時代豆業

营业中

休息中

諗住去附近買個快餐就索性去嗰度買個粢飯套餐食得粢飯都期望佢熱辣辣點知舊飯係凍嘅，呢樣真係完全估佢唔到啲飯又濕餡又少個飯包得唔實，一路食啲餡就一路跌出嚟真係免費送俾我都唔想食

中式傳統糕點係我每次經過深水埗都會想買啲過吓口癮嘅小食😙可惜今次喺銅鑼灣呢間多年來屹立不倒嘅小店就試錯嘢😥平時都總有幾個人堆埋一齊喺度揀㗎~我見冇人先企喺度慢慢睇!見到$9一件, $22有三件, 抵咁多!!!所以試咗三款🙋🏻‍♀️<<黃金糕>>冇味！硬到爆！我食咗兩啖，棄咗🌚完。<<砵仔糕>>其實都唔係特別好食~我揀佢都只係因為佢冇豆😂口感偏厚實~<<菜圃茶果>>都嫌佢嘅糯米皮太過軟糯，口感爭咗少少😅餡料亦都唔多! 呢個真係純粹過口癮先食!如果減肥人士食，絕對係嘥quota🥹

今日同同事食完lunch行返公司經過呢間時代豆業好多人排隊，抱住羊群心理既我地又排埋一份，原來係賣傳統特色小食，有白糖糕、砵仔糕、芝麻卷等等，仲有地道茶粿，咁多選擇唔知點揀好，最後我地每款買左一兩件拎返公司做下午茶，我最欣賞佢地既砵仔糕，彈牙之餘又有好多紅豆粒，最岩我平時叫開砵仔糕多豆，同事買左白糖糕都好煙韌但相對比較甜，如果甜度降低少少就更好除左呢啲經典懷舊小食之外，呢間小店每逢過年都會推出年糕蘿蔔糕等等，出年有機會試下好唔好食先得

最近對中式糕點有興趣左，經過銅記想起有間賣中式糕點的店，主打中式糕點店真係賣少見少，即去睇下，糕點有好多款選擇，但同時好多售罄，已有幾款心水必食。眉豆茶果，豆沙燒餅、砵仔糕及豆沙卷-$9件、$17/2件、$20/3件。眉豆茶果，好耐冇食過呢款茶果，內餡適中，鹹鹹甜甜，正常水準。豆沙燒餅，好大件，口感煙韌，豆沙內餡適中，正常水準。砵仔糕，據聞出名，但味道普通，口感厚實，冇米香又夠甜。豆沙卷，香蕉糕，口感軟糯，豆沙香甜。黑芝麻卷，$15，好大件，因為據聞好味加上童年回憶而買，真係好耐冇食過菲林卷， 口感軟滑，黑芝麻味濃郁，甜而不膩，幾美味呢。班蘭糕，口感煙韌，味道太淡，冇乜班蘭糕黃金糕，口感煙韌，味道太淡。味道上有好有唔好，黑芝麻卷幾好，糕點款式好多，下次有機都會再試呢。

唔知有冇人都鐘意食下香港傳統既糕點😳，呢間有同事買過請我食覺得都唔錯😋，所以去開鵝頸橋附近都會買黎食，勝在款式多又唔算貴，味道都ok。🔅砵仔糕 ($20/3)$20有3隻咁大隻其實唔算貴😌，單隻買就偏貴($9/1; $17/2; $20/3)。食落唔會好甜，好滑好彈牙👍🏻。🔅花生糯米糍 ($20/3)廢事食咁多砵仔糕所以搭左隻糯米糍🤣。大約5cm左右都算大粒，唔會好厚皮，唔算太甜都唔錯。🔅黑芝麻卷 ($15)芝麻卷好似幾難整，所以唔係好多地方有得賣，見到呢到有梗係買黎試下😋。食落好滑幾香芝麻味，都幾彈牙👍🏻。💬舖頭仲有好多款懷舊小食，同埋睇openrice舖頭好似開到11點😳，所以食完晚餐再買少少返屋企食都唔錯😎。

經過 見到喜板餅 剛出爐就停底 買下先喜板餅見都未見過食落像沾米粉整既糕感味有清甜西米糕(豆沙)入口食到粒粒既口咬西米就不太出豆沙量就不太夠砵仔糕滑得黎又彈牙甜度剛好紅豆就相對 其他店少結 : 推薦 砵仔糕👍🏻#砵仔糕#西米糕#喜板餅#時代豆業

我真係唔明點解咁多人排隊…價錢唔係平，食品質素仲唔係高。砵仔糕一個$9香蕉糕20蚊三件個香蕉糕真係甜到……好似食緊砂糖入口唔食識欣賞….. 咬左一啖真係想吐番出黎…真係好甜好甜…. 同埋個口感同我想像中有啲出入😅😅😅口味既野都好個人，不喜勿插。

