木子居酒屋

营业中

休息中

上個星期失咗約，今個星期要約閨蜜食返餐飯補番數，就下佢就入大圍食啦！！原來大圍都有好多嘢食，我地揀咗間居酒屋，見佢門面都幾靚，入面裝修又幾有日本風情，周圍都係清酒樽，佈置得好靚！我地食得早，所以係店內第一抬客，趁機打返幾張卡先....我地叫咗個角切沙律開開胃，上面有大大隻牡丹蝦，啲刺身好好新鮮，而且個沙律油醋汁調得好鮮味，哟三文魚籽大大粒，漲卜卜~每一下咬爆佢都「噗~」一聲，好滿足！！上次試過火炙司，覺得個風味都幾吸引~見呢度有個火炙壽司盛合，幾種不同嘅魚都有（每日不同，好似omakase一樣…😅☺️），就試下啦~幾種魚都好鮮味，經過火炙之後油香滿溢，齒頰留香！我之前病咗食唔到燒牛舌😓，見呢度有牛舌心，一於要試下！上枱兩大件厚切，燒得剛剛好，非常鮮嫩，肉汁豐富~但又唔會一陣牛騷味，配英式芥末醬，非常惹味！炸豆腐係我食日本菜必食嘅，表皮炸得好香脆，但係入面嘅豆腐又好嫩滑，配埋昆布汁食落好舒服！再來個野菜天婦羅啦～食日本菜都要食蔬菜㗎～每件都炸得得好好！脆漿唔會太厚，尤其最愛茄子同粟米芯！！呢餐真十分圓滿（真係幾飽🤭🤩）要一提：呢度始終係居酒屋，酒嘅選擇都幾多，啤酒竟然可以溝梅酒🥳👍🏻🥰所以

好耐冇去食居酒屋🏮揾間近近地又可以同朋友坐低慢慢食慢慢傾吓心事，成個氣氛都勁舒服😌見網上都幾多人推薦下，試完真係吾錯，又近地鐵站🚉真係幾正下😊🌟拖羅蓉脆脆餅 $78呢個脆脆餅上面嘅拖羅真係好足料，一咬落去好脆，上面嘅拖羅食落去好滑🍘好香口，仲有啲炸蔥嘅配搭真係好正，值得一試🌟精選火灸壽司拼盤 $208每種壽司都吾同，全部都係用左火灸形式去整，食落去超香口，啲壽司🍣食落去入口即溶，又好新鮮，而且個擺盤都好靚，打卡真係一流🌟野菜天婦羅 $78呢個天婦羅有好多吾同嘅蔬菜，有蕃薯🍠南瓜🎃粟米筍🌽冬菇🍄個炸粉仲要一啲都吾厚，食落去好脆，好鮮甜🌟厚燒牛舌心 $118佢食落去係好爽口，一啲都吾淋身，而且又冇用太多嘅調味料去腌制，牛味好濃厚🥩好有嚼口，正😄🌟免治雞肉棒 $38個雞肉棒一食落去已經好香口，再點咪個蛋黃一齊食會更加滑啲🥚燒到岩岩好，又有少少甜甜地嘅感覺都好正🐥

