朝日館火鍋・小菜

😮‍💨呢間酒樓真係好失望。講返啲食物——真係「災難級」😩。職員態度差，問嘢都懶懶行，仲滿口粗言，成個感覺好唔舒服😔。
茶水話係普洱但顏色淺得似白開水，完全冇茶味☕️。
腸粉皮厚到似粉糰，啲肉唔新鮮；炒炆米又冇鑊氣、冇香氣、冇靈魂，淡口到極點。
點心都唔掂🤢，叫咗馬拉糕，三色水晶包唯一係好食小小嘅就係乳鴿，但係都要三催四先上到嚟，又冇俾喼汁同埋椒鹽，極不專業💢服務態度差＋食物質素差＋環境又嘈，真係一次夠晒！…查看更多

一早訂咗房, 本身9個人, 但有兩個放飛機😢, 原本寫好的9人餐結果要7個人食, 飽到上喉嚨. 講番今晚的菜單, 大部分小菜都有水準, 先來一個冬瓜盅, 用料新鮮湯頭不覺有太多味精, ok. 第二個是黑白胡椒大蝦粉絲煲, 蝦新鮮大隻, 十分野味, 唔多油我喜歡. 下一個椒鹽鮑魚, 同平時食到嘅唔同, 唔係用新鮮鮑魚, 而係醃製之後炸, 無殼不過夠大隻唔痴牙無渣, 稍為少咗啲椒鹽味. 蝦多士, 比其他酒樓大件一倍, 蝦爽口彈牙, 不過多士底可能太大令到蝦肉佔比不夾, 最唔好就係上面有沙律醬, 搶咗個蝦味, 下次再食會要求佢沙律醬另上. 薑蔥炆龍躉背煲, 呢個好出色, 本身我哋已經好飽, 但太野味所以連蔥都食曬. 炸子雞, 蒜蓉蕃薯苗和豉油王炒麵都好味. 部長幫我寫菜單全包加一茶介有啤酒汽水, 唔使四千蚊. 好抵食.…查看更多

已於1星期前預訂今晚嘅7點鐘7位，本人亦準時到達，店方告知需要先等一陣，基於同行友人尚未到齊，等一下也無妨。直到齊人後等到7點20分，開始想了解坐位情況，卻被告知仍未有位，會盡快安排，當我問及又冇確實入座時間？其實跟walk-in 有何分別？？店方回覆因為上一時段book位的客人遲了入座所導致，客人不賣單，店方也無能為力！此回覆令我覺得店方極不老實，可知我們book的時間為7點正，正常用餐為1.5-2小時情況下，店方沒有告知顧客用餐時間，或根本是先到先得，只要7點前有位置都不會拒絕任何一位walk-in 客，店方本著一副做多一枱客是僥倖的態度，根本沒有重視過訂座客的時間及彼此間的承諾！！當本人告知同行人有大肚婆及行動不太方便的人士時，店方除了只能於通往廁所方向的過路處擺放坐位外，亦沒法提供確實的入座時間！最後我方不斷進迫下，店方聲稱5分鐘可安排位置，但只是把2 張小圓枱合併，有2邊基於過路位置不能座，即是我們7個人要以 "L" 字形的排列方式才能入座，指已經是最大限度的安排！確實心感店方處理此事方式不能接受，不能 fulfill 預訂就不要接受！明明是店方安排失當，卻把責任推及其他食客，處事方式的賣相極之難看！由於我方不打算無了期等待，決定放棄並轉場，並未能提供任何關於食物的評價，但基於服務質素也是現今飲食業中重要的一環，所以所有範疇都只能以最低評價來概括今次的訂座體驗。…查看更多

本人10／8 訂位2人下午1點 上到去冇記錄只說有位就坐還給搭枱位和說人走咗就可坐。樓面大致滿座，完全冇理會訂位客 冇服務 非常差見我們走才去找吉枱我們。最終我們走不吃。感覺好差…查看更多