在viutv 飲食節目 偶然見到介紹茶粿的一集其中就有這間銅鑼灣鬧市小食店平日早上經過銅鑼灣 見到有許多婆婆排隊購買就隨緣買來嚐嚐白糖糕 黃糖糕 豆沙餅黃豆 奶皇 白糖味茶粿雞屎藤都是20/3 個隨意配搭 親民價格一入口果然不俗在香港好少可以找到完全無加糖的中式點心而這裡的雞屎藤就是無糖的口味很驚喜只有食材本來清新的植物/雞屎藤 味道 糯米粉 黏米粉的配比也剛剛好入口即化 既有咬口 又不會過於煙韌下次要試埋唔同口味的茶粿上午11點雞屎藤已經賣到過一半想要嚐鮮需要更早前往

小店有好多港式懷舊糕點，眼花撩亂，很多款式都係$20/3件，所以叫了6款啡豆砵仔糕 - 無米香質感好實，多豆但無豆味芝麻糕 - 唔甜但芝麻味亦很淡黃金糕 - 質感偏煙韌，無味豆沙卷 - 香蕉糕味道覆蓋所有班蘭糕 - 無班蘭味芝麻茶果 - 味道不錯，內有香香的芝麻味

呢間食過好多次👉🏻👈🏻所以今次真係好失望每次過開銅鑼灣都會買返屋企食😍佢唔係話特別好食🙃而係一種兒時回憶星期五老公去左呢到附近返學就叫佢買我最鍾意食嘅砵仔糕俾我買左佢3件我今朝食左一件都係冇問題👍🏻點知到老公食嗰陣發現有呢塊野🤬真係好危險好彩呢塊膠片大大塊重要戒手🔥🔥我真係唔知會唔會食到其他碎片剩返嗰舊我都係調左去就算😱好彩食之前發現🙄希望呢個情況唔會再發生喺其他人身上亦都希望舖頭可以好好管理自己嘅食物質素之後我都有ig 同舖頭講返佢哋都好好態度同埋之後話返俾我聽發生咗咩事👍🏻希望呢啲意外唔會再發生🙋🏻‍♀️但欣賞呢間舖頭唔係就咁同你講句唔好意思就冇咗件事佢地會問清楚同想改善👍🏻

半夜流連銅鑼灣，見到間野仲有好多人光襯，以為好好味，買了塊紅棗糕，相當無紅棗味，食完懷疑人生，酒樓的比較好。之後。我叫了芝麻卷，呢條卷有料道，唔係講笑，濃濃的芝麻，真材實料也，值得一吃再吃。

喺附近食完晚餐，送咗朋友上巴士之後，發現夜媽媽呢間糕點店，都keep住有幾個人排住隊幫襯， 所以我就懷疑呢間糕點店好好食咁就順便買咗幾件糕點返屋企印象特別深刻係個黑芝麻卷，好香，食到黑芝麻味，亦都好彈牙， 個口感啱啱好， 雖然其他糕點冇乜特別大嘅印象， 不過總括嚟講係好食嘅， 因為其實有陣時，唔好彩係出面啲糕點店，你可能會食到啲乾咗，或者硬咗嘅糕點， 呢間就彈牙新鮮嘅， 而且咁多人幫襯，相信啲食品糕點嘅流轉都快， 唔怕買到啲唔新鮮嘅糕點

店面細細間想起當年有時收工或上課之會去買當晚餐不時都要排隊才能買它的芝麻卷又名菲林卷味道不錯家人也很喜歡今天經過沒人排隊選了$20元任選3件砵仔糕煙煙靭靭的口感又多紅豆，甜度適中2件馬豆糕馬豆多好有口感，甜度是清清甜甜的還有很多不同款式的中式甜點可供選擇

$20/3件 揀咗砵仔糕 好香黃糖味 幾煙韌!!推薦 另外揀咗咸既眉豆茶果 好失望🤦🏻‍♀️只可以用難食形容 皮厚 唔煙韌 料唔足 食咗兩啖無再食🥲仲有買埋馬蹄糕 有馬蹄粒但唔夠多 入口清甜 好彈牙 幾好食😋P.S 之前食過其他糕點 都係砵仔糕最好食

有一晚經過，見到個櫃寫住有黃金糕，其實已經行過咗舖頭，都即刻返番轉頭買。新年時食唔到，今日終於俾我見返佢🥺返屋企先蒸3分鐘，然後再慢火煎到佢金黃色。哇！個質感好得意！唔甜！好食！下次會再買！