暢和麵家 (已結業)

極少寫食評，但今次黃店都支持唔落，黑心店家🖤之前食過幾次，食物OK，態度一向麻麻地。但是今次外賣之後，下次唔會再幫襯1. 外賣一碗麵，等候時間超過50分鐘- 明白繁忙時間需要等候，但是如果等如此長時間，應該落單時講清楚- 有幾枱堂食顧客比我遲下單，但是他們食完離開餐廳，我的外賣還未準備好。追了單幾次，都是叫我們在門外等候，明顯不是廚房做不及所以等50分鐘，而是安排不當2. 食材不足，偷工減料 - 之前食過醉雞外賣是完整一盒。今日好明顯是因為太多顧客，食材準備不足，所以減走半盒- 這是剛打開，未開始食，明顯拿走了三至四件雞，佔份量一半，勁離譜🤯- 堂食無法減太多，唯有從外賣偷工減料。尤其外賣是看不到雞件。回到家打開才發現少了一半，傷心到喊💔唔止「好食是良心」，正常份量是基本良心吧？…查看更多

有充裕時間先好去食樓面、執枱、收錢、包外賣得一個人做 做野非常之慢 好似唔憂做咁 態度極差仲要晒時間聽職員係到鬧交 又唔執台唔落單最後兩枱都等唔到走左唔會再幫襯！晒時間！…查看更多

唔係第一次寫呢間舖頭嘅食評，之前食過好多次，呢度嘅菜肉雲吞真係好好食。因為比較遠，疫情之下，都好少特登去食，對上一次幫襯已經係兩年前。今次因為做嘢，所以去到附近，咁就梗係把機會再去食，點知得來嘅就係失望。佢嘅湯底唔算有太大分別，但係菜肉雲吞嘅菜肉比例好似有咗啲改變，菜少咗肉多咗，而最大問題係就出咗去食材上面，我唔知佢揀咗邊部份嘅肉，但係有陣肉騷味，所以成個雲吞已經唔得。因為之前幫襯過好多次都好好味，我下年一月會在去做嘢，到時我會俾多次機會佢。…查看更多

【#西環搵食 】#暢和麵家經常街過依間店，好想試豬潤麵，但次次都因為唔同原因冇去。之前終於去咗，鋪面真係唔大，中午12點開門，我係第二檯客，不過之後就係咁入😄豬潤都係食唔到，老闆話未準備好🤔 改叫 #大腸麵 ，跟餐要埋 #凍檸茶 同 #花雕醉雞翼 ，$47。雞翼一般，未入到味，可能時間唔久，但汁聞到濃郁酒香。凍檸茶有驚喜，夠濃唔淡口，都飲到茶香。大腸麵都有最少六件腸，食到幾香鹵水味，有大有細質感幾好。麵都夠彈牙，湯係雲吞麵湯，夠清唔會過咸，整體唔錯👍有唔少客都係叫套餐，一來可能係凍飲唔洗加錢，二來佢都有唔少選擇，當中包括我另外至愛醉雞🤣推介指數：7/10 暢和麵家西環石塘咀山道35號兆禧閣D舖…查看更多

黃店。平日兩點黎到，細細間鋪都坐滿人。午市套餐一個麵加一個小食連野飲，普通雲吞麵嗰啲就$44，雞麵就$60。相對黎講，可能揀雞會抵啲，因為佢份量都唔少，一隻雞髀加三四舊雞胸左右。叫左沙薑雞，雞算係正常水準。當然未至於好好食但係絕對ok，遇上邊日想食雞可以encore。小食係酸辣雲耳，幾鍾意上面有啲醃嘅辣椒，幾開胃。粗麵幾好，有粗麵應有嘅彈牙，第一次食嘅時候都幾驚喜。整體黎講，係中上水準。價錢以呢啲麵黎講稍貴。…查看更多

