有間麻辣燙

九龍灣最近發現咗一間超抵食嘅隱世麻辣燙店，真係平靚正到不得了！呢度採用自選秤重形式，每100g只係$16.8，自己夾餸、自己決定份量，完全自由度爆燈～ 操作簡單又乾淨，夾完餸去秤一秤，店員煮好再上枱，幾分鐘就可以開動。配料選擇超過50款，無論係牛肉片、海蝦、魚蛋、豆腐、蔬菜定粉麵都樣樣齊，夾到手軟都唔覺貴！今次揀咗佢哋嘅招牌藤椒湯底，一上枱就聞到花椒八角香氣撲鼻，湯底辣得嚟唔嗆喉，仲帶少少麻香清爽感，好正！薯粉吸晒湯汁，每一啖都香辣又入味～ 連唔太食辣嘅朋友都話啱啱好。最驚喜係食完個湯底仲清爽唔膩，真係好難得。呢間麻辣燙價錢親民又有水準，九龍灣附近返工或者放學嘅朋友，強烈推薦去試試！…查看更多

依家呢個講求速度嘅社會，打邊爐都可以簡化為一個一人或者少人燙煲嘅方式。今日去到中環擺花街嘅《有間麻辣燙》來個速食。佢地嘅湯底選擇算幾多，有自家製牛骨湯盛、特濃蕃茄湯、農鄉菇菇湯以及招牌藤椒湯。自己去門口旁邊打開個櫃，攞一個筲箕同一個膠鉗，就可以案住自己想食啲乜，隨意夾上。距地全部配料一律按重量計算，近八、九十款食材任君挑選，食客可以按自己嘅喜好同埋食量多寡來挑選食材，實現食量選擇自由。個人比較喜歡距地嘅筍、麵條同埋魚蛋，感覺幾夾個菇菇湯，食落去鮮甜，又唔會太熱氣。…查看更多

店舖走港式懷舊風，櫃入面放滿咗唔同嘅餸，選擇好多，肉類、蔬菜、海鮮、丸類應有盡有，估唔到連冷門選擇例如鴨胸、內臟、鮮魷魚都有，應該係我見過最多選擇嘅麻辣燙舖頭。😆店員叫我地拎個竹籃自己夾，而唔係普通就咁剔紙仔咁悶，好似番左古代咁，秤重計錢，超有參與感，我見隔籬枱一家大小嘅小朋友夾得好開心，而且全部價錢統一，好抵食。😍自選麻辣燙藤椒湯底一碗端上嚟，香氣衝鼻，辣椒花椒麻辣得來唔嗆喉，夾咗牛肉片薄切，煮完軟嫩juicy，肉汁鎖住無柴，海鮮都幾新鮮，咬落肉質彈牙唔會霉。🍲 主食寬粉寬闊滑溜，煮到透明吸滿湯汁，撈起一啖軟韌彈牙，貢丸Q彈結實，蔬菜都好新鮮。🍜整體食材新鮮，湯底濃味，辣得有層次，麻得過癮，主打自己揀餸，可以咩都叫啲，九龍灣打工仔必試。🥤…查看更多

