晶輝飯店

坐低無耐有二個人輪流車輪戰食煙正想搵.老細/夥計.讚賞吓嘅時候見到.老細/夥計.同佢朋友原來起另一台都開始吞雲吐霧❤️咁我唯有嗱嗱聲食埋啲嘢快啲走人唔好攞人便宜，食人D二手煙啦。好鍾意食煙朋友討厭被控煙辦束縛嘅朋友唔驚俾控煙辦捉嘅各位朋友本人非常推薦非去感受吓一面外出晚飯一面食煙嗰種熾熱。同埋真係唔使驚控煙辦㗎喎每逢食肆出現呢個問題我有時間都聯絡咗控煙辦通常晚上打電話留言控煙辦好有效率會即刻第二日回覆❤️話唔會即刻去巡查❤️❤️同埋唔會夜晚去❤️。所以如果你好鍾意食飯嘅時候食煙嘅話真係值得一去，信我！冇介紹錯。…查看更多

幾年冇去，轉咗手，食物水準差咗好多，基本上以後都唔會再去。以前個雞煲我食左十幾年， 諗住咁耐無去試下，點知完全唔係果回事，不特止，新版本個雞煲仲要唔好食， 極度失望，又少左一間小店可以去。…查看更多

搬出大角咀多年，偶然同老婆慶祝周年經過老店，正想回味晶輝一絕 - 雞煲，叫單時店員聲稱老鋪已易手，舊老闆已退休。一聽之下，心知不妙。果然雞煲一出，成地眼鏡，同幅相係兩回事。雖然已有一半失望，不過既然煮咗，唯有以「煮到埋嚟就食」嘅心態一試新雞煲，果然一試難忘！雞汁太稀，雞肉係蒸過嘅雞，好「鞋」，配料中筍片帶酸未入味，我唯有只食我所好嘅洋葱，老婆只食云耳！一半都未食完，就埋單$158走人，兩公婆周年紀念，有過難忘經歷！希望只係雞煲出事，其他炒小菜冇出問題啦！😫…查看更多

我簡直不可思議😵 見間鋪又舊又污糟糟既感覺，真係坐大排檔仲自然… 但一場嚟到都要食既.. 價錢唔太清楚，因為直頭唔想掂個餐牌，大約每款$100左右啦😬😬蒜蓉蒸開邊蝦、菠蘿生炒骨、胡椒大蜆粉絲煲、椒鹽鮮魷、椒鹽九肚魚、沙嗲牛肉粉絲煲、豬骨煲、韭菜豬紅.. 每一碟餸食第一啖成班院友都有心心眼😍，每樣味道都有85分以上，不過乾淨度確實欠奉，每樣餐具請自行清洗乾淨🤣如果有潔癖真係唔好去，因為係會連坐都有問題🤣…查看更多

依間餐廳門面殘舊又噏耷，衛生又麻麻地，但係佢出奇地好好食！蒜蓉蒸開邊蝦新鮮肉質彈牙唔會梅！胡椒蜆肉粉絲煲胡椒味勁香濃粉絲朔晒啲胡椒味，蜆肉肥美肉厚又冇沙。椒鹽九肚魚外脆內嫩滑，好野味！椒鹽魷魚椒鹽味好香濃，魷魚彈牙食落唔韌易入口！豬骨煲好大堆頭，料多到痴線！生炒骨甜酸度適中，粉漿唔厚好脆，必食推介！沙嗲肥牛粉絲煲沙嗲味勁濃郁，辣辣地，沙嗲味入晒啲粉絲度，好好食！韭菜豬紅韭菜有少少渣，豬紅好食！手切肥牛好新鮮牛味濃！…查看更多

看到好多foodie說這家店很好吃，於是秉承著吃貨的心，一定要試試，去了兩次才吃上，好似中午不營業！先說推薦的魷魚小炒皇，真的好一般，不如平時的店裡普通的，這家雖然很多腰果，但是卻失去了原本小炒皇的味道！生炒骨算是脆脆的，不過味道也沒有網友評價的那麼高！…查看更多

thats not much choices at dinner time due to the wuhan virus outbreaks... suddenly i notice there is a old restaurant with amazing delicious food - 晶輝飯店。。we 3 people ordered:1)seafood steam rice - ell and shrimp nicely cook rice one big leafs. rice soaked witg the seafood flavour, extremely boosting your appetise. it just cost 130$ for big size, already enough for 3 big man.2) the gulu pork - sour grill porkthat need to be consumed at fresh condition. because the deep fried crispy texture would be destroyed by the sweeten sauce in any second. eat it first!3) chilly fries nuts and squidthis one is normal, nothing special. a bit dry honestly.overall 3 dishea cost only 330$, can feed up 3 big adult. 對得住天地良心。…查看更多

入冬啦，來個熱騰騰的羊腩煲補補身最好不過了。羊腩煲湯底鮮甜，羊肉軟嫩，餐廳很好的去除了羊肉的膻味，裡面還有馬蹄，枝竹，還送菜。雖然點的小份，但也份量十足。還點了個招牌的龍仔飯，蝦的鮮也完美的滲透到飯裡，應該是即叫即蒸。小份感覺也很大份。…查看更多

