春潤堂

琴日下午去买外卖，已经有人排紧队，个店员：一个阿婶，无视客人排队，佢见到㗎，但继续系后面厨房洗碗，之后有人入去坐，继续无视买外卖嘅人，帮堂食嘅两个客人落单。等咗大约10分钟，佢终于帮我落单，我讲咗3次加甜酱，佢都冇理我！到我大声同佢讲多次，佢话：你讲几多次都冇用架啦，我都听唔到！😡 我终于明白呢间嘢做咩咁多人排队！咪因为佢啲嘢好食，系因为呢个阿婶手脚慢，就算你排第一，都要等成15分钟以上先到你！有老板娘系到唔系咁㗎！唔想做咪唔好做啰！…Read More

去到𠮶度啊等外卖呀，一个好老嘅阿姐喺度买嘢嘅，要你企喺度等咗成三四个字，佢都当你唔存在，同佢讲嘢唔应你呀，仲闹翻你转头，咁做生意喔，态度好差，你间舖头虽然做得耐，但都唔应该用啲咁嘅态度对客人啰，生意太好啊，所以对d客人态度好差…Read More

今日两口子路经深水埗扫平货，春润堂居然有开堂食又有位，实在无办法唔坐低，安抚下自己久违了油渣面的味蕾。小店真系好细，主要做外卖生意，我哋食到汗流浃背，但满足了味蕾。面质一向弹牙，唔淋，猪肠油渣经店主精心炮制，肥瘦适中，又香又有咬口。佢汤底好清，因为预咗我哋加菜莆，店内菜莆有分辣同唔辣，配埋个汤味道刚刚好。另一推介加𩠌要加韮菜猪红，猪红好滑又炆得入味，我哋两碗都有加，另外都加了鱼肉，一样烟韧弹牙。总有碗面令人回味。…Read More

因疫症期间，小小的春润堂不设堂食，所以都好耐无专诚去帮衬。前两日落去花墟买花，见有人出食评已开返堂食。所以就专登由火车站行过去满足一下久违了嘅邪恶👿油渣面呢几年物价狂升，小店能够继续生存绝非易事。难得佢哋嘅价钱仍然好稳定。$42大大碗猪肠油渣面，加𩠌都系$7/款。油渣仍然系弹牙爽口，干干净净。唔会有油溢味或炸到硬掘掘。猪肠亦都唔系坊间嘅猪肠，完全系无肥膏系肠里面，店主处理猪肠时用小肠，并将猪肠剪开，将肥膏剪走后才炆淋。繁复嘅工序就可参透小店嘅心机。作为食客，可免除一向食guilty food 嘅罪恶感。亦到深神领会店主对食物烹煮嘅执着同用心。仲有，千祈唔好忘记落菜脯。佢哋菜脯有分辣同唔辣。两款都系店主用心自家制作。虽然食到身水身汗，但为咗食碗正油渣面，绝对值得嘅⋯⋯…Read More

人生第二次食猪油渣面，第一次喺元朗，间舖早已不存在；今次就嚟到太子嘅春润堂。呢度以外卖为主，堂食只有几个座位。猪油渣面应该系小店名物，我见好多人都有叫，官方推介系配猪大肠，但我唔食，所以就拣咗配车仔面嘅𩠌：鱿鱼同牛筋丸。首先要赞下啲猪油渣，份量多，炸得香脆惹味，每食一嚿，邪恶感顿生😂。两个𩠌以牛筋丸较出色，有咬口亦有牛脂味，鱿鱼都有咬口但味道较淡，感觉浸水久了。面嘅汤底只有一小片冬菇，其他配料欠奉，一点也不油腻，配埋白身嘅上海面，味道略嫌清淡。不过回心一想，这样也好，可以中和猪油渣的邪恶。…Read More