木子居酒屋

营业中

休息中

木子居酒屋 (大圍)📇地址：大圍積富街33號積康樓地下E-G號舖🕐營業時間：星期一至日12:00-15:00；17:30-22:00💸人均消費：～$100-150/人(lunchtime)👏🏻抵讚位：枱與枱唔會黐到好埋，有返啲每一枱嘅私人空間。同老人家去食飯，佢哋都覺得坐得好舒服。樓底夠哂高，唔會坐到好有壓迫感😁🍴Food QC：「豚肉生薑燒定食 $58（特價餐）」午市兩款特價餐嘅其中一款。有茶碗蒸、麵鼓湯、前菜。味道方面正常，生薑燒食得到真係有薑味同啲豬肉無so味。「角切魚生丼 $58（特價餐）」特價餐嘅另外一款，都跟齊茶碗蒸、前茶同埋湯。望落細細碗，但屋企人食完話都好飽下。魚生都鋪滿哂成個飯面，仲有隻可以話係畫龍點睛嘅牡丹蝦，係碗相當嘅吸引嘅魚生飯😆「吉列豬扒烏冬定食 $98」正常發揮，值得一提嘅係塊豬扒，大過我手掌。屋企人分左3舊俾我，都仲有5舊淨，好有分量嘅豬扒😝「煙豬肝 $58」見到個名已經覺得好特別，就叫左黎試。唔似平時白灼個啲好爽口咁，係軟熟嘅豬潤嘅口感，同埋好有木燻嘅香味，聞落一啲豬嘅so味都無😙「吉列廣島蠔 $88」4隻蠔，隻隻都好大隻下，外脆內軟，啲蠔好juicy，

🍴胡麻豆腐番茄沙律 HK$68豆腐滑，蔬菜脆，清新。🍴拖羅蓉脆脆餅 HK$68拖羅蓉鮮甜細滑，蔥花加強香氣，脆餅有如旺旺燒米餅一樣香脆，一啖放入口，同時享受滑、脆兩種口感，滋味無窮。🍴木子三文魚盛合 HK$88、三色手卷 HK$68、吉列海老手卷 HK$38辣味三文魚軍艦相當惹味。三色手卷有拖羅蓉、海膽、三文魚子，簡直係鮮味爆發。吉列海老熱辣辣，外脆內嫩。🍴清酒煮蜆 HK$98蜆肉大大粒，嫩滑鮮甜，仲要一粒沙都冇，酒味香而不澀。🍴雜錦天婦羅 HK$108有三大隻蝦、魚同幾款蔬果，用料靚，夠新鮮，薄薄嘅脆皮冇多餘油分，盡顯食材原味。🍴日本宮崎腸 HK$38、厚燒豬腩肉 HK$38、豚肉韭菜卷 HK$38、燒飯團 HK$28豬腩肉甘香軟熟，韭菜脆嫩，外層嘅薄豬肉燒得焦脆，加埋醬油相當濃香。🍴自家製梅酒 HK$48、檸檬梳打燒酎 HK$48梅酒酸酸甜甜，酒味適中，清涼唔涸喉，消暑佳品。📍木子居酒屋大圍積富街33號積康樓地下E-G號舖

居酒屋位置大圍站附近，步行大約4分鐘左右。整間居酒屋木系設計，掛滿日式燈籠，裝潢滿鋪和式氛圍，座位闊落，空間感十足，坐得舒服。牛油果三文魚沙律 食材新鮮，而且用料足，三文魚屬厚切，味道鮮甜，沙律菜和牛油果亦非常新鮮，再加上三文魚籽作點綴吉列廣島蠔炸至超級酥脆，外層炸粉夠薄，炸至金黃鬆脆，原隻廣島蠔肉質飽滿肥美精選火炙壽司拼盤9件$268 擺盤精美，賣相味道同樣岀色。師傅以時令之食材由廚師發辦，今次拼盤數款時令魚類、大蝦、帆立貝等等，以火炙迫岀魚鮨，提升了魚之鮮味，魚油在口腔迴旋，甘甜鮮味萬分，大愛福岡凍蕎麥麵夏日必點，非常輕盈，清新開胃，蕎麥麵條質地彈牙有嚼勁，混合溫泉蛋一起吃，口感更順滑，夏日清新之選！柚子檸檬梳打感覺清爽，甜度適中，帶有柚子皮，柚子清香解膩，夏日飲梳打特飲是一大樂事！巨峰生啤特色啤酒，一試難忘，啤酒浸岀一股清香巨峰提子味，初嘗入口微甜，及後帶點啤酒味木子居酒屋 (大圍) 大圍積富街33號積康樓地下E-G號舖