大圍新開居酒屋，店外內環境都不錯。日式佈置，樓底高，枱與枱之間夠闊落，坐得好舒服👍🏻菜式款式都算多種類，魚生壽司、串燒、一品料理、前菜漬物小食、飯麵通通都有。當然來到居酒屋就要小酌幾杯啦🍶和風三格 $78 係前菜，天天不同今日就係柚子大根漬、辣味螺肉、味付海蜇。大根漬好清新又開胃，螺肉海蜇都彈牙！紅酒煮鮟鱇魚乾 $88而家好似多咗地方有鮟鱇魚乾，我無特別喜歡，但呢度整得好好食，令我改觀😳 個醬料搭配得好正，好似令個魚乾昇華了，肝的油膩味都好似無咁勁😦三文魚加州卷 $128好似好普通？但咬落有驚喜😱 未食過＇州卷裡頭的紫菜可以咁脆，仲有玉子，蟹柳，青瓜絲同埋牛油果！！三文魚都食到D魚油香😌福岡凍蕎麥麵 $98蘿蔔蓉、蔥、紫菜、溫泉蛋+脆脆個麵做得好好，好爽口😋 蕎麥麵汁清清的，啱晒清清口腔準備食其他嘢😌雜錦天婦羅 $108有青椒🫑、蝦🍤、蕃薯🍠、粟米芯🌽、魚🐟炸粉一D都唔油膩 ，無油溢味。想講個粟米好得意呀，食到一粒粒又好甜👍🏻店長推介 ✨厚燒牛舌心 ✨$118好似鵝肝咁樣，好大件😁 燒到輕輕燶面，但內裡係粉紅粉紅的😍好鮮嫩彈牙，真係邊食邊讚🙈 無誇張！鹽燒雞頸肉串🐔 $32估唔到咁爽口

去完圍方行街 朋友想食下日本野唔好咁heavy 見到附近有間居酒屋 即刻試下先木系裝修幾有風味 好似去左日本啲居酒屋咁-精選火炙壽司拼盤6件有六款唔同嘅火炙壽司啱晒想食唔同種類嘅我由於全部都燒過 油脂出晒來食起上嚟特別香口-青森山芋超鍾意食燒山藥唔係好多地方有得食見到有即刻試吓外面燒到脆卜卜山藥切得有返啲厚度👍🏻-西京味噌豬腩燒五花腩 外面鋪滿晒醬汁幾啱用嚟送酒-野菜天婦羅炸粉薄薄一厚炸得好鬆脆有南瓜番薯冬菇同埋粟米芯配埋個天婦羅汁幾好食-月見燒飯團呢個燒飯團有驚喜飯團外層燒到好脆質感有啲似飯焦再點埋特制蛋汁 好開胃整體價錢適中都幾抵食👍🏻

🏮木子居酒屋 （大圍）最近去大圍，搜羅環境舒服嘅地方同朋友聚聚吹水，無意揾到呢間唔錯嘅居酒屋😛🌟醬油牛蒡漬 $35牛蒡漬爽口入味岩做前菜開開胃🌟 福罔凍蕎麥麵蕎麥麵底係浸住醬油 令麵身較入味 溏心蛋保持到流心上面有紫菜 & 木魚絲 & 天婦羅脆脆增添口感醬油唔會太鹹係輕盈之選😉🌟吞拿魚腩火山卷 $88呢款卷物賣相好吸精😆 吞拿魚蓉份量好多可以按自己心意夾幾多落小飯糰🍣🌟野菜天婦羅 $78🍤🌟吉列廣島蠔 $88🦪居酒屋最基本就係佢嘅炸物就如茶餐廳最基本係奶茶讚佢嘅野菜天婦羅無用千年油 茄子 南瓜 冬菇 青椒炸完顏色保持到較淺色 兩款炸物都外脆香口唔油膩⭐️日式茶碗蒸 $28佢呢款茶碗蒸係滑溜version 冬菇同上面嘅蟹籽都帶到鮮味整體食到蛋香整體黎講環境闊落，好適合約一班朋友黎食野傾計，餐廳仲有特色嘅日式座位😛地址：大圍積富街33號積康樓地下E-G舖

