會所1號 愉花園

第一次嚟呢度飲茶食飯，呢度嘅點心小菜都比預期中出色，今次叫咗半圍菜加啲點心🥧簡簡單單慶中秋，整體食物都有水準之上，而且地方寬敞坐得非常之舒服，見到都有幾個位置俾大家影相，果然係做開婚宴嘅場地，環境佈置係幾靚嘅，不過就冇特別走去影俾大家睇啦， 希望下次有機會再補返影俾大家啦…查看更多

一向好鐘意同呀女去愉景新城玩，呢日來左愉花園飲茶，婚宴場果然好靚！靚靚花牆仲有個舞台呀女好興奮係到跳舞😂樓底高，位置闊落，可以舒舒服服飲茶食點心🥰.➡️石窩蒜片牛仔柳 ➡️紅燒BB鴿 ➡️蟹籽蝦燒賣➡️蠔皇叉燒包➡️山竹牛肉球➡️荷香珍珠雞➡️混醬布拉腸粉➡️脆皮鮮奶卷➡️懷舊金錢肚.來飲茶緊係嘆點心，燒賣好足料，大大隻蝦又彈牙呀女食唔停，糯米雞有三件好開心，叉燒包好軟熟熱辣辣，牛肉球港式口味，金錢肚厚身有咬口，鮮奶卷甜度剛好，外脆內軟，入面煙煙韌韌好好食😋.仲有小食點😍腸粉好大碟呀女食唔停，乳鴿炸得香脆，呀b食得津津有味👍🏻 石窩牛仔柳 夠哂獲氣熱辣辣，少少辣，咬落淋身軟身正.食飽又可以出去繼續玩！…查看更多

星期日早咗起身又見肚餓決定拍醒老公一齊去飲茶😂，近近地行去愉景新城飲茶之後可以shopping 。頂樓原來有間會所1號 ，酒樓四周佈置成花園感覺，燈罩用了雀籠設計，非常特別，而且有好多花花草草裝飾，超少女心。點心款式選擇比較少，一般大路傳統點心，但反而小食小菜款式挺吸到。筍尖蝦餃皇每次飲茶都一定要食蝦餃，這兒蝦餃每隻份量十足，一口咬下外皮Q嫩有彈性，新鮮蝦仁與筍尖的完美搭配，口感層次分明。山竹牛肉球有香濃牛肉味，而且加入了芫茜，醮一些喼汁，特別開胃。鮑汁雞腳以特製鮑魚汁以慢火將雞腳花生炆至軟腍入味，鮑汁美味鮮甜，花生軟淋可口，雞腳香滑骨膠豐富。Xo 醬炒帶子腸粉腸粉煎至兩面金黃焦香，加入XO醬、生抽和老抽炒勻，上色均勻，入口軟糯，沾上少許辣椒醬，更加滋味。泰式火山骨將排骨疊高再淋上秘製泰式酸辣醬汁，火山骨肉質軟腍，味道酸甜不膩。石窩蒜片牛仔柳牛柳片加上蒜片煎煮，最後放上石窩上枱，蒜片香脆可口，牛仔柳肉味香濃，鮮嫩多汁。生磨蛋白杏仁茶入口滑身順喉，又充滿蛋香，杏仁香濃清香，滋保潤肺。…查看更多

好耐無飲茶喇！ 黎左呢到，環境又靚，坐得又舒服，點心又好食☺️香麻海蜇拼燻蹄係一個好好食既前菜，麻油味好香濃，海哲爽口，令人忍唔住繼續食。燻蹄肉質都好滑，唔會鞋！瓦煲上既豉油雞，煮得岩岩好，雞肉好滑，皮又薄。豉油味入味得黎，又唔會太鹹，真係好正！如果叫多碗飯就更正！小籠包皮幼薄，唔會食落成口面粉。點心岩岩蒸出黎，一咬開就即刻有肉汁流出黎！ 椒鹽鮮魷雖然唔算好驚喜，但都絕對係水準之上。佢炸粉好薄，脆口得黎又唔會成口粉。佢落既椒鹽都夠曬味，每一嚿都食到惹味既椒鹽，比好耐地方都出色！…查看更多

