有團火叉燒事務所

好耐冇嚟新蒲崗，一嚟到就要試吓近期勁熱門嘅有團火叉燒事務所😋古法蜜煉腩叉飯，確實係夠肥美，唔係個種入口即溶，但肉質絕對可以留喺口腔裏面嘆耐啲😏 脢腩雙拼叉燒飯，絕對滿足咗我兩樣都想食嘅慾望。一上枱超香燶邊味，眼球望到嘅係自然令身，蜜汁搽得好均勻，肉質好好食，完全唔會韌🤩 小食有海蜇脆爽三拼，三款質感完全唔一樣，不過都係咁開胃😬舖頭唔算話好大，我哋晚飯好早就已經去食，所以未算係好多人。不過到我哋坐到差唔多七點幾就開始滿足啦，想堂食嘅話，可能就要早啲嚟啦💪🏻…查看更多

之前經過新蒲崗呢間只賣叉燒一款主菜嘅餐廳已感到有啲計，呢次就幫襯試吓脢腩雙拼叉燒飯套餐。話晒係主打招牌貨，呢個脢腩雙拼叉燒飯賣相真係唔錯。佢哋用上西班牙豬肉嘅叉燒全部有燶邊。脢頭叉燒偏瘦嘅，但啲肉一啲都唔柴，OK有餘。至於腩叉就真係冇得輸，入口鬆化，完全加晒分。加埋一個太陽蛋同菜心，整體嚟講個叉燒飯係幾惦。不過呢個叉燒飯飯量太少，麻甩佬未必食得飽。跟餐嘅無糖冷泡桂花烏龍幾好飲，色淡但味足。全餐收$72，唔算平，但屬一分錢一分貨嘅可接受範圍。…查看更多

呢間叉燒飯店開咗近2個月，係主打賣叉燒飯，啱晒一眾叉燒飯控🤗我揀咗雙拼款，見同場唔少食客都係揀呢款🤣點解話佢哋細節見心思？因為係蛋同飯嘅品種都有得揀🤭我......就直接揀唔洗加錢嗰款😬家樂蛋(試業期間免費）🍳同埋金鳳頂上茉莉香米🍚而主角叉燒方面，叉燒色澤紅潤、唔會好乾身，加上偏厚身同大塊，食落又唔會太油膩，好滿足👍🏻另外，兩款叉燒上插住旗仔寫明係邊一款叉燒，係好可愛🫶🏻雙拼叉燒飯 （梅頭及五花腩叉燒） $64 冷泡桂花烏龍茶 加配價 $8…查看更多

假期總是怕人多，油尖旺跑過都未搵到食乜好，決定返回新蒲崗再逛逛，路過舖頭門面簡潔，不像舊式燒味店地下滑潺潺。叉燒煎蛋飯雖然平常不過，但最為吸引我的，就是咸蛋(對於我這個咸蛋控)，咸蛋總是被燒味店遺忘一角的好拍檔，居然這一家店會重視‘’咸蛋先生‘’，放它係餐牌上🤭後生店長禮貌地開門招呼，全店職員都很友善...差點忘記講重點🤭相當厚切蜜餞滿滿既叉燒飯放係我面前，叉燒不柴口，肉嫩，蛋黃香，襯托係碗叉燒飯不覺油膩，叉燒份量多，男士必夠吃，我女人仔都飽到比左3件我老公😝咸蛋雖然起沙，但唯獨咸蛋賣相有待改善。…查看更多

