木子居酒屋

营业中

休息中

就係睇完mm嗰條片，原來係線稿。性價比是零叫個刺身拼盤三百幾蚊啲嘢食完全係雪櫃冰先拎出嚟未解凍好晒嗰啲魚生。之後又食咗個卷物150，唔知食咗啲乜。唯一叫做好少少，正常嘅食物就係嗰啲燒物。可惜嗰個牛舌心做咗20至25分鐘唔知點解出到嚟都係凍嘅，成餐飯食咗八舊水兩條友唔飽，之後去咗大圍小食食咗個燒賣飽咗。垃圾餐廳，第一次評論送俾你。真係奉勸各位嚟之前食要三思，如果唔係食到你一套戲返咗成個星期工食咗啲垃圾落肚就唔好啦

今日去左大圍做野,  同同事喺附近食埋午餐. 同事話有間想試. 咁就跟住佢搵食啦!原來係間居酒屋， 環境幾簡潔， 座位都好舒服！ 我叫左個 刺身定食6點 配赤酢飯擺盤已經好靚， 每款都有 2 件係厚切。 正呀！ 有三文魚 , 油甘魚都好好味, 每口都有魚油脂香嘅香味.  鯛魚同墨魚彈牙爽口, 海膽帶子, 蝦都好鮮甜.  配埋大大碗赤酢飯 , 剛剛好！蒲燒鰻魚丼 —好大塊鰻魚，烤得微微焦香，濃郁的醬汁 配飯真係一流。 鰻魚肉質軟嫩，個飯吸曬鰻魚醬汁，真係完美令人滿足！午餐每個定食都會配蒸蛋，小食， 面豉湯。蒸蛋非常之滑溜， 小食都好開胃。 整體食物質素好高. 有機會會黎試下晚餐啤啤佢.木子居酒屋大圍積富街33號積康樓地下E-G舖

同朋友經過一間裝修特別嘅居酒屋，諗住入去試吓。入到去發現服務主動友善，用餐環境寬敞，價錢合理，連午餐都有新鮮蒸蛋同麵豉湯送，相信係附近日常食飯嘅好選擇！ .🌟三文魚親子丼三文魚色澤鮮嫩，片片厚切，整齊鋪喺壽司飯上，中間有濕潤飽滿嘅三文魚籽同新鮮生雞蛋。將所有材料撈勻，入口有多重口感爆發——三文魚軟嫩、魚籽爆出鹹香、蛋黃滑溜，鮮甜好味！ .🌟和風煮牛舌定食厚切牛舌燉到軟腍，醬油同味醂嘅甜香滲入肉質，入口即化。配上溫泉蛋，更加中和咗醬汁嘅鹹膩感，同粒粒分明嘅白飯好夾，食完飽肚又滿足！

這是一家風格獨特的餐廳，進入餐廳，是充滿藝術感的牆面，展示著各種手寫的招牌和貼紙，餐廳內的木質裝飾和暖色調的燈光，有溫馨的用餐環境。👍👍👍西京銀雪魚定食這道定食的主角是西京銀雪魚，魚肉烤得恰到好處，外皮微脆，內裡鮮嫩多汁。搭配的白飯，米粒分明，口感軟糯，與魚肉的鮮香相得益彰。定食中還包含了味噌湯，湯底清淡卻富有層次感，讓整體用餐體驗更加圓滿。此外，還有小菜和蒸蛋，增添了口感的多樣性，整體平衡得當。😋😋😋咖哩豬扒定食豬扒的外皮金黃酥脆，內裡的肉質鮮嫩，搭配濃郁的咖哩醬汁，香氣四溢。咖哩的辛香味恰到好處，不會過於濃烈，讓人感受到食材本身的鮮美。白飯與咖哩的搭配，讓每一口都充滿滿足感。這道定食同樣配有味噌湯和小菜，讓整體用餐更加豐富。❤️❤️❤️這西京銀雪魚定食的細膩和咖哩豬扒定食的風味都讓人印象深刻。

睇完片黎食食完感覺價錢偏貴 份量偏少性價比低👇🏻芝士年糕 $68/2pcs好似平時放題啲芝士年糕仲煙靭啲..食得出係燒既 平時果啲係炸不過都唔值$34一件🤖後面橙色果件係明太子醬燒豆腐 $58/2pcs豆腐好乾又好扁 明太子量足 比例上好咸 完全唔好食食左一啖就放棄左仲有一啲冇影到 不過都係不值menu上的價錢最驚喜好食係清酒煮蜆 $88蜆好大舊肉 鮮甜半打蠔 $348 正常吧相信呢個價錢可以食到好多更高質素既餐廳服務上亦較一般 但有加一同埋自助落單 服務只限上菜