今日和父親一起慶祝「父親節」，我選擇了到愉景新城商場的「愉花園」嘆茶歡渡父親節。餐廳裝修華麗，夠氣派，豪華的婚禮宴會場地。地方開揚，高雅整潔。坐下來，我叫了幾個老爸最喜歡的點心，再加上一些小菜。點心：“蠔皇叉燒包”，一籠有三大個，只算“小點”，叉燒餡料也不錯，瘦肉為主。“潮州蒸粉果”，外皮滑溜煙靭，餡料有沙葛、花生和肉粒，非常爽口。“香麻綠菜餅”，脆口的餅皮，外面鋪上芝麻，特別香口，蓮蓉餡料，清香甜美。“蜆芥鯪魚球”，比較濃味和結實，口感味道都一般。小菜：“石鍋蒜片牛仔柳”，服務員送上熱騰騰的石鍋，啫啫作響，一陣蒜香味四溢。牛仔柳鬆軟入味，蒜香味濃，口感非常好。“五香牛𦟌”，擺設精緻，牛𦟌爽口入味，五香味濃，十分惹味。“火山骨”，部長推介的新菜式。排骨肉厚，肉質鮮嫩多汁，炸得香噴噴，配上薑蓉及辣椒蓉，微辣醒胃，使味道更上一層樓。這裏的環境舒適，吃得有氣氛，我和老爸都很滿意，尤其是午市小菜，非常出色，既美味，又實惠。…查看更多

間中去飲茶慢慢享受一下，享受悠閒的時光😎。這次去了荃灣愉景新城 Club One，位於商場三樓食肆區。環境裝修挺有氣派的，另一邊有一大幅花牆做裝飾，可以去打卡一下🙈。-▪︎火山骨 HKD$88中式混合泰式做法，堆砌成小山丘的模樣，令人感覺吸引又霸氣😎。香口的椒鹽配上泰式醬汁，既開胃又惹味的味道。火山骨肉質腍身，做到挺入口的口感😚。-▪︎煎封黃花魚 HKD$68金黃色的賣相挺吸引，而且味道挺香的。做到皮脆內嫰，肉質嫰滑鮮味。煎香後連骨也可吃，口感脆卜卜的🤤。-▪︎咖喱蒸土魷 HKD$42 這個是傳統的點心，感覺是較惹味的。土魷肉質爽口味道鮮甜，咖喱味道微辣🤤，這個份量算是多的。底下有粉絲，吸入醬汁味道濃厚🤤。-▪︎咸菜胡椒豬肚 HKD$88這個是原鍋上，未打開蓋子已聞到挺香的味道，胡椒豬肚份量多。豬肚肉質腍身爽口🤤，還有蘿蔔和酸菜等配料，吸入湯汁味道香濃😍。湯底味道鮮味，帶胡椒微辛的味道，所以挺香口惹味。-▪︎素咕嚕肉 HKD$88素吃的較少見決定一試，賣相跟平常的差不多。用了炸麵根來代替肉，口感脆卜卜的。酸酸甜甜的味道，醬汁用來拌飯挺好的😚，還有爽脆的三色椒吃。-▪︎生磨蛋白杏仁茶 HKD$50飯後來個甜品挺享受的，熱辣辣的味道很香。蛋白份量多，口感紮實不易散，杏仁茶味道微甜😍，是個既滋補又潤喉的甜品。-…查看更多

平時成日飲茶都冇飲過呢間，以為係做婚宴多，原來朝早飲茶都唔差，環境仲好靚添☺️行森林風，裝修雅致🥢筍尖蝦餃皇🥟 $56呢到啲蝦餃超大粒😳😳皮薄晶瑩剔透，蝦肉飽滿💯🥢蟹籽燒賣皇🦐 $50燒賣外型靚仔，肥瘦適中，蝦同豬肉新鮮爽口，不錯🥢雀巢黃金球🍤 $50外皮金黃香脆，小心辣口，餡料係粒粒蝦肉同蝦滑，如配甜辣醬就perfect🥢火山骨🌋$88味道係泰式x中式，排骨底炸過，似椒鹽排骨個底，淋上酸甜蔥香泰式辣汁，惹味又香口，送飯一流，下次黎都想再食呢個🤩🥢XO醬炒帶子腸粉🥡 $68 唔係珍珠帶子，抵讚🥹腸粉唔會太油，味道偏輕，灑上芝麻更香，鍾意食濃味啲可自行加辣椒醬🥢石鍋蒜片牛仔柳🥩 $88石鍋底黎遠上緊菜都聞到好香，牛柳帶焦香，口感軟腍，味道偏濃，充滿蒜香🫖茶位 $15/位有ClubOne會員卡食物會有7折，比較抵食，環境質素都比附近嘅茶樓好👍🏻坐得好舒服😌…查看更多

