春潤堂

琴日下午去買外賣，已經有人排緊隊，個店員：一個阿嬸，無視客人排隊，佢見到㗎，但繼續係後面廚房洗碗，之後有人入去坐，繼續無視買外賣嘅人，幫堂食嘅兩個客人落單。等咗大約10分鐘，佢終於幫我落單，我講咗3次加甜醬，佢都冇理我！到我大聲同佢講多次，佢話：你講幾多次都冇用架啦，我都聽唔到！😡 我終於明白呢間嘢做咩咁多人排隊！咪因為佢啲嘢好食，係因為呢個阿嬸手腳慢，就算你排第一，都要等成15分鐘以上先到你！有老板娘係到唔係咁㗎！唔想做咪唔好做囉！…查看更多

去到嗰度啊等外賣呀，一個好老嘅阿姐喺度買嘢嘅，要你企喺度等咗成三四個字，佢都當你唔存在，同佢講嘢唔應你呀，仲鬧翻你轉頭，咁做生意喔，態度好差，你間舖頭雖然做得耐，但都唔應該用啲咁嘅態度對客人囉，生意太好啊，所以對d客人態度好差…查看更多

今日兩口子路經深水埗掃平貨，春潤堂居然有開堂食又有位，實在無辦法唔坐低，安撫下自己久違了油渣麵的味蕾。小店真係好細，主要做外賣生意，我哋食到汗流浹背，但滿足了味蕾。麵質一向彈牙，唔淋，豬腸油渣經店主精心炮製，肥瘦適中，又香又有咬口。佢湯底好清，因為預咗我哋加菜莆，店內菜莆有分辣同唔辣，配埋個湯味道剛剛好。另一推介加餸要加韮菜豬紅，豬紅好滑又炆得入味，我哋兩碗都有加，另外都加了魚肉，一樣煙韌彈牙。總有碗麵令人回味。…查看更多

因疫症期間，小小的春潤堂不設堂食，所以都好耐無專誠去幫襯。前兩日落去花墟買花，見有人出食評已開返堂食。所以就專登由火車站行過去滿足一下久違了嘅邪惡👿油渣麵呢幾年物價狂升，小店能夠繼續生存絕非易事。難得佢哋嘅價錢仍然好穩定。$42大大碗豬腸油渣麵，加餸都係$7/款。油渣仍然係彈牙爽口，乾乾淨淨。唔會有油溢味或炸到硬掘掘。豬腸亦都唔係坊間嘅豬腸，完全係無肥膏係腸裡面，店主處理豬腸時用小腸，並將豬腸剪開，將肥膏剪走後才炆淋。繁複嘅工序就可參透小店嘅心機。作為食客，可免除一向食guilty food 嘅罪惡感。亦到深神領會店主對食物烹煮嘅執着同用心。仲有，千祈唔好忘記落菜脯。佢哋菜脯有分辣同唔辣。兩款都係店主用心自家製作。雖然食到身水身汗，但為咗食碗正油渣麵，絕對值得嘅⋯⋯…查看更多

人生第二次食豬油渣麵，第一次喺元朗，間舖早已不存在；今次就嚟到太子嘅春潤堂。呢度以外賣為主，堂食只有幾個座位。豬油渣麵應該係小店名物，我見好多人都有叫，官方推介係配豬大腸，但我唔食，所以就揀咗配車仔麵嘅餸：魷魚同牛筋丸。首先要讚下啲豬油渣，份量多，炸得香脆惹味，每食一嚿，邪惡感頓生😂。兩個餸以牛筋丸較出色，有咬口亦有牛脂味，魷魚都有咬口但味道較淡，感覺浸水久了。麵嘅湯底只有一小片冬菇，其他配料欠奉，一點也不油膩，配埋白身嘅上海麵，味道略嫌清淡。不過回心一想，這樣也好，可以中和豬油渣的邪惡。…查看更多

行過路過唔好錯過系列，呢間都算係太子名物，行過見到竟然唔洗排隊就立即走入去食返碗豬油渣麵。我叫咗豬油渣加豬大腸加豬皮的油麵，$49大大碗，仲加咗沙嗲汁。呢間小店最出名係豬油渣，所以係必點嘅，味道真係唔錯，幾足料都有幾多豬油渣。佢呢度嘅豬大腸同平時食到嘅好唔同，雖然洗得好乾淨，不過我自己就鍾意平時食到煙煙韌韌嗰種而唔係比較爽口嘅呢種。豬皮都夠入味，爽口，都幾正。估唔到碗麵包埋韭菜腐皮同芽菜。…查看更多