食物嘅味道係可以嘅，份量都算正常，但最出色嘅就一定係樓面個女員工嘅服務！話說跟餐有個茶碗蒸，上菜時已經得7分滿，食左兩啖發覺除左面頭係熟，下邊完全未成形，根本仲係流質狀態，其實都冇諗住要換過個，只係埋單時俾個女員工睇下，同佢講聲有咁嘅情況，等佢哋可以留意下，可惜換嚟嘅係一句「哦～唔熟呀～」，再下句就已經係問我收錢，一句唔好意思都冇！咁嘅價錢咁嘅態度，真係不可一不可再！

大圍呢間木系裝潢嘅居酒屋門外掛滿燈籠．裡面環境寬敞舒適仲有榻榻米坐位放滿不同種類嘅日本清酒感覺置身日本一樣係大圍區少數呢類嘅居酒屋收工同朋友飲sake聚會嘅好地方午市定食都幾多選擇仲附送茶碗蒸．前菜✨牛肉壽喜燒加入大量蔬菜同菇菌上面舖滿半熟嘅牛肉刺穿蛋黃融入湯底之中每片都份外香甜✨吉列豬扒烏東即叫即炸．厚切豬扒口感豐富面層沾上薄薄嘅炸粉非常酥脆配搭清甜嘅烏東最適合丼飯好多選擇好吸引下次再嚟一定要試

二訪嚟到大圍積富街的「木子居酒屋」，對上一次嚟已經一年前食晚餐咁啱喺附近睇完中醫 所以順便試一試午餐 火炙雜錦魚生丼以四款新鮮魚生為主角包括三文魚、油甘魚、吞拿魚和鯛魚師傅巧妙地用火槍輕炙表面魚生邊緣呈現微微焦香 內裡依然保持刺身的鮮嫩口感特別喜歡油甘魚炙燒後油脂香氣更突出 鯛魚則保持清爽鮮甜午餐絕對可媲美晚餐的質素！豚肉生薑燒定食表現同樣出色豚肉片裹著甜薑醬汁 肉質軟嫩入味兩款午餐都配咗蒸蛋：滑嫩細緻麵豉湯鹹淡適中仲有涼拌青瓜酸甜爽脆而午餐時間人流較少 所以好舒適 價位合理係大圍區日式魚生飯的好選擇！ 地址：大圍積富街33號積康樓地下E-G舖

本身IG見好多好評，打算lunch試試… 點知就出事了🥲🥲🥲 只係要一個滑蛋豬扒飯，足足等左45min。中間叫侍應睇下，都一直話整緊，整到成個lunch time都冇左。☠️總結: 上班一族真係駁唔過💩 番工已經好辛苦，連一個鐘既lunch都要餓住過，真係不了🫠🫠🫠

呢間係我之前bookmark左好耐既一間居酒屋，今日襯平日午市時間黎。呢到樓底好高，入面裝潢好有日本風情，好有feel。午餐時間黎到原來有lunch set，有壽命，有丼飯，有便當，有烏冬set。角切魚生丼，吉列豬扒烏冬，有茶碗蒸，青瓜漬物。茶碗蒸好滑，食到出加左高湯，所以好鮮甜，入面仲唔同既配料，有冬菇，蟹柳等，好有誠意。角切魚生丼上枱時見到色彩繽紛，感覺好開胃。入面好多款魚生，食落都好鮮甜，魚生切得厚薄適中，口感滑嫩。魚生種類包括三文魚、吞拿魚、帶子，仲有蝦，所以都好豐富。吉烈豬扒烏冬外層酥脆，豬肉內層嫩滑，而且唔會好難咬。烏冬湯底清清地，唔會太咸。配埋茶碗蒸同埋青瓜漬物，食得好飽!