上次去大圍係行新商場，今次就行番舊街。原本多餐廳既積富街，一排冇行，都換左唔少新臉孔。今晚就揀左日本野，木子居酒屋。居酒樓底又高地方又闊落，坐得舒服。木系裝修，由其我地坐bar枱位，對住刺身凍櫃同壽司師傅，更加有刺身居酒屋既感覺。我地都叫左唔少左野黎試。首先係甜蝦刺身。甜蝦比一般食開既大隻，睇落新鮮，而且擺盤有心機，用海藻、蘿蔔絲同花砌到好精緻。甜蝦食落鮮甜，肉質爽得黎帶蝦刺身獨有既黏稠感，味道唔錯。跟住係紅酒煮鮟康魚肝。鮟康魚肝唔少人接受唔到，但我間中都會食，不過都係放軍艦。今次呢個係煮左過既鮟康魚肝，好似幾特別咁。魚肝原本就係軟身細滑，又會唔好似鴨肝鵝肝咁油膩。用紅酒煮過之後，魚肝既口感細滑得黎帶濕潤，而且比起原本既甘香，多左紅酒煮過既香甜味。係一個做得唔錯既下酒菜/小食，好值得試下。跟住係火炙壽司拼盤。拼盤有六件火炙壽司，有白身魚、帶子、蝦等等。擺盤又係相當精緻，木盒入面既壽司，用既碟同修飾都各有不同。壽司味道唔錯，各款火炙各有特色由其蔥香火炙，蔥段只有少少，但蔥香味好濃、整體都做得唔錯。青森山芋。好奇呢個新品山芋係咩來頭，叫左一客。原來係燒山芋片。山芋片厚薄適中，外帶少少焦脆，

好耐都無經過大圍，發覺同以前一樣保留咗唔少舊店餐廳，仲新開咗唔少新餐廳，搞到好有興趣去試下🫣最近就去咗呢間新開嘅居酒屋——🌟木子居酒屋🌟食物以日式嘢為主，樓底好高，令人感覺一啲都唔焗促，環境昏暗，好啱同朋友一路食嘢飲酒同傾偈✨._.🥗｜牛油果三文魚沙律｜🥗沙律菜新鮮夠Fresh，款式種類多，牛油果砌好一小塊方便食，沙律菜種類好豐富，仲有埋三文魚籽增加口感👍🏻·🥑｜牛油果松葉蟹肉脆殼卷｜🥑裏面包裹住嘅松葉蟹炸到好香脆，面頭放咗牛油果肉，口感十足，而且都幾大舊，好滿足！·🐥｜免治雞肉棒｜🐥呢個跟配埋個蛋黃可以點，本身雞肉棒已經好夠味，點完蛋黃之後更香更滑，雞肉肉質淋身，燒得好正·🐖｜西京味噌豬腩(新上市）｜🐖呢個幾特別，好少串燒有呢個，豬腩肉燒得好焦香，食落口唔算太油膩，加埋啲京蔥香味，更惹味·🍆｜野菜天婦羅｜🍆野菜新鮮，個炸粉唔會好厚，食落唔會有太膩嘅感覺·🐟｜蒲燒鰻魚釜飯(製作需畤4 0分鐘）｜🐟食到最後等咗無耐，啱啱好上鰻魚飯，熱熱上，鰻魚汁係另外上，店員仲好好幫我哋撈好啲鰻魚汁再分埋兩碗俾我哋食，飯粒係飽滿嘅珍珠米，粒粒飯都被鰻魚汁包裹住好惹味，鰻魚肉好大條，佢嘅骨軟腍吞得到，好濃

大圍人氣居酒屋~一入去就見到牆上有滿滿的酒貼紙，左手邊會係bar枱位，可以望住師傅準備~而其他位置就以木為設計，帶懷舊感嘅裝潢，真係好似一秒飛咗去日本咁.//木子三文魚壽司盛盒//介紹2款超澎湃嘅軍艦 (三文魚子及辣三文魚)~對於海鮮控嚟講絕對係超滿足！仲有三文魚腩、灸燒三文魚，必叫.//蒲燒鰻魚蓋飯// 必試鰻魚軟滑而且面層帶微微焦脆感～ 飯粒煙韌加上鰻魚醬汁，上枱時夠哂熱辣辣 .//免治雞肉棒//豚肉韮菜卷//即叫即燒熱辣辣上枱 配上蛋汁好滿足！.//月見燒飯團//飯團表面有焦脆感配上甜甜的生雞蛋，有啲似鍋巴值得再吃

