木偶冰室

营业中

休息中

【🎠中環木偶冰室｜🍗巨大化雞髀的驚喜🤣】.🧸👍🏻鹹蛋黃珍寶雞髀皇《震店名物必食推介》雞髀大大隻，鹹蛋王蓋滿雞髀外層，香味加上脆口，食落雞肉嫩滑，肉質鮮味，廚師將雞髀邊巧妙切開，讓雞髀展翅張開，視覺上變成巨大，而且炸得更均勻，食得更方便。起初以為係普通港式茶餐廳，點知處處驚喜，最震撼係「超巨型雞髀呀🍗」，大過我塊面！.🧸芝士焗豬扒飯豬扒鬆軟，蕃茄醬唔太鹹，味道幾好，下午茶時間價錢優惠，份量輕盈，但都非常之飽肚。.🧸麻辣兄弟醬炆豬手飯豬手炆得超軟滑，長時間炆煮豬皮爽脆具咬口感覺，啖啖豬皮骨膠原豐富，醬汁加上半熔豬皮撈飯一流。.🧸👍🏻咖喱燒鴨飯咖喱混合大量香料、洋蔥及蔬菜，口味具尼泊爾感覺，配燒鴨創意十足，味道特出且惹味！.🧸薄荷朱古力西多士薄荷朱古力西多，起初感覺好創新，味道方面會係點呢？切開後薄荷朱古力醬滲出，有份開心嘅感覺，伴碟仲有紅豆、台灣芋圓和沙律菜，讓食起上嚟更具新鮮感及多配搭。.🧸檸檬百香果綠茶&洛神鳳梨茶大大杯，又夠凍，口感酸酸甜甜好醒胃。.🫶🏻木偶冰室📍香港中環威靈頓街112-114號新威大廈地下A號舖#香港 #中環 #中環美食 #木偶冰室 #鹹蛋王雞髀皇 #好食

今日食Lunch難得自己一個人食，無乜諗頭，行行吓經過呢間茶記諗住試吓，入到去都幾多人，心諗應該都無死，因為一個人嘅關係好快有位，當然喺中上環普遍嘅餐廳內部空間都唔會好闊落，喺呢邊做左嘢咁咁耐都慣，間餐廳午餐其實都多選擇嘅，不過就無乜嘢啱我心水，最後點左個粟米吉列魚柳飯加凍奶茶，上餐都算快，奶茶正正常常無乜特別，個飯一來到⋯⋯我嬲9左⋯⋯我咁大個仔食左咁多年粟米魚飯⋯⋯呢間啲粟米汁嘅粟米都算少得可憐，張相你見到嘅粟米已經係全部了，無收埋，個汁係完全透明，無乜夾雜好多嘢，正常其他茶記點都會有好多蛋花，但呢度係大概得10%有蛋，其他芡都係透明狀黏液⋯⋯我立刻心入面講左句粗口，但因為肚餓關係，我都係要食，個汁味道都已經咁嘅賣相我就唔再評論乜，但個吉列魚都算脆生同夠熱，埋單$73，應該唔會再有下次⋯⋯或者係我叫錯左，因為我眼見其他人啲嘢食賣相都正常，今日個Lunch唔太開心🙂

中環的茶餐廳不少，但以新式的食物，以及有甜品的茶記來說就不多了～鹹蛋黃珍寶雞髀王～很大的一隻巨型雞批，外層加了厚厚的鹹蛋黃醬，內裡雞肉嫩滑有水份～奶油脆豬仔包～練奶及牛油也很足料，塗得滿滿滿的～芝士豬扒焗飯～選了黑椒汁，味道更惹味，醬汁很夠，足以拌勻所有飯吃～避風塘炒雞扒～雞扒炒後仍嫩滑，有水份感～楊枝甘露～很好喝，甜度剛剛好，有很多柚子粒～手作仙草芋圓～內裡有紅豆、蒟蒻、仙草等，還加了淡奶，味道香甜美味～檸檬百香果綠茶～味道香濃甜美，還有淡淡的茶香，底部有蒟蒻，增加口感～

大大小小茶餐厅吃了有十几家，这家在我目前吃过的香港的所有茶餐厅里面排名也算相当靠后了，肉质很柴，疑似烧焦了，价格情有可原毕竟在寸土寸金的中环，但做出来品质相当抽象，报吃，别来

叫左個海南雞飯，一上到黎以為自己叫海南雞骨飯。。。全部都係骨，又唔新鮮，睇見都唔開胃。呢啲質素夠膽收$68，講真我寧願求其食個包算數😓絕對冇下次🤭睇返其他人個review見到嗰啲炸雞排炸到燶曬，黑過舊碳。少少建議，改善下啦如果唔係等執笠都得🤭🤭🤭

買咗個外賣，瑞士汁豬扒飯，打開個蓋，嚇死，燶到成舊炭咁，咁都仲好意思比客人食？仲要專登比外賣客食諗住個客無仇報？從來唔寫食評都要專登開個acc黎幫你宣傳，比你咁樣賺到一單外賣咁又點？大家睇完以上真實分享自己睇路