嘻嘻🤭劉媽中午去蛇王無計～平時1湊3 想吞pop飲杯啤都難難得呢日有👵🏻幫手湊細細👶🏻即約朋友近近地食個飯飲杯啤先今次去到大圍新開嘅居酒屋牆身放咗各式各樣嘅清酒樽、大啤酒筒食物款式頗多 用QR code落單好方便食物即叫即整 👍🏻 性價比極高我哋order咗🍴西京三文魚扒定食三文魚扒好厚身煎得皮脆肉嫩 食落仲好多肉汁唔會乾淨淨加上甜甜嘅醬油汁 送飯一流🍴吞拿魚蓉海膽丼定食海膽鮮甜加上肥美嘅吞拿魚蓉好match份量超足 食完超滿足每份定食都有跟蒸蛋＋小食＋麵豉湯🥃威士忌梅酒酸酸甜甜 好易入口🍺柚子生啤入口清新柚子味 非常好飲下次要再嚟試串燒、刺身🤤木子居酒屋 ( #大圍 )📍大圍積富街33號積康樓地下E-G舖

木子居酒屋價錢💲: $68/ $238/ $88/ $78/ $28/ $108/ $58好味程度😋: 3.7/5服務🍴: 3.7/5環境🗾: 4/5性價比🥢: 4/5回頭率😚: 3.7/5-去開大圍又點估到有咁日式的居酒屋，仲要樓底好高，有tatami位置，裝修都好似真係去左日本咁😝平日晚上佢都係同區比較受歡迎的一間，接近坐滿。佢哋好多選擇、刺身甚至有原條魚，唔怪得之幾多人食。-✅胡麻豆腐番茄沙律。菜新鮮，番茄好多又juicy，麻醬比得好多，怕草青味的都可以食到。日本豆腐都一定好食☺️-✅長崎縣釣池。原條的魚刺身，今日選擇左呢款。分左2種做法，分別係薄切同埋角切加薑蓉、醋等調味做成的他他。因為呢隻魚魚味比較濃，油分比較少，所以我比較鍾意他他的做法，去除左啲腥味又好食😌-✅松葉精選蟹鉗。好飽滿的蟹肉，食落有2啖的份量。味道比較淡，只有輕微的蟹鮮味。但呢隻絕對比幼長個啲蟹腳來得鮮甜😆-✅日本蕃薯拼南瓜。每樣3片，南瓜同蕃薯的甜度都好高，炸粉漿無過厚，又脆，正常唔會輸的水準😉-✅✅茶碗蒸。嫩嫩的蒸蛋，簡單味淋調味已經食到食材的鮮味。入面有雞肉、🦐、白果、冬菇等，材料豐富。最鍾意係有魚籽係上面

今日下班後和朋友一起去大圍覓食，便找到了一間看似不錯的日本餐廳，於是便選了這間來吃😛我們點了二木子刺身盛合。這道菜有5款刺身，包括拖羅、深海魚、海膽、帶子和油甘魚。每一款刺身都非常新鮮，帶子特別肥美，深海魚肉質細緻味道鮮甜，拖羅和油甘魚也非常好吃👍！還有串燒豬肉韮菜卷和免治雞肉棒，價格稍高，但份量比其他居酒屋大，而且燒得很好。特別是豬肉韮菜卷，豬肉微鹹又燒得香口，非常好吃。最後是福岡凍蕎麥麵，用上溫泉蛋、炸天婦羅碎和木魚絲，配上鮮甜的高湯和冰凍的蕎麥麵，簡單的食材組合起來非常清爽鮮甜。整體而言，這家餐廳的推薦菜單都很值得一試，尤其是刺身盛合和豬肉韮菜卷，味道極佳😋👍📍 木子居酒屋 (大圍)大圍積富街33號積康樓地下E-G號舖