好chill 又有氣氛嘅居酒屋餐廳佈置得好靚 好多日式擺設係好適合工作後同朋友飲兩杯吹下水嘅地方紅酒煮鮟鱇魚肝口感滑順 油脂味香醇配上面頭嘅脆脆 多重口感~平目魚薄片 (12切)好新鮮 刺身口感屬於入口即溶 唔洗點咬過種 好啱我 因為本身都唔鍾意啲好韌嘅魚生 魚味道屬於好輕淡 唔會腥野菜天婦羅有冬菇 南瓜 青椒 茄子 蕃薯 粟米筍所有食材都好新鮮 炸粉好薄好脆夠乾身 好值得點！燒秋葵簡單嘅燒秋葵 配上鰹魚乾 好食~豚肉韭菜卷豚肉包住韭菜 表面燒得好脆 醬油味濃 係做得好好嘅燒物自家制梅酒淡淡酒味 又唔會過甜

約朋友到大圍一聚，順道一試這間居酒屋。木子裝修簡約，座位舒適。我們兩人點了以下菜式：1)胡麻豆腐番茄沙律～豆腐配麻醬永遠也是最佳拍檔。2)鮪魚壽司拼盤～分別有2件和牛壽司、3件吞拿魚壽司及6件小卷。吞拿魚及和牛味鮮肥美，oishi!3)軟殼蟹天婦羅～軟殼蟹炸漿夠薄，令天婦羅脆口美味。4)月見燒飯糰～看似普通的紫菜飯糰，沾上蛋漿和日本醬油後，令平凡的飯糰立時變得有性格，口感升至更高層次。5)黃金芝士西京燒～驟眼看似鹹點，吃下去卻像日式芝士蛋糕。一口一件，為這頓晚餐劃上完美句號！這間居酒屋整體食物水準不俗，值得一試。

#20230914 📝📍 木子居酒屋 @kiko.izakaya 大圍積富街33號積康樓地下E-G號舖➖➖➖➖➖➖➖➖➖➖➖➖➖➖➖➖➖➖#三文魚加州卷 $128💭 最近圍方開左連帶大圍啲舖頭都多左人留意👀呢日🐷就試左係火車站附近有間居酒屋，入面裝修得好日式下🎏加洲卷上面有少少沙律醬，食落好似食緊花之戀咁，平時🐷嫌花之戀太多沙律醬，呢個就岩岩好，入面啲料都好豐富🍣成粒擺入口食到唔同既口感，算結實唔會散收收.#土佐豆腐 $68💭 面頭有啲似明太子又似紅蘿蔔泥既野，辣辣地幾開胃🥕豆腐個表面係油揚果隻口感，出面再有好多好多木魚絲，一咬落去要小心辣親🚨因為啲汁鎖晒係豆腐入面，超級滑又超級juicy😋.#厚燒牛舌心 $118💭 平時去燒烤見啲牛舌心都係細細條，🐷第一次見咁大塊既牛舌心🤩睇佢橫切面透出淡淡既粉紅色已經加左分，食落唔覺係普通牛舌咁，係好似一舊充滿牛味而又爽嫩既豬腩肉咁🐮油香十足，再配埋啲黃芥末籽醬食又別有一番風味，推薦👍🏼.#免治雞肉棒 $38💭 就咁食會食到入面有啲雞軟骨既口感🍗呢樣🐷幾鐘意，但如果配埋個生蛋豉油即刻成個滑晒🥚同埋個豉油唔會好重口味，令🐷想好似雪條係咁點尼食，個蛋同