想當年曾在這家分店飲宴，啲食物都幾高質啊，當時實在驚喜，所以印象好好。上年疫情時經網上試了個四人新春盤菜，好回味所以今年直接打去訂。今次訂了一個八人自取盤菜價錢$1488，味道如印象中的好！除咗蠔豉同鮑魚冇想像中咁大隻，其餘嘅都好大件，包括大蝦都新鮮好食；瑤柱同鴨掌都炆得夠透，食落好滿足！其餘的食材都係又大件又炆得夠入味，讚！盤菜的汁係另外一個樽裝住，我地加了未夠半樽都非常夠味了，之後都只係加清水，否則會太咸。下年新春都會繼續幫襯…查看更多

真係估佢唔到，飲茶D點心可以咁難食，只要唔多個10款嘅點心選擇，平均都要$50-60碟，但係質素真係酒店價錢，味道差過公仔點心⋯叫咗鐵觀音茶，估唔到可以係冇味，雖然叫過佢加茶葉，但真係同飲水差唔多⋯ 蝦餃可以一夾就散，D皮癡到一嚿嚿⋯ 燒賣叫做最正常，但一D都唔好味⋯ 春卷超迷你，又冇料又唔好食，似食春卷皮多D⋯ 蘿蔔糕煎到黑蚊蚊，原全係粉，又冇口感，失敗中嘅失敗⋯我中午一點左右到，見到咁容易搵到位，心已經知道一定有D伏，但心諗點心衰極有個譜，估唔到真係伏到一個點⋯ …查看更多

週末打算跟家人到愉景新城行一行，飲飲茶。愉景新城兩間酒樓，兩間等待時間都差不多，有時到沙田（ClubOne）水中天飲茶，覺得都算抵食同埋食物多款式多選擇。所以就打算試一試荃灣（ClubOne），大概10分鐘就安排到入坐。一坐低，等兩張點菜紙。點心紙果一張，食物款式少到連普通蒸腸粉都沒有😅最後叫咗以下食物，牛肉：好實淨，老人家食要用多一點時間、牙力。蒸排骨：全台最正常的一款，正常味道。肉絲炒麵：中規中矩，淨係個肉絲無豬味無肉味，一個字：怪！雞仔流沙奶黃包：一咬入口，係驚天地泣鬼神。點解咁都整得出黎比人食？流沙？包？佢似唔似雞仔就見仁見智。但廚師係咪誤會咗咩叫流沙？（上圖已展示）包？一舊完全無味道的粉團⋯連小朋友一食入口，就即刻話唔要。蛋散：顏色好靚，比起平時黃色更加可以吸引食慾。但唔脆的，冧的，好似擺了好耐好耐咁。總結，舒服態度好好，食物就⋯⋯⋯不會再幫襯。…查看更多

🎊Club One新優惠📣消費每$100送番$100現金券，仲要無上限❗️用埋#消費卷 真係抵上加抵 😎快啲去開餐啦🥢*茶芥 $13/位*阿蘇粉絲煲 $138粉絲好惹味同埋炒得好爽身～！用料多，特別加入咗好多蝦乾特別有口感同埋鹹香！梨山醬汁骨 $138好入味又唔韌！仲有爆香過嘅洋蔥片香甜～乳鴿 $40/2隻做緊特價超抵食！原價$96兩隻㗎！肉嫩又燒得好入味，完全唔使醬汁～！鯇汁蚊雞腳 $687-8隻熱辣辣雞腳炆得超腍！仲有好多炆腍咗嘅花生～即係又點少得甜品呢🥭有芒果布甸～滿足！埋單又多幾張$100現金券～下次又可以未食過啦！抵～～…查看更多

