晉旺飯店

营业中

休息中

本身雞煲係麻辣味，但因為我唔太食辣，所以老闆幫我哋轉左豆豉雞煲，非常有鑊氣，煮得好滑一啲都唔嚡，同埋份量好足，冇難聞嘅雞味。另外雞煲仲有好多青椒紅椒黃椒，洋蔥、蒜頭亦都好提鮮，兩個人好夠食！另外，蜜糖雞翼絕對係我點解咁鍾意晉旺嘅原因，雞翼好大隻，冇雪味，以調味啱啱好，雞翼超滑，睇得出佢係立即炸，然後再加啲蜜糖汁喺上面，依個係送飯一流之選！最後我哋仲嗌咗碟清炒西芹，調味剛剛好，唔太鹹但夠味，冇得彈！附近嘅街坊真係可以去試吓，我自己就食咗幾次晚市，覺得個水準一直都維持喺非常滿意嘅程度，所以我都寫咗篇食評，而另外我最鍾意就係紅燒乳鴿同埋荷葉龍躉炒飯，大家都可以去試吓！

每次番office都好難得齊人，當每次湊夠相應人數（6位以上），就會諗住「不如去晉旺吖」「咁等我訂位先」，呢間位係巷仔內的中菜館，午餐時間基本上無訂位係無walk-in，長期爆滿㗎！好多時中式鑊氣小炒的老闆都有返咁上下年紀😏，而晉旺老闆係年輕夫婦，小妹由去年年尾開始接觸晉旺飯店，從此變成返工齊人約食晏的飯菜館👏🏻👏🏻👏🏻👏🏻呢大半年都幫襯咗5、6次，基乎每次都非常滿意❤️❤️，今次終於願意分享呢間鰂魚涌中菜館比大家😎😎😎菜館內本身都有唔少金句，非常有特色，大家嚟食時不妨留意一下😊是日都係單點，共叫咗7個菜式如下：1️⃣招牌炸子雞（全隻）外皮脆卜卜、雞肉肉質好嫩滑❣️2️⃣炸脆皮鹹豬手脆皮嫩肉有口感，味道唔會太鹹，惹味🤤3️⃣籠仔蒜香龍躉片飯籠仔飯唔會乾柴柴，係好出名嘅菜式！4️⃣南乳粗齋煲第一次叫齋煲咋，出色又好味😍😍5️⃣欖角醬燒骨比咕嚕肉更甜蜜蜜，鑊氣夠勁、燒骨肉與外脆內腍，仲被甜甜的欖角醬包圍😍小妹一人仲食咗三件添🥳6️⃣海味粉絲什菜煲均衡營養，相對清淡嘅菜色，安撫返濃味的舌尖🌝🌝7️⃣金沙明蝦球鹹蛋炒蝦🍤，小吃多滋味丫🎉夾剩的金沙醬沾豬手食，係另一番風味❣️晉旺啲燉湯都非常足料及好飲，可惜今次人數不多怕浪費食物🥹

今日同一班舊同學食飯，揀食中菜🥢，因為人多可以叫多幾款試多啲唔同野😆濃味和清淡嘅餸都有🤪我哋總共叫左九款小菜，整體都十分滿意🤤 我個人特別鍾意有⚡️個幾款😋 但其他嗰啲都好食嘅😎七味脆豆腐🫔椒鹽蠔珠🧆煎釀虎皮尖椒🥗魚香肉鬆茄子煲🍆⚡️菠蘿咕嚕肉🍍，酥脆甘香，配上甜甜酸酸嘅醬汁清新惹味，醒胃之選😚⚡️蠔仔粥🦪，好食夠味，仲有好多蠔仔👍🏻⚡️上湯海鮮雜菜煲🍲，份量非常之足，入面的雜菇雜菜蝦乾同粉絲底好豐富😉⚡️台式三杯雞煲🍖， 個雞肉質好嫩滑，香氣撲鼻，味道濃郁🤩⚡️籠仔蒜香蝦飯🍛，個籠仔飯好出色，上面有好多蒜蓉，蝦嘅肉質又彈牙🤓

之前冇book 黎到冇得食 今日終於book 返黎食✨脆皮燒乳鴿 真係燒到脆皮 好香但又唔會燒到好乾😋😋肉仲好嫩 好食👍🏻✨沙薑雞煲 $148呢個都好好食 個雞超嫩滑😆 同埋係超入味 佢唔只外面有沙薑味 啲沙薑味係直頭入埋肉裡面 推介黎到要試👍🏻👍🏻✨椒鹽蠔珠 個炸粉好薄 啲蠔都幾肥美 有蠔香 啲椒鹽味都好香👍🏻🍺啤酒 $32總括黎講全部小菜都好好味👍🏻👍🏻 座位都好舒服 冷氣足 又鬆動 成間餐廳仲貼左啲好得意嘅字句 ‘被逼營業’，‘此處禁止不開心’ 味道❤️❤️❤️❤️💔抵食❤️❤️❤️💔服務❤️❤️❤️💔環境❤️❤️❤️💔💰晚餐人均～$195（唔洗+1）