喺呢個快節奏嘅生活中，麻辣燙作為一道快速又美味嘅選擇，無疑係好多食客心頭好💌今次呢間佢哋嘅食材新鮮，湯底獨特，令我對呢道經典料理有咗更深嘅認識。首先，佢哋嘅鋪頭繫得自選食材我就分別揀咗- 肥牛🐂：肉質鮮嫩，油花分布均勻，經過麻辣湯嘅燙煮後更加顯味。- 雞肉片🐤：肉質滑嫩，吸收咗湯底嘅香氣，口感極佳。- 牛肉丸🐂：彈牙嘅口感，搭配濃郁嘅湯底，令人一口接一口。- 響鈴：呢種特別嘅食材帶嚟咗獨特嘅口感層次，增添咗麻辣燙嘅趣味。- 蟹柳芝士卷🦀🧀：外脆內滑，芝士嘅拉絲效果令人無法抗拒。- 豬肉片🐽：厚薄適中，燙熟後更能凸顯佢嘅鮮美。佢哋連湯底都係自選咁我同我朋友分別揀咗兩種味道首先係番茄湯🍅呢款湯底酸甜可口，番茄嘅鮮香同香料嘅搭配恰到好處。燙煮嘅食材喺湯中浸泡，吸收咗番茄嘅鮮味，令整體口感更加豐富。特別適合唔鍾意過於麻辣嘅食客。第二，就係藤椒豬骨湯🥘🐽呢款湯底就係麻辣燙嘅經典選擇，豬骨熬製出嚟嘅濃郁湯頭，搭配藤椒嘅麻香，令人一試成主顧。湯中滲透嘅香氣令人陶醉，每一口都能感受到豬骨嘅鮮甜同藤椒嘅獨特麻感，係鍾意辣味嘅食客唔可以錯過嘅選擇。…查看更多

今晚同朋友嚟到一間位於九龍灣嘅麻辣燙，呢度嘅職員好親切，佢俾咗個盤我哋，你可以自己揀鍾意食嘅野。呢度點餐都好得意，首先可以自取已消毒殺菌嘅質箕盤，跟住再自選有超過五十款唔同款式嘅食材，無論蔬菜、肉類、丸類、特色餃子同麵條、烏冬等等都有，之後再攞去收銀處磅重，可以睇住自己個肚，食幾多就攞幾多！而且仲有唔同湯底同辣度可以揀可以選擇！我同朋友每人已經大大盤夠曬食！湯底我哋就叫咗-特濃豬骨- 招牌藤椒湯底（牛骨）煮完出嚟真係大大碗，餸菜十足！飲品我哋就配左手仙草清涼爽同馬蹄爽，食完好滿足。…查看更多

環境闊落、地方整潔，食麻辣燙食得舒服係一大重點。配料粉麵都可以親手夾，樣樣配料都好新鮮。湯底揀咗招牌嘅牛骨藤椒湯，BB辣都唔會太刺激聽講個牛骨湯熬足7個鐘，係用心嘅熬出嚟嘅，味道唔淡，加上藤椒又係不一樣。入門口仲見到有人親手搣藤椒、絕對係手作代表！講下叫咗咩食先：豆卜串、吸收哂藤椒嘅精華，好好食；生菜、娃娃菜新鮮，佢亦都唔會煮到淋哂；米線彈牙；花甲隻隻都有肉冇沙，有啲後悔冇再夾咗幾隻返嚟；估唔到係佢有海鮮菇、鮮甜，有咬口；白魚蛋本身彈牙又軟身、有魚味；港式陳皮魚蛋夠實正有香味，滿足哂食兩隻魚蛋嘅癮！！另外仲有彈牙春卷：十分香口、有甜味，有陣陣蟹子香。適逢舖頭準備推出新產品，墨魚串脆口唔錯、鮑魚彈牙之極，加埋芥末好刺激，同時又有甜醬做下調和，有平衡之和。飲品叫咗兩杯手打檸檬茶，完全唔澀，十分清新，，雖然唔算大杯，但套餐價18蚊一杯係值嘅。…查看更多

如果想食一啲好味又快捷嘅美食，九龍灣Eastmark嘅「有間麻辣燙✨」絕對係一個好選擇，雖然店名叫有間麻辣燙，但係湯底有辣有唔辣選擇，牛骨湯、特濃蕃茄湯、農鄉菇菇湯，湯底濃郁好味😋。特濃蕃茄湯真材實料，啖啖濃郁蕃茄味，啱晒唔食辣既朋友。如果你喜歡食辣嘅，招牌藤椒湯底就絕對啱鍾意食辣嘅朋友，可以擇大中小辣，另外仲有自助調味枱，唔夠可以再加辣，以及自己混合醬料，方便又美味。餐廳以自助形式，自己選擇啱嘅面底及配料，選好之後按份量付款，啱晒唔同胃口嘅朋友，選好面底及配料後，店員會幫你煮好，一碗熱騰騰又美味嘅自選火鍋就奉上。「有間麻辣燙」方便又好味，啱晒上班一族，配料款式多，湯底又好味，絕對推介。…查看更多