之前幾次經過mikiki 都見到對面新開嘅呢間餐廳，今日終於有機會去試！Menu 主打叉燒，有得揀雙拼/ 肥/ 瘦，照顧晒唔同人嘅需要，連雞蛋都有得揀太陽蛋/ 反蛋/ 熟蛋 🍳 另外仲有多飯/ 少飯/ 多汁/ 少汁等option，非常貼心！我同老豆都揀左雙拼 + 反蛋，落單五分鐘左右就有得食 🍽️ 叉燒同飯都熱辣辣，蛋煎得好香，而且切開之後蛋味非常香，完全冇野可以complain 🤩 老豆追加左鹹蛋，見到鹹蛋漏晒油都覺得靚！首先講瘦叉燒，肉味好香，冇咩肥肉但唔會乾！至於肥叉一咬落去簡直係爆肉汁+豬油 🤤 肉質細嫩得嚟又唔會太肥膩 👍🏻另外一提，店員同我地講，今日promo 有免費升級<舒蘭平安鎮稻花香2 號飯>，配埋叉燒汁同鹹蛋，老豆表示食到停唔到口！另外見佢Menu 上寫，如果追加煎蛋嘅話，仲有幾款唔同嘅雞蛋可以揀，非常專業！可惜今日唔算太肚餓，如果唔係作為雞蛋控嘅我一定會想試埋糖心蛋 🤤總括而言，呢間小店非常有誠意，食物亦非常出色！推介 🐷…查看更多

本身自己都好鐘意食叉燒, 所以周圍睇下有咩叉燒飯好食網上有人推介, 又咁岩下午時間路經呢頭, 就順便入來試試佢!餐廳環境🌟一入間餐廳, 見到有好多後生仔侍應企係度, 感覺呢間餐廳好似好年輕座位都算乾淨, 都感覺到間餐好似開業唔算好耐既新淨周圍都掛滿口號, 感覺對叉燒好熱血, 亦都幾襯呢間餐廳既名點餐方面, 係用手機自助點餐, 點完仲要即係比埋錢, 係呢方面同內地跟得好貼不過你亦都可以叫後生仔幫你點, 然後再付款食物介紹餐廳主打叉燒, 雖然餐牌只係得一頁,但係我都睇左好耐, 唔知點決定好本身唔係特別鐘意食肥肉, 所以最後揀左瘦叉燒, 仲加左錢升級米飯, 因為見到佢話包保好食但後來發現升級左既原來係來中國米, 雞蛋係湖南蛋, 仲懷疑緊自已決定既時候, 碗叉燒就到左整體賣相好吸引, 好似食物D DUMMY 咁, 雞蛋顏色都非常鮮豔, 叉燒仲要大大舊! 值得一提既係佢既飯, 升級左既米仲非常彈牙同埋有口感, 無估到中國米都咁好味成件事好match 總結: 值得推介  叉燒飯聽落好麻甩, 但係呢到既叉燒飯有種文青既感覺…查看更多

一揭飯盒蓋，炭香同蜜香齊齊撲鼻，「雙蜜豉香脢叉飯」一上枱就好搶眼。叉燒用咗脢頭豚肉，油脂分佈平均，外層微焦泛亮，睇見已經知火候啱啱好。入口先係蜜味輕甜，再滲出豉香微鹹，用炭烤過嘅焦香去收尾，味道層次一浪接一浪。 肉質咬口紮實之餘仲帶柔韌，唔會太肥，油香喺舌上化開，啱啱平衡晒甜味同鹹香。白飯揀得好，粒粒分明，吸咗叉燒汁之後更香更潤。配埋少少青菜，剛好沖淡甜膩感，節奏舒服又自然。 呢款叉燒飯最難得嘅地方，就係「火候」、「蜜度」、「豉味」三樣嘢啱啱扣得準。食落唔浮誇，卻耐人回味，像係一種熟悉而穩定嘅香氣記憶。成碗飯唔單止係飽肚，仲有份屬於港式燒味嘅自信與細節。…查看更多

呢間店係由佢未開已經比佢地出面嘅slogan吸引到，令人好期待究竟佢地佢叉燒究竟有幾好味，開完就迫不及待去試，已經幫襯咗佢地第三次啦😋食完會想再食▪️雙蜜豉香脢叉飯$58一個叉燒飯有埋菜同蛋，叉燒蜜汁落得啱啱好可能係佢哋獨有嘅配方，唔係平時食開齋蜜糖嗰隻，最正嘅係佢嘅口感食落去好腍，每一嚿叉燒都肉質細嫩，中間會夾雜少少筋膜同一啲脂肪食落去入口即溶得嚟唔會好肥膩，就算係瘦肉都唔會乾身食落好Juicy😋👍🏻🫠不過繁忙時段煩啲，未開飯就比佢哋調咗兩次位，而且係調翻去我原本想坐個邊😂…查看更多

