼盤圖片就放海膽拖羅，實物就比鯖魚同幾條細個手指尾嘅魷魚仔。問侍應點解唔一樣，就一句話係廚師發辦就算，但係手機點單並冇寫明係當日廚師發辦。要再重新問先話實體餐牌上有寫，但係落單時並冇向客人表明，有誤導之嫌。其中一後生女侍應表情態度都差

今次就同朋友去到大圍站嘅木子居酒屋，想食下鍋物，暖下胃，同埋一嚐日本料理！餐廳風格充滿傳統日式居酒屋元素，柔和嘅燈光令人感到溫暖，營造出溫馨舒適嘅用餐環境。另外，餐廳做緊啤酒、Sake任飲放題兩小時，非常適合上班一族，收工之後同朋友過嚟暢飲暢食。而我哋今次就叫咗幾道日式料理： ✨日式茶碗蒸茶碗蒸係一道傳統日式蒸蛋，而木子居酒屋嘅出品，口感特別細膩。每一口都滑嫩如絲，蛋香四溢，上面嘅配料如魚子&香菇增添了鮮味，呢道菜絕對係前菜嘅最佳選擇！✨鱈魚片經過烤烘嘅鱈魚片 ，十分香脆可口。再配上蛋黃醬風味更佳，以佐酒小食嚟講，非常適合。✨火炙三文魚海膽卷份量十足嘅火炙三文魚海膽卷，外層嘅三文魚經過輕微火炙，散發出誘人嘅煙熏香氣；而上面嘅海膽，味道非常鮮甜，亦帶有濃郁嘅海味，兩者交融，風味獨特。呢道菜不僅係視覺上吸引，口感上更令人驚喜，卷物中仲有細絲嘅青瓜絲，令到口感非常有層次感。✨牛肉辛味鍋鍋物中嘅牛肉新鮮多汁，辛辣的湯底香氣撲鼻，令人一口接一口。搭配嘅蔬菜&豆腐，都吸收晒湯汁嘅精華，口感層次豐富，實在係寒冷天氣中嘅完美選擇！讚！！！