--早排生日月，行程都約到密密麻麻。無奈之下係朋友既lunch hour，黎個快速gathering 😆位於大圍積富街，交通方便，而且店內裝潢好似置身日本居酒屋一樣！-❤️午餐-精選魚生丼✨帆立貝伴三文魚籽丼帆立貝鮮甜彈牙，三文魚籽鹹香爆漿，與醋飯搭配最佳！❤️精選一品料理-牛肉壽喜燒（配白飯）牛肉軟嫩入味，壽喜燒醬汁甜鹹平衡，搭配白飯十分下飯。👉🏻午餐附蒸蛋、小食及味噌湯，性價比高蒸蛋+小食+面鼓湯** 🥚蒸蛋滑嫩細緻，內含香菇、雞肉，層次感足🥒當日係青瓜漬物，清爽解膩，但略顯普通🍲面鼓湯，鹹淡適中，海帶與豆腐增添口感，傳統日式風味

北海道海鮮丼 $168有赤蝦，蟹籽，三文魚，油甘魚，拖羅，帶子，海膽等等，拖羅超肥美，赤蝦大隻又鮮甜，所有刺身都好新鮮；丼飯係赤酢飯，有誠意😋海鹽火炙左口魚邊丼 $118火炙嘅左口魚超級肥美，好滑，加咗微微海鹽，更加帶出魚嘅鮮味，都係配赤酢飯😋午餐有茶碗蒸，前菜同麵豉湯，前菜係醬油青瓜，青瓜夠爽，麵豉湯唔會太鹹，啱我👍🏻餐廳地點都方便，大圍地鐵行5分鐘就到。裝修好日本居酒屋，地方闊落，好有空間感，坐得舒服嘅。食材新鮮，出品有誠意，午餐超抵食，下次試晚餐👍🏻

1/5 勞動假期，當然要勞動一下，相約好友到大圍運動一番，完事都已1:30pm 打開OpenRice 找到心水推介，於是訂枱2點出席。一進入門口已有一面鏡貼著許多酒標⋯⋯由於是勞動假期，食客1:45pm 氣氛也相當熱鬧。店員有禮，確認訂枱後，未到2點.，也可入座。由於當日天氣炎熱，朋友一坐下來便叫著熱點黑啤⋯⋯沖繩Orion 黑啤500ml $88~ 炸牛旁$48~配上炸物，炸牛旁，感覺像找到一個靈魂伴侶一樣，何其夾檔。壽司定食配烏冬$148~以$148有八貫壽司，還有茶碗蒸、麵豉湯及烏冬的定食Set ，真心合理價。和風牛舌定食$98~定食包括麵豉湯、漬物、茶碗蒸牛舌未有驚喜，但份量十足，吃飽很滿足。整體來說炸牛旁配黑啤很夾檔，人氣牛舌份量大，男士必選項目。

木子居酒屋大圍積富街33號積康樓地下E-G舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：三文魚親子丼 $118，蒲燒鰻魚丼 $108三文魚親子丼：新鮮橙紅色三文魚片，片片厚切，光澤誘人，如同盛開的花朵般鋪在晶瑩的米飯上，其間點綴著飽滿圓潤的三文魚子，顆顆晶瑩剔透，在燈光下閃爍著誘人的光芒，加上一隻生雞蛋，增添豐腴柔滑的質感，可謂賞心悅目。將鮮美的三文魚、三文魚子、生雞蛋和米飯一同拌勻後，入口的滋味鮮甜滑嫩，層次豐富！😄😄😄蒲燒鰻魚丼：一大塊烤得油光亮麗的鰻魚，呈現誘人的深褐色，濃郁的醬汁均勻地裹在魚身上，散發出獨特的鰻魚香氣。鰻魚肉質肥厚軟嫩，表面還細緻地撒上了翠綠的海苔絲，底下的米飯吸飽了鰻魚的醬汁，散發著誘人的光澤。入口時，鰻魚的鮮美與醬汁的鹹甜完美融合，令人滿足！👍👍👍

平日係沙田出沒既我🤗今次同朋友行完圍方之後係大圍附近搵食，發現經過好多次既呢間居酒屋同無食過，見裝修幾特別😌決定入去試試佢。欣賞餐廳全部既午餐餐點都會有+蒸蛋+小食+面豉湯送，咁就一定食得飽啦😆😋午餐：壽司定食(配烏冬)+蒸蛋+小食+面豉湯我就揀左壽司定食，有成8款壽司😍入面既魚生都好新鮮，海膽亦都好甜🥳其中有一件壽司加左我最愛既柚子胡椒😍令到成件事提升到另一層次 而主食有好滑既茶碗蒸同海帶係面頭上烏冬 相當滿意😋午餐一品料理：和風煮牛舌定食+蒸蛋+小食+面豉湯而朋友就揀左食和風汁煮牛舌🐄👅牛舌煮到好淋好易入口而且好入味，再配埋溫泉蛋送飯一流👍🏻