首先好唔清楚啲step，去到夾餸，又唔講要夾埋面，因為佢啲面同餸係混合甘擺，令人好混亂，去到比錢收錢個個又唔講，又唔問加唔加白飯，最尾出到黎成碗人地食剩既廚餘甘⋯🤡🤡🤡湯底正常，藤椒味唔算好出，不過不失。問人加唔加杯檸檬茶，有香矛又唔講，一飲出曬事，唔係個個都好香矛味，好難飲，成間野就好唔清唔楚⋯我朋友佢個碗野，幾片肥牛，幾個白菜仔，兩片火腿，重有幾粒丸，加個凍檸茶埋單55蚊（就係呢碗野成碗食剩廚餘甘，一大碗湯上面浮住塊火腿同菜，無面底）我個碗夾左少少薯粉（譚仔正常面底既一半左右，我有面底因為我走左去問人，我朋友係我前面比錢佢唔知），3片豬肉，一個牛丸，一個墨魚丸，少少娃娃菜同10條海帶，一個豬大腸，一條蟹柳，埋單66蚊，一個普通女仔食完都唔夠飽，最後去左食返個老麥sorry冇相，因為見到呢兩碗野心情好差，相都唔想影…查看更多

我是由澳洲回港深親的人，睇到Facebook . 介紹一間位於九龍灣自己做老闆的麵食，所以來試吓，昨晚，有位服務員給我筲箕和夾，說可以到3個大雪櫃選食材，樣樣少少都可以的，接著到收銀處付款，服務員話可以選湯，仲話牛骨湯是煲足7個鐘，絕對沒有咪精，如果食得辣，可以選滕椒湯底，是用新鮮藤椒加少少辣，可以當湯飲，絕對唔會口渴的，我的餐費約80元，仲有飲品，非常抵食，又好味😋。（下次回香港一定會再來）…查看更多

其實食物質素不錯食左好多次但有個曲頭髮的職態度十分差入會員號碼向客人掉計數機 幾個朋友黎食lunch呢個態度已經唔係第一次麻煩舖頭重視 上幾次十分之唔耐煩 但係食肆就多人係正常如果接受唔到就辭職 我冇必要受你氣…查看更多

最近被朋友邀请去试吃了【有间麻辣烫】，说是四川风味的麻辣烫，但汤底辣度可选，不辣和微辣的完全可以直接喝！吱吱太爱吃麻辣烫时候一口料一口汤的感觉了！▪️自选汤底超正宗：4款汤底可选，牛骨汤鲜香不呛喉，朋友点的藤椒汤麻香十足，嗜辣必试！不吃辣可选浓番茄汤🍅，酸甜浓郁▪️食材任夹荤素同价：三个雪柜摆满料！必吃 豆腐串（吸饱汤汁会爆汁）、 蟹棒、 蛋饺和豆腐，蔬菜新鲜到想全夹一遍～▪️自助酱料台超全：麻酱+蒜泥+香油+辣椒自由混搭，麻酱和辣汤底超搭～人均💰：60➕📍九龍灣常悅道21號Eastmark 1樓2號舖（🚇九龙湾站B出口步行10mins）…查看更多

試咗呢間香港麻辣燙餐廳，平均一碗麵約70蚊，最大賣點係任揀食材，按重量計費，幾有彈性！.佢哋有四款湯底，我揀咗蕃茄豬骨湯底同牛骨BB辣湯底。蕃茄湯底味道香甜帶酸，非常開胃，好啱唔食辣嘅朋友。牛骨BB辣湯底係微辣偏香，辣度適中，湯底夠濃郁，又唔會過辣，好適合初嚟嘗試嘅人。.食材新鮮，不論豬肉片、魚蛋、腸仔定菜，都吸收晒湯底味精華，好入味！面條係即食泡麵風格，煮得適中有彈性。整體份量足夠，食完超有滿足感！.環境乾淨企理，餐具用傳統琺瑯碗，帶少少懷舊feel，好有特色。店員服務親切。.總括嚟講，以70蚊可以任揀食材，湯底味道多元化，味道夠味又平價，呢度絕對可以列入返工後小食或者週末食飯嘅好選擇！…查看更多