已經嚟食過幾次嘅中菜，總結員工服務態度友善，色香味俱全，性價比高餐廳。美中不足係 會滴水，建議訂位或入坐時檢查有冇滴水，以免影響食嘢嘅心情，但會再次光臨。今次點咗：咕嚕肉，小炒王，芝士焗龍蝦伊麵，龍躉蒸炒兩味，豉椒炒蟶子，乳鴿咕嚕肉咕嚕肉的酸甜味道恰到好處，外皮酥脆，肉質鮮嫩，讓人食欲大增小炒王小炒王，配料豐富，包括青椒、紅椒、蝦乾等，炒得剛剛好有鑊氣，當中最欣賞嘅配料係脆炸芋頭條，回味無窮，但可少少可惜 腰果淋咗 無口感豉椒炒蟶子蟶子算肥美，鮮度適中。龍躉蒸炒兩味兩種風味都很出色，肉質結實，厚肉，性價比高一半是清蒸，淡淡陳皮香味另一半則是稍微帶點香料的炒製芝士焗龍蝦🦞伊麵龍蝦的肉質與芝士的濃郁，麵質唔會過淋，中規中規好食。乳鴿乳鴿的肉質鮮嫩，外皮烤得酥脆…查看更多

最憎食肆訂枱嗰時就點都得，訂枱當日先話安排唔到，唔係因為臨急臨忙轉唔到地方就點都唔會去幫襯，個場直頭似機票超賣，你食就食唔食就罷，明白生意難做所以想接多啲生意，但係你可以唔應承吖~ 陳經理仲夠膽講唔知邊個聽電話~ 大佬你經理嚟喎~ 我食完唔俾錢你知唔知呀？！陳經理無責任感之餘仲無誠意，求其講句唔好意思今晚full哂安排唔到仲直接開口講經openrice訂係咁，不如直接响openrice下架好過啦.....不過我相信打去訂唔會有分別咁嘅服務質素係唔值得去食…查看更多

晚市三寶套餐（$348）🔸 清蒸海石斑 🐟魚肉嫩滑如凝脂，火候精準無腥氣！豉油蔥油鹹香提鮮，完美襯托海魚鮮甜。 🔸 海南走地雞🐥（最令人驚喜）皮脂晶亮如琥珀，肉質白滑彈牙，「雞味」濃郁帶青草香，蘸醬料更昇華！ 🔸 流沙黃金蝦🍤鹹蛋黃外衣略厚，蝦肉鮮甜稍被掩蓋，整體中規中矩。 澳洲龍蝦餐（$598）🔸 西澳龍蝦上湯伊麵（是日重點菜）龍蝦斬件霸氣鋪滿，蝦膏橙紅融入上湯，啖啖肉爽脆鮮甜，伊麵吸盡精華！ 🔸 豉椒炒大蜆蜆肉肥美無砂，豉椒鑊氣十足，醬香滲透每寸肉，媲美大排檔風味！ 家鄉滋味碌鵝（$168）醬色油亮誘人，甜鹹交織的濃稠醬汁滲透鵝肉及芋頭，芋頭鬆軟吸收醬汁精華，地道小菜，配白飯瞬間清盤！ 💡 總結人均$220嘆盡海陸招牌菜，街坊價錢卻有酒樓質素，鑊氣十足無味精，荃灣隱世抵食推薦！ 🌟 朝日館火鍋·小菜🏠 荃灣 兆和街4號周氏大廈1樓🕰️Mon-Sun 0700-0100…查看更多

點解咁好食嘅地方🥹竟然咁少follow？今日係父皇生日暨我生日🙈🙈🙈因為要就2條友返學，所以搵附近酒樓食晚飯👍🏻係OP搵咗好耐，忽然醒起附近咪有呢一間囉😨即刻上網搵…見到YouTube 有介紹，就打電話book位，順便問埋收唔收蛋糕費🎂唔收費👍🏻正食物🥘燉湯👍🏻羅漢果豬肺湯⭐️⭐️⭐️⭐️⭐️勁清甜，又潤！個湯都好大，父皇勁鐘意😍足料！咕嚕肉⭐️⭐️⭐️⭐️⭐️我同哥哥都勁鍾意食呢一個👍🏻外脆內軟，甜度啱啱好！黃金大蝦⭐️⭐️⭐️⭐️⭐️父皇大讚！佢仲喺度研究緊點解人哋可以整得咁多沙同咁好食😂😂😂呢啲手工野～都係岀去食啦豉油王炒麵⭐️⭐️⭐️⭐️⭐️呢個堅抵食！佢哋見到飲茶抵😂又近佢哋已經度緊早茶過嚟飲😍😍😍咁我就唔洗湊住佢2個過去😂😂😂鱔紅燒乳鴿星洲炒米#荃灣飲茶 #飲茶 #打邊爐 #晚飯小菜 #荃灣美食🚕🚕🚕🚕🚕🚕🚕🚕🚕🚕🚕🚕🚕…查看更多

