暖心芝作

营业中

休息中

從朋友口中得知，荃灣路德圍有間小店芝麻雪糕好好食，從一個不為食的朋友口中聽到，相信真的有其吸引力，於是決定假期一試⋯⋯當日大概5時，未算多人排隊，於是就跟大隊試吓啦⋯⋯門口大大杯芝麻雪糕模型，就知止乃招牌項目。在等候期間看見燈牌還有其他產品芝麻控過到來，相信除咗雪糕還有很多吸引項目。布甸和豆漿都很吸引，可恨嘅是，筆者當日不是直接回家，否則一定大包小包⋯⋯店員除了安排雪糕外，還塗上芝麻醬在雪糕面，真心覺得為這雪糕加持外，還很有儀式感呢⋯⋯大概5分鐘後終於到手了，單單看外表就十分吸引，甜度適中，唔算太甜，濃濃的芝麻香，那個芝麻醬帶點點芝麻的苦澀味道，作為一個芝麻控，必須被這味道俘虜。還有這個芝麻雪糕筒，簡直是一個完美的結合。吃完雪糕打算買芝麻卷回家，殊不知他們話6:00pm才開售，於是到附近超市行一陣，回來時已大排長龍，於是放棄了⋯⋯隔了數天，心有不甘，於是在一次非繁忙時段，平日的時候，又比筆者買到，吃過後又不外如是，未知係咪自大過期待呢⋯⋯整體來說真係暖心芝作，芝麻軟雪糕，好味會回頭。

前日（15-2-2025 Sat）晏晝，同老公食完晏同甜品後，行到過嚟呢邊，見天氣熱熱地，就索性行埋嚟之前老公想食嘅呢間買芝麻雪糕食，嚟到時見到有人龍，但都照排隊啦，見到唔止有年輕人排，重有中年，甚至老人，竟然咁吸引。喺等嘅時候，睇吓menu有咩買同價錢係點先，排到舖面，見到有個電動石磨，磨𡁵芝麻漿出嚟。到我哋喇，我就買咗三樣嘢，$18.00嘅黑芝麻豆漿，$28.00嘅黑芝麻軟雪糕同$25.00嘅流心黑芝麻布甸，原本都想買埋杯庄硬雪糕返屋企，但我哋冇冰袋喺身，怕會溶，所以唔買啦。買完食得，黑芝麻軟雪糕面上淋咗啲黑芝漿，食落，黑芝麻味道夠濃又唔太甜，口感係軟滑，感覺輕盈唔太heavy。5分返到屋企，即刻雪住唔兩樣，到食完晚飯，就攞流心黑芝麻布甸食，呢個味道都濃唔太甜，但唔算好滑，可能始終會有小粒，而流心餡杰到好耐至滴到一滴（Openrice取消咗上載影片功能，令我唔可以上載芝麻流心慢慢滴落嚟嘅片），流心份量唔算多。4.5分最後黑芝麻豆漿，到夜啲至攞出嚟放暖少少飲，買嘅時候，店員有問要無糖定低糖，我揀低糖，倒出嚟時唔杰，飲落，芝麻味唔太濃，豆味，好似冇乜，成個飲落口，似水還水，芝麻還芝麻，

這裏生產的芝麻水好好食，一點都不濃，十分絲滑，回去問店員為何這麼絲滑，她說因為用了優質的芝麻，而且部機又勁，所以磨到冇渣便這麼絲滑了，我恍然大悟，原來以前食的其他店的芝麻水都是用劣質芝麻所以才那麼醬，我真係上了寶貴的一課，希望這裏不要阻止我出這評論，等大家看了都買一樽芝麻水就好了。

朋友講話連發哥都去排隊幫襯的米芝蓮推介人氣店暖心芝作，今日趁住經過荃灣都去買嚟食吓，除咗芝麻卷，仲有石磨芝麻糊，同芝麻雪糕。聽講係每日手工限量製作，用石磨芝麻糊搭配純正馬蹄粉，蒸製後再卷出菲林形狀，係久違咗嘅芝麻卷，芝麻味香濃又彈牙，真係幾好食嘅，又唔會覺得好甜，上面仲要有啲芝麻，不過就嫌太細卷，一個人一陣就食晒一盒😋今日趕時間，淨係買咗芝麻卷，下次有機會再食埋個芝麻糊同埋芝麻雪糕🍦聽講都幾好食。

As the bowl of sesame ice cream arrived, what first caught my eye was its deep, natural greyish hue – not a bleached or overly processed color, which immediately conveyed a sense of authenticity. ⚫ The texture of the ice cream was incredibly delicate, melting smoothly in the mouth without any hint of ice crystals, truly showcasing the warmth of handcrafted perfection.🍦The most astounding aspect, however, was the unbelievably rich and robust sesame aroma! Every spoonful, I could feel the full-bod