📍 自選食材＋湯底驚喜這間隱藏於九龍灣的麻辣燙專門店主打「自主揀食材」模式，數十款食材整齊冷藏擺放，由蔬菜、丸類到肉片應有盡有，最讚是可自由配搭份量，即使想每款試「少少」也無問題！推薦必夾水晶粉絲和嫩滑牛肉片——粉絲吸飽湯汁後仍保持彈牙口感，牛肉輕涮後軟嫩不柴，掛上湯汁香辣過癮！至於人氣「芝士餅丸」則稍遜色，外皮偏厚，內餡芝士香氣不足，口感略粉，建議留肚試其他特色食材。🌶️ 藤椒湯底香麻不嗆喉湯底選擇豐富，首推「藤椒麻辣燙（少辣）」——麻香撲鼻卻溫和不燥，湯頭清澈見花椒與辣椒籽浮沉，入口先嘗到青花椒的清爽香氣，辣度緩緩攀升卻不刺激喉嚨，怕辣人士也能駕馭！嗜辣者可要求加麻加辣，風味層次更強烈。⚠️ 小細節待改善店門口設自助調料區，提供蒜蓉、香菜、醋等近10款配料，方便按喜好增添風味。不過當日食材中的金針菇未切去尾端，根部帶些許木屑感，處理稍欠細心，建議夾菜時留意或請店員協助修剪。✨ 總結：自由配搭控必試整體食材新鮮度高，湯底質素出色，可自製豐盛一碗，尤其推薦牛肉與粉絲的黃金組合！若改善食材處理細節，體驗更完美。麻辣燙愛好者值得專程拜訪～…查看更多

難得係依區有一間麻辣燙嘅餐廳，好似車仔麵咁，不過配菜嘅選擇多好多，而且配菜嘅份量都可以自己決定！ 首先入左去之後，從消毒櫃中拎一個籃子同夾，乾淨得黎又衛生。你就可以去3個雪櫃到揀你鐘意嘅配菜，種類非常之多，有打邊爐嘅丸類、肉類、豆腐製品類、蔬菜類、麵類等等。依種可以完全自己決定嘅食物類型一定fit 晒所有人，由配料到麵底到份量大家都可以自己控制！ 餐廳嘅特別之處係連個湯底客人都可以自己決定係乜，餐廳嘅湯底係自己炒同煲出黎，佢地嘅招牌藤椒湯底同港式鉥鉥雞撈係其他地方搵唔到架！你仲可以自己撈湯底，調較你鐘意嘅味道。有咁多野可以自己調較之餘，啲醬汁都有自助區，你想隨時加辣又得、加味又得、加toppings又得。 上菜好快，依間揀直係返工lunch必食之選！咁多野可以自己控制，出餐都好夠快。…查看更多

搵到一間真係大推嘅九龍灣餐廳全間舖頭係自己自助式夾嘢食湯底配料麵食全部自己選擇自己話事食多食少都可以自己控制有得揀，你先係老闆🤣身邊都有朋友係生酮飲食嘅，我都推介朋友過嚟呢度絕對係Keto diet friendly今次我就冇叫麵食，淨係叫咗啲芽菜、蔬菜、粟米冬菇等等最鍾意佢嘅新鮮滑牛同埋雞肉今次我揀嘅湯底就係滕椒牛骨湯底由於今第一次試，我就叫咗BB辣唔算好辣，但係嗰個馬嘅感覺好特別嘴唇少少麻痹，食落真係勁過癮好鍾意舖頭裝修都幾有型我夾到成碗麵，都係肉同菜計返一位連埋嘢飲都唔使$100 會推介啲同事過嚟一齊食🤣🤣…查看更多