因為知道這裏的藥膳醉雞鍋很出名，所以專登去試。誰知豬雜才是最好吃。先講醉雞鍋，有當歸北芪川芎紅棗圓肉，仲有幾件醉雞件，份量係十足，味道亦都清甜，但「藥膳」的話就唔夠藥材味，「醉雞」的話又唔夠酒味，有點失望。反而豬雜河有驚喜。乾淨、新鮮、無異味，有口感，沒有滷水汁搶味。尤其愛那豬心和豬大腸。下次想試豬雜蝦籽撈麵。暢和還有另一樣出名的正宗古法純豬肉雲吞，不加蝦肉，細細粒。感覺是不過不失，優點是皮薄；餡料無蝦肉無問題，反而有豬肉鮮味，可惜其中有幾粒都有筋，所以扣咗分。…查看更多

淨肉雲吞（無蝦）香港比較少見，但我好鐘意🤣知道呢到有所以要黎試下🤩雲吞細細粒，皮都薄，但肉就唔算好有鮮味。蝦子撈麵：上枱聞到好香蝦子味🤩但食落就無乜只係比較咸🙈鹼水麵我就真係頂唔順，覺得去到苦嘅地步🙈醉雞翼：酒味好重🤩但比較奇怪嘅係佢係偏暖嘅🧐然後雞翼都有啲老紫薯奶茶：唔鐘意奶茶太甜嘅大家會好滿意佢👍紫薯味其實唔重，個人認為可以skip🙈小店人手唔多，所以午市都要自己招呼自己，同埋碗碟都收得慢，但啲姐姐其實好nice😊…查看更多

一人外賣午餐，同事推介我試吓呢一間嘅花雕雞米線，第一次嚟到呢間餐廳，睇吓佢哋餐牌有咩食先，有一個蝦子撈麵吸引到我，店員介紹我食一人套餐，我就選擇左呢個餐轉蝦子撈麵加$7，同事推介我食花雕雞，所以今次就叫咗花雕雞翼試吓，再要多個鮮肉雲吞。唔知係咪外賣關係，份量偏小，食完都唔夠飽。蝦子撈麵，偏鹹太乾，一定要加湯食。花雕雞翼，暖暖地，加上花雕湯，好味鮮肉雲吞 - 叫嗰時冇留意，以為係普通雲吞，點知剩係得肉喺入邊，有啲似食燒賣，本人不太喜歡。由於同事極力推介，所以今次有啲失望，下次試吓佢哋個花雕雞米線，睇吓會唔會好啲啦。…查看更多

第二次去當然繼續試啲平時少食嘅嘢 - 黨參當歸北芪川芎淮山杞子圓肉紅棗醉雞麵 $60勁到冇嘢講 - 足料超濃藥材同鷄味嘅湯, 加埋七八件仲幾滑嘅雞, 呢個價超抵.唯一要留意嘅係閣下嘅體質係咪頂得住, 我熱底, 飲兩啖湯已經口慶鼻慶, 食完之後膊頭發熱, 急急去7仔啪罐喜力下火.經過嗰頭一定會再幫襯.…查看更多

呢間店賣嘅嘢有啲懷舊又好納雜，又雲吞麵又客家鹹雞又花膠又榚點又花茶..... 啲 service，舖內間格，播嘅歌都有啲奇奇怪怪，總之成個經驗係有啲九唔搭八。不過啲嘢真係好食，有驚喜，而且好抵。 一個人今次只試兩款, 下次再去試其他嘢。…查看更多

斜路上既呢間小店原來係來自大埔既老店💈傳統麵店看似平凡同古老😅但係選擇都不少👍🏻仲有套餐選擇😚⭐️ 招牌豬雜麵 🐷招牌真係幾名副其實😋無一般雲吞麵店洗唔乾淨既內臟味道❤️ 份量都既豐富 有豬肺🫁 大腸 🌭豬潤 咬落爽口無渣 清清地🪴 傳統既蛋麵富蛋香🥚 無梘水味 但係可以煮耐小小😅有點癡埋一舊的狀態⭐️ 上湯鯪魚球 🐟非常彈牙 手打的真材實料💕 魚鮮味加埋絲絲的陳皮好Balance🌊⭐️ 薏米水 🌿暖暖的薑味 唔會太甜 好滋潤同暖胃🍵…查看更多