呢間木子居酒屋好大間，係日式居酒屋裝潢，今晚平日晚市都全場滿座。佢價錢都算合理，今日我地兩個人叫左以下食物，平均每人二百幾蚊。無限時還枱，坐得算幾舒服。 🔸️和風3格 （$78，8／10）前菜叫左呢個。有味付螺肉，醃蘿蔔同埋八爪魚仔，幾開胃。 🔸️土佐豆腐 （$68，9／10）呢個豆腐好好味！面頭炸得脆脆既，仲有啲木魚絲，豆腐入面好熱辣辣好滑，味道又好好。 🔸️精選火炙壽司拼盤6件 （$208，8.3／10）呢個六宮格有都幾吸晴，幾靚。呢個係壽司發辦，每日六款壽司款式都唔同，每件都係火炙同埋同醬油味既壽司飯。我幾中意佢今日既特大帆立貝同埋油甘魚，好新鮮好香。 🔸️厚燒牛舌芯 （$118，8.8／10）呢個厚燒牛舌芯都十分推介！份量都幾多，牛舌又燒得好香好juicy,口感都好厚實彈牙，點埋芥末醬更加好味。 🔸️日式茶碗蒸 （$28，8／10）呢個日式茶碗蒸好清甜好滑。 🔸️月見燒飯糰 （$38，8.2／10）呢個燒飯糰可以點生雞蛋，佢啲飯燒到有啲飯焦香味，配埋脆脆既紫菜，幾好味。

居酒屋位於大圍鬧市內一出地鐵站行幾分鐘就到樓底好高 顯得餐廳空間十分大店內裝修令人置身喺日本 好啱同朋友坐低飲吓嘢 享受下🇯🇵🎌和風三格 $78柚子大根漬、醬油螢光魷魚、辣味螺肉三種前菜各有特色 🙂🥢三色丼 $218吞拿魚、海膽、魚䰵海膽超級新鮮及香甜另外吞拿魚亦打成蓉 珍珠米已經有醬汁 一啖又一啖🤤🍠日本番薯併南瓜 $78天婦羅嘅粉好薄 完全唔油膩毫無罪惡感 番薯同南瓜嘅份量足夠 好有脆口嘅感覺😍🍣 黑松露鰻魚卷 $158黑松露加上鰻魚已經好香口🫢加埋底層嘅壽司 配有生菜配蟹柳整體口感非常豐富～🥢免治雞肉棒 $38附送雞蛋撈醬油 味道唔錯仲食到軟骨 好有咬口 ‼️

呢間日式餐廳裝修別緻，座位空間好闊落，餐牌好多選擇，菜式創意獨特，味道出眾！牛油果松葉蟹肉脆殼卷啲脆殼酥脆香口，充滿蟹肉同牛油果嘅鮮味，實在好好味！牛油果三文魚沙律三文魚肥美又鮮嫩，配上牛油果嘅奶香味，爽口又開胃。日本炸番薯同南瓜啲炸番薯同南瓜煮得剛剛好，外脆內軟，味道香甜，好開胃！鹽燒油甘魚鮫魚鮫肉質鮮嫩，燒得恰到好處，肉汁豐富，口感鮮美。燒飯團飯團既外層燒得脆卜卜，咬開個飯好軟綿，夾左醬油既香味，好味😋免治雞肉棒雞肉唔乾，味道濃郁，唔錯

大圍最近新開咗間居酒屋，唔使出到尖沙咀銅鑼灣咁遠😍入到去好似真係去咗日本咁，好多木系嘅設計，環境暗暗地，好啱幾個飲酒吹水。門口仲有特色位坐👍🏻茶碗蒸熱辣辣滑捋捋嘅蛋係最正，自己屋企整唔到，入面仲有啲蝦同蟹柳咁福岡凍蕎麥麵蕎麥麵汁非常香濃，麵好彈牙，食完啲油膩野食呢個都好解膩🤭土佐豆腐炸豆腐外脆內軟，好正，不過小心熱親個口🤡三文魚加州卷平平無奇嘅加州卷，加咗三文魚腩刺身同埋少少沙律醬出奇有驚喜雜錦天婦羅個炸魚係最好食，全部新鮮炸起，個皮唔會太厚，比例啱啱好厚切牛舌心一上枱見到粉嫩嘅入面就好吸引，牛舌非常爽，一啲都唔鞋豚肉韭菜卷 & 免治雞肉棒熱辣辣韭菜好juicy，免治雞肉棒，調味都啱啱好👍🏻👍🏻環境氣氛一流，食物質素都唔錯👍🏻👍🏻木子居酒屋 (大圍)📍大圍積富街33號積康樓地下E-G號舖