經食家級朋友介紹，話60蚊食到90分既叉燒，都估到會好食，親身試完都仲有驚喜，主打叉燒，有得簡肥瘦，肉質軟淋得來爽口，其他配料都好用心做，雞蛋味濃郁、鹹蛋黃流油、米都有2種選擇，金鳳同稻花香，可惜稻花香唔係成日有貨，今次就試唔到！feel到佢地既用心，店門面同店內有d金句同故事，知道老細原本係開會計公司，因為鍾意食叉燒，所以開咗間叉燒店，成件事好熱血！店入邊d人都好nice！支持呢類型有特色有熱誠既小店！…查看更多

♦️有團火叉燒事務所 (新蒲崗)♦️餐廳主要係食叉燒煎蛋飯，QR code 落單。食物方面無咩選擇。餐廳聲稱對於出面小店同酒店都唔完全滿意，所以就自己開一間專做叉燒餐廳，同時又表示大道至簡，所以專心做好一樣嘢，因此食物款式選擇唔多。腩叉飯$62，梅頭叉燒$58，飲品汽水另加$6 。叉燒肉質柔軟嫩滑但蜜汁甜度略嫌不足。叉燒雖然有燶邊但就唔係焦脆香口，唔想要燶邊叉燒可以落單果時選擇走燶邊。整體嚟講，$58 一個lunch有啲進取，叉燒入口鬆軟亦都有肉既香味，有肉汁同油潤而且入口無膩口感覺，可以一食。♦️雙蜜豉香叉燒飯 $58🏠：新蒲崗景福街75號地舖…查看更多

搵到個咁用心嘅餐廳真係唔簡單🥰半肥瘦叉燒燶邊世一！-偶然見到新蒲崗有間新餐廳，晏晝都幾多人排隊。仲要講到自己專做叉燒，就諗住試吓佢。點知有驚喜！仲要好食到短時間encore😼如果唔知食乜嘢嘅話，直接食雙拼。試業期間難免有甩漏，第一次堂食嘅時候都等咗一段時間，但係第二次外賣就超級快。無論你有咩問題想問，員工可以答到你，態度非常好！（第一次食嗰時唔知嗌啲乜嘢，有個女侍應好耐心解答佢哋嘅叉燒有咩特別）試業期間仲有蛋送😙😙😙雙面煎蛋真係正到流，我自己就中意燶邊肥腩叉☺️👍🏻希望佢哋長做長有保持質素🙏🏻…查看更多

聽聞新蒲崗開咗一間由後生仔經營，專心做一件事一定做得好嘅叉燒飯專門店。今日放工特登過去試吓到底是龍還是鳳！呢間店只係單賣叉燒飯，不過仲有幾款涼菜同飲品可以加購。但其實最開心嘅係可以自己揀想食肥定瘦嘅叉燒。我食嘅係瘦叉飯，但瘦叉一啲都唔嚡唔乾，白飯有啲似日本米，但食落比較爽口，雞蛋煎得好靚，燶邊黃生，配上不太咸嘅豉油，賣相好吸引之餘味道都很好。幾個後生仔服務員熱誠殷勤招呼，有問必答，價錢又唔貴，絕對係物有所值嘅叉燒煎蛋飯。…查看更多