大隻仔今次覓食嘅店舖就係💥 春潤堂 💥 由於餐廳座位少，主打外賣，任何時間都有大量客人，為免阻礙餐廳做生意，大隻仔今日一早11:15 就到達餐廳食豬油渣麵，餐廳剛剛開門，大隻仔係第一個客人。😂😂店舖最馳名就係豬油渣麵，另外有賣碗仔翅、生菜魚肉、餃子、車仔麵等等。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 馳名油渣麵（細碗） $32上海麵配上大大小小10多粒豬油渣加上一粒花茹。花茹超級好食，但得1/4粒，夠厚肉，好香、好重冬菇味道。豬油渣非常好食，冇煮濃，冇苦澀味，外皮少少脆口，中間保留肥膏，咬落充滿豬油香，食完會想再食。上海麵冇煮過淋，湯底比較清淡，食完唔會口渴，加上菜脯拌均湯食更加滋味。（另可以大碗 $42）🔥 魚蛋+燒賣 $10😋 咖喱魚蛋（4粒）魚蛋本身算彈牙有少少魚味，但咖喱唔算太入味，可能啱啱開門關係，煮既時間未夠。😋 燒賣（4粒）蒸嘅時間足夠，燒賣比魚蛋好食。（另魚蛋$10九粒/燒賣$10七粒）溫馨提示：餐廳供應辣菜脯、鹹菜脯、麻油、酸醋，有需要可以添加，增加味道。老闆娘對客人有禮貌，小店經營一腳踢，多客人時候，大家需要體諒。…查看更多

呢間油渣麵我細細個由媽咪帶我黎食，一路食左幾十年，老闆已由第二代接手多年，水準依然不變！依舊咁好食！每次都一定要食油渣麵同兩溝（即係碗仔翅溝魚肉）油渣麵嘅油渣軟硬適中，外面少少脆、𥚃面有肉汁，而且冇油益味！食個陣必定要加菜脯，有辣有唔辣，我重口味就食辣菜脯，咬落爽脆，撈埋麵一齊食真係好好味碗仔翅店員好細心會問你要唔要落醋、麻油、胡椒粉？我就落齊，魚肉煙韌同碗仔翅味道好夾👍🏻👍🏻小店用心做，值得支持🙌🏻🙌🏻…查看更多

日光日白，大角嘴英姐未開門。個人困咗咁耐，心思思想食返碗油渣麵。唯有專誠出去太子，去春潤堂買外賣。疫情期間，店主得返one man band、 所以堂食欠奉。近期食咗好多外賣店，食物質素都比唔上堂食。今次千里迢迢去到太子買，再坐車返屋企。回程大概半個鐘。但浸住咁耐，碗油渣麵水準保持一向高水平，油渣淋又不油膩。麵質爽口彈牙，豬腸爽脆又無異味。另加埋車仔餸魚蛋，腸仔，豬皮蘿蔔。真係一飽口福。三碗油渣麵，再加一碗車仔淨餸，夾埋都係$130…查看更多

位於大埔道嘅春潤堂，第一次試佢哋嘅豬油渣麵，湯底唔錯，而家唔覺口渴⋯今日叫咗豬油渣麵配豬皮，共銀$37；豬皮好好味，特別係佢吸晒D湯汁，正！豬油渣可以選擇淋或脆口，一個字「好味」！麵又好滑口，而且份量好大，夠曬飽肚，正正正⋯✌🏻…查看更多

突然突然,好想食上海麵,對腳就自動行左春潤堂,今次真係好專心,只點左竹笙同魚肉,上海粗麵,更係仲有最愛既辣菜脯~今次食麻辣湯底,要中辣,其實麻辣同酸辣湯的話,係配有少少韮菜,腐皮,同埋芽菜既.今次返到屋企乜都唔做,食左先~今日仲有廿三廿四既鐵觀音配埋,麻辣湯唔算辣,我覺得係菜脯既辣多D,不過都好好味吖.我親愛既上海粗麵,你好嗎?軟硬有致,彈牙,又似烏冬咁滑,真係好好食.竹笙寶寶,細細條,不過,上星期買乾貨果時,叔叔話今年d 竹笙貴左好多,一兩都成$60,所以, ok 啦^^hello,腐皮韮菜芽菜~個個都知我唔食蔥,就係除左春潤堂既魚肉,有蔥我都會照食既XDDDD真係唔知點解,哩D魚肉唔係真係全魚肉,但係就係覺得好好食,唔係間間都係做到咁,哩D 可能都同細過食過既記憶有關.…查看更多