第一次去呢間餐廳食飯，係同朋友無意中走咗入去，我本身非常之鍾意食菜肉雲吞，就叫咗一碗嚟試，食過之後，驚為天人，每次經過附近都會走去食一碗。呢度個菜肉雲吞皮薄饀靚，餡料菜同肉嘅比例相當出色，調味亦啱啱好，唔覺得有味精。湯底亦都係極力推介，我唔知道佢湯底用咗乜嘢材料，但係青得來有味，我每次都成碗湯飲到一滴不漏，連生菜同配料韮王都一條不留。價錢亦一啲都唔貴，下午茶更加抵。不過今次去食，唔知抽起邊條筋，想試吓佢個沙薑雞，平心而論，味道其實都唔錯，雖然雞肉唔算太嫩滑，但係同個菜肉雲吞相比，就差天共地，下次都係唔好口痕，寧願食多碗菜肉雲吞。…查看更多

本來下午一點已經食左個正式lunch，但素聞香港西區好多正野食，所以心血來潮想食多個「下午茶」去到暢和，見到係一間比較簡樸茶記風既鋪頭，有別一般麵檔會聞到陣陣鹼水味。本身未算好有期望，諗住食個豬雜米過下癮就算。點知呢個時侯俾我見到牆上貼咗一張印住藥膳醉雞，即刻心心眼落order！入正題。。。藥膳醉雞當歸味十足，而且酒味濃郁，相信酒既份量比坊間多，同時每一啖湯都飲到紅棗同圓肉帶黎既甜味。 藥味、酒味、甜味三者平衡得勁好，以味道黎講可以稱得上係最強藥膳醉雞。由於已經食咗lunch嘅關係，我食晒成碗米已經好飽，飽到胃痛嗰隻，但個湯真係非常之好飲，我都忍唔住一啖一啖咁飲落去，一路痛一路飲、一路痛一路飲。。。一句講晒，唔試你會後悔。至於豬雜米，相對地會比較失色，但都係好出色嘅，豬膶厚度同熟度剛好，喜歡食豬膶既人一定收貨；豬腰既尿騷味已經處理到最好；其他雜位都非常乾淨，配合清爽帶鮮既湯頭，作為下午茶十分合適。 （我本人係朋友果碗度每樣都食左啲，主力都係食番藥膳醉雞果邊）仲有杯紫薯奶茶，本來以為係噱頭嘢，點知佢味道同口感都混合得唔錯，成件事係好夾嘅，唔會有一方偏重咗而導致口味錯配，值得一試。…查看更多

本人係一個粉麵控，最鐘意周圍去食粉麵，雖然我住喺九龍區、但係每次想食豬雜粉麵我都唔怕山長水遠咁特登搭巴士去暢和食每次嚟到多數都會食呢個下午茶餐：豬雜蝦籽撈麵豬雜處理得非常乾淨、完全無壓味，又唔會太淋、好有咬口，仲好新鮮。麵質夠爽口、無鹼水味，蝦籽味道非常濃厚、好香呢度地方雖然細、坐位有限，但唔會感覺好逼，服務態度非常好價錢適中…查看更多

我同朋友一人叫左一個藥膳醉雞鍋，無加飯/麵，即係得雞肉同埋雞湯，以女仔嘅食量黎講好夠飽！個雞湯好清，同埋唔會好油，飲落去有好出嘅當歸同埋川芎味，一鍋湯入面有7-8舊雞嫁，d 雞又唔會話煲到霉左好鞋咁，好足料好好味😋奉勸唔飲得酒嘅朋友食呢個雞鍋前諗清楚，因為食完個人成身熱晒，我朋友食到醉左，塊面紅晒仲wing wing地😂 但真係堅正，冬天想補一補/ 女士想驅寒都正呀除左呢個醉雞鍋，舖頭仲有醉雞單點，亦可配飯。另外都有粉麵。…查看更多