一個星期前已經用OpenRice訂枱預備同屋企人食生日飯，仲驚有咩甩漏所以再打個電話去再三確認。到咗食飯今日1月24日嘅下午，收到電郵話餐廳取消訂枱，原因係餐廳已滿座。 我問餐廳點解一個星期前訂枱已確認，而家先嚟話滿坐？跟住先解釋話個同事唔小心睇漏咗，問我介唔介意食8:30或者坐張細枱坐迫啲。呢啲係乜嘢餐廳服務態度？離晒大譜，將我張枱俾咗其他客人，仲要我改時間將就😡，所以話香港食肆衰落唔係冇原因。…查看更多

提早食團年飯既時候朋友推介試下 這間食店於是一行8人就決定食這間香麻萍果手撕雞 一隻$248😋龍躉孖寶😋紅燒乳鴿$28一隻😋羊腩煲 + 蒸鱔套餐😋小炒皇😋炸蝦球😋還有其他小菜 一樣好味道新裝修 環境👍👍老闆同侍應服務友善 招呼👍👍🥰吾收開瓶費 不趕客大家食得開心好滿足🥳🥰👍…查看更多

今次訂左房擺兩圍，慶祝老公50歲生日。約晒親戚家人俾個驚喜佢。有卡拉ok同麻雀耍樂。16:30俾我開始秘密佈置房間。等我有足夠時間準備。又冇收切餅費。仲不時問我哋要唔要幫手佈置，好好人。食物質數方面，每位親戚都讚大碟夾抵食，而好味，特別是蝦多士。龍蝦🦞伊面啖啖肉，好正😊。今次選朝日館慶祝生日🎂好開心。老公好滿意👍。下次我們有人生日如要包房都會首選呢度。…查看更多

大概兩個月之前行過見到早茶有特價，好似幾抵，攞咗張點心紙返屋企慢慢睇，如是者過咗一排又唔記得咗，早兩日執屋摷返出嚟，今日決定去試吓。星期日晏咗起身早茶特惠完了，點咗一向鍾意食嘅點心，加埋special promotion嘅乳鴿，先試試水溫。鮑汁鳳爪滿有驚喜，夠熱夠淋夠入味，呢個下次可以encore。 乳鴿夠熱夠香夠脆口，唔似係返炸再返炸啲friend唯一美中不足嘅係四寶雞扎，咬咗一啖發現原來件雞未熟透，拿拿淋叫個夥記更換，阿姐態度好好不斷話唔好意思，最終雞扎已經售罄張單取消了。整體意見所有點心都好食，唔怪得早茶午茶全場爆滿啦見到有晚飯package唔知好唔好食呢？下次可以試吓！…查看更多

食物非常之好， 小菜有鑊氣， 賣相夠靚， 值得一試， 特別係佢嗰個蝦多士， 加芝士醬嘅配搭非常之好， 另外白肺湯非常入味， 蒸白鱔非常彈牙可口， 咕嚕肉好香脆， 最緊要係服務態度良好， 對老人家都非常有愛心…查看更多