想食上海麵,又唔食豬肉,有時真係好難搞XD次次都要同店家解釋一番,仲會比人誤會為回教徒XDD去春潤堂買碗麵食先,睇定有咩餸....的確,唔食豬係有d 難既,不過我已經諗好啦,主要目標係辣菜脯同上海麵,加埋魚肉,蘿蔔,牛筋丸,竹笙,原來佢地唔係逐樣加錢,而係大細碗咁計(?),我到依家都唔知點計,不過只知大碗唔洗$50,佢碗仔翅有豬肉,唔係我一定唔放過佢,返到去放低,做埋d 家務先食,好彩上海麵唔易發脹,冇影響口感,牛丸爽口,蘿蔔好焾,竹笙素左d 辣菜脯味好正,不過下次我應該唔咁貪心,淨係辣菜脯魚肉上海麵就夠曬嚕.…查看更多

試下馳名既油渣麵—春潤堂📍 深水埗大埔道14-16號華都大廈2號舖（其實係太子黎，近警察俱樂部）豬紅豬腸油渣麵🌟7/10豬紅同豬腸都無內臟個種騷味/唔好食既味道～麵質都ok,可惜湯底有少許鹼水味.油渣太大舊而且炸得唔夠脆,不過可能同外賣焗住有關辣菜甫係必試‼️配舊油渣一齊食～十分惹味‼️🚨油渣同內臟係非常高膽固醇間唔使過口癮就好了～不宜多吃❣️…查看更多

窮遊香港-試試太子馳名油渣麵 話說喺網上面 飲食男女 果籽 見到好多介紹呢間店嘅影片 出名招牌油渣麵 我又去左試試 今日天氣開始熱30度 叫小食外賣試試先.⭐️生菜魚肉 $20即叫即整 相比幾年前 加咗價好多👌🏻魚肉口感 好軟熟 晶凝通透 （呢個形容好似怪左小小）👎🏻但唔係我想像中嘅魚肉feel 🤔似加咗粉漿👎🏻亦都因為咁 可能魚肉比例原因 魚味只有小小👌🏻湯底好香 胡椒粉 同麻油 但底湯偏味精評價唔高2.5分啦.⭐️魚肉燒賣 $5 5粒口口感咁似上面魚肉既？但呢粒好食好多 落咗少少辣椒油👍🏻有魚香 👍🏻夠軟熟 4分.⭐️極品麻辣雞腳$12 （3隻）係冰凍嘅 夏天食到凍野 會好開心聞起黎 好香 泡椒辣味👍🏻一入口 第一啖 雞皮口感 好爽彈高分🥵但過左2秒 fk 中辣 媽呀 好辣堅持唔嘥嘢嘅我 食晒三隻🥵越食越辣 變咗孖膶腸 嘴唇紅晒🥵最後大概 大辣至大大辣之間呢個時候有少少頭痛🔥淨係想講 水呀！比水我呀！完（呢個辣味唔太享受到）（歡迎鍾意辣既朋友去挑戰）.可能有人會問 咁招牌豬油渣麵 好唔好食呢？🤦🏻‍♀️對唔住 我戰死左 所以我冇試到😂（題外話：同日深夜 菊花開咗）. #春潤堂 (深水埗)垛址：深水埗大埔道14-16號華都大廈2號舖.⭐️評分：味道：2.5/5環境：3/5 外賣服務：3/5 外賣抵食：3.5/5 唔算貴 但相比幾年前加價好多…查看更多

早已聽聞這裡的韮菜豬紅好味，但每當經過總是了座無虛席，一直也無緣一試；早前路過竟然有位，就一於試試。豬紅韮菜～$28滑溜中帶煙韌，有種黏牙的感覺；韮菜亦嫩而無渣，水準不錯份量也不少。魚蛋～$10/12粒要了少辣口感爽彈、香辣惹味，$10/12粒，好抵食呀。聽説這裡的油渣麵、豬腸、蘿蔔加辣菜甫也非常出色，找日沒有這麼多人排隊，一於買來試吓。春潤堂地址: 深水埗大埔道14-16號華都大廈2號舖電話: 27882383…查看更多