屋企附近新開嘅呢間「木子居酒屋」，裝修真係好有日本居酒屋feel，而且好多野食都好好味，閒日夜晚9:00，仍然座無虛席，真係好似日本嘅居酒屋👏🏻👏🏻。和風六格：六格嘅日式前菜，夠晒開胃，而且賣相好精美，打卡一流👍🏻.。軟殼蟹天婦羅：外層夠薄脆，內裡嘅軟殼蟹仍然保持軟滑質感，唔怕熱氣又唔油膩！讚👍🏻.。厚燒牛舌心：全晚最滿意嘅菜式❤️❤️❤️我本身好鍾意食牛舌！呢一隻厚燒牛舌心，有齊牛舌嘅香味 + 質感爽得黎又帶少少煙靭，仲要燒到勁香口！一定要再encore，一百分 💯.。日本宮崎腸：香噴噴嘅脆皮腸，肉質幾有咬口～.。荔枝豚肉卷：用豚肉片包住一粒多汁嘅荔枝，咬落去嘅感覺好juicy，口感一流，有驚喜👍🏻.。厚燒豬腩肉：豬腩肉嘅脂肪分佈幾均勻，記住要趁熱食，特別香口.。汁燒雞肝：質感有少少似豬潤，外層燒到好香口，沾埋少少醬汁，唔錯.。精選火炙壽司拼盤 9件：由師傅發辦～～今次大部份都係魚、魚、魚，我最滿意係燒帆立貝，厚肉鮮甜💯.。日本白桃汁：好香白桃味，好fresh.。自家制梅酒：酒味幾香甜，帶有淡淡嘅白桃味，下次可以再encore

大圍全木系設計的日式居酒屋，給人一種地道而又溫暖的和服風格調，室內樓底很高，坐位十分寬敞,人多可以坐榻榻米，人少可以坐木椅梳化和用酒箱做成的餐枱位置,還有一間木材搭建的小包廂,啱哂一班朋友來聚一聚 🔮鱈魚片     味道似鹹香魚味餅乾,酥脆香口,蘸少少日式蛋黃醬,就更好味道了！🔮海膽,帆立貝刺身日本新鮮空運直送,將軟綿綿的海膽,用紫菜包住來食, 海膽入口即溶, 十分鮮味;帆立貝十分新鮮,新鮮到表面還看得見是亮身的,鮮甜無比,還有一種爽脆的口感;再嘗試將海膽夾在帆立貝中間,一啖食落去,完全有種舌頭懷孕了的感覺呀！正👍🔮串燒雞腎,雞皮燒汁慢燒雞腎,香口脆身,燒十汁慢燒滲入肉內,十入惹味;雞皮香脆不油膩,上面灑上少少鹽巴已很滋味 🔮炭燒三文魚飯糰把飯糰外面均勻地燒香,入口滿滿飯焦香,一口咬落去,外脆內綿,而米飯更吸收了三文魚的魚油香味, 更可香口 🔮巨蜂提子啤酒最喜歡充滿麥芽香的日本啤酒,入口更帶清甜的提子味,個人覺得好適合女仕們的一款啤酒呀!Menu上面還有很多其他不同種類的的日式美食, 更有多款日本清酒,梅酒,特雞尾酒等！有特式又夠滋味,難怪開業幾個月以來都一直深受區內居民歡迎呀～

/阿肥🦁阿瘦🐰推介/Long weekend 想搵個地方chill 下同朋友飲下酒，去居酒屋就最啱啦🤤！今次阿肥🦁阿瘦🐰就去咗大圍嘅居酒屋食壽司同飲酒，環境好好，裝修好有日式風味🇯🇵，食物方面都非常高質🤩，啱晒同朋友一齊嚟👫。🍊柚子大根漬 $38大根用酸酸地嘅醬汁去醃漬，帶有少少柚子味，係一個非常清新嘅開胃菜😋。🐠 鱈魚片 $48薄薄地嘅鱈魚脆片，入口有一浸鹹香味，亦有少少甜味，好適合用嚟送酒🍻。🦀 松葉精選蟹鉗$88雖然size唔係好大，但蟹肉幾新鮮，肉質一梳梳，比較結實👍🏻。點少少豉油同wasabi可以更加帶出蟹肉淡淡的鮮味，幾好食！🍣 木子號大漁伴帆立貝一粒 $88睇吓相就知好足料啦💯💯！喺最底下嘅係帆立貝，夠晒大粒厚肉😃。中間有吞拿魚蓉，令成道菜多咗少少油香。上面仲有海膽、三文魚籽，同埋黑松露醬，喺味道同口感上再多一種層次。一啖擺晒落口，鮮味大爆發🤩好滿足☺️！🍤 雜錦天婦羅 $108啱啱炸起就有得食，所以好脆好香口。面頭嘅脆漿唔會太厚🤓，而且份量都唔細！🍣精選火炙壽司拼盤9件 $268 🌟🦁🐰推介🌟壽司係根據廚師發板，所以每次嚟嘅拼盤都唔同🤣。今次就有大蝦、帆立貝、三文魚等等