夜晚同同事一齊食飯 就嚟咗荃灣呢間club one 度試下 首先我想講下呢個炸魷魚鬚 其實好耐都冇食過咁好食嘅炸魷魚鬚佢炸得好香脆可口 而且層炸粉都唔厚 好surprised! 至於嗰個炒金邊粉唔會好鹹 而且炒得啱啱好 分量亦都幾大碟 都係比一般金邊粉好食嘅 薑蔥雞煲就非常一般 因為嗰啲雞件好似係炸完之後再淋咗啲芡汁上去 所以每一嚿雞都好似有層厚粉咁樣 而且成煲嘢好咸 如果唔撈白飯食嘅話真係食唔到 另外仲叫咗個皮蛋帶子豆腐 呢碟餸都係一般啦 因為帶子好細粒 但係佢撈咗好多豆豉落去 而且再加皮蛋我 覺得唔係太夾甜品方面芒果布甸就係好假嘅芒果味 我就個人唔係太鍾意杏仁露我同事話都幾好食 而且好香桂花糕就正正常常啦整體嚟講 今餐除咗個雞煲之外其他嘅餸菜嘅質素都ok 而我最鍾意食嘅就係炸魷魚鬚啦! …查看更多

之前做左clubone會員，所以間唔時都會黎clubone分店食飯消費。因為平日會員有7折另外愉花園分店做緊中菜放題$238/位起，而家仲有新優惠，消費每$100送番$100現金券，是無上限。不過呢日食左下午茶，晚飯就點幾個小菜好了脆皮吊燒雞 $128 （半隻）果然做到皮脆肉多汁，好味過出面擺酒一定會食到嘅炸子雞。香米芥末牛柳粒 $148香米份量好多，上碟時看來有點像牛柳粒炒飯芥末牛柳粒好大粒，軟稔份量多！拌勻芥末挺惹味，很下飯。黑松露海鮮蛋白炒飯 $168啖啖都是帶子蝦肉同黑松露香氣，仲加入了咸蛋黃，增加咸香。…查看更多

喺OpenRice 見到club one 有個放題只係$237/人(荃灣-星期一至五價)就同fd 試下。但要喺OpenRice 買左卷先去到再比$37/人。一人包一份龍蝦,乳鴿,佛跳牆,湯/碗仔翅,movenpick 雪糕一杯。另外仲有堆小菜/小食任叫(有影埋個list有咩叫）。但兩個女仔叫一round 己飽仲食唔晒。另外可以加錢任叫汔水/橙汁/啤酒,但任食己好肥,飲茶算了。(包一人一份既野):龍蝦: 一人有半邊龍蝦仲有隻拑,己夾開左個殼可好輕易咁叉左成舊肉出黎。肉質ok軟熟唔係似buffet 凍龍蝦嗰d擦子膠咁。乳鴿: 正常,唔會話好細隻佛跳牆: 一人有一隻鮑魚仔,冬菇,江瑤柱冬瓜。花膠一大舊要自己切開share 但唔夠焾偏硬。Overall都好味湯/碗仔翅: 揀左蟲草花湯(唔記得個全名),記得有雞腳,一d排骨等等,味道都okmovenpick 雪糕： waitress 無話有得揀味但咁啱係我鐘意既vanilla(任食既野):無試勻晒每樣野但普遍都正常,諗住一碟二人份量兩片/舊但佢每碟都唔少。芝士條：幾好味,可拉絲咕嚕肉：好味,黎到即食係脆口既蒜心: 出面都唔係成日有蒜心叫,good！但都有少少渣。但寫住老干媽炒,食唔出辣味士多啤梨蝦/黃金海中蝦/炒四季豆: 不過不失小炒王：九菜同d蝦乾肉條一齊炒,正常炒蚌柳：荷蘭豆仲多過蚌,初頭以為黎錯。寫xo 醬炒但都食唔到xo 醬味乜濟。但蚌肉正常叉燒：有d乾,唔特別好味。但我己好飽好後期先食,唔知襯熱食會唔會好d拍青瓜/牛展：味道正常,ok手撕雞：一般,好多芫茜…查看更多

9月19日晚訂了兩枱,全場沒有爆滿,有吉枱,叫了起菜,等了30分鐘也沒有食物,第一味菜竟然是蒸魚？呢世人都未見過, 龍蝦伊面不跟鉗,叫人如何食, 全程食左兩個幾鐘,係等食. 最攪嘢係我地7位,叫了6人餐, 叫待應分燕窩羹7碗,但待應話不可以？全程無人換骨碟,我疑為啲待應係security guard ,净係識企定定！個燕窩羹及翅都是暖的！嗰待應話會反應,唔知有無？全場都坐唔滿,無法想像做婚宴甩轆,似茶餐廳招呼！…查看更多