得知呢間小菜做得幾出色，所以今次專誠過嚟就試咗兩款大家都推介嘅小菜。分別就係佢哋嘅蒸籠仔飯同埋招牌咕嚕肉。蒜蓉蒸蝦嘅籠仔飯，點食都真係冇得輸。有好香好重嘅蒜蓉味，開邊蝦可能比較細隻，就冇蒸蟹咁有鮮味落到去啲飯度。另外佢哋嘅招牌咕嚕骨都好唔錯，香脆可口！…查看更多

今晚接男朋友收工，累累哋係屋企附近搵小菜食，咁啱醒起呢間有朋友介紹過，就一於試下佢。呢到其中一樣特色野就係籠仔飯。我哋兩個人叫咗個細嘅籠仔飯，佢係用荷葉包住啲飯同蝦，入面有生蒜、炸蒜同埋一啲類似菜乾，一齊蒸。雖然個飯望落白雪雪，好似無乜味咁，不過食落好香蝦同荷葉味，而且有啲生蒜炸蒜菜乾係入面，都幾夠味。👍🏻另外我哋仲叫咗兩個餸。豆豉鯪魚油麥菜豉椒炒蜆唯一唔好就係鋪頭得三、四個人做野，我哋坐低咗成十分鐘先落到單。…查看更多

今日去了大角咀食雞煲，個雞煲雖然個味道好普通但個雞肉質好滑流，再叫了一個咕嚕肉酸味也剛好不太酸肉質好軟熟，再叫了一個椒鹽腰果鮮魷味道剛好唔太鹹餸酒一流，還有每碟餸也大大碟，可以一試，價錢也不太貴。…查看更多

今晚朋友介紹黎呢度食飯，話呢間夠鑊氣，好食過大排擋，所以就約埋一齊試下啦。天氣咁凍，當然要叫個羊腩煲啦，我地就叫左個中煲，可以再叫多個小菜嘛本身羊腩煲都有跟生菜，所以分量都唔少㗎！羊腩都炆幾淋幾入味，最重要既當然係支竹啦！非常入味，又爽口，羊肉分量又足，其實四個人都夠食飽，我地好快就已經清曬d支竹羊肉唔會好羶，又易入口，十分推介我地另外再叫多碟生炒骨，我個人覺得有少少太酸，但係排骨係幾甜幾脆既，$75就略嫌有少少貴:(最後我地幾個飯桶叫左個籠仔蒸雞飯，其實每人一碟就已經啱啱好分曬:)唔算好多，但係都有驚喜，好濃味，唔鍾意食白飯既你一定要試下…查看更多

朋友話呢到好出名「胡椒水蜆煲」，所以這晚就特登專乘來飯店試試！這次叫了四樣飯店的招牌小菜1）籠仔蒸蟹飯：原隻蟹上飯上加了蔥花和蒜蓉一齊蒸，所以不需再落調味料已經好夠香，蒸飯剛剛好，飯粒好有口感！但下次來應該要叫蒸蝦再方便些（唔洗落手食）2）胡椒水蜆煲（大）：好多好大隻蜆，蜆又沒有沙粒而且胡椒湯加粉絲好正好夠辣，夠哂暖胃3）菠蘿生炒骨：雖則是平民小菜，但炒得夠唔夠好味係好難，而這道就是每台都是必點的小菜，可想而知炒得很好很受熟客歡迎4）椒鹽腰果魷魚絲：送啤酒一流腰果跟魷魚絲一起吃原來是很夾，作為一道小食非常過癮必會再來！…查看更多

作為街坊，晶輝都係附近其中一間最高汁既老字號店。大排檔既關係，環境當然唔可以多多要求，冷氣夠勁，已經足夠啦！生炒骨粉薄夠脆，肉多少骨，腩排仲保留到肉汁，唔係超級大碟兩個個食剛剛好。椒鹽九肚魚，好耐冇食過仲係成碌既九肚魚，出面一般都切薄再炸，變左淨係食到炸粉同炸蒜味。晶輝呢個似返舊式味道，仲食到魚身滑流流蜆蚧鯪魚球，手打好彈好好食，不過蜆蚧太少唔夠點！另一招牌菜荷葉飯，有得揀蝦，蟹或者田雞，我地點左蟹，真係有成隻蟹架！賣相已經殺晒，加左蒜蓉，飯夠香，幾有特色。…查看更多

今日同友人在朋友介紹下去了一間大角咀小店，因為很想食咕嚕肉，朋友大力推薦下，便去晶輝飯店一試。到了奧運站後，在橫街一直走，不用五分鐘便到。飯店不起眼，但很有一份親切感。 見佢裝修是以打邊爐為主，但今次來是吃小菜 ， 所以便點了三個小菜試一試。兩人坐下後便立刻看自己心水的菠蘿咕嚕肉，之後叫了一個酥炸魷魚絲小炒及金銀蛋波菜。 落單的姨姨態度十分殷勤及親切，還大力推介我食炆鴨，但我一心想食咕嚕肉所以推卻了。總結之下，各小菜味道一流，風味十足，值得推介！…查看更多