要搵好嘢食絕對唔可以錯過喺大圍嘅呢一間居酒屋小店，距離大圍地鐵站只係5分鐘路程呢間居酒屋嘅環境好舒適，非常適合同朋友聚會傾偈呢度無論係刺身或者小食串燒味道都相當唔錯，而且有啲小食仲好有特色添松葉精選蟹鉗（2隻) $88 +鮮帆立貝肉（6切）$80帆立貝非常之新鮮，一絲絲爽脆嘅肉質，唔似平時個d咁腍松葉蟹鮮甜有肉汁，蟹肉唔算多但味道搭夠拖羅蓉脆脆餅$68脆脆餅呢個配搭好有趣，平時好少見，但味道好夾，香脆得黎加上拖羅蓉既鮮甜魚油香味，飲酒既朋友絕對可以一試鮪魚壽司拼盤 $298拖羅好肥美可口，入口嫩滑，油脂溶化鮮甜美味厚燒豬腩肉$38燒完出黎立即食最好，因為個脂肪熱熱地更加香口免治雞肉棒$38雞肉口感綿滑得黎有少少軟骨既爽脆，加上蛋汁後更加出色稻庭烏冬$78自家制檸檬綠茶芒果白桃烏龍茶

大圍新開咗呢間日式居酒屋，平時經過見到都幾多人， 今次嚟到仲算早，有位就入嚟試一試， 餐廳算大，日式裝修同擺設，播埋日本歌有去咗日本嘅feel， 坐咗陣舖頭好快已經滿座 角切刺身和風沙律角切三文魚，油甘魚，三文魚子，同埋甜蝦，加埋沙律菜全部都好新鮮，好開胃 活平目魚餐廳推介呢個平目魚刺身，有12片，食落彈牙有嚼頭，越嚼越食到魚嘅鮮甜味，連朵花都係刺身捲出嚟嘅，千祈唔好miss咗，點酸汁食好fresh 雜錦天婦羅有三隻蝦，南瓜，冬菇，茄子，青椒， 粟米仔同魚， 個天婦羅皮薄得嚟又夠脆， 個蝦好彈牙好味，另外我好鍾意個冬菇，炸完都仲keep到多汁 西京燒銀鱈魚我同朋友都覺得呢個魚好滑又好好味，唔使點蛋黃醬已經好夠味，食完覺得好唔夠喉呀 福岡凍蕎麥麵天氣咁熱食返個凍蕎麥麵就最啱，佢有隻溫泉蛋，天婦羅脆脆，木魚絲同紫菜絲，撈勻嚟食有口感得嚟又夠味，凍冰冰好開胃 士多啤梨梳打 青蘋果梳打叫咗兩杯梳打，好靚好啱打卡，記得要攪勻先好飲，酸酸甜甜幾好味 #foodie #大圍美食 #居酒屋 #打卡 #拍拖好去處 #hkig #hkfoodieblogger #hongkonger #foodblogg

大圍有水準CP值高的日本料理✨🌿🦥👍🏻餐廳以日式居酒屋環境為佈置，用上了啤酒箱和筒作佈置之一，極具特色，讓人有chill的感覺！食物方面亦有水準，使用了高質的食材，新鮮的食材，吃得滋味！此外，店員服務亦很有禮貌，整體都高分！《木子刺身盛合五點》$328餐廳有多款魚生的選擇，是此點了這款刺身盛合，共有五款魚生，每款最少也有三塊，由師傅發板，是由日本直送的。而且魚生也是較昂貴的那種類，如大拖羅、螢光魷魚、池魚、海膽、油甘魚等！真是物超所值！✨✨✨✨《雜錦天婦羅》$108天婦羅也做得很出色！外層的炸粉是薄薄的一層，咬下去時吃得出是新鮮炸的，不會有隔夜油的味！而且，天婦羅的種類也是高質食材，有魚、蝦也有三隻，是彈牙、蝦香味濃的！當然不少得有蔬菜類！高質的天婦羅！✨✨✨✨《厚燒牛舌心》$98又一款高質滋味的菜式，厚燒的牛舌心口感彈牙而有軟嫩，亦有脆爽的口感，多麼的惹味，富有咀嚼感！滿分！✨✨✨✨《燒飯團》$28簡單的飯團經過師傅細心的處理後，變得很有特色！表面微微烘一烘，有種煲仔飯焦的口感，驚喜滿分！《牛油果三文魚沙律》$88這個是前菜，但份量也足料！有多塊三文魚！菜也疊到高高的！賣相也不錯！飲