今日(17-8-2024 Sat)朝，同老公整完呢樣嗰樣後出發，石圍角冇咩好食，橫豎要落荃灣，就喺荃灣食啦，落到嚟唔知食乜好，飲茶吖。老公話青葉。我話貴，老馮吖。佢話老馮坐得好迫，佢記起上次食過嘅呢間(上次食評係2024年5月15日刊登嘅呢篇:https://www.openrice.com/zh/hongkong/r-%E6%9C%9D%E6%97%A5%E9%A4%A8%E7%81%AB%E9%8D%8B%E3%83%BB%E5%B0%8F%E8%8F%9C-%E8%8D%83%E7%81%A3-%E6%B8%AF%E5%BC%8F-%E7%81%AB%E9%8D%8B-r864053/reviews)，於是走嚟。我哋嚟到都重有啲位嘅，我見到一張4人枱整到好似有人同要搭枱咁，就唔敢行去，之後負責上菜嘅亞姐見冇人招呼我哋，亦叫我哋坐嗰張。好的。行到埋去，我想坐嗰張凳係濕嘅，於是我就想同老公自己轉啲凳，但可能因為係埋邊，姐姐睇到就話俾塊布我抹，但見唔到有布，佢就俾濕紙巾我抹，謝謝。但抹完等幾耐吓都唔乾，於是我哋唯有用抹過汗嘅紙巾抹乾嚟坐。然後睇menu，就剔咗：1.中點，星期六午市$25.80嘅香煎蘿蔔糕煎唔夠，又冇俾醬同豉油，有啲乾哽同味道太清，材料又唔多，一般。2.8分2.大點，星期六午市$29.80嘅布拉軟滑腸粉嚟到睇見到啲腸粉好粗碌，好厚身，老公就即刻話瀨嘢，食落， 係比較硬身同一夾就脆散嗰隻，佢上次形容俾我聽喺石圍角食得起食炸兩，就係呢個情況，𠲖o家我親身睇到。但睇返上次食評，我哋食過唔係咁嘅，好強烈嘅對比， 唔通𠲖o家潮流興咁樣嘅腸粉？最後我哋唔想晒quota，食剩嘅攞嚟做廚餘。0.5分3.中點，星期六午市$25.80嘅醬皇鮮竹卷3條唔算粗身，食落都正常冇問題。3分4.大點，星期六午市$29.80嘅北菇棉花雞件北菇都幾大件，呢啲都正常冇問題嘅。3分5.中點，星期六午市$25.80嘅古法馬拉糕唔記得原來上次都食過，呢2 個香軟鬆甜。5分6.$48.00嘅七味椒鹽魷魚鬚好記得上次食過，今次老公又剔，呢個幾惹味，鹹鹹地又辣辣地嘅味道來自炸粉，但唔會太辣，魷魚鬚本身白烚咗，就冇乜調味。呢個我哋食唔晒，但都放入自帶嘅盒拎走，返到屋企打返開少少攞嚟食，係佢脆。4.5分7.特點，星期六午市$33.80嘅蟹籽燒賣皇呢個size都算大粒，味道同口感都正常冇問題。3分環境：坐嗰張枱開頭都冇乜問題，冷氣適中，但食吓飲吓熱茶就覺得熱，重出晒汗，原來呢個位嘅冷氣唔多夠，但總算比有啲位會滴水好。服務：嚟到連上菜姐姐都幫手招呼，同叫侍應都會應人，但就係只差在於上菜嘅時候，唔會自動俾或問客人要唔要甜醬，辣醬或豉油，所以係4.7分價錢：每位茗茶$10.00，再加一收$263.00。2.6分原來重有啲特價午市套餐同飯，我哋冇留意到。…查看更多

今日星期日去到邊間酒樓都排長隊，本身想行多幾步路去另一間食，行過馬路就見到呢間冇人排隊就上去試下。未食過咁厚嘅腸粉，仲好似未整熟咁，入面仲係粉嘅，肉有味，咬咗一啖，同屋企人齊齊話難食，中伏。點心啲肉唔新鮮，有雪味同酸味，食唔落口。腐皮好硬同乾，咬唔郁。而且唔知落單混亂定係當我水魚，明明落咗幾個午市優惠，後尾又加咗幾個正價點心，埋單嘅時候只計咗兩個點心優惠。算，當我懶，交學費。招呼我哋嘅樓面姐姐態度ok，可能新嚟嘅比較客氣，不過收銀態度就差，唔想再講佢最離譜嘅就係，佢嘅廁所就咁敞開對住食廳，冇個門隔開劃分區域，好似開放式咁，不過好彩個個隔間有門，唔係嘅話食嘢又睇嘢。離食嘢嘅大廳又特別近喔，如果唔係有人去廁所我都唔敢相信嗰個位係廁所，我哋成班人就一邊食嘢一邊欣賞啲客上廁所來來又去去我第一次特登上網俾負評，真係忍唔到，頂唔順呢間嘢…查看更多