路過荃灣，來到久聞其名的「暖心芝作」，聽聞他們的甜品不錯，便點了一份芝麻雪糕嚐嚐。這份芝麻雪糕的賣相算是正常，顏色是芝麻應有的深色，質感也算順滑，沒有明顯的冰渣。入口時，芝麻的味道是有的，帶點堅果香氣，甜度方面也算是適中，不會過甜。不過，如果要說它特別濃郁或驚艷，那倒也談不上，就是中規中矩的芝麻味，沒有太大的記憶點。如果你期待非常濃郁、甚至能達到「黯然銷魂」級別的芝麻風味，或許會覺得有點平淡。如果只是想在荃灣找個地方吃個普通甜點，或者你對芝麻味道的要求不高，這份芝麻雪糕還是可以一試的。但若想追求更出色的味道，可能會有其他更好的選擇。

嬲到要岀post插！！夠膽死用芝麻為題，但係芝麻糊可以完全冇芝麻味，又稀又淡又油，仲要成$30 ！過隔離買阿玉嘅芝麻糊都冇咁嬲！！另外芝麻卷毫無口感，芝麻味極淡，咬開完全冇一層層，純粹係食緊一個有甜味嘅糕。另外仲買咗黑芝麻醬，已經毫無希望，一試果然真係又係又稀又無味。點解呢間嘢仲可以咁多人排隊，仲要咁多人吹捧，香港人係咪食開屎？

食左好多次，由無米芝蓮推介食到而家佢有個side product係去濕丸都幾好食，有無效就唔知，唔係長期食芝麻卷就長期買，幾濃芝麻味同唔算貴芝麻雪糕同頭漿就小貴會繼續買芝麻卷，雖然成日有長龍，過左食飯時間去買就無咁多人

暖心芝作的黑芝麻菲林卷是一款讓人難以抗拒的甜品，濃郁的芝麻香味令人一試難忘。芝麻卷的外皮柔軟細膩，內裡包裹著香濃的黑芝麻餡，口感滑順，令人一口接一口。每一口都能品味到芝麻的天然甘香，這種純粹的味道讓人感受到手作的用心。這款菲林卷非常受歡迎，需要排隊購買並每日限量供應。

🌇 荃灣｜暖心芝作｜芝麻控必試黑芝麻甜品店見最近好多人推介呢間芝麻主題小店「暖心芝作」，專賣各款芝麻甜品，即刻去試下，果然冇失望！🔥 必試推介✔ 黑芝麻軟雪糕 $28黑芝麻味濃郁但唔會過甜，質地軟滑，入口輕盈唔膩，夏天食啱晒！✔ 黑芝麻菲林卷 $25（限購）內餡有層芝麻醬，香濃得黎又有口感，芝麻控必試～每日限量，要食要早！💡 總結作為芝麻主題店，無論雪糕定甜品都誠意十足，甜而不膩，好食又特別～值得一試！

-之前見到脆友推介佢嘅黑芝麻雪糕同埋布丁，而且亦都入選咗米芝蓮，經過荃灣好多人排長龍，所以口痕試下，果然同大家講嘅一樣會擠三圈半嘅雪糕，不過我覺得佢嘅味道夠濃，主要都係靠面頭嘅黑芝麻醬，本身個雪糕同埋個筒都有淡淡的黑芝麻味，唔會話好水，食得出係真材實料，食完亦都唔會覺得頸渴，是好食的😙如果可以多啲醬就好，例如個筒入面可以預先加少少黑芝麻醬入去-▶︎黑芝麻軟雪糕 | $28--🏠【暖心芝作 HEARTWARMING】📍荃灣路德圍運通街6號地舖📍太子汝州街23號地下B號舖🕑星期一至日 11:00 - 23:00

之前同事推介 一直都想試今日經過 就買了黑芝麻雪糕 同 芝麻菲林卷上網好多人推介 黑芝麻雪糕面頭淋上一層芝麻醬芝麻醬 好濃芝麻味 好好食！雪糕軟滑 有少少芝麻的沙沙地的質地雪糕筒脆身芝麻菲林卷對比雪糕 我更喜歡菲林卷食到有黑芝麻口感而且芝麻味更濃郁 好似有層芝麻醬係入面唔怪之得 現場寫菲林卷係限購總括價錢： 以傳統小食來講 價錢不過不失味道： 感覺真係專做芝麻的美食 而且當時落雨都有一班人排就知好唔好食啦！下次想試下芝麻糊 非常期待！

食完晚飯想食個甜品!諗起路德圍呢間暖心芝作🩶🩶一直都好想試 但系都未食過😂一於試試佢!叫左個黑芝麻軟雪糕(ᴴᴷᴰ28)芝麻味好香濃!軟雪糕表面再淋左d芝麻醬..將個雪糕昇華!芝麻醬系比雪糕更濃芝麻味😂 食落仲食到粉狀沙沙地既口感🤣另外連個雪糕筒都系芝麻整成!個筒好香脆呢!

成日喺threads見到啲人話好好食終於過嚟試吓！超香濃嘅黑芝麻味 有啲似食緊芝麻糊😋😋雪糕上面有黑芝麻醬 連個筒都係芝麻味😂鍾意黑芝麻嘅朋友可以試吓😙不過個人認為價錢少貴🫣

之前喺太子已經幫襯過呢一間舖頭嘅芝麻糊，真係好重芝麻味，今次去咗荃灣分店買無糖黑芝麻豆漿同芝麻卷，黑芝麻豆漿佢冇過篩，所以會有少少渣，不過都唔影響味道。芝麻卷就要排隊，見到限量每人淨係可以買一盒。