最近同朋友聚會去咗呢間餐廳食小菜叫左5樣野總體嚟講都不錯生炒糯米飯用料夠，臘腸潤腸比例岩岩好，糯米飯炒得鬆軟，唔會黐埋一嚿嚿👏🏻咕嚕肉正正常常，真材實料，炸粉唔會太厚蝦仁炒蛋蛋炒得非常滑，蝦仁大又爽口，仲加埋蘑菇落去，成碟菜變得好香蠔仔粥蠔仔份量好多，大地魚碎增加鹹香味，另外湯底冇落味精，飲落唔鹹欖菜肉碎四季豆相對失色，四季豆有渣，成碟唔係好夠味。餐廳座位有限，記住要預約

小炒之選一直都好想試呢間，今日收工1845去到，只剩番一張4人枱，真係好彩今次點左：虎皮尖椒九層塔炒薄殻𧐢仔煎蛋籠仔排骨蒸陳村粉油鹽水花甲所有餸都係水準之作，價錢合理

素聞呢間小店小炒不錯，今晚特意跑來和家人慶祝。先點咗3個前菜小黃瓜、椒鹽雞軟骨、鍋貼小棠菜尚算不錯。籠仔蒜香龍𧄌片飯$98夠抵食，但沙嗲牛肉炒芥蘭$138，生煎墨魚餅份量少$108略嫌偏貴。最後加左半隻炸子雞有驚喜，皮脆肉嫩，值得一試。

今日年初二，屋企人少少又唔想去太遠，近近地求其搵左間小酒家食晚飯，店鋪位於毫不起眼的小巷內，但食物質素竟然有驚喜！金沙蝦球（$188）咸蛋黃好多，咸香味濃又撲鼻，佐酒一流！蒸蓉蒸斑腩（$198）蒸得好滑又唔腥。鮑魚小炒皇（$168）好足料，有原隻鮑魚粒，蝦乾，土魷絲，冬菇絲，腰果，包羅萬有。雖然店鋪很少，亦坐得有點擠迫，店員人手不足，落單和埋單都要等好耐先有人應，但整體食物高質，有鑊氣，價錢合理！

家人生日，見到店有我最愛的蠔餅馬上決定叫這家的外賣，小菜出色，炸子雞好味鮮嫩，鹹蛋蝦新鮮又夠味，我最愛的蠔餅十分鮮味，甚至比所謂大集團的好味許多價錢又合理，乳鴿味道正常炸得有點過火但都ok，龍躉片飯調味很足而且十分鮮味

本來開開心心和女友分享一直想吃的陳村粉，點知一回家打開蓋吃了幾口發生多舊排骨都係生嘅，東主聲稱蒸了廿分鐘，如果一打開見到無食都無咁嬲，食左幾啖先知更加擔心，話哂豬肉，生肉撈埋d粉可大可小，最後搞到腸胃炎又發燒真麻煩！

老闆人很好，食物比連鎖大酒樓有水準。乳鴿夠juicy ，筍殼魚炸得好香，肉質新鮮，炸子雞外脆內嫩，菜脯蠔仔煎蛋夠香口！舖仔細細，但有濃厚人情味，支持香港小店，讚讚讚！

據聞某大集團班底頂左這個舖位，專做午市及晚飯，開業無耐已見人頭擁擁，心郁郁要試下。是晚一行四人，點了燒乳鴿、魚香茄子煲、翠塘蒸豆腐及欖角醬燒骨，出品有酒樓級數。醬燒骨味道不錯，肉嫩皮脆，醬汁剛好包住排骨，值得推薦。乳鴿皮脆肉嫩，$55一隻不算貴。 可是地方不大，枱與枱之間比較迫，坐得冇大酒樓咁舒服。服務還算可以，會定時添茶水。連同兩個白飯，埋單共$369，還有生果盤送，不設加一，高性價比，不坊一試。😋😋

無意間經過見到新開咗一間飯店決定入去試吓佢嘅晚市。叫咗一個二人三個人分好夠食，前菜杏汁豬肺湯好夠味又足料😋👍🏻最出名嘅乳鴿皮脆肉嫩🤤蝦球好有肉地大大粒小菜好夠火候，師傅係以前太古中菜廳既大廚，食得出用心👍🏻👍🏻最後仲有水果送添🔥老闆仲走過嚟傾偈，好friendly 多謝老闆杯鹹檸七！！由於啱啱新開張所以冇乜新客人，但係依然有好多舊客支持所以都應該有啲功底😂😂佢仲有好多時令海鮮非常吸引，但係嗰日食到好飽所以冇機會試意料之外咁滿意嘅一餐😎😎👏🏻