呢間鋪頭開業之後一直都好多人，Lunch既時候無乜機會食到，而好幾次經過都聽到有位店員(唔知係唔係老闆)係門外大讚自己既叉燒有幾勁。有同事話咁啱星期六少人啲有食過，話好食所以今日lunch去睇下有無位。點知又真係有位喎！入去之前都重聽到有個店員係門口sell緊其他人，好記得佢一句說話“你食到就等於你賺左”。嗱！你推高左食客既期望，咁我就用高啲既標準入黎食你個叉燒飯。$58叉燒飯一碗連一條菜一隻太陽蛋，汽水+$6。如果係做到精挑細選咁既品質既叉燒飯，呢個價錢係可以接受。呢間鋪特色之一係可以選你想要咩叉燒，靚啲肥叉再貴幾蚊，而我只係選左燶邊，我係幾鍾意有少少燶燶地果種香味，而我呢份叉燒係無呢種風味既。-燶邊既質感係無既，只係燒耐左黑左少少。燶邊係咁？我真係唔識食。-蜜糖味食唔出，連後加蜜糖都無滴，可能漏左掛。-肉質乾柴，肉既纖維斷開晒，仍然有少少豬肉味既。-因為有啲實淨要咬耐少少，然後就開始有啲啲豬騷味出左黎。我個人體驗黎講，係差既！睇番我同枱既食客，同埋其他人果碗既賣相，似乎係我唔好彩啫。不過！當你吹噓自己既叉燒係幾咁出類拔萃，而你又咁唔小心出左一份咁既質素既食物比食客，呢個就突顯到你係無做好品質控制。呢啲咁差既部位你唔應該出比客人，經過廚房切叉燒擺盤，再經樓面送去比客人，經過兩個同事既手都唔認為碗叉燒有咩問題，咁啫係表示呢碗叉燒就係你地最好既出品，而我食完之後既感想，對唔住！只係工場叉燒。既然唔係每一碗都做到最好品質，咁就謙虛啲唔好咁大力推高食客既期望。比呢個價錢，其實我食唔到你所講既“你食到就等於你賺左”呢種滿足感。我相信我同事係真心覺得好食先推介我黎試，因為佢果碗(都係$58)眼見係正常無咩大問題架，另一個同事叫左肥叉比多$4，都係幾靚仔架。做好每一碗既品質管理，既然講到係精挑細選，唔好既部位咪棄囉，繼續努力！…查看更多

屋企人放假，提議去新蒲崗食晚飯，話景福街近年進駐左好多新食店，去到發現好幾間舊店都執左，換左好多特色新店！其中一間，門口餐牌竟然寫住獨孤一味只賣“叉燒蛋飯”！ 仲要店名寫住“有團火叉燒事務所！”心諗：禁大胆！因為附近都有一間主打賣叉燒丼嘅食店。望入店內，見只坐左幾枱客，即刻諗住都係睇定啲先！但行左兩轉都冇乜心水店想試，又有少少雨粉粉，就決定會一會呢舊“大胆叉燒”🌟店內裝修係用“簡單型格”嘅設計，環境都算寬敞，樓底高，令人唔覺侷促！讚！但略嫌冷氣嘅風有啲勁！可能禁啱坐果個位，又或者係我個人怕凍吧！✨️餐牌只有一張（唔記得影相！），有飯，有兩款小食，一款係海蜇，另一款唔記得係乜！🍚飯就只有 A>>“古法蜜煉腩叉飯”（五花腩） ＆B>>双蜜豉香叉燒飯(梅頭肉)，另一款就係A+B嘅双拼叉燒飯。🍛三款飯都係會跟一隻太陽蛋，亦可以加錢加多一隻竹絲雞蛋或蘭王蛋🥚，又或者揀特色嘅米，不過我地對蛋同米冇乜講究，🤷所以冇加。一碟飯價錢大約60元左右，喺呢區係相當合理。原本想要兩碟双拼飯，但店內哥哥仔好好人，話如果每款叫一碟再兩個share食會更抵，一於咁話啦！🍛叉燒蛋飯嘅賣相合格！有菜有肉有蛋，啲叉燒冇令我地失望！👏腩叉肥瘦双間但食落又唔會覺得肥膩！入口淋得黎又有少少爽彈，讚！梅頭叉有幾舊都帶少少少少肥！但都好爽淋！再讚！👅都可以講係色香味俱全！🫶好難講倒邊款好食啲！下次再黎會叫双拼飯，因為兩款都禁好食！難分高下！🤩用茶餐廳價錢食倒酒店嘅水準，我覺得真係物有所值！👍👍👍😆果然係高手在民間！…查看更多