難得今日喺大圍，就即刻約咗住喺呢度附近嘅朋友食飯，朋友提議不如去附近呢間新開嘅木系居酒屋度食，我上網睇過啲圖片，就即刻應承咗。呢度嘅裝修都幾用心，食嘢都係用QR code落單。我地叫左一杯巨峰生啤，一杯柚子生啤，兩杯都好重水果味，超易入口，飲幾杯都冇事！本人超愛柚子所以見到有個柚子大根漬都即叫，爽脆可口，濃濃柚子味！朋友叫左味付海蜇，小小一碟，有薇辣，配啤酒一流。軟殼蟹天婦羅做得好出色，外皮脆而不油，肉身重蟹味。本手返手握壽司有12件，放係9格木盒入面份外名貴，有海膽，有三文魚籽，toro，都超新鮮，不論打卡或味道都絕對推介！酸汁大啡菇係店員推薦既新item，不錯。不過我個人覺得個豚肉豆苗卷一定要叫！必點啊！超級好食！！個肉燒得入味又唔乾，入面包住好多好多豆苗，仲要所有豆苗都只用最嫩個節，每一口都好享受！本來已經好飽，但朋友話所有野都咁好食，就一定要試埋佢哋個烤飯團，好啦，好彩有叫，一樣好好味，外面烤得好脆，紫菜又唔會痴口。

叫左兩個前菜佐酒🔸煙黑豚耳爽 $35好爽口🔸柚子大根漬 $35醃蘿蔔配柚子好清甜和風炸雞 $88雞肉好嫩好juicy精選火炙壽司拼盤 9件 $268廚師發辦，日日唔同配搭，火炙過既壽司，油脂感更豐富，配搭赤醋飯，兩者好夾。帶子好鮮甜，仲有我最愛既左口魚，火炙過後，油香味更突出😍厚燒牛舌心 $98厚切令到牛舌更有爽嫩既感覺。西京燒銀雪魚 $138好滑，入口即溶，配埋沙律醬😋居酒屋🏮間格，有吧台位，平日夜晚都爆滿，幾多捧場客。

📍木子居酒屋 (大圍)大圍積富街33號積康樓地下E-G舖睇完物理治療，餓餓地係大圍搵食，朋友想食日本野，咁岩又見到間好似新開居酒屋，設計都幾特別，就入咗去啦。🍤天婦羅定食$128（燉蛋+麵豉湯）各樣有2件，炸得啱啱好，唔算好厚粉。最緊要係唔多油（唔使成口油）食到炸蝦嘅鮮甜！ 燉蛋好出色，好滑！ 🍣刺身定食六點（配赤酢飯）$148（燉蛋+麵豉湯）各樣刺身都有兩件！ 而且仲要厚切！ 認真唔話得！食落都幾甜，坐bar 台可以睇住廚師新鮮製作。🍸自家製檸檬茶幾新鮮感覺，甜甜地，最緊要係有少少沙冰，絕對啱晒而家天氣熱飲🍹士多啤梨梳打無論味道同埋外型都幾吸引，幾特別。好重士多啤梨味，細心咁睇，原來係用原隻士多啤梨製作。🛎️總結：日本風格的餐廳，地方闊落，坐落舒服，再配上音樂，好chill。食物質素唔錯，吸引好多附近學生食。地點⭐️⭐️⭐️⭐️ ⭐️味道⭐️⭐️⭐️⭐️⭐環境⭐️⭐️⭐️⭐️⭐️服務態度⭐️⭐️⭐️⭐️⭐️（5星為最高分）